شكرا يا أستاذ حسين على الرد والتوضيح ، الحقيقة انا بكون مضطرة للدخول فى الشوارع الضيقة لان منهم شارع بيتى...
شكرا يا سارة على الرد ، انا فعلا كنت حاسة انه المفروض اعمل زى ما بتقولى بس المكان ما كانش هيكفى فى الموقف ده ..
يا جماعة انا فرحانة انى بقى لى اخوات محترمين زيكم برجع لهم كل ما احتاج حاجة..بارك الله فيكم ..
الاستاذ حسين اول مشاركه ايجابيه لي معكم والمشاركات السابقه كانت عباره عن قراءه وتأمل وتعلم منك ومن باقى الزملاء فى المنتدي وخصوصا انى عضو جديد فى مدرسه المبتدئين .
اولا : اشكرك جدا على هذا الموضوع وانت لست فى حاجه الي مزيد من كلمات الاطراء والمدح لانه قد سبقنى اخرين لذلك ولم اعد اجد الكلمات التى توفيك حقك
ثانيا : برجاء والحاح واعذرني فى الحاحي ارجوا ان يتسع وقتك قبل ان تستطرد فى موضوع القياده الامنه فى ان تفرد بعض الكلمات لموضوع الركنه بجد ان فى اشد الحرج كل يوم عندما اتعرض لهذا الموقف وهو ركن سيارتى الحقيقه بضرب اخماس فى اسداس حتى يسعفنى احد الماره من اصحاب الخبره مثلك وينقذنى من هذا الموقف فارجوك ترحمنى من نظرات الشفقه ونظرات السخريه .......... الى اخره من النظرات وبعضها لا يخلوا من التزمر والتهكم على حالي فارجوك مزيد من التوضيح فى حاله ركن السياره سواء الركن موازي للرصيف بين سيارتين او الركن عمودى على الرصيف بين سيارتين ارجوا التوضيح باسهاب وبالصور لكل حركه مع العلم اني قرأت موضوع الركنه من قبل وتدربت كثيرا ولكن لم افلح فى ضبطها واشكرك مقدما
اقتباس:
المشاركة الأصلية كتبت بواسطة nadeen
اقتباس:
المشاركة الأصلية كتبت بواسطة shetoos2009
بسم الله الرحمن الرحيم
اللهم صل على محمد وعلى آله وصحبه أجمعين
كيف تركن سيارتك
المرة دى الشرح بالفلاش
كل المطلوب اضغط على مفتاح الاستمرار ... عشان تتعلم موضوع ركن السيارة خطوة خطوة
بعد عمل بعض التعديلات انتهيت من عمل هذة الوحدة التعليمية البسيطة ارجوا ان تنال رضاكم
بعد عمل داونلود للملف .. ابدأ فى تشغيله .. بدون اى مشاكل إن شاء الله
فى انتظار التواصل
مع اطيب التمنيات
اخوكم حسين غزالة
العفو متشكره على الكلام الحلو دهاقتباس:
المشاركة الأصلية كتبت بواسطة nadeen
اللي يستحق كل الشكر استاذ حسين ربنا يبارك له
لو المكان مش مكفي لازم حد فيكم يرجع لوراء مفيش حل تاني
حصل معايا موقف مشابه وفي واحد اتبرع في الشارع انه يساعد وقعد يقنعني ان المكان هيكفي بالعافيه وحاولت ادخل فيه وظهر العربيه ما دخلش وكنت هجرح في العربيه اللي ورايا
وفي الآخر اللي كان في وشي رجع هو الشارع بظهره
بارك الله فيك وجعل مجهودك فى ميزان حسناتك وارجوا ان يتسع صدرك لكل اسئلتي انا وباقي الاخوة والاخوات فى المنتدي بجد مجهود تشكر عليه ولكن يبقى جزء من سؤالي وهو الاهم كيف اركن سيارتى بالاتجاه العمودى على الرصيف بين سيارتين بحيث ادخل هذا المكان بظهرى "اي مؤخره السياره وليس بوجه السيارة وهو الموقف الذي اتعرض له كثيرا خصوصا ان عرض الشارع المستخدم ضيق وتوجد سيارات راكنه بمحاذاه الرصيف المقابل لوجه السياره "المكان مخصص كجراج"
ثانيا : بالنسبه لتجاربى السابقه مع موضوع القيادة الحمد لله "فالله خير حافظا وهو ارحم الراحمين" انا اقود سيارتى منذ شهرين بمعدل كل يومين مشوار بسيط لا يتعدى ال7ك ذهابا وايابا ولكن فى شارع مزدحم وهو ش الترعه البولاقيه بدايه من نفق القللي وحتى نهايه ش شبرا مع العودة من ش شبرا الي نهايه النفق وطبعا بعد فتره تعلم فى شوارع خاليه مع احد اصدقائي في مساكن شيراتون وبجوار الاستاد الحمد لله الامور على ما يرام حتى الان دون خسائر ولكن
اولا : تقدير المسافه للسياره القادمه من الخلف حين النظر فى المراه الجانبيه "المنطقه العميه" خصوصا عند الانتقال من حاره لحاره لاخذ يوتيرن قريب مثلا مازلت لا استطيع تقديرها بالضبط والنتيجه كلاكس مزعج من الخلف
ثانيا : مازلت باللغه الدارجه ملجم سيارتى بوضع قدمى على الدبرياج نصف ضغطه مع استخدام الفرامل وممكن اسرح على هذا الوضع كثيرا وذلك لتجنب تعطل الموتور فى حاله التوقف المفاجي او تهدئه السرعه والتي لم تزد معى حتى الان عن 40كيلو نظرا لظروف طريقى وشده الزحام وقد سمعت من احد اصدقائي اننى سوف اقوم بعمليه تغيير لاسطوانه الدبرياج قريبا بسبب ذلك الموضوع ولا اجد له حل واحاول التخلص من هذه العاده السيئه
ولك مزيد من الشكر على الجهد الرائع
اخوكم احمد
بسم الله الرحمن الرحيم
اللهم صل على محمد وعلى آله وصحبه أجمعين
كيف تركن سيارتك
5 خطوات اساسية لركن السيارة
فى البداية يجب ان يكون التدريب فى مكان واسع .... ثم يتدرج التدريب الى مكان مناسب لحجم السيارة ... ويتم التدريب فى الاول فى اماكن خالية من السيارات ... يم يتدرج مرة تانية فى اماكن طبيعية وبها سيارات تسير بشكل طبيعى.
