الموضوع: الذكرى الاولى لاستشهاد صدام حسين

أنا برضه حاسس كده و مبسوط قوي علشان لاقيت حد أنا بافكر زيه من نفس المنظور
ربنا يديم الود :):):):)

المشاركة الأصلية كتبت بواسطة Abu Aly

+
و هو الواحد يسبب الموت و الدمار لمليون و نصف بنى ادم و يجيب الدمار و الاحتلال و الخراب لبلده و للى حواليه و بعدين يقول
الشهاده و هو بيموت طمعان يخش الجنه يبقى خلاص ؟؟ اللى زيه لو ربنا عفى عنه و دخله الجنه هيحاول يولعها و يحاول ينصب نفسه
زعيم الامه العربية و حارس البوابة الشرقية لجنه رضوان ... !!

خلاص لما تدخل انت الجنة (لو ضامن) فكر رب العالمين انه مايغفرلوش و عرفه هو عمل ايه في الدنيا .
وللا أقوللك بلاش تدخله أنت من الأول .
استغفر الله من زلل لساني و لسانك

لا تحكم يا أخي من يدخل و من لا يدخل و الكل يطمع و يأمل و يرجو في الله وليس في أحد
لا تتأله على الله يا ابو على
أنا معاك انه عمل كل البلاوي السودة دي (بس مالكش دعوة بآخرة الراجل, ده بينه و بين ربه)

=====================================
يا اخواننا لا أحد يدافع عن تاريخ صدام حسين
و لا أحد برضه له الحق انه يلعنه أو يقرر رايح جنة وللا نار وللا شهيد وللا لأ
ده مش دفاع عن حرمة انسان مسلم ميت قد ماهو خوف عليكوا انتوا (عاقبة الحكاية دي مش كويسة)

المشاركة الأصلية كتبت بواسطة Abu Aly

صديقى العزيز أبو علي أولا أختلاف الرأي لايفسد الود
هل يستحق هذا الرجل ان يدخل الجنه ؟
لو الجنة بتاعتي .. يبقى لأ بس الجنة بتاعة ربنا وهو أعلم بجواب سؤالك
.. لست انا الذى سوف يدخله الجنه او النار بل اعماله المنكره
الأعمال لا تدخل جنة ولا نارا (لا يدخل أحدكم الجنة بعمله)
.. و انت تعرف جزاء من قتل نفس بغير حق
الجزاء هو القصاص في الدنيا بس تعرف بعد كده في الآخرة ايه الجزاء؟؟؟ أنا ماعرفش

.. نفس واحده فما بالك بملايين البشر ؟
من قتل نفسا فكأنما قتل الناس جميعا ومن أحياها فكمن أحيا الناس جميعا (علي ابن أبي طالب)

هذا حكم الشريعة يا سيدنا و ليس حكم ابو على الغلبان اللى مش ضامن لروحه حاجه لا فى جنه و لا فى نار .. استغفر الله !
انت لم توضح أي حكم محدد , استغفر الله أنا لا سيد ولا حاجه دانا غلبااااااااان

ثم لماذا يا صديقى من يدافع عن صدام و يجعله بطلا و شهيدا - يعنى خلوه ضامن الجنه ! - لماذا لم تتوقف عندها و تقول انهم مخطئين ؟؟
محدش خلاه ضامن الناس كانت بتقول الله يرحمه مات شهيد (أي في موضع شهادة وليس في الجنة بالضرورة)
.. هل حكمك موضوعى ام لانك ميال الى هذا الرأى ؟؟
أنا لا أنكر أني ميال لآرائى (كل الناس كده):)


على العموم سئوالى شرعى و حلال و هو : هل يمن ان يرتكب الانسان افظع و ابشع الجرائم التى يشيب لهولها الولدان و يقول الشهاده فى الثانية الاخيرة و لا نعرف قالها عن ايمان ام قالها على اساس انه لن يخسر شئ لو قالها ويضمن الجنه بعد كل ما فعله هل يقبل الله سبحانه و تعالى
منه ذلك ؟

الاجابة على سؤالك هي نعم قد يحدث ذلك و هناك حوادث كثيرة عن ذلك
لم نسمع فى اى لحظه انه اعلن توبته عما فعل و عما ارتكب من جرائم
التوبة نوع من انواع النية (عزم النية على ترك المعصية و الندم عليها) و النية محلها القلب و التلفظ بها بدعة لأنها بين العبد وربه, و لو كان قال أنا توبت كانوا قالوا بيمثل

