الف شكر ..وسؤالين لو سمحتم
سلام عليكم
اولا ربنا يشفي اخونا محمد وكل مرضانا ويجعل مرضهم في ميزان حسناتهم واسرهم
وبعدين جزاك الله كل خيرا يا ا. حسين على نصائحك وكتاباتك والصور التفصيلية الموضحة وتشجيعك واهتمامك بالمبتدئين جدا امثالنا
بس انا ماكنتش باعرف اسوق..انا اخذت الرخصة لمجرد اني عديت امتحان ميسر بيتعمل مخصوص لطلاب المدارس اللي تبع المحافظة
بعدها اخدت كورس كان 4 حصص عملي وللاسف لم اتدرب كفاية وماكانش عندي عربية ولا متاح اي فرصة تدريب غير الخوف وعدم الثقة
ومؤخرا بدات انزل مع مدرب خاص بيعلمني من اول وجديد
وامبارح بس نزلت بها لوحدي لحد شغلي وطبعا عملت اخطاء لكن الحمد لله مع الدعاء المستمر طول السكة ربنا ستر ورحت ورجعت بها وكان يوم تاريخي بالنسبة لي وان كنت مش متاكدة اني باعمل كل حاجة صح
يعني مثلا مش باسوق الا ع الاول عشان اطلع وبعدين التاني فقط لان سرعتي لا تتعدى 35 مثلا(رجاء عدم الضحك..على قدي وعشان الحق نفسي) ..لكن احد الزملاء قال لي ان دا غلط ع الموتور واني لازم اطلع للغيار التالت حتى لو سرعتي محدودة كدا..فايه راي حضرتك وباقي الاخوة والاخوات الافاضل هنا؟
وسؤال تاني: المفروض حركة القدم اليمنى تكون محورية بان الكعب على الارضية والمقدمة تحت المشط بتتحرك بين دواستي البنزين والفرامل ..صح كدا؟ لكن انا مابعرفش اعمل كدا لاني باحس دواسة الفرامل عالي فبانقل القدم بكاملها وليس مقدمتها فقط من غير تثبيت كعبها..هل دي غلطة كبيرة او ماينفعش اكمل كدا؟
وبالمقابل القدم اليسرى سمعت برضو انها المفروض تكون على الارضية مالم اكن محتاجة لضغط دواسة الدبرياج لكن انا باخاف ما الحقش انقلها بسرعة من الارضية للدواسة لو احتجت افرمل فجاة لاي سبب...فباكون وقت كبير حاطاها ع الدبرياج حتى لو مش ضاغطاه بس سمعت ان دا غلط على اسطوانة الدبرياج ..ايه رايكم تنصحوني بايه؟
متهيالي اسهل نصيحة ماسوقش تاني بس معلش انا مضطرة والله..
شكرا جزيلا وربنا يكرمكم جميعا
النقطة العمياء فى المرايا
السلام عليكم ورحمة الله وبركاته
النهاردة اتبعلت ليا ايميل عن النقطة العمية فى المرايا و ازاى تظبط المرايا على 90درجة ودة كلة فى ملف باوربويت رفعتة على ميديا فاير
وده الينك
http://www.mediafire.com/?yzm4myw2mjg
:Ta_clap[1]::3mla: