والله دى هاتكون اجمل مشاركة
لانها من واحد اتعلم بالاعتماد على نفسه
يعنى الجميع سوف يستفيد إن شاء الله
شاكرين جدا لحضرتك
وفى اتظار سماع آرائك وافكارك القيمة
فى رعاية الله
مع اطيب التمنيات
اخوكم حسين غزالة
بالأمس كنت نازل اشترى اكرة للعربية من الوكالة
المهم وجدتها
وبعد ما ركبتها ماعرفتش اركب "التيش" او السيخ المسئول عن فتح الباب
المهم رحت لبتاع الابواب هههههههههههههه
الراجل ماكنش موجود
ابنه بالصلى على النبى
فتح الباب وفى خمس دقائق كان مركب الأكرة
عايز كام يا استاذ
طلب 10 جنيه
قلت مافيش مشكلة
طيب ممكن نغير كاوتش الزجاج
او نتأكد انه مابيسربش مياه
قال لى: اللى عنده الكاوتش فلان الفلانى
يعنى من الآخر موش عايز يتعب نفسه
عشان اوريكم شغل الصنايعية
ماشى النهاردة
وجدت الاشارات بطلت تشتغل
قلت ايه الحكاية دى
امبارح عداد البنزين هبط لتحت الصفر
وعداد الحرارة هبط هو كمان اكن العربية خارجة من الثلاجة
حاولت افك الكونتاكت انا واخويا
وجدت ان الموضوع موش سهل
قلت له نروح لكهربائى وخلاص انا زهقت
رحت للكهربائى
الكهربائى عايز يريح دماغه
يقول لك: روح بيها عند بتوع قطع الغيار وغيره هناك عشان لو اشتريت كونتاكت وطلع بايظ تلحق ترجعه
هههههههههههههه
يعنى من الآخر الراجل موش عايز يتعب نفسه فى الفك والتركيب ووجع الدماغ
عايز الشغل السهل وخلاص
قلت لاخويا: نروح لكهربائى تانى "كنت ضبط عنده الفوانيس والانوار"
رحت للراجل وقلت له على عدادات البنزين والحرارة والاشارات
الراجل فى ثوانى طلب مفك
وراح نزل فى الدواسة
وفك غطاء من احد الاجناب
والمفاجأة
ان تحت الغطاء ده كان فيه علبة فيوزات
وعمرى ما كنت اعرف ان فيه فيوزات اضافية غير الموجودة داخل حوض الموتور
غير الفيوزات فى ثوانى
عايز كام
10 جنيه
نفس الحكاية هههههههههههههههههههه
المهم وانا ماشى
كل حاجة شغالة تمام
افتح الباب
وجدت نور الصالون اشتغل
وجدت لمبة بيان بتنور لما المروحة بتشتغل
الحاجات دى ما كانتش بتشتغل الاول
قلت يا مسهل
لعل المشكلة تكون فى الفيوزات والواحد يرتاح من حوار الكونتاكت ده
تحت دواسة الدبرياش
وجدت بعض الزيت خفيف
بكره ان شاء الله
هاغسل العربية كويس
وهامسح الزيت
وهاشيك على زيت الدبرياج
لانى عرفت انه لو الزيت نقص جامد الدبرياج هاياخد هواء ومرة واحدة هالاقى دواسة الدبرياج على الارض
وطبعا العربية موش هاتتحرك
بعد فترة هاتابع
لو فيه زيت بيتسرب لسه
يبقى لازم اكيد زى ما عرفت ان كاوتش ماستر الدبرياج يتغير
فيه ناس قالت لى: ده موضوع بسيط وياخد 10 دقائق لكن مهم جدا
معلهش الحاجات دى ملهاش علاقة بالسواقة
لكن حبيت اقولها
عشان المبتدئين اللى زى حالاتى
لازم يعرفوا اهمية فحص علبة الزيت الخاصة بالدبرياج وعلبة الزيت الخاصة بالفرامل وكمان فحص المياه داخل الراديتير وزيادتها بالمياه الخضراء
لكن النهارده زودت الرايديتير مياه عادية من الحنفية
وقلت كفاية مياه خضراء عمال على بطال ممكن "تاكل" الراديتير
يعنى اعتقد ان المياه الخضراء موش لازم كل مرة تزود منها على طول
شوية كده وشويه كده
ولا ايه رايكم ؟
وطبعا فى المشى البطىء والحرارة العالية لازم الواحد يراقب ويتأكد ان المروحة شغالة وعينه على عداد الحرارة باستمرار
لسه من شوية واحد صاحبى قال لى: ان اخوه كان مهمل فى عربيته "لادا" وكانت العربية زيرو
تخيلوا ان الموتور "انكسر" واضطر انه يغيره بالكامل وركب موتور "ريجاتا"
كل ده بسبب الإهمال
فيه راى بيقول "لا تنتظر على اى شيىء يظهر فى السيارة"
بعد شوية العربية "هاتتكهن"
وفيه ناس تانية بتقول "موش كل حاجة تجرى على الميكانيكى" ما دامت العربية ماشية
هههههههههههههههه
ايه رايكم فى الكلام ده كمان ؟
وربنا يسترها مع الجميع
مع اطيب التمنيات
اخوكم حسين غزالة
أولا أنا من المبتدئين اللى انت بتفيدهم بالدوره الجامده دى :verygood:
ثانيا لو تعرف مقدار إمتنانى ليك وإحساسى إنك هيبقى ليك فضل جامد جدا فى تعليمى السواقه باللى كتبته فى الصفحات السابقه مش هتصدق أنا لسه داخله النهارده على الموضوع وبجد إنت كاتب كل حاجه بالثانيه واللحظه أنا لسه مجربتش الكلام ده عملى ومن بكره إن شاء الله هنسى كل اللى إتعلمته فى مدرسة السواقه :shyy:(هو كده كده إتنسى لأنهم بيعلموك تدوس إزاى وخلاص مش بيوصلو المعلومه زى ماانت عامل كده) وكإنى أول مره هاسوق عربيه وأنفذ اللى بتقوله ومن أهم المشاكل اللى انت حليتها بسلاسه جدا حكاية الدبرياج :majd(4):وأتعود عليه إزاى وأخفف قد إيه .
بجد مش عارفه أقولك إيه ربنا يحقق لك كل اللى تتمناه :B4_388:
ثالثا أحلى حاجه فى اللى بتكتبه برضه بتعلم فى النص الحركات الروشه الجريئه زى حكاية تنطيط العربيه مثلا :B4_388:
رابعا أنا لى عندك رجاء نفسى على ايديك الواحد يوصل لدرجة الإحتراف - السواقه المجنونه (طبعا بالمقرده على التحكم ) الغرز فى الطرق بس ده طبعا مش دلوقت فياريت ماتسيبش الموضوع ده خالص :ask:
خامسا وده أهم حاجه أنا جيبت الprenter (الطابعه) وطبعت الموضوع علشان أخلى الورق فى العربيه وأنا باتدرب ولما أحتاج لحاجه أبص على الورق :driving::hurray::prove:
ومستنيين جديدك ومتشكره جدا ليك وطبعا ميرسى جدا لصاحب الموضوع الأصلى اللى أتاح لنا الفرصه للتعرف بيك وللإستفاده من معلوماتك الدقيقه والقيمه :satelite:
السلام عليكم ورحمة الله وبركاته
والله الواحد بيكون سعيد كل يوم اجد فيه حد يستفيد معايا من المشاركات دى
واتمنى من اخوانا فى المنتدى اللى عندهم خبرة جامدة فى موضوع القيادة انهم يشاركوا معانا بعلمهم ومعرفتهم عشان نستفيد كلنا
والاهم ربنا يسترها مع الجميع
انا جت لى فكرة بسيطة عملتها
عبارة عن موقف رسمته على الكمبيوتر وعايز بعض الإجابات عليه
http://www.nilemotors.net/Nile/attac...1&d=1270298465
هاسأل بعض الأسئلة وارجوا من حضراتكم الإجابة:
1- افرتض ان السيارة الخضراء ترغب فى الاتجاه على طول وهى نازلة اصلا من على كوبرى
ايه اللى المفروض يعمله السائق ويراعيه فى الموقف ده
2- افترض ان السيارة الخضراء ترغب فى الدخول على اليوتيرن
3- افترض ان السيارة الصفراء ترغب فى الدخول على اليوتيرن
4- افترض ان السيارة الصفراء ترغب فى السير على طول
5- افترض ان السيارة الحمراء ترغب فى الاتجاه الى اليمين طوالى
6- افترض ان السيارة الحمراء ترغب فى الاتجاه الى اليمين ثم الى اليوتيرن
