نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

http://nileup.com/up/uploads/nilemotors_14194733251.jpg

اخوك جديد لنج فى موضوع السواقة
برغم انى معايا رخصة هههههههههههههههههه

المهم ... طبعا خايف من السواقة
يمكن دلوقتى عملية الخوف دى قلت كثيير

وانا من راى اهم حاجة تقلل الخوف ان اللى بعلمك يكون بيفهم
موش سواق وخلاص

يعنى انا مثلا
خرج معايا واحد صاحبى وكان فاهم كويس قوى اكثر من السواقيين اللى خرجوا معايا

واول نصيحة لى منه هى ...
رجلك على الفرامل واضغط دبرياش وانت بتعدى على اى تقاطع او اى يو تيرن او زحمة عربية
لو ظهر لك اى حاجة هاتضغط على الفرامل على طول

طبع فضلنا كثيير نتدرب على الموضوع ده
وزعق معايا كثيير ازاى تدخل على اى تقاطع ورجلك موش على الفرامل والدبرياج يكون جاهز وفاصل الحركة
عشان فى اى وقت وقفت انقل الغيار ببساطة والعربية ماتبطلش
ولو حصل وظهر لك اى شىء مفاجىء رجلك اساسا على الفرامل مافيش اى مشكلة هاتضغط عليها

لكن لو رجلك على البنزين مع الخوف هاتضغط على البنزين وتحصل مشكلة لا قدر الله

طبعا التدريب ازاى تتحكم فى سرعة العربية عن طريق الفرامل
تفضل تضغط عليها براحة لحد ما تاخد العربية السرعة المناسبة
مثلا اليو تيرن لازم اكون داخل براحة قوى
الملفات لازم اكون داخل عليها براحة قوى
التقاطعات لازم اكون مهدى العربية كويس
واى مكان فيه زحام متوقع

طبعا فى المنحنيات والتقاطعات لازم تدخل عليها اصلا بسرعة بسيطة
عشان لو ظهر لك اى حد بشكل مفاجىء او خطأ تلحق تقف ببساطة

دى اول نصيحة

النصيحة التالية
اى ملف لازم تكون هادىء جدا فى سرعتك وتكون داخل الملف فى حارتك "طبعا فى الغالب بجوار الرصيف"
واوعى تخرج من حارتك اللا بعد ما العربية ما تعدل نفسها
وقبل ما تدخل الملف لازم تبص على الناحيتين يمين وشمال

يعنى لو داخل يمين بص شمال بسرعة على العربيات اللى جاية
وارجع بص امام عربيتك
اوعى تنسى وتفضل باصص على العربيات اللى جاية من الشمال
لحد ما عربيتك تنزل نص الشارع

نفس الكلام لو داخل شمال

وطبعا والعربية بتلف تكون محضر الغيار المناسب عشان تمشى على طول وطبعا ما دام رجلك اصلا ضاغطة على الدبرياج هاتقدر تختار الغيار المناسب بسرعة وكده العربيات اللى خلفك موش هاتعمل لك "كلاكس" لانك ماشى كويس ومافيش اى عطلة

وطبعا لو بتلف فى حارتك بجوار الرصيف
حتى لو فيه حد جاى بعربيته وبيجرى هاتكون انت فى الامان قوى
ولو لا قدر الله كان فيه حد بيجرى فى نفس الحارة اللى هى بجوار الرصيف وده طبعا نادر هايلحق يلم نفسه ويبعد عنك
وفى الاول والآخر انت داخل صح بجوار الرصيف وملتزم بحارتك تماما ولا يوجد عليك اى خطأ
واوعى تنقل نفسك من الحارة اللى بجوار الرصيف فجأة دون النظر فى المرايات

اما لو كنت بتعمل يوتيرن
وكنت فى الحارة الخارجية وليست الحارة التى بجوار الرصيف
نفس الكلام لازم تفضل ملتزم بها
واوعى تخرج منها حتى بعد ما تلف بالعربية اليو تيرن
عشان ماترميش نفسك على اى عربية تانية



النصيحة التالية
الالتزام بالحارة التى تسير فيها
يعنى الحكومة عاملة خط بين كل حارة
اوعى تمشى على الخط
لان كده معناه انك شاغل حارتين
والعربيات عشان تعدى منك لازم تعملك "كالكس" وتسبب لك ازعاج
عشان كده لازم تمشى داخل حارتك تماما وليس على الخط الموجود بين الحارتين

كده اللى عايز يعدى هايعدى بدون مشاكل وعمره ما هايضايق منك حتى ولو كنت ماشى بطىء

النصيحة التالية
لو كنت فى شارع سريع مثلا "شارع المطار"
وانت فى طريقك الى المطار
طبعا صعب انك تمشى فى وسط الشارع وانت بطىء
خصوصا انه معروف ان الشارع ده بتاع جرى
يبقى الافضل انك تمشى فى اليمين

النصيحة التالية
لو حصل وظهر لك مطب
اوعى تغير مسار عربيتك الى حارة تانية
الافضل تاخد المطب وامرك لله
احسن ما تغير مسار العربية فجأة الى حارة تانية وتسبب خطر لك وللآخرين
كل العربيات بتاخد مطبات مافيش مشاكل
لكن الخطر انك تخبط عربية تانية
طبعا ممكن تغير مسار عربيتك من حارة الى حارة بعد النظر فى المرايات والتأكد من خلو الطريق والانتقال يكون تدريبجى "سنة سنة" وبراحة قوى ولو فيه اشارة يبقى هايل
عشان اللى جاى وراك ياخد باله

ولو ظهر لك حد ماشى على رجليه امامك
انا من وجهة نظرى الافضل تهدى سرعتك حتى لو لزم الامر انك تقف تماما بالسيارة
افضل من انك تغير حارتك وتسبب مشاكل للآخرين
خصوصا لو عديت امام المشاة ممكن يجرى امامك بدل ما يتوقف وساعتها تحصل مشكلة كبيرة لا قدر الله



النصيحة التالية
لو حصل وكنت عايزة تقف مرة واحدة او هاتنقل نفسك من حارة الى حارة او هاتلف فى يو تيرن
لازم تنظرفى المراية كويس وتشوف مين اللى جاي وراك او بجوارك ... ودى اصعب حاجة "موضوع استعمال المرايات"
خصوصا ان المرايات فيها نقاط عمياء لا تظهر فيها السيارة الموجودة بجوار الباب الخلفى
ولما تنقل نفسك من حارة الى حارة تفاجئى بأن فيه عربية بجوار الباب الخلفى وانت موش شايفاها
معلهش دى بالممارسة والتدريب الجيد جدا جدا لازم تراعى الموضوع ده لانه بيحصل منه مشاكل كثيير

النصيحة التالية
لو مشيت لوحدك بالعربية طبعا يفضل يكون يوم الجمعة مثلا قبل الصلاة الساعة 8 صباحا
امشى ساعة ولا ساعتين مافيش مشاكل عشان تاخدى الثقة

النصيحة التالية
لو حبيتى تركن عربيتك
اركن فى مكان واسع فى الاول
لحد ما تتعلم الركنة كويس
ما تحاولش تركن فى مكان ضيق وانت لسه بتتعلم عشان ماتخبطيش عربيتك وعربيات الناس التانية

فى البداية موش مطلوب انك تجرى بالعربية
كفاية انك تمشى بها حوالى 60 كيلوا
لحد ما تتعود على المشى كويس
وتنقل الغيارات بسهولة
وتقدر تقف لو ظهر اى حاجة مفاجأة
السرعة مطلوبة فى نقل الغيار المناسب وليس الجرى بسرعة
السرعة مطلوبة فى اختيار المكان المناسب للسير عشان مااعطلش باقى السيارات

والنصيحة التالية
لازم يكون بينك وبين السيارة التى امامك مسافة
لازم تحافظ على المسافة دى


والنصيحة التالية
لو ماشى فى طريق طوالى
ممكن ترفع رجلك عن البنزين
عشان السرعة تخف
دون الحاجة الى الضغط على الفرامل

الفرامل فقط فى التقاطعات
والزحام
واليو تيرن
رجلك لازم تكون عليها ومستعدة
والتوقف لا يكون مفاجىء بل تدريجى
بعد التدريب هاقدر تعرف قوة فرامل عربيتك وتحس بها

واخيرا اوعى تمشى فى اماكن زحمة عشان ثقتك فى نفسك ما تتهزش
امشى مع اى حد راكب معاك فى اماكن خالية وخليه يعلمك
وتدريجى اختر اماكن زحمة تدريجيا
وفى اوقات مختلفة

النصيحة التالية
لو هاتعدى مطب صناعى
لازم تكون ضاغط على الدبرياش والفرامل
وعن طريق الفرامل تتحكم فى سرعة العربية
واول ما عجل العربية الامامى يكون فوق المطب وهايبدأ ينزل
تكون اخترت الغيار المناسب "الغيار الاول او الغيار الثانى" حسب سرعة العربية
وطبعا ما دمت انت دايس على الدبرياج اساسا
خلاص هاتختار الغيار المناسب وهاتمشى على طول
لدرجة ان العربيات اللى خلف موش هاتحس انك مبتدأ
لازم تتدرب على الموضوع ده كثيير وتختار شارع يكون فيه مطب صناعى

النصيحة التالية
احترس من اى سيارة بتركن
او خارجة من جراج
او بتفتح الباب
احترس من الاطفال وتحركهم المفاجىء
احترس من سيارات الاجرة والميكروباس لان تقفهم مفاجىء ومتكرر وفى اى مكان بدون تحذير

فى البداية فى ناس تفضل انك تمشى فى جهة اليسار بجوار الرصيف
واللى عايز يجرى يجرى
خصوصا ان كل تركيزك هايكون فى اللى جنبك من الجهة اليمنى فقط
طبعا الكلام ده ينفع فى الطريق الداخلى
لكن لو كان الطريق سريع يبقى خطأ انك تمشى شمال وانت سرعتك بطيئة جدا "خطر جدا"

ولو عرفت اى حاجة جديدة هاقولك ان شاء الله

مع اطيب التمنيات
اخوكم حسين غزالة
https://encrypted-tbn1.gstatic.com/images?q=tbn:ANd9GcS

زيادة كمان
الملفات الشمال كلها فى مصر خدها على الواسع والملفات اليمين خدها على الضيق
عشان لو اخدت ملف شمال على الضيق ممكن تقابل حد فى وشك لا قدر الله
اتمنى تكون فاهمنى

اقتباس:

---

المشاركة الأصلية كتبت بواسطة midomizo

زيادة كمان
الملفات الشمال كلها فى مصر خدها على الواسع والملفات اليمين خدها على الضيق
عشان لو اخدت ملف شمال على الضيق ممكن تقابل حد فى وشك لا قدر الله
اتمنى تكون فاهمنى

---

مظبوط عشان لما تاخد الملف الشمال ع الواسع بتكون ف جهة اليمين و ده سليم و العكس صحيح

انا بعلم زوجتى السواقة خلتها تقرا العناصر السابقة كلها

شكرا جدا على مجهودك ، اكيد افدتنا..

