الموضوع: كام سؤال عن الاكل و الصحة و التخسيس ؟؟

المشاركة الأصلية كتبت بواسطة dr.amr

العفو يا باشا انت تأمر :)
بص هو بالنسبه للأكل يستحب انك ماتتعشاش
كفايه فواكه وكده وكباية شاي بلبن بمعلقه او معلقتين سكر هتظبط الدنيا
انا لما كنت بحب اثبت وزني كنت باكل في العشاء تفاحه +برتقاله + موزه
لكن بصراحه الواحد بقاله فتره مش عارف يمسك نفسه عن طلب الاكل من بره بالليل

الموضوع مش موضوع امتي المشكله كلها انك مش هتلحق تحرق الاكل اللي اكلته بشكل كويس وده هيتراكم وهيعمل دهون عندك فيستحب لو لازم هتتعشي انك تاكل بدري عل قد ماتقدر يعني علي الساعه 8 او 9 مش بعد 10 لوهتنام مثلا علي 12 او 1 يعني سيب فرصه 3 او اربع ساعات يكون الاكل مشي من المعده

بالنسبه للجيم اكتر من 3 مرات هيحصل اجهاد للعضلات وهتتعب ومش هتقدر تكمل وممكن الاجهاد يعملك مزق والعضلات مش هتكبر زي ماتريحها
ونصيحه وانت بتلعب جيم انك تلعب وانت محمل علي العضله او بمعني اصح انك ماتحملش علي المفصل علشان مايتبهدلش يعني مثلا لو بتلعب باي ماتفردش ايدك علي الاخر خلي مفصل الكوع عامل زاويه 90 درجه او اكتر شويه هتلاقي نتايج احسن ومش هتتعب مفاصلك

مشاء الله معلومات مفيدة و قيمة ..

طب هل حضرتك عندك معلومات عن موضوع تفسيم الجسم او تضخيمه ؟؟

طبعا انا عايز ابقا متجه ناحية التقسيم ..

معلش اسألة كتير بس فين و فين لما بلاقي حد اسأله و اثق في كلامه :)

المشاركة الأصلية كتبت بواسطة kareemhisham

مشاء الله معلومات مفيدة و قيمة ..

طب هل حضرتك عندك معلومات عن موضوع تفسيم الجسم او تضخيمه ؟؟

طبعا انا عايز ابقا متجه ناحية التقسيم ..

معلش اسألة كتير بس فين و فين لما بلاقي حد اسأله و اثق في كلامه :)

بص يا ابو كريم
طبعا اول ما هتلعب هتبدأ بالضخامه علشان تكبر عضلاتك
فطبعا ممكن تلعب علي كل عضله اي تمرين هتلعبه يكون 3 مرات كل مره 10 عدات
ونصيحه طالما قدرت تجيب العشر عدات في وزن ادخل علي الوزن اللي بعده علي طول
يعني طالما قدرت تشيل الوزن عشر عدات زود علطول
ولو الوزن ده ماقدرتش تكمل بيه 10 يعني جبت مثلا 5 او حتي 4 كمل عليه لغاية ماتجيب العشره كاملين
نصيحه قبل ماتبدأ اللعب تسخن شويه يعني ممكن تمشيلك 10 +لفه جري خفيف جدا وحاول ماتتعبش نفسك ده مجرد تجهيز للجسم
طبعا هتلاقي بعد فتره جسمك كبر وطبعا مش هتلاقيه متقسم
والسبب طبعا انه فيه دهون
فهنحتاج بعد كده اننا نقسم او ننشف
التنشيف ده اللي هو تنشيف الجسم من الدهون
يعني لازم دايت غذائي بروتيني يعني تاكل لحمه وبروتينات كتير وتقلل النشويات والدهون علي قد ماتقدر وياريت تمنع الدهون
وتلعب ايروبكس مره الصبح ومره بعد التمرين
ايروبكس او تمارين اسمها الكارديو اللي هيا تمارين لعضلة القلب زي العجله او المشايه
لو في حاجه مش واضحه ياريت تقولي :)

المشاركة الأصلية كتبت بواسطة dr.amr

بص يا ابو كريم
طبعا اول ما هتلعب هتبدأ بالضخامه علشان تكبر عضلاتك
فطبعا ممكن تلعب علي كل عضله اي تمرين هتلعبه يكون 3 مرات كل مره 10 عدات
ونصيحه طالما قدرت تجيب العشر عدات في وزن ادخل علي الوزن اللي بعده علي طول
يعني طالما قدرت تشيل الوزن عشر عدات زود علطول
ولو الوزن ده ماقدرتش تكمل بيه 10 يعني جبت مثلا 5 او حتي 4 كمل عليه لغاية ماتجيب العشره كاملين
نصيحه قبل ماتبدأ اللعب تسخن شويه يعني ممكن تمشيلك 10 +لفه جري خفيف جدا وحاول ماتتعبش نفسك ده مجرد تجهيز للجسم
طبعا هتلاقي بعد فتره جسمك كبر وطبعا مش هتلاقيه متقسم
والسبب طبعا انه فيه دهون
فهنحتاج بعد كده اننا نقسم او ننشف
التنشيف ده اللي هو تنشيف الجسم من الدهون
يعني لازم دايت غذائي بروتيني يعني تاكل لحمه وبروتينات كتير وتقلل النشويات والدهون علي قد ماتقدر وياريت تمنع الدهون
وتلعب ايروبكس مره الصبح ومره بعد التمرين
ايروبكس او تمارين اسمها الكارديو اللي هيا تمارين لعضلة القلب زي العجله او المشايه
لو في حاجه مش واضحه ياريت تقولي :)

لأ تمام كدة :) ..

دة معناه ان الفرق بين التقسيم و التضخيم هو نوع الاكل مش التمرين + الكارديو

المشاركة الأصلية كتبت بواسطة kareemhisham

لأ تمام كدة :) ..

دة معناه ان الفرق بين التقسيم و التضخيم هو نوع الاكل مش التمرين + الكارديو

تمام يا معلم
انت كده فهمتني
وحاجه تانيه انك في فترة التقسيم ده ممكن ماتزودش الوزن وتلعب بأخر وزن انت جبته علي العضله بس تلعب عدد مرات اكتر
يعني مثلا تلعب 15 مره بدل ما كنت بتلعب 10 علشان لو في دهون علي العضله بتتحرق مع اللعب الكتير عليها وده هيساعد برضه في التقسيم بس ماتزودش عن 15
هو مش هيحصل حاجه بس المشكله انك هترهق العضله زياده عن اللزوم
العادات اللي يجب اتباعها :
1-انك مايكونش عندك تاريخ مرضي للقلب هو طبعا يستحب لو تكشف قلب الاول قبل ماتلعب بس طالما تاريخك مافيهوش حاجه العب علطول.غالبا ماحدش بيكشف

2-لو حسيت بتعب او دوار او هبوط اثناء اللعب يستحب انك تريح اليوم ده وماتكملش

3-لو كنت تعبان قبل ماتروح تلعب او عندك برد او حاسس نفسك مش مستريح يستحب ماتنزلش تلعب

4-طبعا اول كام يوم ماتلعبش باوزان عاليه وماتقرصش جامد علي نفسك علشان ماتتعبش انت لسه يادوب بتقوم المكنه

5-اكيد جسمك وعضلاتك هيوجعوك اول كام يوم يفضل انك تكمل لعب عليهم وماتريحش بس برضه العب براحه عليهم ماتبدأش تلعب جامد الا لما تحس انك جاهز وغالبا هتحس بكده بعد اول تلات ايام بتوع الجينيرال

6-حاول تركز مع العضله اللي انت بتلعب عليها بتفكيرك هتجيب نتايج افضل معاك

7-وطبعا موضوع انك ماتحملش علي مفاصلك زي ماقلتلك قبل كده

ولو افتكرت حاجه تانيه هقولك :)

المشاركة الأصلية كتبت بواسطة dr.amr

تمام يا معلم
انت كده فهمتني
وحاجه تانيه انك في فترة التقسيم ده ممكن ماتزودش الوزن وتلعب بأخر وزن انت جبته علي العضله بس تلعب عدد مرات اكتر
يعني مثلا تلعب 15 مره بدل ما كنت بتلعب 10 علشان لو في دهون علي العضله بتتحرق مع اللعب الكتير عليها وده هيساعد برضه في التقسيم بس ماتزودش عن 15
هو مش هيحصل حاجه بس المشكله انك هترهق العضله زياده عن اللزوم
العادات اللي يجب اتباعها :
1-انك مايكونش عندك تاريخ مرضي للقلب هو طبعا يستحب لو تكشف قلب الاول قبل ماتلعب بس طالما تاريخك مافيهوش حاجه العب علطول.غالبا ماحدش بيكشف

