الموضوع: حلول لكل المشاكل بابسط الطرق

المشاركة الأصلية كتبت بواسطة momopersona

الله عليك يا مهاب
مشاكل مهمه اوى من الحاجات اللى ممكن تدايق وهى تافهه
وعايزينك على طول تشاركنا بخبراتك كده وماتغيبش عننا

ربنا يخليك يا مومو متشكر جدا على كلامك الجميل .

المشاركة الأصلية كتبت بواسطة momopersona

بس لازم نسب ونلعن فى التوكيل اللى كره ناس كتير فى العربيه بسبب حاجات تافهه
مش كل الناس بتعرف تشتغل بايدها والناس بتخاف تروح لسروجى يلعبلها فى العربيه وهى جديده
فبيروحو التوكيل وطبعا التوكيل بيفهمهم ان دى عيوب عاديه فى كل بروتون ودى عيوب تقفيل من بروتون ماليزيا وهم مالهومش ذنب
فبالتالى بيطلعو من التوكيل يشتمو فى بروتون كلها
(الموقف ده اتكرر ادامى فى التوكيل كتير اوى وحصل فيا موضوع العيب من بروتون ده ولولا والدى واقف كنت قولت كلمه وحشه للمهندس)

بص يا باشا الموضوع ده قتل بحثاً قبل كده " بعد اذن بشمهندس رفيق انا حقول رأيى فى الموضوع ده مع انه خارج النطاق الاساسى للموضوع و لمشرف القسم الحق انه يحذف كلامى او ينقلوه لموضوع جديد على حسب رؤيته ".

فى اخر استطلاع للرأى عن التوكيل كانت الاراء متفاوته ( 4 قالو سئ ) ,( 19 قالو مقبول ) ,( 16 قالو اتحسن عن الاول ) . ده معناه ان فى تباين فى الاراء ... بس كنسبه يبقى الغالبيه من المصوتين معندهمش مشكله كبيره مع التوكيل .
http://www.nilemotors.net/Nile/113592-2009.html

الى اقدر اقولهولك اننا كلنا معرضين انه يحصل مشكله سواء فى التوكيل او فى اى حاجه تانيه فى حياتنا .... المهم انك تعرف حقق فين و ازاى تاخده و من مين .

النقطه الجايه ليها علاقه ب فكره الموضوع ازاى توصل لحل لو عندك مشكله بس المره ديه مع التوكيل :-

اولا:-
لازم تحافظ على ضمان عربيتك علاشان لو اتعرضت لمشكله يبقى معاك مايثبت انك محافظ على صياناتك و تاخد حقك من غير اى نقاش و كلام كتير :

اى عميل بروتون علاشان يحافظ على حقه فى الضمان لازم يمشى مع صياناته الدوريه مع التوكيل " قبل كده نصحت الناس " انهم يخلو صياناتهم كل 10,000 كيلو ... لتوفير الوقت و الجهد و حتى الفلوس . يعنى لو بحسبه تانيه حتعمل 6 صيانات فى التوكيل + صيانه الاف المجانيه .

* ممكن نعمل اى صيانه سريعه 10,000 - 20,000 - 30,000 - 50,000فى مركز العجوزه او امير و جوزيف .. حيكون اسرع كتير لانها صيانه بسيطه مفهاش غير زيت و فلتر لل10 و فلاتر و بوجيهات لل 20 , 30 ,50 و نخلى الفرع الرئيسى للصيانه ال40 , او 60 لو لو حنغير قطعه غيار فى الضمان او قطعة غيار اساسيه بره الضمان بسبب حادث مثلا لقدر الله .

فى بند مهم متحدد فى كتيب الضمان و احنا مش واخدين بالنا منه و ممكن يتمسك علينا لو حصل مشكله فى العربيه و احتاجنا الضمان ... فى حاله ان العميل اضاف قطعه للعربيه من بره التوكيل بيصبح الضمان لاغى " طبعا احنا ساعات بنحب نعدل حاجه ... فلتر سبور .. جنط ... زينون ..., او نغير زيت و فلتر بره ... " طبعا حاجه زى كده من حق المهندس فى التوكيل انه يقول العربيه ديه بره الضمان حتى ولو القطعه ديه مكانش ليها تأثير سلبى على العربيه .


ثانيا :-
فى حاله حدوث مشكله ..بغض النظر ..... مشكله فى العربيه , قطع غيار المفروض تتغير ضمان و متغيرتش , عيب معين و روحت التوكيل اكتر من مره و ماتصلحش , احد العمال جرح او خبط العربيه ..... انتا كعميل بيبقى معاك امر شغل مثبت فيه انك سلمت العربيه بالشكوى الفلانيه و الكيلو متر كذا و بيبقى متوضح فى حاله العربيه لو فيها خبطات او تجريحات .