مينفعشي مقلوشي انه مجهود رائع ،، و برده مينفعشي مقلوشي ان لو السواقه كده ممكن اعمل ذي عادل امام في فيلم امير الظلام و انا مطمن ان مفيش حاجه هتحصلي ... قاعده اخيره شافية و وافيه وهي ((( دائما توقع خطأ الغير ))) تسلم بإذن الله

السلام عليكم ازيك يا استاذ حسين ايه اخبارك بقالك كتير مش باين في المنتدي ايه اخبارك وهل اشتريت عربيه ولا لسه وطبعا شكرا علي النصايح المفيده اللي فوق

اقتباس:

---

المشاركة الأصلية كتبت بواسطة islambana

السلام عليكم ازيك يا استاذ حسين ايه اخبارك بقالك كتير مش باين في المنتدي ايه اخبارك وهل اشتريت عربيه ولا لسه وطبعا شكرا علي النصايح المفيده اللي فوق

---

حبيب قلبى الباشمهندس اسلام

انا لسه حالا كتبت رد لحضرتك فى قسم البيجو

العملية رسيت على تويوتا كورولا 1984

عربية جميلة
ناعمة
استهلاك فى البنزين ممتاز جدا تقريبا 200 كيلوا فى الداخلى
الحرارة ممتازة ثابتة تقريبا
السحب ممتاز ممكن تجيب الـ 100 فى منتهى السهولة

كله شىء تمام
الا السواق
ههههههههههههههههههه

عايز اعرف حاجات كثيير لسه
والبركة فيكم
نتعلم منكم

كيف التخلص من الخوف
لكن باسلوب علمى
وبكلام مفهوم وواضح
وكلام ناس عندها خبرة

مع احترامى للجميع
انا عارف ان المشى بالعربية هو اللى هايعلم الواحد
لكن مشى بدون ما الدماغ يكون فيها كلام سليم وتعليمات واضحة وسليمة
يبقى المشى كده خطر على الواحد وعلى الآخرين

والتعليم اذا ما كانش على قواعد سليمة
وتدريجية
يعنى موش كل حاجة فى نفس اليوم
لازم يكون كل اسبوع التدريب على شىء معين

كل اللى انا كتبته ده
هو اللى اتدربت عليه لمدة اسبوع او اسبوعين

ايه اللى المفروض اتعلمه فى الاسابيع القادمة الله اعلم

سألت صديقى فاضل اد ايه
قال لى: فاضل لك اربع اسابيع
عشان تسوق زى ما انا عايز
وتقدر تعتمد على نفسك

لو كان فيه اى نصائح منك يا اسلام
او من اصدقاء نايل موتورز

يا ريت نسمع منكم

لكن عايزين نقسم الكلام الى مراحل
يعنى موش كل حاجة فى نفس الوقت

السؤال: ايه المفروض نتعلمه فى الاسبوع التالى

فى انتظار تواصلكم

وشكرا لك جدا يا اسلام ولكل رجالة البيجو المحترمين

مع اطيب التمنيات
اخوكم حسين غزالة

اقتباس:

---

المشاركة الأصلية كتبت بواسطة midomizo

زيادة كمان
الملفات الشمال كلها فى مصر خدها على الواسع والملفات اليمين خدها على الضيق
عشان لو اخدت ملف شمال على الضيق ممكن تقابل حد فى وشك لا قدر الله
اتمنى تكون فاهمنى

---

الملف الشمال تمشى فى الناحية الشمال والملف اليمين تمشى فى الناحية اليمين عشان تقاوم القوة الطاردة المركزيه مع السرعة العاليه واللى ممكن تخلى العربية تخرج عن الطريق وتتقلب لو السرعة زيادة ولو الطريق مفيهوش ميل فى الجانب العكسى للملف .

الف مبروك على العربية والفين مبروك على تعلم القيادة والرخصة
نصيحتى لك انك تسمع كل الكلام اللى انت كتبته ده وتنفذه بحذافيره لان هى دى اخلاق واداب القيادة اللى هاتجنبك احراجات كتير جدا
ثانيا اوعى تستعجل خد وقتك وبراحتك خالص على الاقل شهر كمان تدريب مع صاحبك فى اماكن هادية وبعدين هو اللى هايقولك انك هاتنزل فى وسط الزحمة دلوقتى
اكيد اول مرة بتبقى صعبة جدا ومليانة توتر لكن اوعى تنسى للحظة ان كلنا اتعلمنا بنفس الطريقة لكن اللى يفرق واحد عن واحد مدى التزامه باداب القيادة وده بتتعود عليه لما تبقى بتزيد فترة تدريبك
لكن الناس اللى بتتعلم فى اسبوعين والسلام للاسف بينزلوا الشارع يعكو الدنيا وبعدين يتعودوا على العك ده وتبقى دى طريقتهم فى القياده لفترة طويلة اوى
انا كترت فى الكلام اوى بس انا مبسوطة انك بتتعلم صح وربنا يوفقك

بالإضافة للكلام اللى إتقال فى الموضوع فى بعض النصايح البسيطة :

1. ركز على تجنب أخطاء الأخرين وما تركزش فى إنك أما تتخبط تقول أنا اللى صح هاتفيد بإيه .
2. فى الطريق الطوالى أو السريع سوق عربية اللى قدامك يعنى تبص لمسافة أزيد من العربية اللى قدامك .
3. تحفظ العربيات اللى حواليك من الأربع إتجاهات وطريقة سواقتهم عشان تتوقع أى خطأ منهم ولازم تتدرب على إستخدام المرايات الثلاثة فى نفس الوقت .
4. خللى بالك دايماً من العربيات القديمة اللى قدامك على اليمين ركز عنده مرايا شمال ولا لأ عشان لو لأ هاكيد هايغلط ويزنقك لو حاولت تعدى من الشمال .
5. أما الطريق يقف فجأة حضر نفسك قبلها ب 150 متر ودوس مفتاح إنتظار وقبل ما توقف ب 60 متر مثلاً بص فى المراية وتبطأ قبلها ب 30 متر وتبص فى المراية لحد اما تتأكد إن اللى وراك هدى خلاص عشان الخطر جاى من وراك ممكن أى حد يخبطك ويبقى قى مساحة تتفاداه بمناورة .
6. فى التقاطعات سواء يمين أو شمال ما تركزش على العربية اللى قدامك بس شوف اللى سايقها باصص فين يعنى واخد باله وإلا لأ .
7. ما تتكلمش فى الموبايل خلاص وإنت سايق لحد أما تتمكن من السواقه .

تمام والله معظم النصايح واهم حاجة نمسك الدريكسون بأيدينا الأثنين (كنت هبوس عمود بسبب الموضوع دة)

نصائح جميلة وممتازة .... وفعلا عى محتاجة شوية تعود ...

نصيحة مني حتحتاجها انشاء الله قدام شوية . هيا يمكن المفروض ماتتقلش لان اللي حقوله غلط بس ده اللي بيحصل .
اول ما تتمكن في السواقة ويروح الخوف من جواك حتلاقي نفسك عاوز تجري بالعربية صح وخاصة لو اصحابك معاهم عربيات حيفضلو يستفزوك عشان تجري معاهم .
حذاااااااااري من الشد مع العربيات عشان ماحدش بيخاف على حد حتى لو صاحبك ممكن يزنقك ويسببلك مشاكل لاقدر الله .
يوم ماتجري اجري لوحدك ماتشدش مع حد ( طبعا اللي بقوله ده غلط بس زي ما بيقولو نص العمى ولا العما كله ) . وبعدين هو ده اللي بيحصل مع كل الشباب لازم بيجروا .

نصايح حلوة باين على صديقك مخضرم

النصيحة التالية
لو هاتعدى مطب صناعى
لازم تكون ضاغط على الدبرياش والفرامل
وعن طريق الفرامل تتحكم فى سرعة العربية
واول ما عجل العربية الامامى يكون فوق المطب وهايبدأ ينزل
تكون اخترت الغيار المناسب "الغيار الاول او الغيار الثانى" حسب سرعة العربية
وطبعا ما دمت انت دايس على الدبرياج اساسا
خلاص هاتختار الغيار المناسب وهاتمشى على طول
لدرجة ان العربيات اللى خلف موش هاتحس انك مبتدأ
لازم تتدرب على الموضوع ده كثيير وتختار شارع يكون فيه مطب صناعى



النقطة دى غلط
ما تطلعش مطب بالفرامل خالص
اطلعه دبرياج بس
تفرمل قبله
واول ما العربية هتلمس المطب تشيل رجلك من الفرامل

احب ابارك ليك على الرخصة وتعليم السواقة
والنقط كلها جميلة وكويس انك كتبتها عشان كلنا نعرفها لانى بعلم اختى السواقة برضه


واهلا بك سائق جديد لشوارعنا المصرية واحب ابشرك واقولك انك كلها كام اسبوع وحتلاقى حضرتك تركت فن الذوق والاخلاق وتنهل من التراث المصرى فى فن القيادة فى الشوارع


التراث دا مش محتاج اكتب القواعد بتاعته لانها معروفة عند الكل
بس حضربلك مثال
1- قاعدة البوز بيز
2-وانت محود يمين او شمال حود الاول وبعدين ادى الاشارة (ا لو حبيت تسوق محترم) او متديش اى اشارة من اصله وطنش وخش ولو حد خبطك حيبقى من ورا وبكده روح اعمله محضر لانه خبطك من وراك

وبعدين تقول انا ايه اللى رمانى على المر دا
وتفضل تلعن فى السواقة على اللى سايقينها على اللى منيلينها
وبعدين تفكر تهاجر
ووو
وبس كفاية كده

ملحوظة (انا بهزر طبعا )
وتقبل تحياتى

اقتباس:

---

المشاركة الأصلية كتبت بواسطة a.saad

النصيحة التالية
لو هاتعدى مطب صناعى
لازم تكون ضاغط على الدبرياش والفرامل
وعن طريق الفرامل تتحكم فى سرعة العربية
واول ما عجل العربية الامامى يكون فوق المطب وهايبدأ ينزل
تكون اخترت الغيار المناسب "الغيار الاول او الغيار الثانى" حسب سرعة العربية
وطبعا ما دمت انت دايس على الدبرياج اساسا
خلاص هاتختار الغيار المناسب وهاتمشى على طول
لدرجة ان العربيات اللى خلف موش هاتحس انك مبتدأ
لازم تتدرب على الموضوع ده كثيير وتختار شارع يكون فيه مطب صناعى



النقطة دى غلط
ما تطلعش مطب بالفرامل خالص
اطلعه دبرياج بس
تفرمل قبله
واول ما العربية هتلمس المطب تشيل رجلك من الفرامل

---

والله كلام حضرتك سليم تماما
لكن اللى بيحصل فى مصر مختلف شوية ... يعنى ممكن تفاجأ بمطب صناعى طبعا موش هاقولك على موصفات المطب الصناعى هههههههههههه لكن هاقولك انك ممكن تكون موش شايفه اصلا ولا حتى عليه لون ابيض عشان الناس تشوفه وطبعا اغلب العربيات ارتفاعها بيكون منخفض والنتيجة انك ما بتلحقش تحدد السرعة المطلوبة للمطب خصوصا انك مبتدأ وشوية شوية الواحد يقدر يعدى المطب بدون الضغط على الفرامل زى ما حضرتك قلت بالضبط

اقتباس:

---

المشاركة الأصلية كتبت بواسطة ainshouka

احب ابارك ليك على الرخصة وتعليم السواقة
والنقط كلها جميلة وكويس انك كتبتها عشان كلنا نعرفها لانى بعلم اختى السواقة برضه

الله يكرمك ويبارك فى حضرتك

واهلا بك سائق جديد لشوارعنا المصرية واحب ابشرك واقولك انك كلها كام اسبوع وحتلاقى حضرتك تركت فن الذوق والاخلاق وتنهل من التراث المصرى فى فن القيادة فى الشوارع

هى عملية الزوق والاخلاق دى ترجع لشخصية الانسان ... يعنى لو متربى على كده ممكن يتغير لكن موش بشكل كبير المؤدب طول عمره هايفضل مؤدب

التراث دا مش محتاج اكتب القواعد بتاعته لانها معروفة عند الكل
بس حضربلك مثال
1- قاعدة البوز بيز
2-وانت محود يمين او شمال حود الاول وبعدين ادى الاشارة (ا لو حبيت تسوق محترم) او متديش اى اشارة من اصله وطنش وخش ولو حد خبطك حيبقى من ورا وبكده روح اعمله محضر لانه خبطك من وراك

وبعدين تقول انا ايه اللى رمانى على المر دا
وتفضل تلعن فى السواقة على اللى سايقينها على اللى منيلينها
وبعدين تفكر تهاجر
ووو
وبس كفاية كده
ههههههههههههه والله كل اللى فى البيت ضحكوا من قلبهم على الكلام ده وللأسف كلام سليم ربنا يهدى الجميع
ملحوظة (انا بهزر طبعا )
وتقبل تحياتى

---

اقتباس:

---

المشاركة الأصلية كتبت بواسطة aymansaad

انا بعلم زوجتى السواقة خلتها تقرا العناصر السابقة كلها

---

فى الأول لازم اللى بيعلمها يكون موش عصبى هههههههههههههههههههه
لان اغلب اللى بيعرف يسوق كويس بيكون عصبى من كونه راكب موش سايق
وموش لازم تتدرب على كل الكلام ده مرة واحدة
ممكن تتدرب كل مرة او كل اسبوع على حاجة
فى البداية بيكون كل التركيز على الرخصة واختبار الرخصة ... وبعد كده يظهر ان الواحد عمره ما اتعلم القيادة اساسا وطلع موضوع الرخصة ده اسهل حاجة
والاهم منه ان الواحد يتعلم القيادة بطريقة علمية وصحيحة وبعيدا عن الفهلوة
البركة فى حضرتك وربنا يوفق إن شاء الله

اقتباس:

---

المشاركة الأصلية كتبت بواسطة nadeen

شكرا جدا على مجهودك ، اكيد افدتنا..