1- تفحص حركة المرور ثم اعطى اشارة ناحية الرصيف "اليمين" ... ثم اترك مسافة بينك وبين السيارة الامامية حوالى (70 سم) متر تقريبا مع مراعاة ان يكون الاكصدامات الخلفية للسيارتين على نفس المحاذاة.
ملحوظة: يفضل البعض احيانا ان يكون متأخر بعض الشىء عن السيارة الامامية
http://www.nilemotors.net/Nile/attac...1&d=1279295634
http://www.nilemotors.net/Nile/attac...1&d=1279298326
2- تأكد من حالة المرور ثم استخدم الغيار العكسى "للرجوع الى الخلف" ... لف عجلة القيادة "الدركسيون" الى اليمين على الآخر "ناحية الرصيف"
3- اول ما الباب الامامى لسيارتك "يمر" على اكصدام السيارة الامامية ... بسرعة اعدل "عجلة القيادة" على شكل مستقيم
ملحوظة: اذا كنت موش سريع بما فيه الكفاية تستطيع التوقف ثم تحريك عجلة القيادة فى الإتجاه المطلوب .. لكن يفضل ان يتم تحريك الدركسيون اثناء السير للمحافظة على كاوتش السيارة ولخفة تحريك الدركسيون خصوصا اذا كانت السيارة ليست "باور"
http://www.nilemotors.net/Nile/attac...1&d=1279298521
4- عندما تظهر خلفية السيارة الامامية بشكل واضح .. ابدأ فى عكس عجلة القيادة اتجاه اليسار "عكس الرصيف" .. والرجوع للخلف بشكل بطىء جدا.http://www.nilemotors.net/Nile/attac...1&d=1279298720
ملحوظة: يعنى اول ما اكصدام سيارتك يمر من اكصدام السيارة الامامية
5- استخدم الغيار الاول وتحرك الى الامام لكى تقف فى منتصف المسافة بين السيارتين .. وعلى بعد 45 سم تقريبا من الرصيف
http://www.nilemotors.net/Nile/attac...1&d=1279298946
ارجوا ان اكون وفقت
فى المرات القادمة نتكلم عن الركن الافقى
فى انتظار التواصل
مع اطيب التمنيات
نسألكم الدعاء لى ولوالدى الله يرحمهم
اخوكم حسين غزالة
شكرا علي النصائح الغالية دي ككككككككككككككلها
شكرا على الشرح الجميل
السلام عليكم
فين يااستاذ حسين باقى موضوع الركنه "الركن الافقي" لعل المانع خير
وفي طلب تاني ارجو ان يكون فى محور اهتمامك موضوع حدف السياره اثناء تغيير الغيار يعني لما بغير من الثاني للثالث مثلا للاسف السياره بتحدف مني من حاره الي حارة وطبعا حضرتك عارف النتيجه "الكلاكس المزعج" القادم من الخلف مع استخدام بعض حركات اليد لصاحب السياره القادمه من الخلف عندما يقترب مني والتي تعبر عن حاله السخط وبعض عبارات التأفف بس معلهش بنستحمل وياريت هما كمان يفتكروا انهم كانوا زينا فى يوم من الايام
السلام عليكم
الي كل الاعضاء المشتركين فى هذا الموضوع الرائع والمنضمين مثلي الي مدرسه المبتدائين هل انتهت الدروس بنجاح ام ماذا لعل المانع خير؟؟؟؟؟؟؟؟؟؟؟؟؟؟؟؟
الكلام فعلا جميل و ممتاز يا استاذ \ حسين
و انا بسوق من اكتر من سنتين و اتعلمت حاجات من كلامك الجميل ده زي النقاط العمياء في المراية كنت بفتكره عيب مني انا اني مش بركز في السواقة و كده لكن كويس انك وضحتهلنا
مشكوور علي المجهود الرائع ده
و هبعت اللينك ده لاصحابي اللي هيتعلموا السواقة لأنه هيفيدهم بجد والله
جزاك الله كل خير
[quote]
السلام عليكم اشكركم جميعا على النصائح الغالية لكن عايز حد ينقذنى والقصة باختصار ان انا رحت مدرسة تعليم قيادة فاشلة
وبعدين قررت انا اعلم نفسى بنفسى والا عمرى ماحسوق سيارة فى حياتى بالطريقة دى خصوصا انى كنت ناوى اشترى سيارة ترحمنى من المواصلات... المهم اتفقت مع سواق على ان احنا نطلع مرتين كده نضبط المسائل يعنى كان فاهم شوية بس مش قوى... مشينا فى يوتيرنات وطلعنا كبارى المهم زادت عندى الثقة قوى واللى زودها السواق الله يسامحه وقاللى ان انت كده مش محتاج حد جنبك تانى انت ممكن دلوقتى تركب سيارة على طول وفى يوم كان معايا واحد صاحبى كان عارف ان انا طلعت رخصة واتعلمت السواقة فعرضت عليه بعد حوار بينا ان انا بقى استعرض مهارتى اللى هى ولا الحاج (شوماخر) ركبت السيارة وفضلنا نلف ساعة كاملة بدون مشاكل وهو قعد يشجع فيا ( انت بقيت ميه ميه انت جرىء ...فيه غيرك بيقعد سنه عقبال مايفكر يركب سيارة لوحده...انت رجليك تقيلة على السيارة يعنى عاقل ..وانت وانت .. وانت المهم اتنفخت اكتر والثقة و الجراءة قلبت لغرور لدرجة انى كنت ماسك الدركسيون بايد واحدة وفى اللحطة اللى قررت انى اخلص بقى ويركب هو ( ماانا بقيت واد جامد) والله العظيم ياجماعة لحظة واحدة وانا بالف ملف عادى جدا وسهل جدا مثل عشرات الملفات اللى انا دخلتها ....عارفين حصل ايه...
