رقم العضوية : 11106
تاريخ التسجيل : 20May2008
المشاركات : 5,343
النوع : ذكر
الاقامة : الزقازيق
السيارة: صني 2008-لانسر 99
السيارة[2]: تيدا هاتشباك HL-سيريون S
دراجة بخارية: مبحبهاش
الحالة :
بسم الله الرحمن الرحيم
النهارده كنت في القاهره
كان عندي مشوار هناك وطلع عيني تخيلوا واخد الطريق في 3 ساعات عشان اروح سيتي ستارز
المهم خلصت مشواري وطلعت الدائري وطبعا طريق المغامرات طبعا المهم نزلت الزراعي الحمد لله على خير
وماشي في امان الله شمال وعربيه 128 ماشي يميني بس سابقاني شويه فجأه كده العجله اللي قدام عند ال 128 قررت تسيب العربيه وتجري اه والله لالعجله سابت العربيه وجريت والعربيه وقت على الطمبوره وشرار بقه وحركات المهم الراجل دخل في التراب اللي على جمب والكاوتش بتاعه طبعا قاعد يدحرج وهوب راح جاي قدامي مره وحده طبعا انا قلت هدوس عليه وهتقلب روحت دايس فرامل جامد وبعدين دايس بنزين تاني عشان اعديه واسبقه المهم جت سليمه وخبطه بوش العربيه من اشمال وركنتوا على جمب تقولش محمد زيدان وهو بيجيب الجون التالت في الخضره بس قلت الحمد لله اني ركنتوا كده عشان ممكن يعمل مشاكل كتير
عدى الحوار ده وقلت الحمد لله
طبعاالطرريق الزراعي كان بجد لا يطاق انا مش دايس بنزين يدوب جايب الD والعربيه بتدحرج تاتات تاتا وقافل الزجاج ومشغل التكييف وماشي عامل اعلا دماغ
وفجأه الاقي اللي عكر صفو الرحله وقطع عليه حبل افكراي وطاااااااااااااااااخ من وره
طبعا بصيت في المرايه لقيت ميكروباص صيني حقيييييييييييير الزبله ده اللي عامل زي الصرصار الصغير اليتيم لابس فيا من وره والسواق نزل بص على عربيت وراح راكب وهيكمل طبعا روحت واقف والله في نص الطريق قدامه ونزلت وقلت من صوت الخبطه هلاقي بهدله بس بصيت الحمد لله لقيت الخبطه تقريبا كلها جت في النمره وفعصتها وطبعا الاكصدام فك من الشمال الللي هو اصلا مخبوط قبل كده انا لاحمه والكرتيره اللي تحته اتكسرت والكصدام اتطبق شويه بس الحمد لله بسيطه
ونازل للسواق بقوله بكل هدوء يعني كده ينفع لقيته مش عجبه وبيقولي ما انت اللي مسكت فرامل فجأه قتلته يعني انت كمان مش عجبك وغلطان ومش عجبك قالي اه مش عجبني هتعمل ايه قلتله ماشي انا هوريك انا هعمل ايه
ويدوب بكتب النمره بتاعته (ملحوظه كنت لابس البدله وكده يعني جايز خاف من البدله بلد مظاهر طبعا ) لقيته نزل وعمال يقولي باشا انا راجل كبير وقد والدك وعيب تقولي انا هوريك والناس نزلت طبعا ومعلش ياباشا وخير وبسيطه والكلام السخيف ده بس للاسف الواحد بيضطر يسكت ويقول خير الحمد لله بسيطه
قلتله على فكره انا مكونتش ناوي اعمل حاجه بس كنت متوقع منك كلمه اعتذار بسيطه او تتأسف لكن لما الائيك بتقول ان انا اللي غلطان ومش عجبك كمان يبقى لازم اكلمك كده المه قعد يبوس راسي وحاجه تقرف هو والناس اللي معه لحد ما قلتله خلاص ياعم توكل على الله بس والله ماشي محروق جدااااااااا
المهم اني كل مره اقوول لو حصل حاجه زي كده مش هسيبوا وهبدله بس الناس والكلام الكتيير بيهبط الواحد