---

لا شكر على واجب
وإن شاء الله نبدأ نتعلم من اخواتنا فى المنتدى
وكل واحد عرف حاجة من شخص بيفهم
يحاول يقول لنا ويعلمنا
جزاك الله خير

اقتباس:

---

المشاركة الأصلية كتبت بواسطة macdiv

مينفعشي مقلوشي انه مجهود رائع ،، و برده مينفعشي مقلوشي ان لو السواقه كده ممكن اعمل ذي عادل امام في فيلم امير الظلام و انا مطمن ان مفيش حاجه هتحصلي ... قاعده اخيره شافية و وافيه وهي ((( دائما توقع خطأ الغير ))) تسلم بإذن الله

---

موضوع توقع خطأ الغير
موضوع مهم جدا جدا جدا
ويمكن الواحد يوصل للمرحلة دى مع الوقت والخبرة
لكن فى البداية بالنسبة لى
الاساس هو عند الدخول على تقاطعات او طرق رئيسية او يوتيرن او زحمة
رجلك على طول على الفرامل والدبرياج وبسرعة هادئة
عشان لو حصل اى حاجة تلحق تقف
اما التوقع بخطأ الغير ... طبعا هايجى مع الوقت والتركيز وعدم الخوف وثبات الاعصاب
وطبعا ممكن اكون متوقع خطأ الغير
لكنى خالفت قاعدة الدخول الى التقاطعات يجب ان تكون بسرعة هادئة
يعنى متوقع خطأ الغير ولكنى لم استطيع وقف السيارة لتجنب هذا الخطأ
لانى داخل مثلا على التقاطع بسرعة عالية اكثر من اللازم

هو كل اللى بيحصل لى دلوقتى انى بلحق اقف بالعربية قبل حدوث اى مشكلة والتوقع طبعا بيكون محدود شوية وكل اعتمادى على انى داخل التقاطعات بسرعة هادئة

ربنا يسهل يا اخى والواحد يوصل للمرحلة دى ... شاكر افضالك

اقتباس:

---

المشاركة الأصلية كتبت بواسطة maged_samy

الملف الشمال تمشى فى الناحية الشمال والملف اليمين تمشى فى الناحية اليمين عشان تقاوم القوة الطاردة المركزيه مع السرعة العاليه واللى ممكن تخلى العربية تخرج عن الطريق وتتقلب لو السرعة زيادة ولو الطريق مفيهوش ميل فى الجانب العكسى للملف .

---

احب اضيف الى كلام حضرتك الرائع
ان فى الملف لازم تلتزم بحارتك حتى بعد الانتهاء من الملف
لان ممكن يكون فيه عربية تانية بتلف معاك فى الحارة التانية
وما دام انت ملتزم بحارتك مافيش حد هايعمل لك كالاكس ولا هايشعر بالضيق منك او انك ترمى عليه يعنى تغير مسارك من الحارة اللى انت بتلف فيها الى الحارة الاخرى

اقتباس:

---

المشاركة الأصلية كتبت بواسطة adelll13

الف مبروك على العربية والفين مبروك على تعلم القيادة والرخصة
نصيحتى لك انك تسمع كل الكلام اللى انت كتبته ده وتنفذه بحذافيره لان هى دى اخلاق واداب القيادة اللى هاتجنبك احراجات كتير جدا
فعلا صاحبى اكد لى انك لو ماشى بسرعة هادئة موش عيب
ومادمت ماشى بشكل عاقل وسليم ولا تسبب ازعاج للآخرين مافيش حد هايعمل لك كالاكس ويضايقك واللى عايز يعدى منك هايعدى بدون مشاكل وفى منتهى الهدوء

ثانيا اوعى تستعجل خد وقتك وبراحتك خالص على الاقل شهر كمان تدريب مع صاحبك فى اماكن هادية وبعدين هو اللى هايقولك انك هاتنزل فى وسط الزحمة دلوقتى
اكيد اول مرة بتبقى صعبة جدا ومليانة توتر لكن اوعى تنسى للحظة ان كلنا اتعلمنا بنفس الطريقة لكن اللى يفرق واحد عن واحد مدى التزامه باداب القيادة وده بتتعود عليه لما تبقى بتزيد فترة تدريبك

وده نفس الكلام اللى بقوله للناس اللى معايا ... انا موش مستعجل ... وعايز اخد وقتى .. ولما تيجى فرصة انزل مع حد بيفهم ... اركب معاه واتعلم ... مافيش اى مشاكل ... لحد لما الواحد يشعر فعلا انه اصبح تمام
بالنسبة لأداب القيادة ... والله الواحد بيلاقى ناس كثيير قوى افاضل ومحترمين وبيشعروا ان اللى راكب بيتعلم جديد وبيصبروا عليه ....
طبعا فيه العكس وهما دول الناس اللى بتسبب قلق للمتعلم الجديد ربنا يستر

لكن الناس اللى بتتعلم فى اسبوعين والسلام للاسف بينزلوا الشارع يعكو الدنيا وبعدين يتعودوا على العك ده وتبقى دى طريقتهم فى القياده لفترة طويلة اوى
انا كترت فى الكلام اوى بس انا مبسوطة انك بتتعلم صح وربنا يوفقك


للاسف ... فعلا ... طول ما انا ماشى بالعربية .. اشاهد سيارات جديدة ولكن متخبطة فى كل حتة .... طبعا معلهش "الفلوس بتجمد القلب" .... يعنى فيه ناس معاها فلوس وماعندهاش اى مشكلة انهم يركبوا عربية جديدة وتطلع الرخصة وينزل الشارع على طول يخبط فى اللى حواليه
ده غير ما فيش اى صبر .. يعنى يبقى شايف ان الشارع واقف وعمال يعمل حركات عشان يمشى مترين ولا ثلاثة فى الشارع
ممكن يكون الخوف للسائق الجديد سببه ان امكانياته بسيطة عشان كده ماشى وخايف على العربية هههههههههههههه
ربنا يستر مع الجميع ... وفى انتظار النصائح الغالية

---

اقتباس:

---

المشاركة الأصلية كتبت بواسطة kmhbravo

بالإضافة للكلام اللى إتقال فى الموضوع فى بعض النصايح البسيطة :

1. ركز على تجنب أخطاء الأخرين وما تركزش فى إنك أما تتخبط تقول أنا اللى صح هاتفيد بإيه

فعلا موضوع التوقع مهم جدا ... خصوصا لو فيه عربيات خارجة من تقاطع وانت موش شايفه ومرة واحدة تلاقيه نزل فى وسط الشارع والنتيجة لو انت خايف هاتحدف على اللى جنبك بشكل تلاقائى خصوصا انك مبتدأ
اهو طول ما الواحد بيمشى بيشوف كل يوم الجديد
ربنا يستر

2. فى الطريق الطوالى أو السريع سوق عربية اللى قدامك يعنى تبص لمسافة أزيد من العربية اللى قدامك .
ده كلام معلمين
هو ده الكلام ... وهى دى الخبرة الجامدة قوى
وهو ده اللى انا عايز اعرفه من حضرتك ومن كل الناس الخبرة
بالتدريب يقدر الواحد يتوقع حاجات كثيير فى الطريق السريع ... نصيحة غالية قوى

3. تحفظ العربيات اللى حواليك من الأربع إتجاهات وطريقة سواقتهم عشان تتوقع أى خطأ منهم ولازم تتدرب على إستخدام المرايات الثلاثة فى نفس الوقت .

ده موضوع صعب قوى للمبتدأ
خصوصا العربيات الموجودة عند الباب الخلفى
فى المنطقة العمياء للمراية
يعنى لو الواحد نسى نفسه شوية ... تحصل مشاكل كثيير قوى
بالنسبة لى
لو هاغير مسارى الى اليمين
بحاول انظر فوق كتفى اليمين بسرعة واشوف فيه حد ولا لأ
او
اقترب من المراية اللى فى الوسط
وانظر فيه حد فى اليمين ولا لأ
طبعا ده يعتبر اخطر موضوع ... موضوع المرايات
لدرجة انى نزلت اشترى مراية من التوفيقية ... وجدت كل المرايات صينى وزى الزفت ... يعنى المراية الاصلية اللى فى العربية افضل منهم بكثيير

بحاول اعطى اشارة حتى ولو كنت هاغير مسار السيارة من حارة الى حارة اخرى
وكمان ادخل على الحارة الاخرى تدريجى وبراحة قوى وليس بشكل مفاجىء
اما لو كنت شايف ومتأكد ان الناحية اللى عايز انتقل فيها خالية تماما
بحاول ادخل فيها بسرعة قبل ما يظهر حد من خلفى

ولو فيه اى نصائح من حضرتك بخصوص الموضوع ده يهمنى اعرفها منك


4. خللى بالك دايماً من العربيات القديمة اللى قدامك على اليمين ركز عنده مرايا شمال ولا لأ عشان لو لأ هاكيد هايغلط ويزنقك لو حاولت تعدى من الشمال .

ودى نصيحة اول مرة اسمعها
لكن من خلالها اقدر اعرف ان حضرتك خبرة كويسة قوى

5. أما الطريق يقف فجأة حضر نفسك قبلها ب 150 متر ودوس مفتاح إنتظار وقبل ما توقف ب 60 متر مثلاً بص فى المراية وتبطأ قبلها ب 30 متر وتبص فى المراية لحد اما تتأكد إن اللى وراك هدى خلاص عشان الخطر جاى من وراك ممكن أى حد يخبطك ويبقى قى مساحة تتفاداه بمناورة .

يعنى لو الواحد مثلا ماشى فى طريق سريع ... وشايف ان الطريق هايبدأ يتوقف فعلا
الواحد يضغط انتظار
ويبدأ يقف بالعربية تدريجى
كده سليم
نصيحة كويسة برده
انا كنت فاكر الانتظار ده يستخدم لما الواحد يركن السيارة فقط
لو فيه اى تعليق على الموضوع ده اكون شاكر لحضرتك


6. فى التقاطعات سواء يمين أو شمال ما تركزش على العربية اللى قدامك بس شوف اللى سايقها باصص فين يعنى واخد باله وإلا لأ .

طيب وبعد ما اشوف هو باصص فين
هاعمل ايه تانى ؟
معلهش وضح لى شوية
عشان انت كلامك كله جامد قوى


7. ما تتكلمش فى الموبايل خلاص وإنت سايق لحد أما تتمكن من السواقه .

ههههههههههههههههههههه
ده انا من الخوف موش بتكلم مع اللى جنبى هههههههههههههه
طبعا مرة الموبايل رن
صاحبى قال لى
اقف بالعربية هنا ... وشوف مين عايز يتكلم معاك
ده كلام سليم

شاكر افضلك

---

اقتباس:

---

المشاركة الأصلية كتبت بواسطة medo_95

تمام والله معظم النصايح واهم حاجة نمسك الدريكسون بأيدينا الأثنين (كنت هبوس عمود بسبب الموضوع دة)

هما الاجانب بيقولوا امسك الدركسيون على الساعة 3 والساعة 9 تقريبا
هههههههههههههههههههه
يعنى قصدهم الايد اليمين على الناحية الوسطى اليمين
والايد اليسار على الناحية الوسطى لليسار

لكن بيظهر ناس تقولك انت "متنشن ليه" هو انت خايف ليه كده وماسك الدركسيون اكنه هايجرى منك ههههههههههههههههههههههههه

---

اقتباس:

---

المشاركة الأصلية كتبت بواسطة ramyworm

نصيحة مني حتحتاجها انشاء الله قدام شوية . هيا يمكن المفروض ماتتقلش لان اللي حقوله غلط بس ده اللي بيحصل .
اول ما تتمكن في السواقة ويروح الخوف من جواك

قول يارب يااخى
ربنا يسهل
ويسمع منك ربنا

حتلاقي نفسك عاوز تجري بالعربية صح وخاصة لو اصحابك معاهم عربيات حيفضلو يستفزوك عشان تجري معاهم .
حذاااااااااري من الشد مع العربيات عشان ماحدش بيخاف على حد حتى لو صاحبك ممكن يزنقك ويسببلك مشاكل لاقدر الله .
يوم ماتجري اجري لوحدك ماتشدش مع حد ( طبعا اللي بقوله ده غلط بس زي ما بيقولو نص العمى ولا العما كله ) . وبعدين هو ده اللي بيحصل مع كل الشباب لازم بيجروا .

