انقذونى سيارتى عطلانه والنهارده اجازة

**NaderNabil** · 23-12-2007 08:06 PM

ياريت تصورهلنا فعلا عشان انا مش قادر أتخيل اتكسرت ازاي...أصل المشكلة ان دي حاجة مش سهلة تتكسر و بتقعد بعمر المواتير حتي بعمل العمرات يعني ممكن تعدي النص مليون كيلو و أكتر...

علي فكره متبقاش خايف زيادة عن اللزوم علي عربيتك...ده بينقلب للضد و تلاقي حاجات كتير عمالة تبوظ...أهم حاجة عاملها برفق..و متبقاش متنشن من كل حاجة

المهم متزعلش نفسك و ان شاء الله الموضوع بسيط و العربية هترجع أحسن من الأول:)

**moody2002** · 23-12-2007 08:16 PM

انا صورت عمود الكامه المكسور

**NaderNabil** · 23-12-2007 08:37 PM

يا نهار أزرق!!!!!!

كويس ان مافيش حاجة تانية اتأثرت ...لو عايز الأصلي ممكن تدور في محلات الاستيراد أكيد هتلاقيه..المهم تاخده معاك عشان تاخد زيه بالظبط

ربنا معاك

**moody2002** · 23-12-2007 08:46 PM

الاتيراد المستعمل يعنى مش حينفع صعب ان حد يخلعه من الموتور علشان انا اتصلت بسوسو بتاع الاستيراد قالى لازم تاخد الوش كله ومعه الانجكشن كمان والموبينه ب 1700 علشان كده حدور بكرة ان شاء الله فى الجديد وحشوف احاول اجيب انظف حاجه متشكر للاهتمام ياريت لو حد عارف اى حاجه يساعد اصدى مكان لبيع الجديد

**Ahmed Hassan** · 23-12-2007 08:56 PM

اللي هيبعلك استيراد لازم يكون الموتور "مفروط" طبعا مش هيفكه من موتور مقفول.

طبعا ما تيشتريش الصيني مهما حصل. ممكن اخونا ممدوح يفيدك تجيب منين الكامه الأصليه.

**moody2002** · 23-12-2007 09:01 PM

والله انا منتظركم لغيت الصبح انا اخدت اجازه من الشغل علشان انزل غدا ان شاءالله ياريت ممدوح يرد او اى حد من الاخوة علشان يوفر على المشواروانزل بدرى

**Ahmed Hassan** · 23-12-2007 09:10 PM

انا اتصلت بواحد عنده مركز خدمه هنا في بورسعيد و قاللي ان استيراد ممكن يكون سعر عمود الكامه مع ال"هيد" (المكان اللي الكامه بتركب فيه) حوالي 500

**moody2002** · 23-12-2007 09:13 PM

كويس بس انت عارف الهد عندى سليم وانا بحاول اختصر فى المصاريف وبعدين
متشكر لمجهودك معى والله انا مش عارف اقولكم ايه ونعم الاخوة متشكر جدا جدا ياريت لو عمود لوحده جديد يبقى احسن

**Ahmed Hassan** · 23-12-2007 09:26 PM

حاول تبعت رساله خاصه لممدوح

**ahmedezzat78** · 23-12-2007 10:05 PM

فى واحد اسمه سرور فى حسر السويس فى صف ابو الجوخ و اولاد غانم بعد ابو الجوع باربع عمارات

الراجل ده عندو لبن العصفور للانوس ومن كل حاجه فيه اصلى ومضروب عندوه و كل منهم له سعر

انا مره لاقيت عندو حاجات مش موجوده عند التوكيل و التوكيل هوما اللى بعتونى هناك