1- نسيت الفرامل خالص ورجلى كانت على دواسة البنزين
2- صاحبى لقيته فجاة بدون سابق انذار بيزعق....حاسب انت دايس بنزين زيادة وانت بتلف ...الزعيق قلب لصراخ
3- لقيته فجاة بيقوللى اقف اقف وبعدين مسك رجلى علشان من على دواسة البنزين اتوترت اكتر ورجلى تقلت على دواسة البنزين اكتر والدركسيون فلت من ايدى ورد لوضعه
4- اصبحت السيارة بعد ماهى داخلة شمال بقت لللامام
5- حاسيت انى مشلول مش عارف اعمل حاجة نسيت صاحبى والفرامل والدبرياج وكل اللى ان عرفته وزى ماكون باحلم لقيت نفسى داخل بكل سرعة ممكن تكون 60 فى صف عربيات كانت راكنة فى امانة الله وكانى باركن وراهم
6-لستر ربنا ان ماكانش فيه انسان معدى وحسيت انى مجنون سايق سيارة
كل الفيلم اللى انا باقوله ده تم فى لحظات وماكانش فيه مسافة او وقت لرد فعل (شلل تام)
النتيجة
1-تخبيط 3 عربيات راكنة خبطو فى بعض رغم انهم معشقين
2-طبعا ماالكومش حجم الخسائر فى عربية صديقى لانها دخلت بوشها (اكصدام -مروحة- شبكة امامية - فوانيس- شرخ الريادتير- طبورة الموتور - الكبوت الامامى اتعجن......باختصار وش السيارة باظ
3- كارثة وخسائر فادحة بكل ماتحمله الكلمة من معنى طبعا عوضت السيارات اللى راكنة( لانى طبعا انا اللى غلطان بمبلغ كبير جدا ضيع احلام السيارة اللى كنت بافكر اشتريها او حياخرها
4- اما صديقى ماقبلش تعويض وقاللى احنا اخوات
5- غير الغرامة المالية حجم الالم النفسى الرهيب جدا جدا والاحساس بالذنب تجاه صديقى والناس اللى انا خبطت فى سيارتهم
6- اسبوعين بالكامل تعبان نفسيا جدا وكرهت السيارات وركوبها كلها
المحصلة قررت انى انا ماشتريش سيارة ولا اركب سيارة حد ابدا واصبحت عندى عقدة
افيدونى الله يكرمكم ايه الفوبيا اللى حصلتلى دى وياترى لو فكرت اجيب سيارة فى يوم من الايام لو حصل موقف زى ده احضرب لخمة كده وماعرفش اتصرف واتشل كده مع العلم انى انا من النوع اللى مابخفش ؟
طبي المرة دى جت سليمة و المرة اللى جاية؟
هل انا كنت واخد الموضوع ببساطة شديدة ولاايه ؟
هل فيه نوع من الناس لايصلح لقيادة السيارات ؟
اجيبونى واسف للاطالة كان لازم احكى القصة دى علها تكون عبرة لاى حد تانى وربنا يسلم لكم طريقكم كلكم...... يارب
بسم الله الرحمن الرحيم
اللهم صل على محمد وعلى آله وصحبه أجمعين
آسف على التأخير ... وبعتذر بشدة
كيف تركن سيارتك بشكل رأسى
http://www.nilemotors.net/Nile/attac...1&d=1279795521
http://www.nilemotors.net/Nile/attac...1&d=1279795104
http://www.nilemotors.net/Nile/attac...1&d=1279795134
http://www.nilemotors.net/Nile/attac...1&d=1279795175
http://www.nilemotors.net/Nile/attac...1&d=1279795210
http://www.nilemotors.net/Nile/attac...1&d=1279795240
http://www.nilemotors.net/Nile/attac...1&d=1279795655
http://www.nilemotors.net/Nile/attac...1&d=1279795301
http://www.nilemotors.net/Nile/attac...1&d=1279795330
http://www.nilemotors.net/Nile/attac...1&d=1279795367
ارجوا ان اكون وفقت
فى انتظار التواصل
مع اطيب التمنيات
اخوكم حسين غزالة
[marq="3;right;3;scroll"]
الاساتذة الافاضل برجاء الرد على مشكلتى وحلها وشكرا
مبتدىء اثبت فشل زريع
[/marq]
للمرة الثانية ارجو من السادة الافاضل الرد على المشكلة اللى طرحتها وخاصة الاستاذ حسين والاستاذة سارة وجميع الاخوة
الجمال ...... الحقونى
موضوع جميل جدا .. بس ماقدرتش اقراه كله هرجع تانى اكمل
انا بردو بتعلم سواقه جديد و لسه ماطلعتش رخصه فالموضوع بالنسبالى مفيد جدا و اسلوب الشرح كمان شيق اوى.