ان الله تواب يحب التوابين .. لكن هل تاب صدام او استغفر ربه عن شئ ؟؟ .. لم يحدث !!
هوا انت اطلعت على سريرة الرجل ؟؟ سبحان الله

فلو فعل كل انسان ما فعله صدام و كل الجزارين فى التاريخ كهتلر و هولاكو و شارون لتحول العالم الى فوضى كامله و البديهى ان ربنا سبحانه و تعالى لا يرضى بذلك لان الله ببساطه عدل

رحمة الله تسبق عدله (انت مش بتدعي و تقول اللهم عاملنا برحمتك ولا تعاملنا بعدلك)
و لا تقارن هتلر و شارون هولاكو بصدام في الأخرة لأن العمايل قريبة صحيح ولكن النوايا مختلفة و دول كلهم ما كانوش مسلمين (لا شفاعة و لا رحمة ولا دين حتى من أساسه)

.... المهم يا صديقى انى لم اقرر بنفسى مصير صدام حسين !! انا استفتى قلبى و عقلى كما يفعل كل انسان عندما يفكر فى اى موضوع .. اما مصير صدام فبيد الله وحده .. هل هناك شك فى ذلك يا دكتور ... ده انا غلبان !
بالطبع لاشك ربنا يرحمنا جميعا

وحشتنى والله يا أبو علي أنا بقالي فترة مادخلتش على النتدى ودورت عليك أول مارجعت:)

المشاركة الأصلية كتبت بواسطة Abu Aly

صديقى العزيز عن بعد .. عود احمد للمنتدى كل سنه و انت طيب انت و العائلة الكريمة و كل اهل المنصوره بندر بندر عشان ماحدش يزعل .. و الله وحشتنا ووحشنا منكافتك .. لكن انا واقف لك بالمرصاد !!! يظهر انك كنت قافل العياده فى العيد و حبيت تتسلى على ابو على الغلبان ... ده انا غلبان !! .. والله انا زيك بأقول الجنه و النار مش بتاعتى و معنديش نيه افتح جهنم قطاع خاص لصدام و امثاله .. و مره اخرى ااوكد على هذا المعنى اللى مش محتاج تأكيد .. انا انسان و زى اى انسان بشر باتابع الاخبار و احوال الدنيا و مصدوم مما يحدث فى عالمنا العربى المريض...

طبعا ليس لنا سيطره على العقل و الافكار و لا نستطيع ان نمنع انفسنا حتى لو اردنا من التفكير فى ده و ده و اكيد كل واحد و علامه و عقله و ربنا سبحانه يدعونا للتفكير و التعقل .. كمان صدام يعتبر شخصية عامه و كان له تأثير سلبى بشع على منطقتنا كلها شئنا ام ابينا .. و انا كأنسان
لى حق اتعجب ممن يترحم عليه و يعتبره شهيد و بطل و من اهل الجنه .. انا بعقلى المحدود باعتقد خطأ او صوابا ان عقابه عند ربه فسيكون
عقاب شديد .. اما اذا وسعه الله برحمته فهذا حساب الله سبحانه و تعالى ليس لنا الحق فى نناقش حكمته فى ذلك .
كلام جميل
جايز انا مش متفقه فى الدين زيك لكن انا فهمى هو ان من مات شهيدا فمأله الجنه ؟! هل هو مات شهيد ام لا فى نظرنا نحن فهذا شئ ممكن نختلف عليه .. مؤخرا مثلا حصل خلاف بين المفتى الشيخ على جمعه و بعض الناس حول اذا ما كان الشباب الغارق امام سواحل اوربا شهداء ام لا
خاصة و الشيخ جمعه قال بالحرف انهم " طماعون " .. يعنى الخلاف على هذه المسائل من الطبائع البشرية و مش ابو على لوحده اللى
تعرض هل صدام مات شهيد ام لا
الموضوع بتاع الولاد اللي ماتوا في البحر كان محل النقاش فيه هو (هل كانوا في موضع الشهادة الخاص بطلب الرزق) . لأن يا أبو علي في حاجة اسمها مواضع الشهادة و هي كثيرة زي :
من مات دون ماله و دون عرضه و المطعون و المبطون و الغريق و المحروق .... إلخ

.. و اقتباسا عن طبيب الاسنان اححمد بك سامى فأنا كذلك ( لا انكر انى ميال لارائى .. كل الناس كده ! )
أي خدمة

اما ان الناس لا تدخل الجنه او النار بأعمالها.......... العمل مهم يا مولانا مش كده والا ايه ؟؟
طبعا ما حدش قال انه مش مهم بس النقطة أن رحمة الله هي السبب الأساسي في دخولنا (ان شاء الله جميعا) للجنة.

