انقذونى سيارتى عطلانه والنهارده اجازة

**moody2002** · 23-12-2007 10:10 PM

[quote=ahmedezzat78;135625]فى واحد اسمه سرور فى حسر السويس فى صف ابو الجوخ و اولاد غانم بعد ابو الجوع باربع عمارات

الراجل ده عندو لبن العصفور للانوس ومن كل حاجه فيه اصلى ومضروب عندوه و كل منهم له سعر

انا مره لاقيت عندو حاجات مش موجوده عند التوكيل و التوكيل هوما اللى بعتونى هناك[/quot

شكرا لك على الرد والمساعدة بس لو ممكن لو كان معاك رقم اى تليفون لة اكون مشكور ليك جدا علشان انا هدور كتير وانا ساكن فى مدينة 6 اكتوبر علشان اتصل لو وجدتة سوف يختصر على مشوار كبير جدا

**MMamdouh** · 24-12-2007 09:43 AM

طيب لو انت فى اكتوبر يبقى شارع العشرينى قريب ليك

فيه هناك واحد مشهور اوى بتاع استيراد اسمة ابو هاشم اكيد حتلاقى عندة عامود الكامة... ممكن يقولك تشترية ببيت الكامة لان فى الاستيراد بيحاولوا يبيعوا الاجزاء على بعضها...للاسف معديش نمرتة لان كنت بصدر الميكانيكى بتاعى معاه عشان هو اللى كان بيختار قطع الغيار بمزاجة و يفاصلة فى الاسعار كمان

ممكن كمان تشوفة جديد عند ابو الحسن فى شارع بين السرايات... كلم هانى و اسالة 0123824671

غالبا طالما العامود اتكسر حتلاقى عندك صبابات معوجة فا لما تفك الوش راجع على الصبابات و الكستبانات و مجارى الزيت... انا مش مستوعب ليه الكامة اتكسرت بس عموما اى كسر بيبقى حمل زائد او خطا فى التركيب و ممكن نقص زيت... هى العربية دى اتحلت كامتها قبل كدة؟ او حتى الوش؟

لو فيه اى استفسارات ابععتى و انا اجاوبك على طول

MMamdouh

**MMamdouh** · 24-12-2007 10:48 AM

انصحك تغير سير الكاتينة لان احتمال كبير يكون اتعرض لاجهاد و لو الشداد بقالة مدة غيرة بالمرة... انا عارف انها مصاريف زيادة بس انت دلوقتى بتوفر مصنعية تغيير الحاجات دى و بتحمى نفسك من مشاكل انقطاع سير الكاتينة فى المستقبل

MMamdouh

**NaderNabil** · 24-12-2007 01:21 PM

عمود الكامة جديد ولا استيراد؟؟

ابقي طمنا بعد متخلص و ان شاء الله خير :)

**ahmedezzat78** · 24-12-2007 02:31 PM

اولا انا اسف ما دخلتش امبارح شوفت رسالتك

انا سالت فى التوكيل على ضبط التاكيهات قالولى ان الكوستيبانات دى مالهاش ضبط خالص طول العمر

انا نفسى افهم سبب الكسر الغريب ده
انا اعتقد ان ممكن يكون حد لعب فى الوستبانات وا ظبطهاش او ممكن يكون العامود فيه عيب فى الخامه

ما تنساش ضرورى شوف اخبا الصبابات ايه

**moody2002** · 25-12-2007 07:05 PM

بصراحه انا مش عارف لغيت دلوقتى ايه السبب بس احنا غيرنا سير الكاتينه امبارح
وده طبعا بعد مااشتريت عمود الكامه الجديد الاورجنال والميكانيكى طلب منى بليه شداد
كاتينه علشان القديمه تعبت وممكن تكون السبب ومشيت من عنده الساعه 3 الفجر بس بعد ما اطمن على ان العربيه اشتغلت والنهاردعه اشتريت البليه بتاعت الشداد وربنايسهل

**magomago** · 25-12-2007 10:06 PM

ربنا معاك
اكيد العربيه هاتكون كويسه بعد كده انشاء الله

**moody2002** · 26-12-2007 03:50 AM

ربنا يسهل وتكون كويسهانا مش بحب استعجل انا دلوقتى بغير الجونات واى حاجه تقابلنى ومش مستعجل علشان بندور كل يوم شويه وبشوف الاخبار الموتور كويس بس ده حيبان بعد استلامى للعربيه ممكن على يوم الاربعاء او الخميس علشان انا عايز ادور العربيه كتير علشان العمود يلين شويه ومتشكر للاهتمام