شكرا جزيلااااااااا
[QUOTE=pop2010;3872874952]اقتباس:
السلام عليكم
وعليكم السلام ورحمة الله وبركاته
اشكركم جميعا على النصائح الغالية لكن عايز حد ينقذنى والقصة باختصار ان انا رحت مدرسة تعليم قيادة فاشلة
وبعدين قررت انا اعلم نفسى بنفسى والا عمرى ماحسوق سيارة فى حياتى بالطريقة دى خصوصا انى كنت ناوى اشترى سيارة ترحمنى من المواصلات... المهم اتفقت مع سواق على ان احنا نطلع مرتين كده نضبط المسائل يعنى كان فاهم شوية بس مش قوى... مشينا فى يوتيرنات وطلعنا كبارى المهم زادت عندى الثقة قوى واللى زودها السواق الله يسامحه وقاللى ان انت كده مش محتاج حد جنبك تانى انت ممكن دلوقتى تركب سيارة على طول
ههههههههههههههه
معلهش أنا آسف جدا غصب عنى ضحكت
لأن نفس الكلام قالوا لى سائق فى مدرسة القيادة ... انت كده تمام قوى ... وموش محتاج حاجة تانى
الكلام ده فعلا للأسف انا عن نفسى صدقته ... لكن فى الحقيقة وبعد الإطلاع اكتشفت ان موضوع التعليم ده موضوع كبير وسهل فى نفس الوقت ... لكن محتاج الى جدول وعدم الإستعجال والإستعانة بالله سبحانه وتعالى بالإضافة إلى الإستعانة بناس فاهمة وعندها قدرة على التوصيل ... يعنى موش كل سائق عنده قدره انه يفهم ويكون عنده صبر عشان يعلمك ... ده بالإضافة إلى ان الموضوع للأسف محتاج بصراحة "فلوس" .... عايز تتعلم صح .. تخرج مع سائق عشرة على عشرة ... وتدفع فلوس ... معلهش يعنى الواحد يشترى عربية "زيرو" بالشىء الفلانى ويستخسر يدفع له 500 ولا حتى 700 جنيه عشان ياخد 20 ولا 30 حصة ده بافتراض ان الحصة تكلفتها 20 جنيه مثلا ... بعد كل الحصص دى لازم مستواك هايتحسن جدا وهاتكون عشرة على عشرة
وفى يوم كان معايا واحد صاحبى كان عارف ان انا طلعت رخصة واتعلمت السواقة فعرضت عليه بعد حوار بينا ان انا بقى استعرض مهارتى اللى هى ولا الحاج (شوماخر) ركبت السيارة وفضلنا نلف ساعة كاملة بدون مشاكل وهو قعد يشجع فيا ( انت بقيت ميه ميه انت جرىء ...فيه غيرك بيقعد سنه
عقبال مايفكر يركب سيارة لوحده...انت رجليك تقيلة على السيارة يعنى عاقل ..وانت وانت .. وانت المهم اتنفخت اكتر
اقتباس:
هنا فيه خط فاصل للأسف ... فعلا فيه ناس كثيير قوى تقولك: اللى انت بتعمله ده غيرك بيحتاج سنة عشان يعمله والكلام ده كله كويس للتشجيع ... لكن موش للتهور ... فيه فرق بين ان الواحد يكون فاهم وواثق فى نفسه ... وبين انه يكون جرىء او متهور
والثقة و الجراءة قلبت لغرور لدرجة انى كنت ماسك الدركسيون بايد واحدة وفى اللحطة اللى قررت انى اخلص بقى ويركب هو ( ماانا بقيت واد جامد) والله العظيم ياجماعة لحظة واحدة وانا بالف ملف عادى جدا وسهل جدا مثل عشرات الملفات اللى انا دخلتها
فعلا كلامك سليم جدا ... ملف اقل من عادى مرة واحدة تنسى نفسك تفاجأ بحاجات موش كويسة
....عارفين حصل ايه...
1- نسيت الفرامل خالص ورجلى كانت على دواسة البنزين
لا حول ولا قوة إلا بالله
والله العظيم يا استاذ حكاية رجلك فوق البنزين دى ... كانت اول دافع لى عشان افتح موضوع "نصائح سائق جديد" ... وكنت عارف اهميته وخطورة الموضوع ده .. واكتشفت ان موضوع القيادة ده ملىء بالأسرار والأفكار والمهارات اللى كثير منا لا يعلم عنها شىء حتى من السائقين القدام وموش عيب ان الواحد يكون موش عارف العيب انه لا يجدد او يصحح معارفه ومعلوماته
2- صاحبى لقيته فجاة بدون سابق انذار بيزعق....حاسب انت دايس بنزين زيادة وانت بتلف ...الزعيق قلب لصراخ
للأسف هو كان لازم من اول ما خرج معاك كان يكتشف هل انت بتدخل على الملفات ورجلك فوق البنزين ولا فوق الفرامل .. وكمان كان لازم ينبهك دائما قبل الدخول بمسافة كافية .. يعنى موش بعد الدخول فى الملف بيزعق ويلغبطك .. هو كان كل تركيزه انك ماشى كويس .. لكن ماشى ازاى الله اعلم معلهش حصل خير
3- لقيته فجاة بيقوللى اقف اقف وبعدين مسك رجلى علشان من على دواسة البنزين اتوترت اكتر ورجلى تقلت على دواسة البنزين اكتر والدركسيون فلت من ايدى ورد لوضعه
ابسط حاجة كان شد فرامل اليد ... عشان العربية تقف
4- اصبحت السيارة بعد ماهى داخلة شمال بقت لللامام
طبعا وجدت نفسك فى نص الشارع ده طبيعى جدا ... وحصلت معايا .. لكن كنت ماشى بطىء ... وبعد كده ربنا كرمنى بواحد فاهم خرج معايا 3 مرات فقط وضبط لى حاجات كثيير
5- حاسيت انى مشلول مش عارف اعمل حاجة نسيت صاحبى والفرامل والدبرياج وكل اللى ان عرفته وزى ماكون باحلم لقيت نفسى داخل بكل سرعة ممكن تكون 60 فى صف عربيات كانت راكنة فى امانة الله وكانى باركن وراهم