7- افترض ان السيارة الحمراء ترغب فى الاتجاه الى اليمين ثم الانتقال الى الحارة اليسار
ملحوظة هامة:
طبعا انا ذكرت ان ده منزل كوبرى يعنى العربية نازلة بسرعة
وفيه عربيات احيانا تركن صف ثانى وعلى الناصية "سورى حاجة فى منتهى الغباء"
لو فيه اى سؤال تانى انا ماكتبتوش يا ريت نشارك كلنا عشان نتعلم مع بعض
وشاكر مقدما كل الاصدقاء المشاركين فى الموضوع ده
على فكرة موقف السيارة الخضراء ده حصل معايا بالأمس وكنت نازل من على الكوبرى وكان بجوارى سيارة ميكروباس بتجرى بسرعة ومرة واحده وجدت اليوتيرن وكمان عربية داخله عليه زى الرسم بالضبط
المهم ربنا ستر
فى انتظار التواصل
وإن شاء الله بعد الإنتهاء من الموضوع ده
لو حقق نجاح وقبول
هارسم لكم مواقف تانية بتقابلنى كل ما اخرج بالعربية
مع اطيب التمنيات
اخوكم حسين غزالة
انت برضه ياأستاذ حسين عليك شوية أسئله بجد :shine[1]:بتدل على إنك إن شاء الله هتبقى سواق محترف بجد :shyy::verygood: وحاسه كده إن شاء الله إنك قريب جدا اللى هتقولنا نعمل إيه علشان نسوق كويس (ده باين جدا من أسئلتك الموضوعيه جدا ) ماشاء الله اللهم لاحسد ربنا يوفقك وتساعدنا على تخطى التعليم بسرعه للأمام:36_1_34[1]:
1- افرتض ان السيارة الخضراء ترغب فى الاتجاه على طول وهى نازلة اصلا من على كوبرى
ايه اللى المفروض يعمله السائق ويراعيه فى الموقف ده
يدى اشارة يمين
يراعى اللى نازل من يمينه وهوة بيكسر يمين ويراعى اللى بيدخل من يمينه يروح اليوتيرن
او ميكسرش يمين ويدى الاشارة ويكمل ويكون متاهب لو اظطر يهدى سرعته
2- افترض ان السيارة الخضراء ترغب فى الدخول على اليوتيرن
يدى اشارة شمال ويحاول ياخده على الضيق لان اللى فى الحارة اللى يمينه غالبا هياخده على واسع
3- افترض ان السيارة الصفراء ترغب فى الدخول على اليوتيرن
المفروض يحاول يكسر شمال من بدرى
بس قانونا ممنوع التجاوز والتخطى على الكوبرى
يعنى الفضل انه ياخد شمال من اول ما يطلع الكوبرى
طيب لو معرفش
يدى اشارة شمال
ياخد باله من اللى فى شماله
4- افترض ان السيارة الصفراء ترغب فى السير على طول
دى اسهل
يحاول يبعد عن اليوتيرن لو زحمة علشان ما يتعطلش او حد يكسر عليه يزنقه
ممكن ياخد الحارة اللى على يمينه
5- افترض ان السيارة الحمراء ترغب فى الاتجاه الى اليمين طوالى
دى مشكلتها ان سرعته هتكون ابطأ من اللى نازل من الكوبرى
فلازم يبص فى مرايته كويس على اللى جاى من الشمال وما يدخلش عليه حارته ويحاول ياخد يمينه
6- افترض ان السيارة الحمراء ترغب فى الاتجاه الى اليمين ثم الى اليوتيرن
لو المسافة قصيرة وفيه عربيات كتير مسرعة
انصحه ياخد اليوتيرن اللى وراه
او يدخل على واسع مع ملاحظة اللى جاى من الكوبرى وماشى طوالى وبرده يدى اشارة
7- افترض ان السيارة الحمراء ترغب فى الاتجاه الى اليمين ثم الانتقال الى الحارة اليسار
الافضل اما تغير الحارة تدى اشارة للى وراك لان ممكن يكون فى المنطقة العميا او بيحاول يزيد سرعته
ويفضل يغير حارته اما ياخد سرعة مناسبة للى نازل من الكوبرى مش وهو ليه بطيء وطبعا ده كمان يتعمل بعد اليوتيرن
اتمنى اكون افدت
الله يكرمك يا رب على كلامك الجميل ده