تقول انى لم اطلع على سريرة الرجل و لا اعرف ان كان تاب ام لا .. يا صديقى من تاب فعليه ان يعلن توبته و ان يعتذر لكل من اساء
اليهم بأعماله : قتلا و تدميرا و تيتما للاولاد و الثروات و الخراب .. هذا اقل واجب
و الله أنا لو مكان الناس اللي أهلم ماتوا و بلادهم ضاعت ما أسامحوا لو باس رجلي

.. لكنه ظل حتى اللحظه الاخيرة متكبرا و تماسك
امام حبل المشنط ليظل فى نظر الناس قويا و جبارا ..ثم انه كان فى النهاية اعدام ميت بعد كل الذل اللى شافه : العساكر الامريكان قاعدين فى حجرة نومه و ابنائه الاثنين قتلا و بلده تم احتلالها و شاهد بأم عينه فى التليفزيون تماثيله تنحطم و اخيرا قبضوا عليه فى حفره .. فى بعد
كده ذل ؟؟؟!!
وهو ده عيب !! هوا كان متماسك علينا و للا قدام جلادينه الأمريكان (اللي كان هدفهم اذلالنا فيه) كان نفسك يا أبو علي تشوف صدام بيعتذر لينا علشان أمريكا جت و هاتموته ؟؟
كنت هاترتاح لو شوفته بعيون زائغة و لسان مرتعش و أرجل خانعة !!! كان المنظر ده هياحسسك ان الراجل تاب وأناب ؟؟؟

هل اعتذر يا استاذى عما سببه لشعبه من مأسى و لو بكلمة واحده ؟؟ ... لم نسمع ذلك
ماكانش ينفع يعتذر خلاص وقت الاعتذار كان عدى.

اما موضوع ان هتلر و هولاكو الخ كانوا غير مسلمين او على حد قولك ( يعنى لا شفاعه و لا رحمه و لا دين من اساسه ) فانا استغرب ان تأتى هذه الجمله منك بالذات لانى اعرف انك انسان معتدل و متسامح ..ثم ان غير المسلمين هم ايضا بشر خلقهم الله سبحانه كما خلقنا و كما قلت انت فرحمة الله واسعة و تشمل الكون كله
معاك, بس الرحمة لها أوجه كثيرة (لا وقت لذكرها) و ليست رحمة الحساب بس .
و ليس من دليل نستند اليه في الشفاعة أو التخفيف عن غير أمتنا (وهذا لاينفي وجودها بالطبع)
و اخيرا فدين معظم البشر على الارض لم يختاروه فمن ولد من اب مسلم اصبح مسلم بالوراثه و كذلك الحال للمسيحين و اليهود و البوذيين و غيرهم .. يعنى ينبغى ان نعمل عملا صالحا ليرحمنا الله عز و جل و لا نكتفى بما اكتسبناه بالوراثه
هوا أنا باتكلم على رجل شارع يهودي وللا حتى بوذي؟؟
هولاكو ده رجل كان هدفه "محو الخلافة الاسلامية" و محو الدنيا بكاملها
و شارون مش محتاج كلام
انما صدام كانت أسبابه غير (وان كانت عمايله وحشية) بس كان بيسيطر على بلد لم يحكمها الا جبار

و لا نغلق على احد ابواب الجنه اولا لان هذا ليس من حقنا و ثانيا لان مشئة الله مختلفة عن مشيئة البشر ..( مش ده كان كلامك ان ربنا و مشيئته و رحمته هى اللى تحدد مين يدخل الجنه و مين النار ؟ ) ....
فيه فرق بين عبد الله وعدو الله (اللي هو عبد برضه ) يعني فرعون هايدخل الجنة؟؟ أبو جهل و زوجته, النمرود مثلا؟؟
فيه فرق شاسع بين الأفراد اللي قياسك فحاكم مسلم طاغية ليس مثل هولاكو (اللي ماعرفش دينه ايه) ولا مثل شارون المحارب الصهيوني ولا مثل المواطن البوذي و لا المسلم و لا المسيحي و لا اليهودي العادي . وجه المقارنة مفقود.

وكمان يا أبو علي لا أنا مولانا و لا بيك
ممكن تقوللي يا باشا :)

من دقنه و افتله !!!! ...هاهاهاهاهاهاهاهاهاهاه

!!!!!!!!!!