فى الزحام وعند اليوتيرن والمواقف الصعبة لو رجلك كانت فوق الفرامل .. اى لغبطة هاتحصل هاتضغط عليها ... اما لو كانت رجلك فوق البنزين .. اى لغبطة هاتحصل هاتزود بنزين بدل من الفرامل ... وده اسوء مشكلة مع المبتدأين .. وبعد مرور اكثر من 6 حصص فى مدرسة القيادة التابعة للحى .. ولا واحد قال لى حاجة عن الموضوع ده ... كل اللى يقال ... خفف سرعتك .. انما المعلومة الصح ... خفف سرعتك وارفع رجلك من على البنزين وضعها فوق الفرامل على استعداد للتوقف واضغط فى نفس الوقت الدبرياج عشان العربية لا تتوقف .. طبعا للاسف لا هما قالوا الكلام ده ولا واحد صاحبى عزيز على قال الكلام ده ... الوحيد اللى قال الكلام الصح واحد صاحبى فاهم كويس .... المشكلة يا صديقى انك تلاقى الشخص الفاهم كويس واللى عنده قدرة على التوصيل ... انا موش عايز حد يرفع لى الثقة فى نفسى وانا محتاج شغل كثيير ... انا عايز حد يفهمى الصح .. كويس انى اكون واثق فى نفسى .. لكن ثقة بدون فهم خطر جدا وربنا يحفظ الجميع
6-لستر ربنا ان ماكانش فيه انسان معدى وحسيت انى مجنون سايق سيارة
كل الفيلم اللى انا باقوله ده تم فى لحظات وماكانش فيه مسافة او وقت لرد فعل (شلل تام)
الحمد لله رب العالمين فعلا ان مافيش انسان ماشى فى الشارع وقدر الله وما شاء فعل
النتيجة
1-تخبيط 3 عربيات راكنة خبطو فى بعض رغم انهم معشقين
2-طبعا ماالكومش حجم الخسائر فى عربية صديقى لانها دخلت بوشها (اكصدام -مروحة- شبكة امامية - فوانيس- شرخ الريادتير- طبورة الموتور - الكبوت الامامى اتعجن......باختصار وش السيارة باظ
3- كارثة وخسائر فادحة بكل ماتحمله الكلمة من معنى طبعا عوضت السيارات اللى راكنة( لانى طبعا انا اللى غلطان بمبلغ كبير جدا ضيع احلام السيارة اللى كنت بافكر اشتريها او حياخرها
يا ساتر يا رب
معلهش حصل خير
4- اما صديقى ماقبلش تعويض وقاللى احنا اخوات
ده انسان راجل ومحترم وابن ناس وربنا يعوضه خير إن شاء الله
5- غير الغرامة المالية حجم الالم النفسى الرهيب جدا جدا والاحساس بالذنب تجاه صديقى والناس اللى انا خبطت فى سيارتهم
6- اسبوعين بالكامل تعبان نفسيا جدا وكرهت السيارات وركوبها كلها
ده طبيعى جدا
المحصلة قررت انى انا ماشتريش سيارة ولا اركب سيارة حد ابدا واصبحت عندى عقدة
افيدونى الله يكرمكم ايه الفوبيا اللى حصلتلى دى وياترى لو فكرت اجيب سيارة فى يوم من الايام لو حصل موقف زى ده احضرب لخمة كده وماعرفش اتصرف واتشل كده مع العلم انى انا من النوع اللى مابخفش ؟
طبي المرة دى جت سليمة و المرة اللى جاية؟
إن شاء لله مايحصلش حاجة وحشة تانى وربنا الستار فى الأول والآخر
هل انا كنت واخد الموضوع ببساطة شديدة ولاايه ؟
انت جرىء وده شىء كويس خصوصا لو كان فى نفس الوقت كان فيه تدريب كافى ووقت كافى وعدم استعجال
هل فيه نوع من الناس لايصلح لقيادة السيارات ؟
قليل قوى ... يعنى القيادة موش مشكلة المشكلة التدريب والفهم ... انك تلاقى اللى يعلمك صح هى دى المشكلة وانك تصرف فلوس فى التدريب يعنى واحد شارى عربية بحولاى 40 او 50 الف على الأقل ايه المشكلة انى ادفع لى 1000 جنيه وآخد 40 حصة مع سائق ممتاز وفاهم وعشرة على عشرة ... بالمبلغ ده اوفر على نفسى كثيير قوى ... لكن احنا للأسف كلنا بلا استثناء .. اول ما العربية تتحرك ونمشى بيها شوية نقول لنفسنا خلاص احنا مية مية ومحتاجية ممارسة فقط ههههههه .... طبعا الكلام ده غلط جدا ... فى بعض الدول الاوروبية تمشى سنة والعربية مكتوب عليها حرف P مبتدأ .. وبعدين تمشى مده وتضع حرف آخر وبعدين تمشى مده تانية وتكتب حرف آخر وبعد تقريبا 3 سنوات او اربعة تاخد الرخصة النهائية ... احنا حتى النهاردة نخاف نكتب على العربية من الخلف سائق مبتدأ .. نخاف الرخصة تنسحب مننا ... واقصى نصيحة اننا نكتب على العربية من الخلف "السيارة فى التليين" ههههههههههه
اجيبونى واسف للاطالة كان لازم احكى القصة دى علها تكون عبرة لاى حد تانى وربنا يسلم لكم طريقكم كلكم...... يارب
والله احنا اللى آسفين لحضرتك جدا اننا قلبنا عليك المواجع زى مابيقولوا
كل اللى انت محتاجه انك تبعد عن السواقة شوية
وتجلس فى مقعد الركاب مدة كافية ... حتى اعصابك تهدأ وترتاح وتنسى المشكلة اللى حصلت لك دى تماما .. تفضل فى الحاكية دى اسبوعين شهر .. اى مده المهم انك تهدأ واعصابك ترتاح وتنسى الحكاية دى تماما
وبعد كده ترجع تتدرب على القيادة بشكل علمى وسليم وعدم استعجال مع شخص فاهم كويس جدا ولو وجدته سائق موش تمام وموش بتفهم منه حاجة .. غيره على طول وشوف واحد غيره ... موش عيب انك تاخد وقتك فى التدريب .. العيب هو الإستعجال
