انقذونى سيارتى عطلانه والنهارده اجازة

**moody2002** · 22-12-2007 07:06 PM

السياره مرة واحده توقفت بعد مشوار وانا فى الطريق بدور العربيه الموتور بيرعش جامد وبتحاول تقوم ومش بتدور كشفت على الطلمبه سليمه مفيش مشكله والبيجوهات هل ممكن يكون عيب انجكشن المعهم انى جريت العربيه بعربيه اخرى ووصلت للبيت بس عمال افكر هى الرشاشات اللى فيها من النوع القديم
وكنت والعربيه عامله 147000 هل ممكن الرشاشات تسبب ذلك العطل ارجوا الافاده من فضلكم ساعدونى بسمع صضوت مدافع وانا بدور والموتور بيترج جامد جدا ويفصل تانى ايه العمل اغير الرشاشات مع العلم انى نظفتهم اكثر من مرة وشكرا

**tutankhamoun** · 22-12-2007 07:28 PM

ده ممكن يكون مشط ( شريحة كمبيوتر )
علشان هي لما بتتحرق بتعمل كدا في العربية
و الشريحة دي بتتحكم في عمل الرشاشات و السليندرات و البوجيهات ......... يعني هي رأس و قلب السيارات الحديثة
و بتكون مقسومة نصين نص يتحكم في 2 سلندر و النص الأخر يتحكم في ال 2 سلندر التانيين .... و ما يحدث أنه عندما تنحرق هذه الشريحة يكون نصفها فقط هو اللي أتحرق و بيسبب أن 2 سليندر بس اللي بيشتغلو و العربية تترج جامد و بتحس أنك راكب عربية كارو و بتجري على مطبات جامدة ..... صح ؟؟؟
و الأفضل الكشف على السيارة في مركز خدمة محترم و هما هايعرفوا العيب فين بالظبط
و برضه ممكن يكون عيب موبينة ....... و ياريت يكون علشان شريحة الكمبيوتر غالية جدا
أنت عربيتك نوعها أيه ؟؟؟؟؟؟؟؟؟؟؟؟؟؟؟؟؟؟ و موديل كام ؟؟؟؟؟

**moody2002** · 22-12-2007 07:39 PM

شكرا لك على الرد ولكن العربية لا تتحرك مطلقا ولا بتدور كل اللى بيحصل ان الموتور بيترج جامد ولا تسحب ولا تتحرك من مكانها مع ملاحظة انها من يومين شعرت بسخونة بعض الشئ فى الموتور والعربية لانوس 1 موديل 2000

**moody2002** · 22-12-2007 07:48 PM

المشاركة الأصلية كتبت بواسطة moody2002

شكرا لك على الرد ولكن العربية لا تتحرك مطلقا ولا بتدور كل اللى بيحصل ان الموتور بيترج جامد ولا تسحب ولا تتحرك من مكانها مع ملاحظة انها من يومين شعرت بسخونة بعض الشئ فى الموتور والعربية لانوس 1 موديل 2000

ونسيت أقول لك انى اختبرت البويجهات وجدتها تخرج شرارة وسليمة وrbm يشتغل احيانا ويتوقف احيانا ويا لو تعرف ثمتة شريحة الكمبيوتر تكتبة وشكرا لك

**Ahmed Hassan** · 22-12-2007 07:54 PM

ممكن يكون ال Ecu (الكنترول) و ممكت تكون الرشاشات.. بس احتمال ضعيف الا لو كنت حطيت بنزين مغشوش.

لازم تروح مركز صيانه عنده الكمبيوتر بتاعها... و لو قدرت مكن تقنعه يجيب الكمبيوتر و يجي معاك عند العربيه لأن لو كان الكنترول هيكون تغييره سهل في مكانه بدل ما تقطر العربيه تاني.

**tutankhamoun** · 22-12-2007 07:56 PM

شريحة الكمبيوتر في الفيات البونتو ثمنها في التوكيل بالتركيب و تغيير البوجيهات و سلوك البوجيهات كان 3600 جنيه مصري
لأنه لو غير شريحة الكمبيوتر لازم يحط بوجيهات جديدة و يكشف على السلوك كمان

و خارج التوكيل ب حوالي 2000 جنيه

أما اللانوس فلا أعرف في الحقيقة ...... و ممكن تتراوح ما بين 1500 و 2000 جنيه

**moody2002** · 22-12-2007 11:16 PM

انا نزلت تانى ادور العربيه هى دارت لمده دقيقه وبطلت مش المفروض لو الكمبيوتر فيه حاجه يبقى مش بتدور خالص والا ايه انا مش فاهم على العموم انا بسمع صوت تخبيط فى الموتور جامد تفتكر يعنى ايه هى من يومين اصلا كانت درجه حرارة العربيه مش طبيعيه يعنى عاليه شويه ومرة تكون مخنوقه فى السحب ومره تكون كويسه طيب فى حد يقولى علشان ااكد المعلومه بتاعت الكمبيوتر طيب الكمبيوتر بيتحرق ليه رغم انى مش عملت حاجه فى العربيه خلال الفترة ده

**NaderNabil** · 22-12-2007 11:19 PM

أحسن حاجة توديها التوكيل علطوا ..هما هيعرفوا قرارها علطول...و اللي يقولك عليه اعمله و ريح بالك....

يستحسن توديها علي ونش و متجرهاش علشان متتبهدلش....

ربنا معاك

**moody2002** · 22-12-2007 11:56 PM

الله يخليك يا اخلى المشكله انى ساكن بعيد فى 6 اكتوبر وده موضوع صعب شويه

**Ahmed Hassan** · 23-12-2007 03:04 AM

يا سيدي الفاضل متخافش ... الكنترول مش هيكون غالي (ده لو كانت المشكله فيه اصلا).
بس يا ريت متحاولش تدور العربيه تاني.. و متجبش اي ميكانيكي يلعب فيها.

لو تعرف واحد صاحبك معاه لانوس ممكن تركب الكنترول بتاعه هندك و تجرب تدور العربيه و انت هتعرف على طول اذا مان الكنترول هوه السبب و لا لأ.