صيدلية المنتدى ..كل مايخص الأدوية المصرية

**A7MED_PHARMA** · 24-07-2010 03:32 PM

المشاركة الأصلية كتبت بواسطة totato

لكن يا دكتور انا بيجيلى حرقان شديد فى المرىء والمعده بعد الاكل ومبهدهوش غير الرانى ايه الحل واسف للاطاله على حضرتك

يبقا تراجع الطبيب المعالج
وتخليه يغيرك الزيسروسين بأي نوع تاني

**A7MED_PHARMA** · 25-07-2010 02:53 PM

المشاركة الأصلية كتبت بواسطة abuhemaid

السلام عليكم يا دكتور/ أحمد.

أولا: بارك الله فيك لهذه الخدمة

ثانيا:أنا أحمد حمدي -مهندس بترول- 28 سنة- عندي شوية حساسية مالهومش أي أسباب معروفة المهم كشفت عند كل الدكاترة و اخر واحد كتب لي telfast ولو العملية زادت قوي وما هديتش الحساسية كتب لي حقنةdeprofost تقريبا دا اسمها تؤخذ عند اللزوم و بردوا أنا باخدها على فترات متقطعة مثلا 4 أو 5 أو 6 شهور و ممكن أزيد.

المشكلة إني كل ماأروح أخد الحقنة في الصيدلية لازم أسمع حوار من الصيدلي (أي صيدلي مش واحد بعينه) إن الحقنة فيها كورتيزون وما ينفعش تاخدها و الدكتور لازم ولابد يغيرهالك.
أروح للدكتور يقوللي ما يهمكش و طنش

السؤال الأن: ماهو الكورتيزون لأني بحاول أسأل و مش فاهم قوي (اللي أعرفه من واقع خبرتي مع فيروس سي مع والدي - الله يرحمه - إنه حاجة كدة تبع الكبد ودي كفيلة ترعبني).

أمشي ورا كلام مين و خصوصا إن الحقنة بتريح و بتجيب من الأخر و بتهدي الحساسية في خلال 1/2 ساعة

الكورتيزون مضاد هايل جدا للحساسية
ولكن
أعراضه الجانبية كتيرة جدا..منها إحتباس الماء تحت الجلد فيما يسمى بالسمنة الكاذبة
وبعض من تجار الفراخ بيستخدموه لزيادة وزن الفرخة..عن طريق حشوها بالميه تحت الجلد
وله أعراض جانبية كتير
ومع أعراضه الجانبية الكتير
لاتكاد تخلو روشتة طبيب مصري منه...علشان مفعوله السريع
لكن تأثيره التراكمي سئ للغاية

فالنصيحة مني
تحاول تشوف دكتور تاني..
وتحاول تكتشف بنفسك سبب الحساسية ..وتبعد عنه لو تقدر

**sara2001** · 05-08-2010 05:22 PM

دكتور / أحمد
اولاً لك كل الشكر على موضوعك ده ومجهودك فيه ربنا يجعله في ميزان حسناتك
ثانياً كنت عايزه استشير حضرتك بخصوص كريم كارباميد
دكتور في الصيدليه وصفهولي بعد ما شرحت له الحاله
وهي حرقان واحمرار شديد وحكه في الوجه بسبب التعرض للشمس
استخدمته مره واحده ولسه مفيش تحسن
بس اكتشفت ان مفيش حاجه في النشره تدل على انه بيستخدم في علاج حروق الشمس !!!

**A7MED_PHARMA** · 05-08-2010 05:47 PM

المشاركة الأصلية كتبت بواسطة sara2001

دكتور / أحمد
اولاً لك كل الشكر على موضوعك ده ومجهودك فيه ربنا يجعله في ميزان حسناتك
ثانياً كنت عايزه استشير حضرتك بخصوص كريم كارباميد
دكتور في الصيدليه وصفهولي بعد ما شرحت له الحاله
وهي حرقان واحمرار شديد وحكه في الوجه بسبب التعرض للشمس
استخدمته مره واحده ولسه مفيش تحسن
بس اكتشفت ان مفيش حاجه في النشره تدل على انه بيستخدم في علاج حروق الشمس !!!