والله ده كثيير عليا قوى
بالنسبة لموضوع القيادة ده
اعتقد انه مالوش كبير
يعنى كل يوم الواحد بيتعلم حاجة
لكن الافضل انه يتعلم بالأصول والعلم والمعرفة وليس بالتجربة والخطأ
ان الواحد يفهم المشكلة ويفهم الحل وليه بنعمل كده وليه مانعملش كده
حتى الآن اشاهد ناس واضح انها قديمة فى موضوع القيادة ده ورغم ذلك بعيملوا حاجات غريبة فى الشارع
النهارده بعد عرض الرسم التوضيحى لاحد المشاكل
كنت سعيد جدا لما قرأت مشاركة العضو الذهبى A saad وقرأت اجاباته
الاول انا بشكره جدا
واتمنى ان لو فيه اصدقاء آخرين لهم آراء تانية فى الرسم التوضيحى
يا ريت نعرف رأيهم ايضا
هو فيه بعض الملاحظات انا عرفتها من نفسى:
بالنسبة للسيارة الخضراء التى ترغب فى السير على طول
كان الأفضل انه يلتزم الحارة التى على اليمين على الكوبرى من الأول
عشان وهو نازل يبعد اصلا عن مشكلة اليوتيرن
وياريت نسمع كلام عن موضوع النزول من على الكوبرى
لان بصراحة اللى انقذنى من الأزمة دى انى نزلت من على الكوبرى ورجلى على الفرامل وكمان بسرعة بطيئة ... لأنى عارف ان النزول من على الكوبرى يغرى السائق بالجرى
والعربية بيكون صعب التحكم فيها
وحصل اللى انا متوقعه
ياريت نعرف بعض التفاصيل
اكيد فيه آراء قيمة بالإضافة الى مشاركة الأستاذ saad
بالنسبة للعربية الحمراء التى ترغب فى الدخول الى اليمين
الموقف ده حصل معايا برده
وعملت مشكلة بسبب انى دخلت الملف على الضيق
وفوجئت بعربية راكنة صف ثانى
من ساعتها اتعلمت التزم الحارة اليسرى وادخل الملف ببطء
طبعا دى موش قاعدة لكن بعمل كده فى الملف ده مخصوص عشان الناس اللى بتركن صف ثانى
لكن الطبيعى انى التزم الحارة اللى على اليمين
وادخل الملف وانا بجوار الرصيف
ده افضل لسلامتى وسلامة الآخرين
لو فيه لا قدر الله عربية راكنة صف ثانى هاعدى منها لكن طبعا هاراعى العربيات اللى نازلة من على الكوبرى
ولا استعجل فى الدخول
ولا اتهور بسبب الكلاكسات اللى ورايا
والدخول بيكون ببطء جدا وملتزم اقص اليمين لو جت فرصة
على العموم انا هاقرأ مشاركة استاذ saad مرة ثانية بشىء من التفصيل
وفى انتظار سماع جميع آرائكم القيمة
مع اطيب التمنيات
اخوكم حسين غزالة
[SIZE="3"]2- افترض ان السيارة الخضراء ترغب فى الدخول على اليوتيرن
يدى اشارة شمال ويحاول ياخده على الضيق لان اللى فى الحارة اللى يمينه غالبا هياخده على واسع
ده كلام ممتاز طبعا
واحب اضيف وده كلام صديقى اللى كان بيعلمنى الاسبوع اللى فات
ان الواحد يدخل بهدوء جدا
وقبل ما يدخل الملف لو العربية ماشية لازم ينقل الغيار الثانى
عشان وهو بيلف مايضربش لخمة بين الدركسيون وبين الفتيس
يبقى عايز يلف بالعربية وكمان عايز ينقل الغيار للفتيس
ويعطل الناس اللى وراه
كده هو بكسب وقت
وان العربية مادامت ماشية الدركسيون هايلف معاه بسهولة وبدون عصبية
ولازم يبص بطرف عينه على العربيات اللى فى الشارع المقابل ... يبص عليها بسرعة قبل ما يدخل على الشارع المقابل
وزى مااستاذ saad ما بيقول لازم تاخد بالك من العربيات اللى بتكون فى الحارة اليمنى اللى داخلة معاك فى اليوتيرن
يعنى لازم تفضل ملتزم الحارة اللى بتلف فيها عشان لو فيه عربيات بتلف معاك