وكل شىء هايكون تمام التمام إن شاء الله
وربنا يحفظ الجميع
مع اطيب التمنيات
اخوكم حسين غزالة
اقتباس:
المشاركة الأصلية كتبت بواسطة shetoos2009
اقتباس:
المشاركة الأصلية كتبت بواسطة nouranwar
اقتباس:
المشاركة الأصلية كتبت بواسطة Innovation
استاذ حسين
بدايه اشكرك للتواصل
ثانيا: ارجو توضيح الركن الراسي عندما يكون بين سيارتين متوقفين تماما وعرض الشارع لا يزيد عن سته امتار ورصيف مقابل مع احتمال وجود سياره تركن افقيا على الرصيف المقابل
انا اسف لا اصعب الامور فى سؤالي ولكن هذا ما اتعرض له بالفعل
وشكرا
الاستاد حسين
السلام عليكم ارجو ان تكون فى تمام الصحة والعافية اشكرك جدا على الاهتمام بموضوعى وماعندكش فكرة الكلام الى قلته اثلج صدرى كتير وانا كنت مشترك جديد ورجعت اقرأ المواضيع الى فاتت كلها بتركيز اكتر ولقيت ان في حاجات كتير كنت بامر عليها مرور الكرام (على أعتبار كنت فاكر نفسى واد عفريت) لكن موضوع السواقة على قد ماهو بسيط لكن محتاج تدريب كتير كان لازم اعرف ان مثلا ينفع لاعب كرة ينزل الملعب على طول من غير مايسخن انا مثلا مهندس قعدت 2 سنين لغاية مابتدات اعرف ايه الحكاية ( فى بداية حياتى العملية ) عموما ربنا يجعله فى ميزان حساناتك انت وكل الاخوة اللى بيساهموا هنا ...ادعولى ان الثقة ترجعلى تانى لان الموضوع قلب لخوف خايف تجيلى حالة الدهول الى كنت عليها دى وتقلب لرعشة والرعشة تقلب لرجفة والرجفة تقلب لكارثة ههههه
لى طلب عند حضرتك يا صديقى ياريت القصة دى تتنشر بطريقة او باخرى علشان يعرفها كل اللى داخل المنتدى ده علشان كل واحد ياخد حدره ومايعملش فيها ابو الرجال ونساهم ان احنا نحمى ( الحامى ربنا طبعا) المبتدئين عل الله يغفر لى اللى ان عملته
ملحوظة: بدون مجاملة والله (اكتشفت ان دمك خفيف جدا وده محلى مواضيعك اكتر)
سائق مبدتىء اثبت فشل زريع
استاذ حسين مش عارف اقولك ايه والله علي زوقك و اخلاقك العالية و روحك الطيبة و الجميلة ديه
و بالنسبة لمشاكلي في السواقة الحمد لله مفيش غير خبطة واحدة بس بالعربية و مش انا اللي عملتها انا كنت سايب العربية لصاحبي هو اللي بيسوق ( بيتعلم ) و اذ فجأة لقيت العربية اتخبطت !!! الاستاذ خبطهالي في عربية راكنة و واقفة في حالها بس الحمد لله جات سليمة فانوس و رفرف و الحمد لله
انما عن تجاربي الشخصية انا شبه فاشل في السواقة هههههههه ( الاعتراف بالحق فضيلة ) في الهادي معاك زي الفل و ملتزم بالاشارات و القوانين تماما , انما بقي لو حبيت اجري و اخد غرز بقي بطبش والله و ربنا وحده هو اللي بيسترها معايا والله الحمد لله بس الصحراوي معاك فيه لغاية 180 اخر العربية والله و الحمد لله الرخصتين اتسحبوا مفيش ساعة الفرق بينهم ( عبيط و ما اتعلمتش الدرس في السحب الاول ) :)
معلش طولت عليكم بس ديه تجربتي مع السواقة
اقتباس:
المشاركة الأصلية كتبت بواسطة pop2010
اقتباس:
المشاركة الأصلية كتبت بواسطة nouranwar
بسم الله الرحمن الرحيم
اللهم صل على محمد وعلى آله وصحبه أجمعين
فى الأول انا احب اعتذر لكم جميعا ... لأن الفيديو الذى سوف تشاهدوه من الممكن يكون فيه بعض المشاهد اللى تضايق الواحد ...
هانشوف مع بعض اسوأ الأخطاء التى يقع فيها اى سائق مبتدأ او محترف على سبيل المثال:
التحدث مع الآخرين وعدم التركيز
الثقة الزايدة
شرب المخدرات والكحوليات
السرعة الزيادة
حتى بالنسبة للمشاة وعدم التزامهم فى السير على الرصيف
عايزكم تتفرجوا على الفيديو ده ... وتكتب على طول انطباعك ايه ... واول حاجة قلتها لنفسك ايه .. وقررت انك تكون اى نوع من السائقين الجرىء المتهور ولا سوف تعتمد اسلوب القيادة الدفاعية العاقل
YouTube - Pay attention..
فى انتظار التواصل
مع اطيب التمنيات
اخوكم حسين غزالة
السلام عليكم ورحمة الله وبركاته
بالأمس خرجت مع اخويا الكبير ... وركب العربية .. عشان كان عايز يمشى بها شوية لأنه شاكك فى البطارية ... المهم واحنا ماشيين حصل الموقف التالي:
انظر الى الصورة
http://www.nilemotors.net/Nile/attac...1&d=1279966466
فى الصورة يظهر ان شارع المطار مزدحم شوية ... والعربيات بتجرى فيه جامد ... ظهر امامنا اوتوبيس لونه احمر
اخويا قرر انه يعدى من الاوتوبيس ... احنا راكبين السيارة الزرقاء
الاوتوبيس كان تقريبا سرعته حوالى 70 او 75 كيلوا .. يعنى تقدر تقول انه ماشى كويس
المهم بعد ما عدينا بسلام من الاوتوبيس وكملنا مشوارنا ... افتكرت الموضوع ده.
