معلش مكنتش متابع معاكم بس قريت كل الردود و سورى لو معلقتش على رد حد فيكم
بس عجبنى رد هعلق عليه دلوقتى
المشاركة الأصلية كتبت بواسطة mmffor
للعلم فقط حتى اذا كان و على فرض و انا بعيد و باكرر حتى و لو كان!!! و هو مستحيل...
ان لو كانت العربيه دي مصريه او حتكون صناعه مصريه انا افتخر اننا نجمع بي ام ولا انيش افتخر بالخرابه دي. يا جماعه من 30 سنه فاتت اختفت مصانع عربيات في امريكا و المانيا الشرقيه و يوغوسلافيا و بريطانيا نفسها و فلست و اغلقت بسبب رداءة منتجاتها. لأن الدول دي زي ما بتشجع بلدها و بتحبها عمرها ما تقبل تاخد على قفاها برضاها بانهم يشتروا عربيه ماسخه زي دي ! على فكره المصانع اللي اغلقت كانت بتصنع عربيات حقيقيه بمحركات معديه الالف سي سي و نظام تعليق حقيقي و مارشيدييير!!!!!!!!
و انا اعرف ان اهل البلدان دي بيفتخروا انهم قفلوا المصانع دي!!!
بصراحه أنا واحد من الناس إلى من البدايه أتحمست جامد جدا و عايز أقولك لمجرد قرايتى للخبر نفسه كتبت فوق مقدمة أننا من المتحمسين و كنت هبقى أول واحد معاة العربيه دى بما إنها بالتقسيط فوق المريح و قولت حتى لو بأمكانيات عربيه ضعيفة شوية بس قولت الزيرو له أحكام و قولت كفاية اننا بشجع منتج بلدى و اكيد صيانه هتبقى زى الفل و لو فانوس أتكسر ولا حاجة هيتصنع فانوس أدام عينى و قولت أن أحنا أخيــــــرا هشوف عربيه مصريه الصنع قبل ماموت
لكن للأسف مرة نسمع أن العربيه هندى و مرة واحدة يقولولك لأ دا الهندى دى حاجة و الصينى دى حاجة تانية و المصرى حاجة تالتة و فى الأخر الحقيقة تطلع أن صورة العربيه الهندى تاتا نانو أتحطيت لجذب العميل لأن شكلها مقبول مليون مرة عن أمو سقف مقوص دى و تطلع فى الأخر العربيه النانو إيجيبت ليس لها أى علاقة بالهند و لا حتى بمصر غير فقط العلامة الى فى الكابوت مكتوب عليها نانو ايجيبت لكن لا شئ اخر يثبت انها مصرية او هنديه
بالطبيعة كدة ان العربيه دى صينى 100% و أكيد سعرها لا يتعدى من 8 ألاف إلى 10 ألاف لأن لو هنحسبها مع بعض كدة و أن العربيه بتتكون من أية ؟
1- صاج عادى جدا يتهئ لى طن الحديد بأربع أو 6 ألاف أمال بقى شوية صاج هيعملوا كام
2- شوية أزاز بحوالى 300 جنيه أو أقل طبعا هيتركبوا فى الأبواب و أدام و ورا
3- عفشه صينى أكيد تعبانه جدا
4- ماتور موتوسيكل
5- كرسيين و كنبه مش هيعدوا الـ150 جنيه
6- 3 دواسات و دريكسيون و تابلو و كمان كل دة صينى
بصراحة لازم شركات اوروبا و اليابان وكوريا و حتى الصين و الهند و تركيا تتفوق على الوطن العربى
أحنا عمالين نقول عقولنا أفضل لكن أمكانياتنا أقل
و فيه حاجة بتقول إلى يفكر نفسه ذكى يبقى غبى و عمالين نقول احنا أذكية أحنا أذكية طيب أحنا بقالنا 100 سنه محدش عمل حتى عجله أطفال أو حجر للريموت و حتى العربيات مفيش أى حاجة ولا تقفل
دا التقفيل زبالة و وقح لأن واضح من الفانوس أنه بعيد عن الصاج
دا من كتر الزباله يا راجل نسوا يعملوا ماشدير للعربيه يعنى العربيه مش بترجع أصلا
و واضح برضة أن العجل عنده تسلجات و محتاج بودرة تلك و السوست عاليه جدا جدا و شكلهم لما لقوا الشكل بالزبالة دة أكيد قالوا دا عشان المطبات
أنا يتهئ لى صاحب الشركة و العمال و أراهن على كدة
ميعرفوش حتى يركبوا جنط فى العربيه دى و العمليه دى نصب فى نصب
زى زمان أيام الجيل بتاع الشعر لما كان بيقولك جيل أمير الطرب و يحطلك صورة عمرو دياب فى عودونى و هوا مبلط شعرة و فى الأخر تلاقى المقر بير سلم
المفضلات