الموضوع: زيت موبيل 1

هيه حكومه صح؟

مش عارف ليه طول عمرى مش بارتحلهم نفسيا ابدا بدون اسباب واضحة

بحس انه زيت اكل :p

انا بحب احط بنزين فى المحطات اللى لسه فاتحة جديد عشان اضمن ان تانكاتهم نظيفة

نتفق من الأول على حاجة
أن وظيفة الزيت الأولى ولحد عشرة التبريد
لأن الزيت هو سائل التبريد الأول بالنسبة للمحرك مش المياة لأنه ملامس تلامس مباشر جميع اجزاء المحرك الساخنة
بعد كده تيجى عدم قابليتة لتكوين احماض اللى بدورها ممكن تعمل عملية تاكل للمعدن
ثم التزييت لعدم اهتراء المعادن
ثم مقاومة الترسبات علشان ما يكونش عامل زى الصنفرة وبدل ما يزيت ياكل
وعن تجربة سنين كاملة فى عربيات كتيرة استخدموا موبيل 1 انا كنت باحطة فى عربيتى وكان بيفضل فيها بال 25 الف كيلوا وبينزل زى الدهب ولا حاجه ولا حتى لذوجتة كانت بتتأثر
حطوا موبل 1 وامشوا 10 الاف كيلو علشان تحافظوا على المحركات

انا جربت معظم انواع الزيت احسن زيت عن تجربة اكيدة موبيل 1 بالرغم من ان سعره غالي صوت العربية اهداء سحبها احسن بكتير و الأداء واحد سواء في المشاوير الطويلة او القصيره و العزم افضل بشكل ملحوظ و صوت الدوران في بداية التشغيل افضل و اكتر سلاسة في الدوران و الأهم انك ممكن تطلع علي طول من غير ما تسخن في الصبح بالذات و في البرد لانه خفيف بيزيت الموتور بسرعة مش زي الزيوت المعدنية التانية الي كثافتها اعلي دا غير انة الزي الوحيد الي في مصر بيدي مستوي خدمة api sm;كل الزيت الي في مصر حتي التخليقية api slالمهم ان المشكلة الرئيسية فية مش سعرة و بس انما الزيت دا زي ما بيقولوا بيتحلل بعد 10000كم او 6 شهور يعني لو قعدت 6 شهور ما عملتش فيهم غير 3000 كيلو برضة حتكون مضطر تغيره و ربنا يعوض عليك و الله اعلم بالرغم انه مفيش اي حاجة علي عبوه الزيت اكد الكلام دا دا مجرد كلام مش عارفين مدي صحتة