هل الموقف ده صح
هل الموقف ده خطأ
اتأكدت من ان شخصيتك بتنعكس على طريقة قيادتك
يعنى انا مثلا
عن نفسى ... لو نظرت فى الصورة جيدا سوف تجد اننا داخلين على منطقة فيها اكثر من شارع متفرع وكبارى
اللى رايح على المطار
اللى رايح على شيراتون
واللى رايح على طريق الاسماعليلة
طيب ايه لزومه انى احشر نفسى بين الاوتوبيس وبين العربيات القادمة من الخلف على سرعة حوالى 90 او 100 كيلوا
احنا اساسا ماشيين تقريبا 80 كيلوا
وبعد ثوانى هاندخل على منطقة مزدحمة ... وغصب عنك هاتهدى العربية وتشوف هاتدخل فى اى اتجاه
طيب ايه وجه الاستفادة انى ازود سرعة العربية من 80 الى 100 ثوانى ... واحشر نفسى بين الاوتوبيس واصبح وضعى محاصر من اليمين والشمال ... ثم اعود بسرعة اخفض السرعة واحتمال اتوقف
واترك الحارة الثانية اللى انا ماشى فيها اصلا بشكل وبسرعة مثالية وكويسة جدا
ايه المشكلة لو فضلت ماشى وراء الاوتوبيس ثوانى وكل العربيات دى سوف تتوقف بعد قليل
احنا كده بنخالف قاعدة فى اساسيات القيادة الدفاعية وهى مافيش داعى انك تحاصر العربية خصوصا من اليمني والشمال
هنا تظهر شخصية الراكب ... فيه ناس ايقاعها سريع ... زى اخويا
وفيه ناس هادئة بعض الشىء زى حالاتى
لكن السؤال هل المفروض تقود سيارتك حسب سمات شخصيتك ... عصبى ... هادىء .. جرىء ... الخ ؟
ولا المفروض تسوق سيارتك بالأصول والعقل "اسلوب القيادة الدفاعية" ؟
فكروا مع بعض فى السؤالين دول ومنتظر الإجابة
فى انتظار التواصل
مع اطيب التمنيات
اخوكم حسين غزالة
بسم الله الرحمن الرحيم
الأخ husseinoo
شاهد الفيديو
أنا مبتدئ فى القيادة وأمتلك سيارة جديدة والحمد لله
لقد أرعبنى هذا الفيديو وزاد من خوفى
أنا معك فى أن أسلوب القيادة الدفاعية العاقل هو الأمن للسائق ولمن حوله
والله هو الحافظ
بصراحه الفيديو مرعب وقد ازدات حده الخوف عندي لان هناك بعض الحالات القدريه بالفعل مثل السيده التي كانت متوقفه وقد اندفع من ورائها سياره مسرعه ما ذنبها فيما حدث "والله خير حافظا وهو ارحم الراحمين"
كفانا واياكم شر الغفله والبلاء والابتلاء
امين
الاستاذ : حسين
ارجو الا اكون قد اثقلت عليك باسئلتي وسوف اكررها
اولا: ارجو اعطائي النصيحه فى مساله التخلص من الضغط على الدبرياج اثناء المشي وذلك محاوله مني الا تهرب السرعه من تحت قدمي وما اضرار ذلك على السياره
ثانيا : مشكله ابعاد السياره لم احفظها بعد فهل هناك طريقه عمليه لذلك بعيدا عن مساله التعود
ثالثا: مازلت اتاخر فى موضوع اعطاء السياره الغيار المناسب فما علاج ذلك
وشكرا
الفيديو وهمي بجد و مؤثر جدا جدا
و بيبين اهمية التركيز و عدم الاستهتار في السواقة علشان ديه ارواح ناس فلازم نحافظ عليها
استاذ حسين بنشكرك علي المجهود الرائع و ياريت دايما تخليك فاكرنا بالجديد
و الله صاحبك ده بيحبك قوى و كتر خيره انوا قالك على كل ده و يا صبره على التعليم اساسا لان الشوارع بتخنق اللى بيعرفوا يسوقوا فما بالك باللى ميعرفوش
ربنا معاك و يعينك على شوارع و عربيات و سواقين مصر
الفيديو رهيب وتسلم ايدك يااستاذ حسين على المجهود الرائع
موضوع جميل و مهم جدا و اسلوب شرح اكتر من مريح انا زى زيك فى موضوع السواقة دة برضة :))) انا اسلام برضة مهندس انتاج
السلام عليكم
الاستاذ حسين نشكر حضرتك وانا على وجه الخصوص على استجابتك السريعة بالنسبة لموضوع (خطورة الجراءة والثقة الزائدة) للسائقين المبتدئين والفيديو ده رغم انه مؤلم جدا (وفكرنى بالحادثة بتاعتى هههههههههه) لكن لاحظت فيه ان كل الحوادث نتيجة التهور وعدم الانتباه والتركيز على حاجات تانى غير السواقة وفيه فرق كبير بين التهور وعدم الاكتراث والجراءة والثقة فى حدود معقولة لان الجراءة والثقة لوزادت عن حد معين تقلب لغرور والغرور يقلب فى السواقة بالذات لتهور وعدم تركيز ( يعنى بنشوف سواقين يحسسك انه لايمكن يغلط ومش شايف غير نفسه بس وكانه مالك الطريق حتى لو كان محترف) زى سواقين الميكروباص بحس احيانا انهم مش مركزين فى الطريق علشان يجرى يجيب زبون وكل مايلاقى جنيه على الارض يقف فى اى مكان وباى وضع علشان ياخده ودول عايزين شهر للتعليق على تصرفاتهم
والفيديو فيه جزء بسيط قدرى لكن لو نبحث بدقة نلاقى انه من ضمن الاسباب الرئيسية ايضا (التهور)لان السائق هنا حاسس انه لايمكن يغلط أو مافيش احساس بالخطر مش منتبه مش مركز المفروض يعمل حسابه ان من الممكن اى شىء غير متوقع يحصل حتى مش معتقد استغفر الله العظيم بالقدر لانه فى غيبوبة لاغى الامخخى ومبرمجه على انه البشرى الوحيد اللى بيسوق :36_1_50[1]:
ماهو عفريت الاسفلت بقى (اى نعم الحذر لايمنع القدر) لكن ناخد بالاسباب واكبر مثال على ذلك الحادثة بتاعتى لسه جديد فى السواقة وعامل فيها (برم) مافيش حد زى كنت لاغى دماغى خالص نتيجة الثقة الزيادة والنتيجة الاصطدام بثلاث سيارات واقفة فى حالها وغرامة مالية ونفسية كبيرة جدا وكنت حاخسر واحد من اعز اصحابى لان السيارة اللى ادمرت بتاعته نتيجة انى ماكنتش شايف غير نفسى ومش متوقع الخطا اللى ممكن يحصل
انا اسف انى طولت ومعلش كان لازم احكى الموضوع تانى يمكن الفيديو ده والحكاية دى تكون عظة للناس المبتدئين والقدامى برضه
يا جماعة السواقة زى السباحة كده ملهاش كبير اى نعم الخوف مش مطلوب لكن الثقة بحذر بدون تهور
الاتكال على الله ودعاء الركوب+ثقة فى حدود معقولة+ حذر وتركيز+تعلم اصول القيادة = الوصول فى سلامة الله ( وباذنه)
احنا مش قاصدين نخوقكم قوى لكن (شىء من الخوف بسيط مايضرش من غير مايقلب جبن)
واعتذر للجميع واسف جدا للاطالة لكن الموضوع مهم قوى واشكر الاستاذ حسين جدا مرة اخرى وربنا يجعله فى ميزان حسناتك
اخوكم سائق مبتدىء كان عامل فيها فان دام
السلام عليكم أستاذ حسين
جزاك الله خيرا للنصائح الجميلة ديه
أنا لسه مبيتدئة وقرات الكلام كويس
بس انا لسه حسه اني مش عرفي ابعاد العربية وطبعا الخوف ده اساسي ولسه الركنة :(
الميزة الوحيدة في سوقتي اني بمشي براحة جداااااااااااااااا ولسه هشوف حد يعلمني علي العربية
يا تري تنصحني بأيه
اقتباس:
المشاركة الأصلية كتبت بواسطة shetoos2009
اقتباس:
المشاركة الأصلية كتبت بواسطة shetoos2009
اقتباس:
المشاركة الأصلية كتبت بواسطة nouranwar
اقتباس:
المشاركة الأصلية كتبت بواسطة ahmedsameir
اقتباس:
المشاركة الأصلية كتبت بواسطة Meroo2008
اللهم صل على محمد وعلى آله وصحبه أجمعين
اهلا وسهلا بحضرتكاقتباس:
المشاركة الأصلية كتبت بواسطة mansy
اول حاجة مافيش داعى للاستعجال والنزول فى شوارع المحروسة إلا بعد التدريب الجيد جدا
ابحثى جيدا عن مدرب فاهم وعنده صبر واستمرى معاه اذا شعرتى بالإستفادة منه ... وياريت طبعا يكون معاكم احد الاقرباء لتقيم مستوى المدرب وهل يصل للاستمرار معاه ولا الافضل تغييره على طول عشان لا تضيعى وقت
اخرجى اكثر من مرة مع المدرب حتى وموش مهم عدد الحصص ... المهم انك تشعرى بالثقة وان مستواك فى تحسن
مافيش داعى للاستعجال ... خدى وقتك فى التدريب مرتين ثلاثة كل اسبوع
لو العربية "زيرو" يبقى الافضل انك تدربى على عربية مستعملة .. خدى 10 او حتى 20 حصة فى 20 او 25 جنيه تقريبا فى الحصة موش مهم .. المهم انك تدربى كويس
التدريب فى الاول يكون فى مكان خالى ويشمل :
1- السير والتوقف ... حتى تتمكنى من الحركة بشكل تلقائى والتعود على نقل الغيارات
2- السير فى الاول على الغيار الاول والثانى فقط
3- التدريب على الدخول فى "اليوتيرن" فى مكان خالى ... وده تدريب فى منتهى الاهمية لازم تمشى فيه اكثر من حصة ومافيش داعى للزهق خالص
4- التدريب على الدخول فى الشوارع الرئيسية والعودة مرة تانية المنطقة الهادئة ... يعنى تخرجى من شارع فرعى هادىء الى شارع رئيسى والعودة مرة تانية
5- التدريب على النظرة الخاطفة قبل الدخول الى اى شارع
6- التدريب على الدخول فى التقاطعات والمنحنيات والتحكم فى سرعة السيارة عن طريق الفرامل فقط والضغط على الدبرياج لفصل الحركة فى نفس الوقت "وده تدريب مهم جدا جدا جدا"
7- التوقف على شوارع مرتفعة ثم التحرك مرة تانية ... وممكن بعد كده ممارسة التدريب على احد الكبارى او الشوارع المرتفعة
8- التدريب على السير داخل الانفاق والخروج منها
9- التدريب على الصعود على الكبارى والسير عليها والتحكم فى السيارة واختيار السرعة المناسبة لصعود الكوبرى او النزول من عليه
10- التدريب على السير فى الزحام
11- التدريب على السير فى الطريق الطوالى او السريع "ده فى مرحلة متأخرة"
طبعا فيه حاجات تانية فنية تقدرى تعرفيها من المدرب .. او من خلال مشاركاتك او من خلال اطلاعك ... زى مثلا اختيار الحارة المناسبة للسير .. والسرعة المناسبة .. والمسافة المناسبة بينك وبين السيارات المحيطة وحاجات كثير ... لان كل يوم فيه الجديد
وحضرتك يا ريت تكتبى لنا مراحل تدريبك واخبارك اول بأول عشان نستفيد كلنا
واحنا تحت امرك فى اى وقت
مع اطيب التمنيات
اخوكم حسين غزالة
استاذ / حسين
جزاك الله خيرا عن هذا الموضوع
والله انا استفدت منه كتير
واحلى ما فى هذا الموضوع ان كل عضو بيقول هو عمل ايه وان كان صح ولا لا
ودى بيكون من اللى عاوز يتعلم صح مش اللى وخدها فهلوة وربنا يسترها علينا جميعاً
شكرا على هذا المجهود الرائع الذى تبذله من اجل ان تصل المعلومة سهلة
جزاكم الله خيرا
وكل عام وانتم بخير
اخوكم
م.عصام مهنى
جزاك الله كل خير وان شاء الله هشوف مدرب كويس وأعمل زي ماحضرتك قولت
وان شاء الله تكون هذه النصائح في ميزان حسناتك
موضوع في غاية الاهمية
تسلم الأيادى