دلوقتى انتا استلمت عربيتك و فيها نفس الشكوى , او فى قطع غيار فى الضمان المفروض تتغير و متغيرتش و انتا مستنيها او احد العاملين او المهندسين بقولك ان العيب ده عادى او طبيعى او عربيتك اتجرحت او اتخبتط ............ حتتبع الاتى

- حتاخد الورق الى معاك " امر الشغل " الى مثبت فيها العيب ده او مثبت فيها حاله العربيه قبل دخول الصيانه و تروح عند م/ امر مدير خدمات ما بعد البيع و حتطالب بحق و تشرح الوضع بالظبط .... لو موصلتش لحل يرضيك

حتاخد امر الشغل الى معاك و تروح جهاز حمايه المستهلك و تعمل بلاغ بالى حصل معاك و تقدم صوره من امر الشغل المثبت فيه مشكلتك .

ده التسلسل الى المفروض يحصل فى حاجه المشاكل مابين العميل و مابين اى توكيل او حتى مؤسسه .


* فى ناس بتقول انا حروح ازعق و اشتم و كذا و كذا ..... فكره ان حد يدخل و يزعق و يقول كلام مايصحش يتقال و الكلام ده ...مش حيفيده كعميل بقرش واحد و حيقلل من موقف و شكل العميل و انا هنا مش بقول ان الواحد يبقى خنوع او يتزلل فى طلب حقه بالعكس تماما طلاما حد موقفه صح و ليه حق يطالب بيه بكل ثقه و قوه ... وهو حاطط رجل على رجل كمان , بس بدون غلط فى حد و انا متأكد انه حياخده زى ما هو عاوز , و الكلام ده مش فى توكيل بروتون ... ده فى اى مكان .

مثال شوفته قدام عينى ........ سيده كانت بتشتكى من سعر الصيانه و ان فى فرق فى السعر بالرغم من انه فعلا ده سعر الصيانه المعتاد و الناس اثبتولها الكلام ده ب فواتير تانيه لنفس الصيانه بنفس السعر و قالت كلام كتيـــــــــــر مايصحش يتقال و انها حتعمل و تسوى و انتو كذا و كذا .... كانت النتيجه انها مااخدتش اى حاجه و دفعت المبلغ الى فى الفاتوره بالكامل بس خسرت منظرها و انها اترد عليها بشكل محرج ليها .

غير ان كتير بيبقى الناس عاوزه تعمل حاجات فى الضمان و هى ملهاش علاقه اساسا بالضمان .... يعنى انا فاكر موقف كوميدى الحقيقه شوفته لما كونت فى التوكيل من حوالى شهرين ....عميل ماشى بالعربيه فوق ال40,000 كيلو و عاوز يعمل ظبط وزايا فى الضمان !!!!! ده بأى منطق و فين و ليه ...

طبعا ده ماينفيش ان ناس كتير بيبقى عندها مشاكل و فعلا ليها حقوق مع الوكيل و بيكونو على حق .... بس المفروض تعرف ازاى تاخد حقوقها ... لو هما مش عارفين .. يبقى ديه مشكلتهم لان هيا الدنيا بقت ماشيه كده كل واحد هو بيدور على حقوقه و مصالحه و يطالب بيها , بس المهم يكون موقفه سليم .

.... بالنسبه لاسعار قطع غيار و المبالغه فيها ..... للاسف الكلام ده انا اتكلمت فيه كتييير و بقالى 3 سنين و مافيش نتيجه فعلا قطع الغيار غاليه جدا....بس هى ديه قطع الغيار و ديه اسعارها و احنا مانقدرش نشتكى حمايه المستهلك لام مافيش قانون ملزم لشركه بتسعير قطع غيارها .

و لما تتكلم مع التوكيل فى النقطه ديه حتسمع هذا الرد ... ان العربيه اساسا بتتباع باقل من تمنها + ان كل اسعار التوكيلات غاليه .

ارجو انى اكون وضحت وجهة نظرى ليك يا مومو ....

بتأسف مره تانيه لبشمهندس رفيق انى خرجت بره سياق الموضوع .

المشاركة الأصلية كتبت بواسطة Eng. Rafy Samy

عندي مشكلة
المشكلة اللي بتقبلني في فرامل الباب ( السواق بالاخص )
لما بتكون العربية مايلة سنه بسيطة وأجي افتح الباب - الباب بيرجع يرد تاني بسرعة قوي كأنة بيحدفني جوة العربية ومش عاوزني انزل... طبعاً المشكلة دي بتبقى جامده قوي لو في ايدي حاجات كتير ومش عارف امسك الباب

المهم هل في حد قابل المشكلة دي قبل كده...؟
ححاول ادورلها على حل ان شاء الله

تقبلوا تحياتي

نفس المشكله عندى فى البابين الى قدام... العيب فى شداد الباب يا بشمهندس ... بس بالنسبالك انك ليك الحق تغيره فى الضمان ... الصيانه الجايه ليك طالب بتغيره فى الضمان و حيتغيرلك بدون مصاريف ... بالنسبالى علاشان انا بره الضمان مفكرتش اغيره الحقيقه ..... لكن حدور على حل ليه ان شاء الله .