بالنسبة لموضوع الجرى
فيه شوارع لازم تجرى فيها لان فى الغالب هى معمولة عشان السيارات تجرى فيها
مثل الاوتوستراد
او الدائرى
او اشارة فتحت وانت اول واحد فيها

طبعا غصب عنك لازم تجرى شوية لكن فى المعقول

يعنى انا مثلا لا احب زيادة السرعة عن 80 كليوا
وداخل المدينة لا تزيد عن 60 كيلوا
احيانا طبعا السيارة تسرقك
ومرة واحد تلاقى نفسك ماشى 100 كليوا
واحيانا اكثر
وهنا لازم المبتدأ يلاحظ الموضوع ده

وفى البداية
موش مهم ان الواحد يجرى بسرعة
المهم انه الاستجابة بتاعته تكون سريعة وسليمة
سواء فى نقل الغيارات
سواء فى اختيار الحارات التى يسير فيها
الالتزم بالحارة التى يسير فيها
استعمال المرايات قبل الانتقال من مسار الى اى مسار آخر
الانتقال يكون تدريجى

وعلى العموم مسألة الجرى دى بترجع لشخصية اللى راكب
يعنى لو هو اصلا طابعه هادىء هاتلاقيه موش غاوى جرى ولا يحب الجرى ولا الحركات
ولو هو شباب ومتحمس هاتلاقيه العكس

شاكر لحضرتك جدا

---

اقتباس:

---

المشاركة الأصلية كتبت بواسطة د.محمود صلاح

نصايح حلوة باين على صديقك مخضرم

صدقنى والله يا دكتور محمود ... موش كل اللى بيعرف يسوق ... يقدر يعلم القيادة
لازم اللى بيعلمك يكون ... ذكى ... وبيفهم قوى ... وبيقدر يوصل اللى هو عايز يقوله
وكمان موش كل حاجة فى نفس الوقت
كل اسبوع حاجة
لحد لما الواحد يتعلم صح

هو فعلا انسان ذكى قوى
لكن للاسف موش فاضى
يعنى نادار لما الاقيه فاضى

بس موش هاسيبه
حتى لو ركبت معاه مرة كل اسبوع او حتى اسبوعين
عشان اتعلم منه

شاكر افضالك

---

انا قعدت فترة كبيرة لما اتعلمت اسوق باسوق و انا ماسك الدريكسيون بإيديا الاتنين فعلا و اللي يركب معايا يقول لي انت متنشن
:))))

بس مع الوقت الوضع ده بيهدى و بتبقى مسكة الواحد للدريكسيون مرتخية شوية , ده حصل معايا

بس انا رأيي ان المسكة بالايدين الاتنين اصح




على فكرة كمان
عمليا غلط ان العربية تطلع المطب و اللي سايق دايس فرامل , لأن و انت دايس فرامل المساعدين اللي قدام بيبقوا مقفولين , فانت كده كأنك داخل المطب بعربية مساعدينها عبارة عن عمودين , طبعا الصدمة اللي مفروض يمتصها المساعدين هاتتنقل لباقي العفشة

. ركز على تجنب أخطاء الأخرين وما تركزش فى إنك أما تتخبط تقول أنا اللى صح هاتفيد بإيه

فعلا موضوع التوقع مهم جدا ... خصوصا لو فيه عربيات خارجة من تقاطع وانت موش شايفه ومرة واحدة تلاقيه نزل فى وسط الشارع والنتيجة لو انت خايف هاتحدف على اللى جنبك بشكل تلاقائى خصوصا انك مبتدأ
اهو طول ما الواحد بيمشى بيشوف كل يوم الجديد
ربنا يستر

2. فى الطريق الطوالى أو السريع سوق عربية اللى قدامك يعنى تبص لمسافة أزيد من العربية اللى قدامك .
ده كلام معلمين
هو ده الكلام ... وهى دى الخبرة الجامدة قوى
وهو ده اللى انا عايز اعرفه من حضرتك ومن كل الناس الخبرة
بالتدريب يقدر الواحد يتوقع حاجات كثيير فى الطريق السريع ... نصيحة غالية قوى


الله يخليك ويكرمك ده من زوقك

. تحفظ العربيات اللى حواليك من الأربع إتجاهات وطريقة سواقتهم عشان تتوقع أى خطأ منهم ولازم تتدرب على إستخدام المرايات الثلاثة فى نفس الوقت .

ده موضوع صعب قوى للمبتدأ
خصوصا العربيات الموجودة عند الباب الخلفى
فى المنطقة العمياء للمراية
يعنى لو الواحد نسى نفسه شوية ... تحصل مشاكل كثيير قوى
بالنسبة لى
لو هاغير مسارى الى اليمين
بحاول انظر فوق كتفى اليمين بسرعة واشوف فيه حد ولا لأ
او
اقترب من المراية اللى فى الوسط
وانظر فيه حد فى اليمين ولا لأ
طبعا ده يعتبر اخطر موضوع ... موضوع المرايات
لدرجة انى نزلت اشترى مراية من التوفيقية ... وجدت كل المرايات صينى وزى الزفت ... يعنى المراية الاصلية اللى فى العربية افضل منهم بكثيير

بحاول اعطى اشارة حتى ولو كنت هاغير مسار السيارة من حارة الى حارة اخرى
وكمان ادخل على الحارة الاخرى تدريجى وبراحة قوى وليس بشكل مفاجىء
اما لو كنت شايف ومتأكد ان الناحية اللى عايز انتقل فيها خالية تماما
بحاول ادخل فيها بسرعة قبل ما يظهر حد من خلفى

ولو فيه اى نصائح من حضرتك بخصوص الموضوع ده يهمنى اعرفها منك


ممكن تستخدم مرايه كبيره فى الأول بس اما تتمكن من السواقة الأفضل تستعمل المرايات الثلاثة

على فكرة المنطقة العامية بتبقى على شمال العربية مش يمينها حتى لو باصص فى المراية الشمال مش هاتجيبها وديه بتبقى العربية اللى وراك وشها يا دوبك جنب الإكصدام الخلفى بتاعك وعشان كده ما انصحكش فى الأول إنك تنتقل بسرعة من حاره لحاره (غرز مقفوله) إلا أما تتمكن قوى ويبقى قلبك جامد وكمان بتعتمد على قوة العربية اللى معاك .


4. خللى بالك دايماً من العربيات القديمة اللى قدامك على اليمين ركز عنده مرايا شمال ولا لأ عشان لو لأ هاكيد هايغلط ويزنقك لو حاولت تعدى من الشمال .

ودى نصيحة اول مرة اسمعها
لكن من خلالها اقدر اعرف ان حضرتك خبرة كويسة قوى

5. أما الطريق يقف فجأة حضر نفسك قبلها ب 150 متر ودوس مفتاح إنتظار وقبل ما توقف ب 60 متر مثلاً بص فى المراية وتبطأ قبلها ب 30 متر وتبص فى المراية لحد اما تتأكد إن اللى وراك هدى خلاص عشان الخطر جاى من وراك ممكن أى حد يخبطك ويبقى قى مساحة تتفاداه بمناورة .

يعنى لو الواحد مثلا ماشى فى طريق سريع ... وشايف ان الطريق هايبدأ يتوقف فعلا
الواحد يضغط انتظار
ويبدأ يقف بالعربية تدريجى
كده سليم
نصيحة كويسة برده
انا كنت فاكر الانتظار ده يستخدم لما الواحد يركن السيارة فقط
لو فيه اى تعليق على الموضوع ده اكون شاكر لحضرتك

ما فيش اكتر من إتى أقولك إن الخطر جاى من وراك ممكن أى حد يخبطك ولازم تثبت اللى وراك وتتأكد إنه بدء يوقف ويبقى قى مساحة تتفاداه بمناورة بالإنتقال إلى حارة أخرى أو زيادة السرعة مع فرملة قويه لو شايف إنه ماهداش وفى مساحة قدامك .



6. فى التقاطعات سواء يمين أو شمال ما تركزش على العربية اللى قدامك بس شوف اللى سايقها باصص فين يعنى واخد باله وإلا لأ .

طيب وبعد ما اشوف هو باصص فين
هاعمل ايه تانى ؟
معلهش وضح لى شوية
عشان انت كلامك كله جامد قوى

أنا قصدى فى الشوراع الداخلية ، يا تتحرك إنت يا تسيبة يعدى وبعدين تعدى إنت .


نصيحة أخرى أحسن ماسكة للتحكم فى الدركسيون فى كل المواقف هى ماسكة الساعة 10 وربع (طبعاً هاتستغرب لأنى متعلم الحكاية ديه فى أمريكا دايما كان بيقولولى تن فيفتين) حزر فزر ماشى
يعنى إديك اليمين فى نصف الدركسيون وإيديك الشمال الناحية التانيه ماسكة فوق نص الدركسيون بشوية (يعنى لو إفترضنا إن نص قطر الدركسيون عامل زى ماتكون الساعة 9 وربع)

السلام عليكم ورحمة الله وبركاته

بالامس خرجت مع اخويا الكبير فى جولة تعليمية

اخويا للاسف ... عصبى المزاج
وعايزنى فى يوم وليلة اكون ماشى مية مية

واى ملحوظة منه بتكون بعصبية

لكن المرة دى بالذات ... شعرت ان عصبيته قلت شوية ويمكن قلت كثيير

المرة دى هو تعمد انى اطلع كوبرى الكلية الحربية
لكن النتيجة انى نزلت بجوار الرصيف الايسر

طبعا كان استحالة انى فى الزحام ده انى اانقل نفسى الى اليمين لتجنب طلوع كوبرى العروبة
خصوصا انى خايف اطلع الكوبرى
اريح على حد .. ويحصل مشكلة

المهم فضلنا ماشيين براحة قوى لحد الكوبرى
والحمد لله السير على الكوبرى فضل ماشى بشكل جيد لحد مرحلة الهبوط وظهر الزحام الشديد

قلت لنفسى: موش مشكلة اهم حاجة ان الصعود عدى على خير

طبعا الى حدا ما حسيت ان "الكلاكسات" قلت كثيير عن الاول
يعنى الاول كان كل شوية واحد يعمل لى كلاكس تحذيرى


انا راى الشخصى
ان طبعا المشى الكثيير بيقلل الخوف
لكن اللى يقلل الخوف اكثر هو انك تكون متعلم من واحد فاهم وموش عصبى
وتكون متعلم القواعد السليمة صح


السؤال اللى جه فى دماغى دلوقتى هو
ايه هى قواعد الدخول على الميادين
مثل ميدان تريومف
او ميدان سفير
او ميدان ابن الحكم قبل محطة الحلمية


متى ادخل من الحارة اليمين للميدان
او الوسطى
او الحارة اليسرى المجاورة للصينية الموجودة فى وسط الميدان


عايز منكم كلام سليم وعلمى
طبعا لو المواصلات كانت رايقة ومافيش زحمة اساسا مثلا يوم الجمعة ماكانش هايبقى فيه مشكلة

طيب الافضل للمبتدأ ايه

مع اطيب التنميات
اخوكم حسين غزالة

السلام عليكم ورحمة الله وبركاته

انا كمان لسة بتعلم و جديدة فى موضوع السواقة واللى هقوله دلوقتى عارفة انه كلام ساذج وبديهى بس حبيت اقوله علشانه بيفرق معايا فى الراحة النفسية ومالوش علاقة بالسواقة نفسها
1 أول ما بركب العربية بسمى الله وأقول دعاء الركوب
2 بادور العربية وارفع فرامل اليد( لأنى عادة بنساها) وارجع ارفع المرايات اللى كنت منزلاها وانا بركن
3 البس الحزام
4 ادعى وأقول ( يا رب ما كونش السبب فى أذية حد أبدا سواء اللى معايا أو الناس فى الشارع) لأن هو ده الشئ اللى مش هسامح نفسى عليه أبدا .. وبتوكل على الله واطلع

اقتباس:

---

المشاركة الأصلية كتبت بواسطة nadeen

السلام عليكم ورحمة الله وبركاته

انا كمان لسة بتعلم و جديدة فى موضوع السواقة واللى هقوله دلوقتى عارفة انه كلام ساذج وبديهى بس حبيت اقوله علشانه بيفرق معايا فى الراحة النفسية ومالوش علاقة بالسواقة نفسها
1 أول ما بركب العربية بسمى الله وأقول دعاء الركوب
2 بادور العربية وارفع فرامل اليد( لأنى عادة بنساها) وارجع ارفع المرايات اللى كنت منزلاها وانا بركن
3 البس الحزام
4 ادعى وأقول ( يا رب ما كونش السبب فى أذية حد أبدا سواء اللى معايا أو الناس فى الشارع) لأن هو ده الشئ اللى مش هسامح نفسى عليه أبدا .. وبتوكل على الله واطلع

---

كلام عشرة على عشرة

تصدقى بالله
والله العظيم احيانا يكون المبتدأ ماشى بالأصول وعشرة على عشرة

والمفاجأة من الناس اللى المفروض قدام فى علمية القيادة

والمفاجأة اكثر لما تشوفى حاجات عجيبة من ناس المفروض انهم معاهم رخص ودرجة اولى

المفاجأة من السيارات النص نقل "بيمشى فى الشارع موش مهم عنده اللى حواليه"
وكمان السيارات الميكروباس "خصوصا ماركة الترامكو" .. يمشى ومافيش اى حد عنده ليه "ديه" موش فارقة معاه اى حاجة

والناس اللى موش فارقة معاها تعدى من اليمين او الشمال موش مهم عندها

والناس اللى فى منتهى الغباء ويعملوا حركات عشان يمشى مترين ولا تلاثة
برغم ان الشارع واقف تماما

والناس اللى حاسه وعارفة ان اللى ماشى جنيه جديد فى القيادة ورغم ذلك عمال يضرب كلاكسات ويعمل حركات "فى منتهى قلة الادب"