حتى ولو العربية دخلت الملف .. لازم تفضل ملتزم بحارتك واوعى تنقل نفسك الى حارة ثانية بشكل مفاجىء ... حصلت معايا وربنا ستر ... طبعا ده كله نتيجة السرحان وكمان عدم الخبرة
الخطر فى الموضوع ده هو لو دخل معاك اوتوبيس مثلا فى اليو تيرن
او يكون اليوتيرن ضيق لا يسمح إلأ بمرور عربية واحدة ويظهر لك فجأة سائق تاكسى عايز يعدى من على يمينك ويدخل اليوتيرن قبلك[/SIZE]
كلامك حلو
واحييك الاول على اسلوبك المنطقى والمنظم فى التفكير والعرض
الاتوبيسات دايما خطر
لو بيكسر عليك
بيكسر بغباء وممكن ما يشوفكش اصلا
وزيهم المينى باص خصوصا الاجرة منهم
كمان لو بيدخل شارع تانى - مش مجرد كسر عليك - او بياخد يو تيرن وانت فى اخر اتوبيسه دى مشكلة كبيرة
لان ديل الاتوبيس بيلف جامد ولو شفت مسار الكاوتش على الارض هتلاقيه بعد عن مساره وهوة ماشى طوالى كتير
فلازم تكون بعيد ان ديله وهوة بيلف خصوصا لو انت فى الناحية المعاكسة لاتجاه دورانه يعنى انت على شماله وهوة بيكسر يمين
وكلامى هنا عن منطقة الديل بالذات
وهوة غالبا فى الجزئية دى مش شايفك لانه بيبص على الملف او الشارع اللى بيروحه
4- افترض ان السيارة الصفراء ترغب فى السير على طول
................
انت ممكن تهدى بالاتى
فرامل بس - طبعا مش هتدوس بنزين هنا
دبرياج بس - طبعا مش هتدوس بنزين هنا
الاتنين سوا
تشيل رجلك من البنزين بس
انا بفضل انك تشيل رجلك من البنزين الاول وانت شايف الدنيا بتتزحم قدامك او انك ههتهدى بعدين وطريقتك كوبيسة بس ما تتعودش تمشى دايس على الدبرياج علشان غلط عليه
يعنى استعمله وشيل رجلك
سواء استعملته فى غيار او تهدئة
لان فيه ناس وغالبا السيدات بيسندوا رجليهم وهما ماشيين عادى عليه
باقى كلامك واضافتك احييك عليها
بسم الله الرحمن الرحيمالسلام عليكم ورحمه الله وبركاته
بعد السلامات والتحيات الطيبات ارجو من الله ان يكون الجميع في اتم صحه وعافيه .
اسئله استاذ حسين شيقه وجميله ،وجهدك مشكور واحسنت في عمل الرسم التوضيحي بس انا ليا تعليق بسيط يا استاذي
-ياحبذا لو حضرتك كنت وضعت كل سياره في حاره منفصله عشان الشرح يكون اوضح شويه لان حضرتك وضعت كل سيارتين في حاره وده ممكن يصعب الامور خاصه على المبتدئين.الا اذا كان الشارع مش مخطط فعند حضرتك كل الحق....
-حضرتك بس وضحلنا عدد الحارات في الشارع (حارتان ام ثلاث حارات).
-كمان ياريت حضرتك تذكر المسافات تقريبا او تقديريا يعني المسافه من نهايه منزل الكوبري الى بدايه الييوتيرن كانت كام تقريبا.
-انا اسف لحضرتك وبقدر جدا مجهودك بس عشان نقدر نوضح الصوره صح .(نرجع لاسئله حضرتك).
1- افرتض ان السيارة الخضراء ترغب فى الاتجاه على طول وهى نازلة اصلا من على كوبرى
ايه اللى المفروض يعمله السائق ويراعيه فى الموقف ده
-سبق واتكلمنا عن النظر في المرايه الوسط كل ثلاثه ثواني وبرضه المرايه الشمال كل ثلاثه ثواني دا في حاله اذا كنا ماشيين في الحاره اليمين وبما ان حضرتك كنت ماشي في الحاره الشمال فبالتالي حضرتك هتعمل العمليه دي على المرايه الوسط واليمين لان مافيش حد هايطلع لحضرتك من الرصيف الشمال..