2-لو حسيت بتعب او دوار او هبوط اثناء اللعب يستحب انك تريح اليوم ده وماتكملش

3-لو كنت تعبان قبل ماتروح تلعب او عندك برد او حاسس نفسك مش مستريح يستحب ماتنزلش تلعب

4-طبعا اول كام يوم ماتلعبش باوزان عاليه وماتقرصش جامد علي نفسك علشان ماتتعبش انت لسه يادوب بتقوم المكنه

5-اكيد جسمك وعضلاتك هيوجعوك اول كام يوم يفضل انك تكمل لعب عليهم وماتريحش بس برضه العب براحه عليهم ماتبدأش تلعب جامد الا لما تحس انك جاهز وغالبا هتحس بكده بعد اول تلات ايام بتوع الجينيرال

6-حاول تركز مع العضله اللي انت بتلعب عليها بتفكيرك هتجيب نتايج افضل معاك

7-وطبعا موضوع انك ماتحملش علي مفاصلك زي ماقلتلك قبل كده

ولو افتكرت حاجه تانيه هقولك :)

مشاء الله عليك يا دكتور عمرو :) .. مش عارف اشكرك ازاى ..

انا كنت سمعت ان يستحسن مكلش قبل الجيم بساعتين .. فعل الكلام دة صحيح ؟ و ايه السبب ؟

المشاركة الأصلية كتبت بواسطة kareemhisham

مشاء الله عليك يا دكتور عمرو :) .. مش عارف اشكرك ازاى ..

انا كنت سمعت ان يستحسن مكلش قبل الجيم بساعتين .. فعل الكلام دة صحيح ؟ و ايه السبب ؟

ويستحسن كمان لو يكون 3 ساعات علشان يكون الاكل خرج بالكامل من المعده
لأن المعده بتسحب دم كتير من الجسم اثناء الهضم بعد الاكل
وممكن تشعر بدوار وميل للقيء وممكنت ترجع لو قمت بمجهود عنيف بعد الاكل

ونصيحه من اخ مابيكملش شهرين في الجيم كل مره
حاول تكمل لمدة سنه متواصله او حتي ست شهور علي الاقل هيفرق معاك جامد وهتلاقي جسمك كبر جامد ياريت ماتكسلش وحاول تشجع نفسك وياريت لو تلاقي حد ينتظم معاك في المواعيد واحد صاحبك او اخوك
واوعي تستقوي علي حد بعد كده
ربنا يخليك لا شكر علي واجب :)

المشاركة الأصلية كتبت بواسطة dr.amr

بص يا ابو كريم
طبعا اول ما هتلعب هتبدأ بالضخامه علشان تكبر عضلاتك
فطبعا ممكن تلعب علي كل عضله اي تمرين هتلعبه يكون 3 مرات كل مره 10 عدات
ونصيحه طالما قدرت تجيب العشر عدات في وزن ادخل علي الوزن اللي بعده علي طول
يعني طالما قدرت تشيل الوزن عشر عدات زود علطول
ولو الوزن ده ماقدرتش تكمل بيه 10 يعني جبت مثلا 5 او حتي 4 كمل عليه لغاية ماتجيب العشره كاملين
نصيحه قبل ماتبدأ اللعب تسخن شويه يعني ممكن تمشيلك 10 +لفه جري خفيف جدا وحاول ماتتعبش نفسك ده مجرد تجهيز للجسم
طبعا هتلاقي بعد فتره جسمك كبر وطبعا مش هتلاقيه متقسم
والسبب طبعا انه فيه دهون
فهنحتاج بعد كده اننا نقسم او ننشف
التنشيف ده اللي هو تنشيف الجسم من الدهون
يعني لازم دايت غذائي بروتيني يعني تاكل لحمه وبروتينات كتير وتقلل النشويات والدهون علي قد ماتقدر وياريت تمنع الدهون
وتلعب ايروبكس مره الصبح ومره بعد التمرين
ايروبكس او تمارين اسمها الكارديو اللي هيا تمارين لعضلة القلب زي العجله او المشايه
لو في حاجه مش واضحه ياريت تقولي :)

جزاك الله خيراً معلومات فى غاية الأهمية...