اللى ممكن يخفف على الواحد
هو انه يمشى بالاصول
يعنى مثلا لو داخل يمين وبجوار الرصيف وملتزم بالحارة اليمين حتى بعد الانتهاء من الملف
وبصيت قبل ما ادخل الملف على السيارت اللى جاية من اليسار
وكمان دخلت الملف على مهلى وبراحة
وكانت رجلى على الدبرياش
والفرامل عشان اتحكم فى سرعة العربية
ولو ظهر حاجة انا اصلا داخل ورجلى على الفرامل يعنى موش هاعمل اى حاجة غير انى هافرمل العربية
ومادام رجلى على الدبرياش اساس يبقى العربية موش هابتطل
واثناء الملف مادام السكة فاضية امامى
اقدر اختار الغيار المناسب سواء كان الاول اول الثانى حسب سرعة العربية
وطبعا قبل كل حاجة اشارة يمين قبل الملف بوقت كافى

كده اكون اخذت بالاسباب
وعملت الاصول فى كل شىء

لو لا قدر الله جالى واحد من على شمالى ودخل فى الحارة اللى انا بلف فيها
ده يبقى اسمه الغباء
او تقدرى تقولى عليه "النصيب"
خلاص ده يبقى قدر


لكن لو الواحد داخل الملف بسرعته
ونزل الشارع الرئيسيى فى منتصف الشارع
وبدون اشارات او مقدمات
وخبط اى حد لا قدر الله
طبعا ده يبقى خطأ كبير من اللى بيقود السيارة


يا ريت نعرف من حضرتك
تجربتك مع القيادة
انت فى اى مرحلة "مبتدأ’ .. متوسطة ... متقدمة"
مين اللى علمك .. وهل استفدتى منه كويس
يا ريت تكبى لنا ايه اللى كان بيقولوا لكى عشان نتعلم احنا كمان

هل اتمرنتى على صعود الكبارى
هل شمل التمرين المشى فى الزحام
والهبوط من على الكبارى
والدخول على الميادين

ايه هى النصائح اللى قالها لحضرتك

يا ريت نتعلم من حضرتك ومن اصدقاء النايل موتورز

مع اطيب التمنيات
اخوكم حسين غزالة

[QUOTE=husseinoo;3872420875]


كلام عشرة على عشرة

تصدقى بالله
والله العظيم احيانا يكون المبتدأ ماشى بالأصول وعشرة على عشرة

والمفاجأة من الناس اللى المفروض قدام فى علمية القيادة

والمفاجأة اكثر لما تشوفى حاجات عجيبة من ناس المفروض انهم معاهم رخص ودرجة اولى

المفاجأة من السيارات النص نقل "بيمشى فى الشارع موش مهم عنده اللى حواليه"
وكمان السيارات الميكروباس "خصوصا ماركة الترامكو" .. يمشى ومافيش اى حد عنده ليه "ديه" موش فارقة معاه اى حاجة

والناس اللى موش فارقة معاها تعدى من اليمين او الشمال موش مهم عندها

والناس اللى فى منتهى الغباء ويعملوا حركات عشان يمشى مترين ولا تلاثة
برغم ان الشارع واقف تماما

والناس اللى حاسه وعارفة ان اللى ماشى جنيه جديد فى القيادة ورغم ذلك عمال يضرب كلاكسات ويعمل حركات "فى منتهى قلة الادب"


اللى ممكن يخفف على الواحد
هو انه يمشى بالاصول
يعنى مثلا لو داخل يمين وبجوار الرصيف وملتزم بالحارة اليمين حتى بعد الانتهاء من الملف
وبصيت قبل ما ادخل الملف على السيارت اللى جاية من اليسار
وكمان دخلت الملف على مهلى وبراحة
وكانت رجلى على الدبرياش
والفرامل عشان اتحكم فى سرعة العربية
ولو ظهر حاجة انا اصلا داخل ورجلى على الفرامل يعنى موش هاعمل اى حاجة غير انى هافرمل العربية
ومادام رجلى على الدبرياش اساس يبقى العربية موش هابتطل
واثناء الملف مادام السكة فاضية امامى
اقدر اختار الغيار المناسب سواء كان الاول اول الثانى حسب سرعة العربية
وطبعا قبل كل حاجة اشارة يمين قبل الملف بوقت كافى

كده اكون اخذت بالاسباب
وعملت الاصول فى كل شىء

لو لا قدر الله جالى واحد من على شمالى ودخل فى الحارة اللى انا بلف فيها
ده يبقى اسمه الغباء
او تقدرى تقولى عليه "النصيب"
خلاص ده يبقى قدر


لكن لو الواحد داخل الملف بسرعته
ونزل الشارع الرئيسيى فى منتصف الشارع
وبدون اشارات او مقدمات
وخبط اى حد لا قدر الله
طبعا ده يبقى خطأ كبير من اللى بيقود السيارة


يا ريت نعرف من حضرتك
تجربتك مع القيادة
انت فى اى مرحلة "مبتدأ’ .. متوسطة ... متقدمة"
مين اللى علمك .. وهل استفدتى منه كويس
يا ريت تكبى لنا ايه اللى كان بيقولوا لكى عشان نتعلم احنا كمان

هل اتمرنتى على صعود الكبارى
هل شمل التمرين المشى فى الزحام
والهبوط من على الكبارى
والدخول على الميادين

ايه هى النصائح اللى قالها لحضرتك

يا ريت نتعلم من حضرتك ومن اصدقاء النايل موتورز

مع اطيب التمنيات
اخوكم حسين غزالة


السلام عليكم ورحمة الله وبركاته
أولا شكرا لحضرتك لأنك فى كل مرة بترد بتتكلم وبتفصل قوى الكلام وطبعا ده بيفيدنا..
بالنسبة ليا أنا حاسة إنى لسة مبتدئة لأن لسة مسوقتش كتير يدوبك مطلعة الرخصة من حوالى 15 يوم ومش بطلع بالعربية كل يوم علشان خوافة شوية..

انا اتعلمت مع مدرب خاص على عربيتى ودربنى على الصعود والنزول من الكبارى ونزل معايا مرة فى الزحمة وكان دايما بيقول لى افرشى عينك لقدام مسافة وخلى رجلك قريبة من الفرامل وكلاكساتك فى الزحمة ، ده أكتر الكلام اللى انا فاكراه .

المشكلة الغريبة عندى انى مش عارفة اتعامل كويس مع المرايا وبالذات المراية اليمين ،يعنى مثلا امبارح كنت نازلة الكوبرى وعايزة ادخل يمين مش بعرف اقدر إذا كان العربية اللى انا شايفاها فى المرايا دى مسافتها بعيدة عنى كفاية يعنى اعدى ولا لأ وبالتالى بطول فى القرار ده شوية لغاية ما الطريق يفضى ( حاجة غبية شوية بس هعمل ايه) هو ممكن ابص من فوق الكتف ناحية اليمين وخلاص ولا لازم المراية وكمان حضرتك بتعمل ايه لما تكون طالع من تقاطع على شارع رئيسى وفى عربيات كتير راكنة فى الرئيسى على اليمين لدرجة انك مش شايف اللى جاى ؟

بسم الله الرحمن الرحيم
احب اولا اشكر كل اللي اتكلموا في موضوع تعليم السواقه وبشكر مجهوداتهم الجباره لان كل مواضيعكم عجبتني بصراحه وانتوا كنتوا ببتكلموا في حدود المتوافر في مصر من طرق وقوانين مروريه من حيث التنظيم وتوافر اللوحات المعدنيه والخطوط الارضيه بالاضافه الى عدم وجود وعي مروري اساسا عند معظم السائقين من عدم احترام وتقدير االغير وعشان كده اسمحولي انا هاتكلم معاكوا بالتفصيل في موضوع السواقه شويه ومن خلاله هنحاول سوا نفرض شويه التزام ووعي مروري على الاقل بينا كاعضاء في المنتدى وان شاء الله هابدأ معاكو قريبا 0
بس اولا عايز انصح كل واحد بيعلم حد السواقه وخصوصا اللي بيسوق كويس جدا وبيحب انه يعمل كل حاجه بسرعه وهو بيسوق انه يخلي باله من شويه حاجات:
1-ماتنساش ان المبتدئ اللي بتعلمه زي الطفل اللي في الحضانه مايعرفش حاجه عن القياده او العربيه وبالتالي لازم وانتا بتعلمه تنزل بفكرك العالي في القياده الى فكرالمبتدئ القليل جدا في القياده يعني ماتتوقعش منه انه هايكون زيك لما تسوق في الشارع وهايستجيب لاي حركه مفاجاه وابدا اشرحله من الصفر واصبر عليه شويه وعيد وزيد عليه وكرر عليه وماتزهقش بسرعه0
2- لما تبتدي تعلم ماتخوفش المتعلم ماتقلوش لو معملتش هاضرب وهاعمل وهاسوي وخد وادي معاه في الكلام واضحك في وشه وطمنه وسهله عمليه السواقه وخليه يحب الموضوع وبكده هايبقى زي العجينه في ايدك وهايبقى مستعد يتقبل اي حاجه منك0
3-طمن المتدرب لما يعمل حاجه غلط وشجعه لما يعمل حاجه صح
4-حط في دماغك ان المتدرب لازم يغلط عشان انت تعلمه الصح لان مافيش تجربه من غير خطأ وعشان كده خليك هادي
وحاول انك تفهمه الصح بس بهدوء وبالراحه لانه لو خاف منك مش هايبقى خايف من الشارع والناس بقدر ماهو خايف منك
5-قبل ما تبتدي تعلم السواقه ودي نصيحه مني لكل واحد علم المتدرب على كل حاجه في العربيه ممكن تحتاجوها في السواقه يعني ازاي يظبط الكرسي وفين ذراع الاشارات وازاي يستخدمها ،المرايات وازاي يظبطها ،ذراع المساحات برضه وايه العدادات اللي قدامه وفايدتها ايه ،فرامل اليد وازاي يرفعها وينزلها،والكلام ده هاتكلم عليه بعدين0
6-لما تلاقي المتدرب حس بالتعب وقف التدريب وكمل في وقت اخر.
عموما القياده مجالها واسع وكبير ومعلش انا طولت عليكم في الكلام وهاكمل معاكو ان شاء الله بس عايز اعرف رايكم اذا عندكوا رغبه اكمل ولا...... ولكم جزيل الشكر (محمد فوزي)

طبعا يا أستاذ محمد يا ريت حضرتك تكمل واحنا منتظرينك..وشكرا ليك..

[QUOTE=nadeen;3872421762]

اقتباس:

---

المشاركة الأصلية كتبت بواسطة husseinoo

السلام عليكم ورحمة الله وبركاته
أولا شكرا لحضرتك لأنك فى كل مرة بترد بتتكلم وبتفصل قوى الكلام وطبعا ده بيفيدنا..
بالنسبة ليا أنا حاسة إنى لسة مبتدئة لأن لسة مسوقتش كتير يدوبك مطلعة الرخصة من حوالى 15 يوم ومش بطلع بالعربية كل يوم علشان خوافة شوية..

وانا ايضا نفس الحكاية
بعد ما طلعت الرخصة اكتشفت ان اغلب اللى اتعلمته عشان اجتاز اختبار المرور
ولكن بعد ما امتلكت سيارة ... وجدت انى خايف جدا .. وطبعا خايف على العربية كمان

لحد ما خرجت مرة او مرتين مع صديقى "لكن الشهادة هو فاهم كويس جدا" ... عشان كده اتعلمت منه حاجات مهمة ومفيدة ومريحة اعصابى الى حد ما


انا اتعلمت مع مدرب خاص على عربيتى ودربنى على الصعود والنزول من الكبارى ونزل معايا مرة فى الزحمة وكان دايما بيقول لى افرشى عينك لقدام مسافة وخلى رجلك قريبة من الفرامل وكلاكساتك فى الزحمة ، ده أكتر الكلام اللى انا فاكراه .

