شاركوا معي بدور علي اسم لمولد ( ولــــد ) جديد عقبالكم

**alaa74** · 21-02-2010 12:40 PM

عمر اسم جميل ودة بالمناسبه اسم ابنى
وكمان ممكن ياسين اعتقد انه اسم جميل
وربنا يباركلك فيه وتربيه تربيه دينيه صالحه ويكون من حفظه القران

**aliabutaleb** · 21-02-2010 01:49 PM

المشاركة الأصلية كتبت بواسطة Nokiaxxx

بص
نصيحة
بلاش الأسامي المكلكعة بتاعت اليومين دول زي الزبير وجاسر ومصعب و عبد الرحمن .. تحس كده انك كده داخل على تنظيم القاعدة أو معقل إرهابي
حاول ترجع للتقليدي شوية زي وائل و تامر و نادر و طارق و عمرو أو تجدد بس يكون إسم لطيف برضه مش قافش على نفسه زي الموضة اللي إتبلينا بيها من فترة دي على رأي صاحب مدونة إسمها "سبعاويات" و هوة بيقول:

ماما رشا مشكلتها انها دايما مشغولة، ودايما محتاسة ودايما غرقانة فى شبر مية ، تراها فى المنزل وهى تهدهد رضيعها حمزة(عهد الأطفال الذين كان اسمهم تامر وطارق و شريف ذهب الى غير رجعة حيث اصبح الاطفال الآن اسمهم الخوارزمى وحمزة ومعاوية) باحدى يديها وباليدى الأخرى تقلب الشوربة وباحدى قدميها تقوم بتجفيف ارضية المطبخ التى القى عليها حنيف (اخو حمزة الأكبر) كوب اللبن ،......إلخ

برضة هاقترح حمزة

**mahmoudysf** · 21-02-2010 02:42 PM

[QUOTE=Nokiaxxx;3872387970]بص
نصيحة
بلاش الأسامي المكلكعة بتاعت اليومين دول زي الزبير وجاسر ومصعب و عبد الرحمن .. تحس كده انك كده داخل على تنظيم القاعدة أو معقل إرهابي
خير الاسماء ما حمد وعبد زي ما رسول الله صللى الله عليه وسلم علمنا فا ما ينفعش تقول على عبد الرحمن اسم مكلكع لانه اسم من اسماء الله الحسنه واقيم كتير من وائل واتمر وهيثم مع الاعتذار لاصحاب هذه الاسماء

**mahmoudysf** · 21-02-2010 02:49 PM

يوسف
عمر
دول اسماء اولادي الذكور وفيه طبعا اختهم رضوى

**أحمد كمال** · 21-02-2010 02:51 PM

المشاركة الأصلية كتبت بواسطة mahmoudysf

[s]خير الاسماء ما حمد وعبد زي ما رسول الله صللى الله عليه وسلم علمنا[/s] فا ما ينفعش تقول على عبد الرحمن اسم مكلكع لانه اسم من اسماء الله الحسنه واقيم كتير من وائل واتمر وهيثم مع الاعتذار لاصحاب هذه الاسماء

سيدي الفاضل

الحديث هذا غير صحيح

قال في "كشف الخفاء" (1/468) : " خير الأسماء ما حُمّد وعُبّد : قال النجم : لا يُعرف . .

وروي بلفظ : ( أحب الأسماء إلى الله ما عبد وحمد ) قال السيوطي : لم أقف عليه " انتهى بتصرف .

وقال في "المقاصد الحسنة" (ص 87) : " وأما ما يذكر على الألسنة من : ( خير الأسماء ما حمد وما عبد ) فما علمته ) انتهى .

وقال الألباني رحمه الله : " (أحب الأسماء إلى الله ما عبد وحمد ) : لا أصل له كما صرح به السيوطي وغيره " انتهى من "السلسلة الضعيفة" (1/595) رقم (411) .

وقد صح في فضل التعبيد لله ، والتسمي بعبد الله وعبد الرحمن : ما روى مسلم (2132) عَنْ ابْنِ عُمَرَ رضي الله عنهما قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( إِنَّ أَحَبَّ أَسْمَائِكُمْ إِلَى اللَّهِ عَبْدُ اللَّهِ ، وَعَبْدُ الرَّحْمَنِ ) .

**أحمد كمال** · 21-02-2010 03:04 PM

المشاركة الأصلية كتبت بواسطة mahmoudysf

مشكور اخي الفاضل على التوضيح لاكن طالما ذكرت في الاخر عن احب الاسماء كما ورد عن رسول الله اذا فهذا ملخص الموضوع

بالظبط ..... بس المشكلة ان ما ينفعش نغير في نص الحديث عن الرسول صلى الله عليه و سلم .... هو قال عبد الله و عبد الرحمن .... مفيش سيرة ما حمد اصلا :) ..... و مش كل ما عبد كمان (عبد الله و عبد الرحمن بس) .... و جزاك الله خيرا

**Honda_lover** · 21-02-2010 03:11 PM

المشاركة الأصلية كتبت بواسطة أحمد كمال

و مش كل ما عبد كمان (عبد الله و عبد الرحمن بس) .... و جزاك الله خيرا

يا باشا ينفع كل ماعبد بأسماء الله الحسني
يعني عبد الغفور-عبد الرحيم - عبد الجبار- عبد الملك .........وهكذا

-

-

-

الموضوع: شاركوا معي بدور علي اسم لمولد ( ولــــد ) جديد عقبالكم

LinkBack

أدوات الموضوع

عرض

-

-

-

-

-

-

المواضيع المتشابهه

بدور على شقة ايجار جديد فى المعادى . حد يساعدنى

بقالي شهر بدور على سيفيك sir ولحد دلوقتي مش لاقس ده انا لو بدور على لبن العصفو

بدور على شقة إيجار جديد ، برجاء نصائحكم

العربية بدور لما ادوس بنزين وانا بدور

اسبرانزاوى قديم و لانسراوى جديد عقبالكم يا رب من قلبى

الكلمات الدلالية لهذا الموضوع

المفضلات

المفضلات

ضوابط المشاركة