بصي ياستي

الكارباميد مُرطب للجلد....وبيساعد إنه يشيل طبقة الجلد الزيادة
زي تشققات الكعبين..وده أشهر إستخدام ليه

وبالنسبة للأعراض...حرقان وحكة وإحمرار للتعرض لعامل معين..شواء الشمس أو التراب أو غيره

دي أعراض حساسية مثالية
وعلاجها الأساسي..البعد عن العامل المسبب للحساسية
يعني إستعمال واقي للشمس..sun screen
والعلاج الفرعي..إستخدام مضاد للحساسية
زي مثلا الهيستازين أقراص...أو لو هتاخدي علاج لفترة قصيرة
ممكن الكورتيزون..لو لفترة قصيرة..ولو لايوجد مانع صحي عندك من إستخدامه
زي ديكساميثازون أمبول
أو دلتازون أقراص

وطالما الحساسية متركزة في الوجه
يبقا الأفضل تبعدي عن كريمات الحساسية...إلا لوهتقدري تتجنبي منطقة تحت العين والفم
علشان دي من المناطق الحساسة

..والله أعلم..

**A7MED_PHARMA** · 05-08-2010 06:07 PM

المشاركة الأصلية كتبت بواسطة boogie

دكتور احمد كنت عاوز اعرف الدواء دا موجود ولا لا وسعره كام
اسم الدواء
vividrin nasal spray 2% flx15ml

موجود
وسعره 6 جنيه للعبوة الــ14 مل
بس تركيزه 0.01%

**sara2001** · 05-08-2010 08:01 PM

المشاركة الأصلية كتبت بواسطة a7med_pharma

بصي ياستي

الكارباميد مُرطب للجلد....وبيساعد إنه يشيل طبقة الجلد الزيادة
زي تشققات الكعبين..وده أشهر إستخدام ليه

تشققات الكعبين!!!! وبيشيل طبقة الجلد الزياده
وانا استخدمته على الوجه!!!!
مش عارفه اقول ايه على الدكتور بس

وبالنسبة للأعراض...حرقان وحكة وإحمرار للتعرض لعامل معين..شواء الشمس أو التراب أو غيره

دي أعراض حساسية مثالية

يعني ايه حساسيه مثاليه؟
ده كان مجرد تعرض للشمس في المصيف لمدة ساعتين بس
والمفروض الأعراض دي بتنتهي تاني يوم وممكن تتحول لإسمرار
مش عارفه ليه مش بتروح المره دي

وعلاجها الأساسي..البعد عن العامل المسبب للحساسية
يعني إستعمال واقي للشمس..sun screen

يعني لو استعملت واقي للشمس دلوقتي الأعراض دي ممكن تروح

والعلاج الفرعي..إستخدام مضاد للحساسية
زي مثلا الهيستازين أقراص...أو لو هتاخدي علاج لفترة قصيرة
ممكن الكورتيزون..لو لفترة قصيرة..ولو لايوجد مانع صحي عندك من إستخدامه
زي ديكساميثازون أمبول
أو دلتازون أقراص

وطالما الحساسية متركزة في الوجه
يبقا الأفضل تبعدي عن كريمات الحساسية...إلا لوهتقدري تتجنبي منطقة تحت العين والفم
علشان دي من المناطق الحساسة

طيب ايه هي كريمات الحساسيه؟
واستخدم ايه بديل لها علشان الأعراض تروح

..والله أعلم..

متشكره جدا يا دكتور
وآسفه إذا كنت عذبتك بأسئلتي

**A7MED_PHARMA** · 05-08-2010 08:57 PM

المشاركة الأصلية كتبت بواسطة sara2001

متشكره جدا يا دكتور
وآسفه إذا كنت عذبتك بأسئلتي

ممممممممم

كان لازم توضحي من الأول إنها أعراض مؤقتة
أنا جه في بالي إنها بتجيلك لما بتتعرضي للشمس كل مرة

......
طبعا إنسي موضوع واقي الشمس sun screen
يبقا دلوقتي ممكن تاخدي حاجة زي الكالاميل لوشن+1جم ريسوركينول
دي تركيبة ممتازة للقضاء على حساسيات الجلد في الصيف
وبالذات الإلتهابات المصاحبة ليها

أو ممكن تاخدي مرهم إسمه ....salbiet
سالبت مرهم

ده ممتاز جدا ...بشرط تبعدي عن منطقة العين والجفون وحوالين الفم

-

الموضوع: صيدلية المنتدى ..كل مايخص الأدوية المصرية

LinkBack

أدوات الموضوع

عرض

-

-

السلام عليكم ورحمة الله وبركاته -

-

-

-

-

المواضيع المتشابهه

كل مايخص مواتير الهوندا بمميزاتها واسعارها

لو عاوز تفتح صيدلية؟؟؟

قائمة الأدوية التي قررت وزارة الصحة تخفيض سعرها

الأدوية فى منزلك

سيبكوا من الأدوية خااااااااااالص و إدوها أعشاب

الكلمات الدلالية لهذا الموضوع

المفضلات

المفضلات

ضوابط المشاركة