-طيب لما نواجه موقف زي ده ان سياره قدامنا بطأت سرعتها لدخول اليوتيرن ،فكل اللي عليا اعمله ان اهدي سرعتي باستخدام فرامل بسيطه وابص في المرايات الوسط واليمين بلمحات سريعه بالاضافه الى نظره خاطفه على الكتف الايمن فإذا مكانش فيه سيارات بجانبي الايمن ادي اشاره يمين وبسرعه انقل على الحاره اليمين (طبعا الكلام ده عايز شويه سرعه يعني مش لازم افكر وافكر وافكر ، هيا خطوه واحده ...سياره بتهدي قدامي ،ابص في مراياتي والكتف ،مافيش سيارات ادي اشاره واغير الحاره فورا).
طيب لو بصيت في المرايات والكتف ولقيت الحاره اليمين فيها سيارات ،، بكل هدوء اهدي السرعه واغير نقله الفتيس من الرابع للتالت مثلا او من التالت للتاني(واعمل غيار عكسي للعربيه) وافضل اهدي سرعه السياره حتى وان اضطريت اني اتوقف تماما وانا ببص قدامي وبلمح المرايات برضه لغايه ما الاقي فرصه واول ما الاقي الفرصه وان مافيش سيارات في الحاره اليمين او ان السيارات القادمه في الحاره اليمين بقت بعيده مباشره ادي اشاره يمين وادوس بنزين واروح الحاره اليمين...
بس لازم اخلي بالي من حاجه الاوهي اني ماالزقش في العربيه اللي قدامي او اللي بتعمل يوتيرن يعني اخلي مسافه امان كبيره بيني وبين السياره اللي امامي بحيث اني اقدر اتجاوزها بكل سهوله لما الاقي فرصه للتجاوز او عند التاكد من خلو الحاره اليمين وبالتالي الانتقال اليها.....
2- افترض ان السيارة الخضراء ترغب فى الدخول على اليوتيرن
- اولا:تذكر انك نازل من منزل كوبري يعني سرعتك عاليه وبرضه سرعه السيارات اللي وراك عاليه فلازم برضه تكون مقرر اولا:انك عايز تعمل يوتيرن ،
ثانيا :لازم تبص في المرايه الوسط وتشوف السيارات اللي وراك وتقدر سرعتهم اقد ايه،
ثالثا:تنبه اللي وراك انك ناوي تعمل يوتيرن او انك هاتهدي سرعتك عشان يهدي سرعته ومايخبطش فيك من الخلف
رابعا:ازاي ننبه اللي ورانا وذلك بأمرين :
1_انك تدوس على الفرامل مبكرا شويه وبشكل هادي وبسيط وبالتالي نور الفرامل الاحمر اللي ورا في سيارتك هايضيئ وهاينبه اللي وراك وكمان ادي اشاره شمال فبالتالي هايفهم انك هاتعمل يوتيرن فهايهدي سرعته ، وبرضه باللي هاتعمله حضرتك ده هاتدي فرصه للي وراك انه يبص في مراياته ويتجاوزك اذا كان مستعجل ومش بعيد بعد التصرف السليم اللي عملته حضرتك انه ينزل يدعيلك وياخدك بالاحضان لانك لم تتصرف بطريقه عشوائيه ونبهته وابعدت عنه خطر الاصطدام بك من الخلف...
2_ لو قررت انك تعمل يوتيرن فجاءه وبدون مقدمات استخدم اشارات الانتظار الاربعه اول حاجه و استخدم فرامل (وانت ونصيبك)،،،
خامسا : هدئ سرعه السياره باستخدام الغيار العكسي(هاشرحه لاحقا).
3- افترض ان السيارة الصفراء ترغب فى الدخول على اليوتيرن
-برضه مرايات وسط ويسار ونظره كتف يسار سريعه ولومافيش سيارات ،، اشاره يسار ويتم تغير الحاره من اليمين الى اليسار بكل سلاسه.
-اما اذا كانت هناك سيارات بعد اتخاذ الاحتياطات الازمه يتم تهدئه السرعه ونقل الغيار الى سرعه اقل مع المحافظه على مسافه الامان بين السيارات وعند وجود فرصه يمكن تبديل الحاره و تغير الاتجاه.