بالنسبة لطلوع الكوبرى ... اعتقد اسؤ حاجة فى الموضوع ده هو "لو توقف الكوبرى اثناء الصعود" ههههههههههههه ... هاتبقى مشكلة
طبعا الواحد ممكن يشد فرملة اليد .. ويبدأ التحرك لحد ما يحس بأن العربية "بتترج" وعايز تتحرك فى الحالة دى هاينزل فرملة اليد ... والعربية هاتتحرك للامام بدون مشاكل وبدون ما تريح على العربية اللى فى الخلف
المشكلة ان العربية اللى فى الخلف "تصبر على الواحد شوية" هههههههههههههه
مع شوية تدريب ممكن الواحد يكون سريع شوية فى الحركة لدرجة انه لا يحتاج الى رفع فرملة اليد ... قولى يا رب هههههههههههههه



المشكلة الغريبة عندى انى مش عارفة اتعامل كويس مع المرايا وبالذات المراية اليمين

المراية اليمين بالذات وجدت ان اغلب اصحابى بيقولوا انهم "لا يستعملوا المراية اللى على اليمين الا فى ركن السيارة فقط"

،يعنى مثلا امبارح كنت نازلة الكوبرى وعايزة ادخل يمين مش بعرف اقدر إذا كان العربية اللى انا شايفاها فى المرايا دى مسافتها بعيدة عنى كفاية يعنى اعدى ولا لأ وبالتالى بطول فى القرار ده شوية لغاية ما الطريق يفضى ( حاجة غبية شوية بس هعمل ايه) هو ممكن ابص من فوق الكتف ناحية اليمين وخلاص ولا لازم المراية

فى الحقيقة موضوع المراية ده فى منتهى الاهمية والخطورة
لدرجة انى نزلت اشترى مراية من التوفيقية .. لم اجد مراية كويسة ... كلها مرايات سيئة جدا وثمنها لا يزيد عن 20 جنيه والموجودة فى العربية احسن من اللى كنت هاشتريها ... ده غير انها كانت بتغير الابعاد
يعنى انا كنت واقف خلف اخويا بمسافة متر .. رجعتنى حوالى 4 متر ... يعنى العربية لو كانت ورايا بحوالى 3 متر هاتبعدها بالشكل ده حوالى 10 متر وتسبب للسائق خداع كبير

سألت صديقى ... قال لى سيبك من التوفيقية عشان المرايات هناك كلها تعبانة ... حاول تشترى مراية من احد التجار الاستيراد لسيارة تكون ماركة محترمة وتركبها فى العربية هاتريحك قوى

اما بالنسبة للمراية اللى فى النص كان رأيه ... ان الواحد يحاول يضبطها بحيث انها تميل ناحية اليمين شوية عشان اشوف اللى جاى من الجانب "من ناحية الباب الايمن الخلفى"

وكمان قال لى: يا اخى الواحد موش بيجلس فى السيارة زى التمثال
اطلع بجسمك الى الامام وانظر فى المراية اللى فى النص .. من قريب قوى "يعنى قرب وشك من المراية" .... وشوف مين اللى جاى من وراك من ناحية الباب اليمين قبل ما تدخل يمين
وطبعا حاول تلمح بطرف عينك من فوق كتفك .. "ناحية الباب اليمين الخلفى" وشوف فيه عربية ماشية جنبك ولا لأ
طبعا علشان العربية فى المكان ده لا تظهر فى المراية
طبعا بالنسبة لى انا اتعمد استعمال الاشارات حتى ولو كنت هاغير من حارة الى حارة
واكتشفت حاجة مهمة قوى قوى .... ان الواحد يتحرك من حارة الى حارة بمنتهى البطأ وبراحة قوى قوى ... يعنى زى ما بيقولوا "سنة سنة" ... ولو فيه حد فعلا انا موش شايفهة كويس ... أكيد هايضرب كالاكس
طبعا كده افضل من انى اغير اتجاهى مرة واحد وبدون مقدمات وانقل نفسى من حارة الى حارة اخرى

طبعا ده موضوع مهم جدا جدا جدا ... ومحتاج حرص وعناية جامدة
وربنا يستر والواحد يقدر فعلا يحس ويقدر العربيات اللى جاية من الخلف
ويقدر يشوفها فى المراية بشكل صحيح
ولو فيه اى حد فى المنتدى يقدر يقول لنا ايه الصح فى موضوع المرايات ده يبقى هايل

وكمان حضرتك بتعمل ايه لما تكون طالع من تقاطع على شارع رئيسى وفى عربيات كتير راكنة فى الرئيسى على اليمين لدرجة انك مش شايف اللى جاى ؟

ده انا اتعقدت من شارع عندى جنب البيت
وبطلت امشى فى الشارع ده
اجد سيارات راكنة على ناصية الشارع "عربيتين على الناصية"
طبعا الواحد لما يدخل ناحية اليمين على شارع رئيسي بالمنظر ده لازم يدخل على الحارة رقم 3 فى الشارع
تخيلى شارع حجمه 4 حارات
2 منهم فيه عربيات راكنة فيهم
خلاص مافيش حل غير انى انزل بالعربية امام العربيات اللى جاية بسرعة وما بالك ولو كانت جاية ونازلة من على كوبرى
واحيانا اجد سيارات ميكروباص "بتنزل ركاب او بتحمل ركاب"
وطبعا العربية واقفة على الناصية

طيب اعمل
فضلت انى اقف خلفه ناحية اليمين ... وافضل فى السليم لحد ما سعادته يمشى بالسلامة
افضل من انى احاول ادخل يمين وانزل بالعربية الى منتصف الشارع

لكن اعتقد ان الصح ان الواحد لما يشوف حاجة زى كده يحاول من بدرى يسيب مسافة كافية تسمح له بالمناورة وانه يعدى من اللى واقف على الناصية
لكن لازم ياخد باله من اللى جاى من خلفه ويحاول ينبهه انه هايعدى من اللى راكن على الناصية
طبعا موضوع بيبقى صعب قوى على المبتدأ

وكمان صديقى قال لى: اول ما الاكصدام بتاعك يوصل ويقرب من اكصدام السيارة اللى امامك تحاول "تعدل اتجاه العربية" على طول عشان ما تنزلش بالعربية الى منتصف الشارع

يقصد مثلا "فانوس عربيتك اليمين اول ما يقرب من اكصدام السيارة اللى امامك من الناحية اليسرى" لازم نعدل عجل السيارة على طول قبل ما العربية ما تنزل نص الشارع

طبعا كل ده عايز حرص وتدريب وشغلانة وربنا يستر

---

اقتباس:

---

المشاركة الأصلية كتبت بواسطة aboharf

بسم الله الرحمن الرحيم
احب اولا اشكر كل اللي اتكلموا في موضوع تعليم السواقه وبشكر مجهوداتهم الجباره لان كل مواضيعكم عجبتني بصراحه وانتوا كنتوا ببتكلموا في حدود المتوافر في مصر من طرق وقوانين مروريه من حيث التنظيم وتوافر اللوحات المعدنيه والخطوط الارضيه بالاضافه الى عدم وجود وعي مروري اساسا عند معظم السائقين من عدم احترام وتقدير االغير وعشان كده اسمحولي انا هاتكلم معاكوا بالتفصيل في موضوع السواقه شويه ومن خلاله هنحاول سوا نفرض شويه التزام ووعي مروري على الاقل بينا كاعضاء في المنتدى وان شاء الله هابدأ معاكو قريبا 0
بس اولا عايز انصح كل واحد بيعلم حد السواقه وخصوصا اللي بيسوق كويس جدا وبيحب انه يعمل كل حاجه بسرعه وهو بيسوق انه يخلي باله من شويه حاجات:
1-ماتنساش ان المبتدئ اللي بتعلمه زي الطفل اللي في الحضانه مايعرفش حاجه عن القياده او العربيه وبالتالي لازم وانتا بتعلمه تنزل بفكرك العالي في القياده الى فكرالمبتدئ القليل جدا في القياده يعني ماتتوقعش منه انه هايكون زيك لما تسوق في الشارع وهايستجيب لاي حركه مفاجاه وابدا اشرحله من الصفر واصبر عليه شويه وعيد وزيد عليه وكرر عليه وماتزهقش بسرعه0
2- لما تبتدي تعلم ماتخوفش المتعلم ماتقلوش لو معملتش هاضرب وهاعمل وهاسوي وخد وادي معاه في الكلام واضحك في وشه وطمنه وسهله عمليه السواقه وخليه يحب الموضوع وبكده هايبقى زي العجينه في ايدك وهايبقى مستعد يتقبل اي حاجه منك0
3-طمن المتدرب لما يعمل حاجه غلط وشجعه لما يعمل حاجه صح
4-حط في دماغك ان المتدرب لازم يغلط عشان انت تعلمه الصح لان مافيش تجربه من غير خطأ وعشان كده خليك هادي
وحاول انك تفهمه الصح بس بهدوء وبالراحه لانه لو خاف منك مش هايبقى خايف من الشارع والناس بقدر ماهو خايف منك
5-قبل ما تبتدي تعلم السواقه ودي نصيحه مني لكل واحد علم المتدرب على كل حاجه في العربيه ممكن تحتاجوها في السواقه يعني ازاي يظبط الكرسي وفين ذراع الاشارات وازاي يستخدمها ،المرايات وازاي يظبطها ،ذراع المساحات برضه وايه العدادات اللي قدامه وفايدتها ايه ،فرامل اليد وازاي يرفعها وينزلها،والكلام ده هاتكلم عليه بعدين0
6-لما تلاقي المتدرب حس بالتعب وقف التدريب وكمل في وقت اخر.
عموما القياده مجالها واسع وكبير ومعلش انا طولت عليكم في الكلام وهاكمل معاكو ان شاء الله بس عايز اعرف رايكم اذا عندكوا رغبه اكمل ولا...... ولكم جزيل الشكر (محمد فوزي)


يا استاذ محمد انت شرفت المنتدى
ويسعدنا ان احنا نتعلم من حضرتك
ونستفيد من اى صديق فى المنتدى عنده معلومة جيدة وقدرة على التوصيل ورحابة صدر عشان نفهم منه ونتعلم

احنا فى شغف نتعلم من حضرتك ومن اى حد فى المنتدى

مع اطيب التمنيات
اخوكم حسين غزالة

---

بسم الله الرحمن الرحيم
السلام عليكم ورحمه الله ،يسعدني جدا اني اكون معاكم في المنتدي ومن غير ما اطول عليكم نتوكل على الله .
الدرس الاول

اقتباس:

---

المشاركة الأصلية كتبت بواسطة aboharf

بسم الله الرحمن الرحيم
السلام عليكم ورحمه الله ،يسعدني جدا اني اكون معاكم في المنتدي ومن غير ما اطول عليكم نتوكل على الله .
الدرس الاول

---

فى الانتظار بشغف كبيير

الدرس الاول
(فحص العربيه)
قبل ما نبتدي نسوق العربيه لازم نعرفها كويس ولازم افحص عربيتي كويس قبل ما اتحرك بيها يعني لازم تعمل فحص روتوني يومي على العربيه عشان تمشي وانت مطمئن .
-ابدا اولا بفحص جسم السياره الخارجي وذلك بانك تبدأ من ناحيه باب السائق وتاخذ دوره حول سيارتك باتجاه دوران عقارب الساعه تشوف كل حاجه من الابواب الاربعه والزجاج امامي وخلفي واكصدامات امامي وخلفي والفوانيس والمساحات وبالاضافه الى الاربع عجلات وضغط الهوا فيهم بالاضافه الى اهم شئ وهي اللوحات المعدنيه هل موجودين في مكانهم ولا اتسرقواااا ، هل فيه خبطات او خدوش في عربيتك ولا لأ,,, هل فيه حاجه او اواولاد بيلعبوا ورا العربيه او فيه حيوانات تحت العربيه او حجاره وكل ده مش هاياخد منك دقيقه ، على الاقل تبقى ماشي وانت مرتاح البال.
-بعد كده تفتح كبوت العربيه وياريت نعرف بيتفتح منين وازاي ومش عيب نسال ونفحص مستوى السوائل الخاص بالعربيه من زيت المحرك وميه التبريد وزيت الفرامل وزيت الدبرياش واذا كان فيه زيت باور برضه افحصه بالاضافه الى ميه المساحات وكل ده مش هايكلفك غير نظرات قليله لان كل حاجه باينه قدامك بس اتاكد ان كل الزيوت والسوائل في مستوياتها الطبيعيه وفيه علامات بتبين كده وهتلاقي العلامات باينه min --max يعني اقل او اكتر واللي ناقص زوده وبرضه اسال عن اماكن الاشياء دي وامتى اغيرها او ازودها, بعد كده اقفل الكبوت وبص تحت العربيه واتاكد ان مافيش بقع زيت او ميه ولو فيه حاول تعرف مصدرها منين.
- افتح الشنطه وافحص الاطار الاحتياطي لان الاطار الاحتياطي مع الركنه بيسرب الهوا وزوده لو ناقص هوا في اقرب بنزينه وهايبقى موقفك وحش لو نامت منك العجله ولقيت الاستبن نايم، تاكد من وجود الكوريك وذراع الكوريك ومفتاح فك العجل وخصوصا لو عندكم اكتر من عربيه في البيت لان ممكن حد من العائله يعملها فيك وياخد منك العده وتبقى انت محتاس في الشارع. وطبعا الطفايه وشنطه الاسعافات .....
- اخيرا تاكد من وجود اوراقك معاك ،رخصه القياده ورخصه العربيه وتاريخ الانتهاء ولو بتسوق العربيه بتوكيل يبقى معاك صوره عشان اللجان المروريه...
كل ده مش هاياخد منك دقيقتان وله فوايد كتره اولها انك هاتطمن للعربيه وثانيهما انك بالطريقه دي هاتحافظ على صيانه العربيه وبالتالي هتلاقي عربيتك جاهزه في اي وقت لما تحتاجها
---شويه واكمل الدرس الثاني وشكرا