بس الحمد لله اولا واخيره اني رجعت البيت اصلا سليم من السيرك ده
ياريت بقه اعرف حاجه هي الكرتيره دي بكام اصلا لاني مش عارف هتنفع تتلحم ولا ايه
وبصراحه مش عايز اتنازل عنها هي كمان زي الدلايتين اللي وره لاني كده هفضل اتنازل اتنازل لحد ما فيوم همشي من غير اكصدام
سبحان الله وبحمده سبحان الله العظيم
رقم العضوية : 3595
تاريخ التسجيل : 06Dec2007
المشاركات : 800
النوع : ذكر
الاقامة : cairo
السيارة: chevrolet pick up
السيارة[2]: chevrolet spark 2008
دراجة بخارية: لا
الحالة :
رقم العضوية : 4631
تاريخ التسجيل : 20Jan2008
المشاركات : 830
النوع : ذكر
الاقامة : عايز اعيش فى اسكندرىة
السيارة: سويفت ٢٠١٥
السيارة[2]: سيريون 2008 Glx
دراجة بخارية: no
الحالة :
الحمدلله اللى ييجى فى الحديد بقشيش
بصراحة اغلس حاجة فى السيريون الدلايات اللى بتفك من الكرتيرة ومن الاكصدام
سعر الكرتيرة فى التوكيل غالية طبعا كان فى حد غيرها تقريبا 250 جنيه بصراحة مش متاكد ...
الف سلامة يا باشا
رقم العضوية : 44707
تاريخ التسجيل : 09Aug2009
المشاركات : 915
النوع : ذكر
الاقامة : US
السيارة: -
السيارة[2]: 98 C230 Kompressor
الحالة :
أولا الحمد لله إنها جت سليمة , وفعلا الناس بتاخد بالمظاهر جدا , بلد بتاعت شهادات صحيح ...
سؤال : هي إزاي العجلة بتاعت ال128 اتفاكت؟؟ يعني ماكانتش مربوطة كويس ولا المسامير ممكن تطير ولا إيه الحوار ؟؟؟ حاجة تخوف ..
[marq="3;right;3;scroll"] واتناقش مع الجاهل تزداد جهل!!![/marq]
رقم العضوية : 25217
تاريخ التسجيل : 15Nov2008
المشاركات : 3,556
النوع : ذكر
الاقامة : ismailia
السيارة: Hyundai elentra
السيارة[2]: Hyundai veloster
دراجة بخارية: not found
الحالة :
الف سلامة عليك ياشريف والحمدالله انك رجعت بيتك تانى
والله لما كنت فى المنصورة كنت بشوف افلام رعب على الطريق
رقم العضوية : 157
تاريخ التسجيل : 24Apr2007
المشاركات : 499
النوع : ذكر
الاقامة : الأسكندرية - محرم بك - الرصافة
السيارة: كيا برايد 2003 سيدان
السيارة[2]: هيونداى ماتريكس 2008
دراجة بخارية: غير موجود
الحالة :
حمدالله على السلامه
ربنا يكفينا واياكم شر الحوادث
أخوكم فى الله محمد مبروك
رقم العضوية : 40298
تاريخ التسجيل : 14May2009
المشاركات : 5,965
النوع : ذكر
الاقامة : Heliopolis- Masr El Gedida
السيارة: I do not have
السيارة[2]: لا
دراجة بخارية: I do not have
الحالة :
دا مش بيهبط دا بيخليك يجيلك شبة طرمخة من كتر كمية الناس اللى بتعتزرلك السواق وابو السواق وامة والركاب وولادة والناس اللى ماشية فى الشارع واللى بيوطى على عربيتك ويقولك حصل خير ياجماعة انتوا مالكم بيجيبوا للواحد شلل مؤقت لغاية لما تفوق حصل اية
[img3]http://s11.postimg.org/5u651o4eb/bsmlhe41104899dnj0zx5.gif[/img3]
رقم العضوية : 23992
تاريخ التسجيل : 03Nov2008
المشاركات : 658
النوع : ذكر
الاقامة : .Cairo
السيارة: N/A
السيارة[2]: Honda civic 2015
دراجة بخارية: N/A
الحالة :
حمدالله على سلامتك.