4- افترض ان السيارة الصفراء ترغب فى السير على طول
زي ماهو طريقه طوالي اخضر زي لون السؤال بدون اي حاجه...هههههههه
5- افترض ان السيارة الحمراء ترغب فى الاتجاه الى اليمين طوالى
طبعا بما ان الحاره اليمين مشغوله او الناصيه فيها سيارات واقفه فعلى السياره الحمراء بكل بساطه انه يطلع الى الامام قليلا حتى يكشف الشارع او حتى يرى القادم من اليسار ويستخدم الاشاره اليمين ولما يلاقي الحاره التانيه خاليه يدخل بس لازم يتاكد من خلو الحاره التانيه او اللي هيا في اقصى الشمال(انا بتكلم على حسب الرسم ) وبعد ما يدخل(وربنا يسترها معاه)عليه انه يزيد سرعته قليلا ويحاول انه يرجع للحاره اليمين بعد ما يتجاوز كل السيارات اللي واقفه....ليه ؟؟؟؟؟؟؟؟ ....لان ممكن تكون هناك سيارات نازله من على الكوبري بسرعه شديده فلازم انه يفضي الحاره او الشارع بسرعه وخاصه اذا كان فيه واحد نازل وماعندوش فرامل!!!!
6- افترض ان السيارة الحمراء ترغب فى الاتجاه الى اليمين ثم الى اليوتيرن
هو طبعا بما ان اليمين مش فاضي (ده طبعا على حسب الرسم)
فبالتالي مش هايقدر يروح يمين من الحاره الاولى او الحاره اللي في اقصى اليمين ....
طيب هاعمل ايه ؟؟؟؟؟؟؟؟
اولا : عشان السياره الحمراء تروح لليوتيرن مع عدم خلو الحاره الاولى او اليمين فبالتالي يجب على السياره الحمرا ء انه تطلع للامام قليلا مع استخدام اشاره يسار ثم عند التاكد من خلو الحاره اليسار او اقصى اليسار من السيارات يتم قطع الشارع بالعرض ثم الالتفاف الى اليمين باتجاه اليوتيرن مع عدم نسيان الاشاره اليسار (بالرغم من اننا هانتوجه لليمين) انا عارف انه كلام غريب شويه بس هو ده اللي بيطبق في الدول الاوروبيه وخاصه السويد،،، وخاصه اذا كان اليوتيرن قريب من فتحه الخروج من اليمين....
كمان مره :::ادي اشاره يسار ، وتاكد من خلو الحاره اللي اقصى اليسارثم لف السياره يمين وروح ناحيه اليوتيرن وبكده هاننبه الناس وهانعرفهم اتجاهنا فين ورغبتنا ...
طبعا ده بره اما عندنا فارجوكم اسمعوا كلام الاستاذ اسعد ربنا يباركله جاب من الاخر وريحنا......
- افترض ان السيارة الحمراء ترغب فى الاتجاه الى اليمين ثم الانتقال الى الحارة اليسار
حسب الرسم قلنا مافيش يمين فاضي فبالتالي يعمل اللي قلناه في السؤال السابق يستخدم الاشاره اليسار ويقطع الشارع بالعرض ويروح للحاره اليسار مباشره ويلف يمين وياخد طريقه (طبعا بعد التاكد من خلو الحاره اليسار)
اتمنى اني اكون اجبت على اسئله حضرتك بشكل مفهوم واعذرني على تطويل الشرح والكلام
وانا مع حضرتك جدا في موضوع الرسومات لان حضرتك كده وفرت علينا مجهود كبير جدا في الشرح ... وشكرا
بسم الله الرحمن الرحيماستاذي الاستاذ حسين انا رجعت مخصوص علشان ارد على حاجه صغيره لفتت انتباهي كنت حضرتك ذكرتها
لكن النهارده زودت الرايديتير مياه عادية من الحنفية
وقلت كفاية مياه خضراء عمال على بطال ممكن "تاكل" الراديتير
يعنى اعتقد ان المياه الخضراء موش لازم كل مرة تزود منها على طول
شوية كده وشويه كده
ولا ايه رايكم ؟
هاطلب من حضرتك حاجه بسيطه ان حضرتك تروح لواحد بتاع رداتيرات يعمل للعربيه غسيل كامل لدوره التبريد وذلك بانه يعمل التالي:
1- يفك الريداتير ويفك العلبه اللي من فوق ويسلك الرييداتير ماسوره ماسوره عشان يشيل الصدا والتكلسات اللي داخل مواسير الميه.