كلام سليم ومية مية
انا عندى جارتى ... للاسف عربيتها الاسبوع ده جابت وش سلندر
عشان غطاء الراديتير كان بيسرب المياه
ومشيت والعربية ناقصة مياه
والنتيجة العربية عطلانة فى الجراج ونفسها اتسدت
لدرجة انها سافرت كندا ... قبل ما دمها يتغير هههههههههههههههه

شوف حاجة بسيطة قوى زى غطاء الراديتير والمياه ... بس النتيجة ربنا يلطف بنا عملت كارثة


فى الانتظار

الدرس الثــــــــــــــــــــــ ـــاني
(كيف نظبط الجلوس داخل السياره)
قبل ما ابتدي احب اعتذر اني انا ماشرحتش ازاي نكشف على مستوى الزيوت والميه في العربيه لان ده محتاج اشرحه عملي وبالاضافه الى كده معنديش وقت احط صور او اني ازود في الكلام لان ده هياخد كلام كتير بس احب اطمنكو اي حد بيسوق لفتره طويله ومتبهدل عند الميكانيكيه ممكن يشرحلكو بسهوله بس انتوا اسالوا وماتتكسفوش....
نرجع لموضوعنا .........
=لما تركب العربيه وتعقد على كرسي السواق لاول مره طبعا هتلاقي قدامك الدركسيون ووراه ذراعين اليمين خاص بالمساحات ،،والشمال خاص بانوار العربيه والاشارات يمين وشمال ،،
ووراهم تابلوه العدادات واللي بيشمل عداد السرعه وعداد لفات المحرك او rpm ومؤشر الحراره والبنزين وعداد المسافات واللي بنعرف منه العربيه ماشيه كام كيلو.
=على يمين الدركسيون شويه وخصوصا في منتصف تابلوه العربيه او منتصف السياره هتلاقي مفاتيح خاصه بالمكيف ودرجات حرارته ومفتاح خاص بتسخيين الزجاج الخلفي عشان تشيل الشبوره (بص على الزجاج الخلفي هاتلاقي عليه خطوط دي خاصه بتسخين الزجاج الخلفي)
ومن فوق فيه مفتاح الانتظار او مفتاح تشغيل الاربع اشارات واللي بنستخدمها في حاله الخطر فقط او الانتظار طبعا الاماكن ممكن تتغير باختلاف موديلات العربيات0
= تحت التابلوه وعند مستوى القدمين هتلاقي ثلاثه دواسات
اللي في اقصى اليمين دي دواسه البنزين واللي عن طريق الضغط عليها بنزود السرعه.
اللي في الوسط وهيا الفرامل وعن طريق الضغط عليها بالتدريج بنهدي سرعه العربيه او بالضغط عليها بقوه ومره واحده بنوقف العربيه
الاخيره اللي في اقصى اليسار وهيا الدبرياش او فاصل الحركه وهي تستخدم عند نقل الحركه او تغير السرعه للاسرع او للابطأ.
=يمين كرسي السائق في منصف السياره تماما للامام قليلا يوجد عصا ناقل الحركه واللي من خلالها نقدر نغير السرعات وذلك عن طريق تحريك عصا ناقل الحركه الى السرعه المناسبه لتحريك السياره الى الامام او الى الخلف.
الطريقه الصحيحه للجلوس على كرسي القياده
اولا: اجلس على الكرسي وحاول ان تصل قدميك الاثنتين الى دواسات البنزين والدبرياش وذلك بالضغط على الدبرياش بقدمك اليسرى الى ان تلتصق الدواسه بارضيه السياره, واذا لم تصل قدمك حاول ان تقدم الكرسي الى الامام قليلا بحيث تكون رجليك مثنيتن بزاويه 45 درجه وغير مفرودتين ثم احرص على ان يكون هناك فرق بين ركبتيك وتابلوه السياره الاسفل بمقدار خمسه اصابع يعني ممكن تضع كف ايدك (سيف اليد يعني )بين ركبتك والتابلوه فاذا كانت رجليك طويلتين ارجع الكرسي الى الوراء قليلا اوظبط قاعده الكرسي من خلال الذراع الموجود اسفل الكرسي المهم لاتجعل رجلك تلتصق بالتابلوه من الاسفل
ثانيا:بالنسبه لطريقه وضع ايدك على الدريكسيون ارجع ظهرك الى الخلف بحيث يكون ملتصقا بظهر الكرسي مد يدك الى الامام في مستوى كتفك وضع يدك على الدريكسيون واستخدم طريقه ( عشره وعشره)يعني تحط ايدك على الدركسيون زي عقارب الساعه لماتكون عقارب الساعه عشره وعشر دقائق بحيث تكون ايدك الاثنين على الدركسيون من فوق شويه مش مفروده على الاخر ولا مثنيه زياده عن اللزوم يعني تكون فيه تنيه بسيطه من عند الكوع او المرفق ولو حصل غير كده سواء بالزياده او بالنقص تقدر تتحكم بكده من خلال انك تظبط ضهر الكرسي من الذراع الموجود في جانب الكرسي من جهه اليسار وذلك باستخدام ايدك اليسار.
ثالثا:ظبط المسند الخلفي للراس وذلك بان ترجع راسك الى الوراء وحاول ترفع او تنزل مسند الراس بحيث تكون راسك مستريحه ومسنوده عند ارجاعها الى الخلف وهي خطوه مهمه جدا لان لاقدر الله عند حدوث فرمله جامده او حدث تصادم من الخلف فان الراس دائما ماترجع الى الوراء وممكن ان يحدث كسر في الرقبه اذا لم يكن مسند الراس موضوعا بشكل جيد.
خلاصه الكلام انك متكونش لازق قوي في الدريكسيون وبرضه ماتكونش بعيد جدا عن الدريكسيون بحيث انك تقدر تتحكم في العربيه بشكل كويس0000
الطريقه الصحيحه لتظبيط المرايات
اولا:المرآه الوسطى او مرايه الصالون 000
بعد ماتظبط الكرسي بالطريقه السابقه افرد ظهرك على الكرسي وضع يدك الاتنين بطريقه عشره وعشره على الدريكسيون واترك يدك الشمال على الدركسيون ثم مد يدك اليمين الى مراه الصالون وامسكها من خلفها من اقصى يمين المرآه يعني ماتخليش ايدك تغطي المرايه وماتحاولش تمسكها من النص وبرضه ماتحاولش تلمس زجاج المرايه عشان بصمات ايدك ماتتطبعش على المرايه وبالتالي المرايه هاتتلطخ ومش هاتشوف بيها كويس، طبعا هتلاقي المرايه جايه في وشك بالظبط وبالتالي مش محتاج انك تلف راسك او تتعب نفسك بس حرك عينيك تجاه المرآه.
طيب هاتشوف ايه بالظبط في المرايه؟؟؟؟
هانحاول نحرك المرايه بادينا بحيث نشوف الزجاج الخلفي كاملا واللي من خلالها هانشوف السما من بعيد في نصف المرايه الاعلى وبرضه هانشوف الارض اللي ورانا من بعيد في نصف المرايه الاسفل يعني نقسم المرايه نصفين بالعرض ونشوف السما والارض من ورا العربيه.....
في نص مرايه الصالون في ذراع بيتحرك للامام والخلف الذراع ده دايما خليه للخلف جهه الزجاج الامامي وده فايدته انك لو ماشي بالليل وحد من السائقين ازعجك بالنور العالي لان النور هايضرب في المرايه وبالتالي هايضايق عينيك ماعليك الا انك تسحب الذراع ده للامام ناحيتك وبكده هاتكسر نور العربيه اللي وراك وفي نفس الوقت هاتبقى شايفها برضه.....
ثانيا: المرايا الجانبيه.....
المرايه الشمال اللي جنب السواق هانقسمها نصفين بالعرض ونحاول نشوف السما في النصف الاعلى والارض في النصف الاسفل يعني نخلي خط الافق اللي بين السما والارض في نص المرايه بالعرض،،،، عشره في الميه من جسم المرايه من الداخل اي من جهه السائق نشوف بيها جسم العربيه بدايه من نهايه مقبض باب السائق بالاضافه الى الباب الخلفي والرفرف الخلفي
طبعا نفس الكلام ده هانطبقه على المرايه اليمين،،، طبعا الكلام ده يدويا او لو عندك مرايات كهربا هتلاقي مفاتيح المرايات على الباب او تحت الدركسيون من جهه الشمال...
حزام الامـــــــــــــــــــــ ـــــــــــــان
بعد ما تظبط كل حاجه شد حزام الامان بس بايدك اليمين يعني لف جسمك شويه ناحيه الشال اي ناحيه حزام الامان وشده بايدك اليمين وحاول انك لما تركب الحزام انه يكون مفرود مش لافف او مبروم وان الحزام يمر على منتصف الكتف الايسر ويمر تحت البطن مش على البطن ولما تركب الحزام تاكد انك ضغط عليك كويس عشان ميفكش يعني لازم تسمع تكه بسيطه كده تعرف منها ان حلقه الحزام ركبت في مكانها الصحيح..
للناس القصيرين او الطوال ممكن تظبط ارتفاع الحزام من خلال رفع او خفض ذراع تظبيط الحزام واللي موجود على القائم الايسر في منتصف السياره المهم الحزام مايكونش زانق على الرقبه او نازل تحت الكتف بجانب الذراع الايسر....
نكمل بكره وسامحوني على الاطاله.....

[QUOTE=nadeen;3872421762]

اقتباس:

---

المشاركة الأصلية كتبت بواسطة husseinoo

السلام عليكم ورحمة الله وبركاته

المشكلة الغريبة عندى انى مش عارفة اتعامل كويس مع المرايا وبالذات المراية اليمين ،يعنى مثلا امبارح كنت نازلة الكوبرى وعايزة ادخل يمين مش بعرف اقدر إذا كان العربية اللى انا شايفاها فى المرايا دى مسافتها بعيدة عنى كفاية يعنى اعدى ولا لأ وبالتالى بطول فى القرار ده شوية لغاية ما الطريق يفضى ( حاجة غبية شوية بس هعمل ايه) هو ممكن ابص من فوق الكتف ناحية اليمين وخلاص ولا لازم المراية وكمان حضرتك بتعمل ايه لما تكون طالع من تقاطع على شارع رئيسى وفى عربيات كتير راكنة فى الرئيسى على اليمين لدرجة انك مش شايف اللى جاى ؟

---

المرايا تظبطيها بحيث تبين اخر جسم عربيتك مش لازم الجسم كله علشان تقللى النقطة العميا اللى عندك
وتقدير سرعة العربية ده هييجى بالممارسة
المهم ادى اشارة
ولو شفتى حد عمال يقلب نور ويدى كلاكس تاخدى بالك

لو طالع من تقاطع
اطلع سنة سنة
لو بالاليل
قلبى نور
نهار
كلاكسات

http://www.nilemotors.net/Nile/104623-a.html

http://www.nilemotors.net/Nile/9229-a.html

http://www.nilemotors.net/Nile/100519-a.html

:satelite:

تسلم يا ابو حرف والله استفدت كتييرررررررررررر ربنا يباركلك

[QUOTE=aboharf;3[COLOR=Blue]872425372] الدرس الثــــــــــــــــــــــ ـــاني
[/COLOR] (كيف نظبط الجلوس داخل السياره)
قبل ما ابتدي احب اعتذر اني انا ماشرحتش ازاي نكشف على مستوى الزيوت والميه في العربيه لان ده محتاج اشرحه عملي وبالاضافه الى كده معنديش وقت احط صور او اني ازود في الكلام لان ده هياخد كلام كتير بس احب اطمنكو اي حد بيسوق لفتره طويله ومتبهدل عند الميكانيكيه ممكن يشرحلكو بسهوله بس انتوا اسالوا وماتتكسفوش....