.Under Construction
رقم العضوية : 20497
تاريخ التسجيل : 28Sep2008
المشاركات : 987
النوع : ذكر
الاقامة : Cairo
السيارة: nothing
السيارة[2]: Renault Fluence E3 2012
دراجة بخارية: nothing
الحالة :
شريف باشا حبيب قلبى,الف حمدلله على السلامه وفداك العربيه كلها طلما انت بخير يامان,انا بصراحه معرفش اسعار الحجات دى او تتجاب منين بس بصراحه الموقف اللى حصل معاك مشابه للحصل معايا واستفذنى جدا وانا بقرأ علشان افتكرت اللى حصل فيا فأسمحلى احكى اللى حصل معايا ونقارن اللى انا عملته باللى انت عملته
فى يوم الصبح وانا بوصل والدتى الشغل قبل مطلع على شغلى وكانت الساعه 8 الصبح والشوارع رايقه فى منطقه فى مصر الجديده اسمها ميدان السبع عمرات وانا ماشى براحتى على اليمين تاكسى وقف قدامى يركب زبون محبتش اطلع منه قلت استناه وفجأه اسمع طاااااااخ اخت بتاعتك بالضبط عارفها دى وابص فى المرايه الاقى ميكروبص,من صوت الخبطه او من الخضه مش عارف اتهيقلى انى هنزل الاقى الشنطه على الكنبه عندى نزلت لاقيت الشنطه اتفعصت فعصه محترمه اتحرق دمى خصوصا ان العربيه يادوب 6شهور بتكلم مع الواد اللى سايق الميكروبص كان دمى محروق اوى بقوله انت اعمى مبتشفش بيقوللى انت اللى دست فرامل فجأه قلتله يعنى خابطنى من ورا وبتتكلم طبعا ده كله ووالدتى معايا قلتلها انزلى انتى روحى شغلك وانا هتصرف,مفيش دقيقه لاقيت بتاع 3 او 4 ميكروبصات وقفوا علشان يجاملوا صاحبهم بقى وانا بقيت واقف وسطهم لوحدى واللى يقوللى في ايه ياعم خد عربيتك وامشى بجد بلطجيه بطريقه غريبه انا قلت للواد انا مش عايز منك حاجه بس نطلع على القسم نعمل محضر علشان التأمين قاللى حاضر بس نحضن العربيات علشان الطريق واقف قام منزل الناس اللى كانت معاه وانا قمت ركبت وحضنت شويه قام ابن ال... اخد الميكروبص وطلع جرى وصحابه واقفنلى حوالين العربيه علشان يحجزوا عليا,انا بصراحه الدم جرى فى عروقى قلت يانا يا هو النهرده,خدت العربيه وطلعت وراه,جريت وراه من ميدان السبع عمارات لحد ميدان سانت فاتيما فى مصر الجديده برضو,غرز فى يمين فى شمال وايه بقى مقولكش فيلم اجنبى قلت مش هسيبه لحد لما خلاص طالع من شماله وهكسر عليه علشان اوقفه قام كسر يمين عايز يطلع منى قام الباب اللى عنده ورا اللى بيركب منه الزباين دخل فى عربيه مركونه بهدلها خالص والباب اتفعص واتكسر ووقع خالص ووقف هو قمت كسرت قدامه ووقفت وبجد فى اللحظه دى قلت انا هربيه هو بقى مش يسكت لحد هنا لا ده لما شافنى جبته قام عايز يجرى ويسيب الميكروبص ساب الدريكسيون وحاول ينزل من الباب اليمين بس كان مزنوق كان عايز ينزل يجرى ويسيب