فى حاجه المفروض نكشف عليها كل فتره .. بالاخص فى الواجا .

افايز علبه الدركسيون - Steering Rack Mount Bushing

برده الافايز ديه من القطع الى بتستهلك بسرعه فى الواجا ... خصوصا الواجا الشكل القديم علاشان فيها كاوتش عريض 16/205 .
يفضل كل 10,000 كيلو انه يتم فحص سلامه الافايز (( لكل العربيات واجا و غير الواجا ... كل العربيات عموما )) عن طريق الاتى :-

1- حتقف بالعربيه فى مكان مستوى و يكون فيه اضائه كويسه .
2- حتجيب احد الاصدقاء و تخليه يقعد جوه العربيه و تفتح الكبوت .
3- خلى صديقك يلف الدركسيون لاقصى اليمين و اليسار .. فى الوقت ده حتكون انتا بتبص على علبه الدركسيون من اماكن السهمين الى فى الصوره ... اتأكد ان علبة الدركسيون ثابته فى مكانها مع حركه الكاوتش لليمين و اليسار ... لو لاحظت انها بتتحرك جامد من مكانها يبقى لازم تغيرها فورا .....

* افايز الدركسيون تمنها 20 للاتنين فى التوكيل .... و هى نفس افايز الانسر فممكن تجيبها من اى محل ميتسوبيشى .

بعد تغير الافايز التالفه حتحس باختلاف جذرى و كلى لاداء العربيه فى مطبات الهواء و بالاخص جدا فى المنحنيات .



* فى افايز اسمها Super Pro ... استرالى الصنع و مصنعه من ماده البولى ايثيلين ( الى لونها ازرق فى الصوره ) .... طبعا اقوى 100 مره من الافايز الكاوتش زى ماهو واضح فى الصور و مش بتبوظ من الاساس علشان تتغير ...هى اساسا مصنعه للعربيات المعدله , ديه للاسف مش متوافره فى مصر لان تمنها غالى جدا 190 جنيه للافيزين لازم تتجاب من ماليزيا او استراليا او انجلترا .

المشاركة الأصلية كتبت بواسطة mohabsaeed

* ممكن نعمل اى صيانه سريعه 10,000 - 20,000 - 30,000 - 50,000فى مركز العجوزه او امير و جوزيف .. حيكون اسرع كتير لانها صيانه بسيطه مفهاش غير زيت و فلتر لل10 و فلاتر و بوجيهات(( لل 20 , 30 ,50)) و نخلى الفرع الرئيسى للصيانه ال40 , او 60 لو لو حنغير قطعه غيار فى الضمان او قطعة غيار اساسيه بره الضمان بسبب حادث مثلا لقدر الله .

[caution]تصحيح معلومه قولتها عن طريق الخطأ ... البوجيهلات و الفلاتر بتتغير كل 20 الف ... 20 , 40 , 60 . [/caution]

المشاركة الأصلية كتبت بواسطة momopersona

استاذ مهاب كلامك كله صح يا باشا
ولازم فعلا كل واحد يدور على حقوقه بالقانون
والحمد لله انى محافظ على سريان الضمان ومحافظ على ورق الصيانات
وان شاء الله اول مافضى هاتبع الخطوات اللى انت ذكرتها
1- مدير خدمة ما بعد البيع (المهندس اامر)
2- جهاز حماية المستهل
وشكرا للنصيحه والاهتمام
وااسف لصاحب الموضوع على الخروج عن سياق الموضوع

ربنا يخليك يا باشا ... انتا كده فى السليم و ان شاء الله اى مشاكل عندك فى العربيه تتحل .

السلام عليكم ورحمة الله وبركاته

اولا احب ان احيي صاحب الموضوع على هذا الموضوع المفيد للجميع سواء من الاعضاء القدامى او الاعضاء الجدد

واول مشاركه لي في هذا الموضوع سوف تكون عن صوت الهواء من الابواب الخلفيه

الصوت بيجي من المثلثات الخلفيه في الابواب وليس من الابواب

لحل هذه المشكله انا جبت سليكون اسود ومليت الفرق الواصل بين المثلث والزجاج اي للتوضيح اكثر الجزء الطولي اللذي به جلده قائمه طوليا
املأ الفراغ اللي بينهم وماتمشيش بالعربيه لمدة يوم كامل عشان الهواء مايفتحش السليكون اللي مليناها بيه

والنتيجه اختفى صوت الهواء من المثلثين في الخلف

ده كان من العيوب الشائعه في الجن2 موديل 2008

تحياتي للجميع