الموضوع: شاركوا معي بدور علي اسم لمولد ( ولــــد ) جديد عقبالكم

المشاركة الأصلية كتبت بواسطة nokiaxxx

بص
نصيحة
بلاش الأسامي المكلكعة بتاعت اليومين دول زي الزبير وجاسر ومصعب و عبد الرحمن .. تحس كده انك كده داخل على تنظيم القاعدة أو معقل إرهابي
حاول ترجع للتقليدي شوية زي وائل و تامر و نادر و طارق و عمرو أو تجدد بس يكون إسم لطيف برضه مش قافش على نفسه زي الموضة اللي إتبلينا بيها من فترة دي على رأي صاحب مدونة إسمها "سبعاويات" و هوة بيقول:

ماما رشا مشكلتها انها دايما مشغولة، ودايما محتاسة ودايما غرقانة فى شبر مية ، تراها فى المنزل وهى تهدهد رضيعها حمزة(عهد الأطفال الذين كان اسمهم تامر وطارق و شريف ذهب الى غير رجعة حيث اصبح الاطفال الآن اسمهم الخوارزمى وحمزة ومعاوية) باحدى يديها وباليدى الأخرى تقلب الشوربة وباحدى قدميها تقوم بتجفيف ارضية المطبخ التى القى عليها حنيف (اخو حمزة الأكبر) كوب اللبن ،......إلخ

مع إحترامي ليك بس هو ده النصح؟
الأسماء الي حضرتك ذكرتها اسماء عربية اصيلة وكتير من صحابة الرسول عليه الصلاة والسلام الي هما افضل جيل كانت اسمائهم الزبير والبراء وعبد الرحمن وحمزة ومعاوية وعمرو وعبد الله ... غلى اخر اسماء صحابة الرسول صلى الله علية وسلم.

وبعدين ايه علاقة الأسماء دي بتنظيم القاعدة؟؟ والإرهاب ؟؟ عبد الرحمن والزبير بيخلوا حضرتك تحس انك داخل تنظيم القاعدة او معقل إرهاب؟ اعتقد انك مأخذتش بالك وانت بتكتب الكلام ده.. لانه كلام غير معقول ولا مقبول.

انا لما اختار إسم لإبني اختار إسم له تاريخ مشرف وارجوا من الله ان يكون فيه صفة من صفات صاحب الإسم.واحكي له قصة صاحب الإسم. لعله يكون قدوة ليه في الصفة الحسنة. بدل ما اسمي ابني او بنتي بإسم ممثل ولا ممثلة. او حتى بإسم وخلاص.

الأسماء المكلكعة هي الأسماء الغير عربية وليست الأسماء العربية الأصيلة.
ده كان زمان لما راجل يكون بطل وشجاع وعلى خلق تلاقي الناس في بتسمي اولادها بإسمة لأنهم نفسهم إبنهم يبقى زيه.

واقتبس كلام للشيخ علي بن عبد الخالق القرني بخصوص الأسماء وتأثير الإسم على المسامع وعلى المسمى به:

إنما السائل من لون الإناء .. إن تأنيث الأسماء جبن يورث تأنيث الشمائل والطباع .. والظاهر يؤثر على الباطن .. لقد كان المسلمون على عدوهم صخورا وجنادل .. يوم كان منهم صخر وجندلا ..!!
وكانوا عليهم غصصا وسموما يوم كان فيهم مرة وحنظلا ..!! وكانوا عليهم حسكا وشوكا يوم كان فيهم قتادة وعوسجا ..!! ولا يرضى بالأسماء والكنى والألقاب الرخوة إلا العبيد ..!! وما شاعت هذه الرخاوة يوم كان المسلمون سادة ..!! وما راجت بينهم إلا عندما أضاعوا السيادة والقيادة ..!! أما والله لو نادى منادي ببعض هذه الأسماء في حظرة عمر رضي الله عنه لهاجت شرته وبادرت بالجواب درته ..!!

فإن لم يكن حسن فعال فليكن .... قوة اسم وكنية ولقب وحسن فال
وعادت النصل أن يزهى بجوهره .... وليس يعمل إلا في يدي بطل