والله انا من يومين وجدت الراديتير "مليان مياه" ومية مية ... المفاجأة ان قربة المياه هى اللى خلصت ... على طول زودت مياه "خضراء" عشان الاملاح ... طبعا انا محتفظ بجيركل فى شنطة السيارة ... لكن الخطأ اللى عملته انى زودت المياه اكثر من العلامة "ماكس" ... عشان كده اول ما شغلت العربية ... طبعا خرطوم "الفايز" اللى خارج من القربة فضل ينقط مياه خضراء ... بعد شوية توقف لوحده

نرجع لموضوعنا .........
=لما تركب العربيه وتعقد على كرسي السواق لاول مره طبعا هتلاقي قدامك الدركسيون ووراه ذراعين اليمين خاص بالمساحات ،،والشمال خاص بانوار العربيه والاشارات يمين وشمال ،،
ووراهم تابلوه العدادات واللي بيشمل عداد السرعه وعداد لفات المحرك او rpm ومؤشر الحراره والبنزين وعداد المسافات واللي بنعرف منه العربيه ماشيه كام كيلو.
=على يمين الدركسيون شويه وخصوصا في منتصف تابلوه العربيه او منتصف السياره هتلاقي مفاتيح خاصه بالمكيف ودرجات حرارته ومفتاح خاص بتسخيين الزجاج الخلفي عشان تشيل الشبوره (بص على الزجاج الخلفي هاتلاقي عليه خطوط دي خاصه بتسخين الزجاج الخلفي)
ومن فوق فيه مفتاح الانتظار او مفتاح تشغيل الاربع اشارات واللي بنستخدمها في حاله الخطر فقط او الانتظار طبعا الاماكن ممكن تتغير باختلاف موديلات العربيات0
= تحت التابلوه وعند مستوى القدمين هتلاقي ثلاثه دواسات
اللي في اقصى اليمين دي دواسه البنزين واللي عن طريق الضغط عليها بنزود السرعه.
اللي في الوسط وهيا الفرامل وعن طريق الضغط عليها بالتدريج بنهدي سرعه العربيه او بالضغط عليها بقوه ومره واحده بنوقف العربيه
الاخيره اللي في اقصى اليسار وهيا الدبرياش او فاصل الحركه وهي تستخدم عند نقل الحركه او تغير السرعه للاسرع او للابطأ.
=يمين كرسي السائق في منصف السياره تماما للامام قليلا يوجد عصا ناقل الحركه واللي من خلالها نقدر نغير السرعات وذلك عن طريق تحريك عصا ناقل الحركه الى السرعه المناسبه لتحريك السياره الى الامام او الى الخلف.
الطريقه الصحيحه للجلوس على كرسي القياده
اولا: اجلس على الكرسي وحاول ان تصل قدميك الاثنتين الى دواسات البنزين والدبرياش وذلك بالضغط على الدبرياش بقدمك اليسرى الى ان تلتصق الدواسه بارضيه السياره, واذا لم تصل قدمك حاول ان تقدم الكرسي الى الامام قليلا بحيث تكون رجليك مثنيتن بزاويه 45 درجه وغير مفرودتين ثم احرص على ان يكون هناك فرق بين ركبتيك وتابلوه السياره الاسفل بمقدار خمسه اصابع يعني ممكن تضع كف ايدك (سيف اليد يعني )بين ركبتك والتابلوه

حلو قوى معلومة الفرق بين الركب وتابلوه السيارة "معلومة جديدة وكويسة

فاذا كانت رجليك طويلتين ارجع الكرسي الى الوراء قليلا اوظبط قاعده الكرسي من خلال الذراع الموجود اسفل الكرسي المهم لاتجعل رجلك تلتصق بالتابلوه من الاسفل

ثانيا:بالنسبه لطريقه وضع ايدك على الدريكسيون ارجع ظهرك الى الخلف بحيث يكون ملتصقا بظهر الكرسي مد يدك الى الامام في مستوى كتفك وضع يدك على الدريكسيون واستخدم طريقه ( عشره وعشره)

والله انا سبحان الله بحط ايدى على الدركسيون بالشكل ده طبيعى كده من غير ما اعرف

يعني تحط ايدك على الدركسيون زي عقارب الساعه لماتكون عقارب الساعه عشره وعشر دقائق بحيث تكون ايدك الاثنين على الدركسيون من فوق شويه مش مفروده على الاخر ولا مثنيه زياده عن اللزوم يعني تكون فيه تنيه بسيطه من عند الكوع او المرفق ولو حصل غير كده سواء بالزياده او بالنقص تقدر تتحكم بكده من خلال انك تظبط ضهر الكرسي من الذراع الموجود في جانب الكرسي من جهه اليسار وذلك باستخدام ايدك اليسار.

ثالثا:ظبط المسند الخلفي للراس وذلك بان ترجع راسك الى الوراء وحاول ترفع او تنزل مسند الراس بحيث تكون راسك مستريحه ومسنوده عند ارجاعها الى الخلف وهي خطوه مهمه جدا لان لاقدر الله عند حدوث فرمله جامده او حدث تصادم من الخلف فان الراس دائما ماترجع الى الوراء وممكن ان يحدث كسر في الرقبه اذا لم يكن مسند الراس موضوعا بشكل جيد.
خلاصه الكلام انك متكونش لازق قوي في الدريكسيون وبرضه ماتكونش بعيد جدا عن الدريكسيون بحيث انك تقدر تتحكم في العربيه بشكل كويس0000
الطريقه الصحيحه لتظبيط المرايات
اولا:المرآه الوسطى او مرايه الصالون 000
بعد ماتظبط الكرسي بالطريقه السابقه افرد ظهرك على الكرسي وضع يدك الاتنين بطريقه عشره وعشره على الدريكسيون واترك يدك الشمال على الدركسيون ثم مد يدك اليمين الى مراه الصالون وامسكها من خلفها من اقصى يمين المرآه يعني ماتخليش ايدك تغطي المرايه وماتحاولش تمسكها من النص وبرضه ماتحاولش تلمس زجاج المرايه عشان بصمات ايدك ماتتطبعش على المرايه وبالتالي المرايه هاتتلطخ ومش هاتشوف بيها كويس، طبعا هتلاقي المرايه جايه في وشك بالظبط وبالتالي مش محتاج انك تلف راسك او تتعب نفسك بس حرك عينيك تجاه المرآه.
طيب هاتشوف ايه بالظبط في المرايه؟؟؟؟
هانحاول نحرك المرايه بادينا بحيث نشوف الزجاج الخلفي كاملا واللي من خلالها هانشوف السما من بعيد في نصف المرايه الاعلى وبرضه هانشوف الارض اللي ورانا من بعيد في نصف المرايه الاسفل يعني نقسم المرايه نصفين بالعرض ونشوف السما والارض من ورا العربيه.....

انا نفسى اشترى مراية محترمة ... لكن موش عارف اشتريها منين
الموجودة كويسة لكن صغيرة
نفسى فى مراية كبيرة وممتازة

في نص مرايه الصالون في ذراع بيتحرك للامام والخلف الذراع ده دايما خليه للخلف جهه الزجاج الامامي وده فايدته انك لو ماشي بالليل وحد من السائقين ازعجك بالنور العالي لان النور هايضرب في المرايه وبالتالي هايضايق عينيك ماعليك الا انك تسحب الذراع ده للامام ناحيتك وبكده هاتكسر نور العربيه اللي وراك وفي نفس الوقت هاتبقى شايفها برضه.....

ثانيا: المرايا الجانبيه.....
المرايه الشمال اللي جنب السواق هانقسمها نصفين بالعرض ونحاول نشوف السما في النصف الاعلى والارض في النصف الاسفل يعني نخلي خط الافق اللي بين السما والارض في نص المرايه بالعرض،،،، عشره في الميه من جسم المرايه من الداخل اي من جهه السائق نشوف بيها جسم العربيه بدايه من نهايه مقبض باب السائق بالاضافه الى الباب الخلفي والرفرف الخلفي

دى معلومة حلوة قوى ... خصوصا طريقة تقسيم المرايا وكمان موضوع 10% من جسم العربية
لان كثيير قوى بيضبطوا المرايا خطأ .... بصراحة انا صديقى هو اللى ضبط لى المرايا ومابحاولش اغيرها ... لانه ضابطها عشرة على عشرة

طبعا نفس الكلام ده هانطبقه على المرايه اليمين،،، طبعا الكلام ده يدويا او لو عندك مرايات كهربا هتلاقي مفاتيح المرايات على الباب او تحت الدركسيون من جهه الشمال...
حزام الامـــــــــــــــــــــ ـــــــــــــان
بعد ما تظبط كل حاجه شد حزام الامان بس بايدك اليمين يعني لف جسمك شويه ناحيه الشال اي ناحيه حزام الامان وشده بايدك اليمين وحاول انك لما تركب الحزام انه يكون مفرود مش لافف او مبروم وان الحزام يمر على منتصف الكتف الايسر ويمر تحت البطن مش على البطن ولما تركب الحزام تاكد انك ضغط عليك كويس عشان ميفكش يعني لازم تسمع تكه بسيطه كده تعرف منها ان حلقه الحزام ركبت في مكانها الصحيح..

احب اضيف انى احيانا كثيير انسى تركيب الحزام ... برغم ان غرامة الحزام 50 جنيه ههههههههههه ... ربنا يستر

للناس القصيرين او الطوال ممكن تظبط ارتفاع الحزام من خلال رفع او خفض ذراع تظبيط الحزام واللي موجود على القائم الايسر في منتصف السياره المهم الحزام مايكونش زانق على الرقبه او نازل تحت الكتف بجانب الذراع الايسر....
نكمل بكره وسامحوني على الاطاله.....
[/QUOTE]

[QUOTE=A.Saad;3872425921]

اقتباس:

---

المشاركة الأصلية كتبت بواسطة nadeen

المرايا تظبطيها بحيث تبين اخر جسم عربيتك مش لازم الجسم كله علشان تقللى النقطة العميا اللى عندك

معلومة النقاط العمياء ده ... مهم جدا جدا جدا ...ربنا يستر
ومعظم مشاكل المبتدأين من موضوع النقاط العمياء

وتقدير سرعة العربية ده هييجى بالممارسة
المهم ادى اشارة

ولو شفتى حد عمال يقلب نور ويدى كلاكس تاخدى بالك
لو طالع من تقاطع
اطلع سنة سنة
لو بالاليل
قلبى نور

فعلا تقليب النور ده حل ممتاز وعملى جدا بالليل

نهار
كلاكسات

كلام عشرة على عشرة .... النهارده كنت اضرب كلاكس فى التقاطعات ... وام الاولاد كانت مستغربة شوية ... قلت لها: النهارده الجمعة وممكن يكون فيه حد خارج من التقاطع وفاكر ان الناس كلها فى اجازة ... موش مهم الكلاكس ... المهم انه يسمع وياخد باله

وكمان لما واحد بيطلع من التقاطع اول ما يسمع الكلاكس ... "بيلم نفسه على طول" ... ويخلى عربيته فى الحارة اللى بجوار الرصيف

---

النهارده اول خروج لى "رسمى" بالعربية مع الاسرة الكريمة

ههههههههههههه

طبعا كنت عامل زى التلميذ اللى داخل امتحان

وكمان شكلى كان هايبقى وحش قوى امام "ام العيال"

طبعا انا فضلت الخروج فى الصباح الباكر هههههههههه الساعة 9 تقريبا عشان ابعد عن الزحام والحق ارجع وفعلا رجعت البيت حوالى الساعة 11 والمواصلات كانت رايقة ومعقولة

المهم حصل معايا موقف واحد او اثنين خلال المشوار

الموقف الاول
كان فيه يو تيرن
لكن انا كنت ماشى على طول
والشارع يا دوب حارتين
انا فعلا كنت ماشى ناحية الحارة اللى بتوجه الى اليون تيرن

على اساس انى كنت خايف اروح للحارة اللى فى اليمين

قلت لنفسى خليك على طول احسن ... بدل ما يجى واحد من على يمينك انت موش شايفه وتحدف عليه

اللى حصل ان جه من ورايا عربية ميكروباس "ملاكى" ... ومرة واحد دخل امامى وهدى عربيته عشان يدخل اليو تيرن

طبعا لولا انى داخل على التقاطع بالراحة ورجلى على الدبرياش والفرامل
على طول هديت العربية على ما سيادته يدخل اليو تيرن

طيب الصح ايه فى الموضوع ده

انا اللى غلطان انى ماشى على طول وكان لازم التزم بالحارة اليمين عشان ابعد عن اليو تيرن

ولا هو اللى غلطان عشان كان لازم يهدى "ثانيتين" ويدخل ورايا على اليو تيرن


نفس الحكاية
وانا بعدى الإشارة
كنت ماشى ناحية الحارة اليسار بجوار الرصيف
طبعا وانا بعدى الاشارة فيه عربيات كانت امامى متجهة الى اليسار
وانا ماشى على طول
فضلت انى اهدى شوية لحد ما يدخلوا شمال واستمر انا فى السير على طول

طبعا خفت انى اغير اتجاهاى واحاول انى اروح للحارة اليمين عشان خايف حد يكون جاى من ورايا بسرعة

طيب الصح ايه فى الموضوع ده

مع العلم ان فى الغالب الشارع ده بيكون زحمة جدا
يعنى صعب انك تغير اتجاهك من حارة الى حارة



آخر حاجة عملتها انى دخلت على ميدان ابن الحكم ... لكن اعتقد دخلت خطأ
لانى دخلت على الجزيرة على طول
وكان الافضل انى ادخل من اقصى يمين الصينية بعيدا عن السيارات اللى بتلف مع الصينية
خصوصا انى متجه على طول وموش هالف مع الصينية
يا ريت توضيح


انا النهاردة سعيد جدا بمشاركة اصدقاء جدد

وفى انتظار التواصل

مع اطيب التمنيات
اخوكم حسين غزالة