يا جودة زى ماقالك باسم مش بنشكك فى كلامك أنت أول ماقولتة أنا صدقتة على طول لأن متعود أن نايل ماتورز أخوات يعنى محدش هيقدر يشك فى التانى بس بحسبك سمعت من حد فكنت عايز أعرف المصدر بس مش أكتر
المشاركة الأصلية كتبت بواسطة ziabassem
يا باشا حاشى لله أني اكون بشكك في كلامك .. الأمر مش محتاج أنك تتعب نفسك وتدور وترفع الصور .. اللي عاوز يتأكد من معلومة المارشدير دي .. ومنهم أنا عليه أنه يتصل بالشركة ويتأكد بنفسه .. أو لو حد من الزملاء اتصل بيهم يا ريت يوضح الموضوع ده . على فكرة الأخ صاحب الموضوع عليه تعليقات ساخرة موتتني من الضحك :pointi~2[2]: وخصوصاً "أن العربية عاملة زي عود الجرجير" ، "وأن فوانيسها تحس أنها معمصة" فعلاً لما ركزت شوية .. الكلام طلع مظبوط ماهو يا عم باسم حاجة تنرفز قولنا هتبقى عاملة زى رمسيس بس على تطور بقى أكتشفنا بعد كدة أننا أخدينها من عربيه هنديه قولت ماشى بنقلدها بس بتتصنع فى مصر طلعت صينى قولنا عادى هنقلد الصين و التجارة هتلعلع لكن لما ألاقى الحقيقة أننا بنستورد كل حاجة و من الصين و بتتركب هنا و بالشكل دة و على فكرة سعرها كلها على بعضها كدة ميجيبش 10 ألاف جنية دا ماتورها يا راجل 600 سى سى قولنا ماشى هتبقى فى سرعة العجله أمو بدال بس هنقف جمب الصناعة الوطنية لحد مايبقى 3000 سى سى زى الموستنج كمان كلها مساوئ تبقى دى الحقيقة المرة إلى تزعل أوى أن أحنا فى بلد فيها ناس دماغها شغالة و ساعة التنفيذ تبقى بالوضع دة حاجة تخلى الواحد يقول كلام مينفعش يتقال دا مش زعل عشان الناس لأ دا زعل عشان البلد و ناس كتير مالهاش نصيب تشوف بلدها أنضف
المشاركة الأصلية كتبت بواسطة michael_lanos
فيها شبه من الغساله العاديه وبرده باربع عجلات
والله عندك حق يا مايكل هم يبكى و هم يضحك و سلملى على المسؤلين و النبى لو رايح
المفضلات