الميكروبص وطبعا لما قام من قدام الدريكسيون قامت عربيته ريحت على الباب اللى قدام يمين عندى جرخته البويه بتاعتى اتشالت انا بقيت مولع من جوايا قمت نزلت قلتله بتجرى منى يابن ال واديتهمله وقمت لفيتله وهو جوا الميكروبص دخلتله من الباب اللى ورا ومرحمتوش تلطيش وبالبوكسات والبونيات بهدلته محاشنيش عنه غير عساكر كانوا فى الشارع ساعتها شالونى من عليه (كل ده وانا بالبدله برضو)وسألونى فى ايه يا فندم قلتلهم حصل كذا كذا طلعولى رخصه ابن الكلب ده,فتشوه ياشريف ولا معاه بطاقه ولا رخصه معهوش غير رخصه الميكروبص ومش بأسمه متفهمش بقى كان سارقه ولا شغال عليه ولا ايه,المهم طبعا العساكر ادونى الرخصه وقالولى اطلع على القسم وهيمشى وراك مشيت وهو ماشى ورايا وعلى موصلنا القسم بقى بقيت انا ماشى وورايا بتاع 5 ميكروبصات صحابه بقى جايين يقفوا معاه,ركنا قدام القسم مقولكش بقى على المعامله اللى عاملوهالى صحابه,ياباشا واحنا تحت امرك وحقك علينا واللى تأمر بيه ويبوسوا رأسى ورجلى وبلاش يدخل القسم ولا معاه رخصه ولا بطاقه هيتبهدل قمت قلتله منك لله وسيبته مشى,عايز اقوللك يومها رحت شغلى القميص عليه دم منه ياشريف ورغم كدا ندمت انى معملتلوش محضر
الخلاصه سواقين الميكروبصات بقى فئه من الناس مينفعش التعاطف معاها بأى حال من الاحوال ومنتهى الصح معاهم انك تبهدلهم وتأخد حقك منهم علشان هما مش بيتربوا
تقبل تحياتى وفداك العربيه يا صديقى
George
فى كل صباح تذكر ان الرب الهك يحبك ويحرسك ويدبر كل امورك,فقط قل لتكن مشيئتك
رقم العضوية : 12116
تاريخ التسجيل : 02Jun2008
المشاركات : 1,612
النوع : ذكر
الاقامة : Nasr City
السيارة: لا يوجد
السيارة[2]: Sirion GL 1300
دراجة بخارية: no
الحالة :
حمد الله علي سلامتك يا شريف الواحد فعلا بقي بينزل من البيت و لما بيرجع سليم بالعربيه بيتشاهد
يعني need for speed بقت اامن من الشوارع بتاعتنا
و بصراحه برضة جورج جدع انه عمل المغامرات دي كلها بس المفروض مكنش يسيبه لان لما بني ادم يمشي من غير بطاقه و من غير رخصة يعني دة مصيبه ماشية في الشارع و معاه 14 بني ادم في الميكروباص ميهموش حياتهم و لا اي حاجة فدة كان المفروض فعلا يتبهدل و يتسجن علشان يبقي درس ليه لانه اكيد اول ما مشي خد الميكروباص و عمل بيه نفس اللي كان بيعمله يعني لما يخبطك و يجري يخبط عربيه واقفه يعني خساير متقلش عن 10000 جنيه زائد الرعب اللي صاب الناس اللي راكبه معاه و لو فيه طفل او ست كبيرة كان ممكن يجيلها سكته قلبيه من حيوان زي دة يعني الحركه بتاعتك كانت هتبقي روعه لو البني ادم دة اتسجن و عرف ان الله حق
المفضلات