2-بعد مايخلص وينضف الريداتير بميه النار ويسلكه يقفل العلبه اللي فوق بالقصدير ويتاكد انه مافي اي ثقب في العلب اللي فوق واللي تحت وخليه يلحم اي ثقب يظهر من خلال تسرب الميه وايضا يوضب او يغير غطا الريداتير اذا كان بيسرب ميه
3-خليه يغسل المجاري الداخليه لمحرك السياره بالمياه المندفعه الشديده من الخرطوم مع تشغيل محرك السياره في نفس الوقت عشان المحرك يطلع اللي في قلبه
4-يفك دبه الميه اللي نحط فيها الميه وينضفه بميه النار والتايد كويس ويتاكد ان مافيهاش شرخ وبرضه يتاكد ان خراطيم الميه كلها سليمه مش ناشفه ومشققه عشان مايكونش فيه تسريب
5-بعد ماتغسل المحرك وتسلك الريداتير وتركبهم وتركب الدبه وتتاكد من الخراطيم ابعت هات ميه خضرا وخليه يحطهالك في الريداتير والمحرك واملا الدبه لحد علامه MAX وماتزودش عنها يعني ماتملاش الدبه على الاخر لان الميه في المحرك لما بتغلي بينتج عنها ضغط وبخار ميه وبالتالي هتلاقي ان الدبه ممكن تنفجر او ان غطاها يسرب ميه او تلاقي الحراره بتاعه العربيه مرتفعه جدا بالرغم من انك مالي الدبه على الاخر ودي الغلطه اللي بيقع فيها معظمنا نملا ميه للاخر وخلاص معتقدين ان ده هايبرد العربيه
دايما املاها لحد علامه MAX وبعد ماتعمل العمليه دي انسى الحراره بس كل يوم بص على الدبه اتاكد ان الميه عند العلامه المناسبه وخلاص وامشي مطمن .... العمليه دي اعملها كل 6 شهور وبالتالي هاتضمن سلامه دوره التبريد بشكل دائم
::::::تحذيري لحضرتك اياك ثم اياك ثم اياك تستعمل ميه حنفيه للعربيه لان الميه دي هيا اللي هتاكلك المحرك من جوا واللي هتبوظلك الريداتير عشان نسبه الكلور اللي فيها وهاتسبب صدا للمحرك وللريداتير والمشكله انه بمرور الوقت ميه الحنفيه هتاكل في المجاري المائيه في المحرك واللي ممكن تطلب منك انك تفك المحرك عشان تظبط الحاجات اللي تاكلت من الداخل ودي حاجات صعبه وموالها طويل
كمان هاتسبب انسداد المواسير في الريداتير وكل مره محتاج تفك الريداتير وتسلك وميه وفيلم مالهوش داعي
اما الميه الخضر فيها ميه معالجه كميائيا واهم خصائصا
- لاتسبب الصداء
-تحافظ على نظافه المحرك
-تحافظ على انخفاض حراره المحرك بشكل دائم
بس اهم حاجه لما تشتري علبه الميه الخضراء انك تتاكد من تاريخ الانتاج والانتهاء
ممكن حضرتك تدخل على القسم الخاص بالصيانه في المنتدى وتدور على المواضيع الخاصه بدوره التبريد وتعرف عنها بشكل اكبر.....
.أولا أنا من المبتدئين اللى انت بتفيدهم بالدوره الجامده دى :verygood:
ثانيا لو تعرف مقدار إمتنانى ليك وإحساسى إنك هيبقى ليك فضل جامد جدا فى تعليمى السواقه باللى كتبته فى الصفحات السابقه مش هتصدق أنا لسه داخله النهارده على الموضوع وبجد إنت كاتب كل حاجه بالثانيه واللحظه أنا لسه مجربتش الكلام ده عملى ومن بكره إن شاء الله هنسى كل اللى إتعلمته فى مدرسة السواقه :shyy:(هو كده كده إتنسى لأنهم بيعلموك تدوس إزاى وخلاص مش بيوصلو المعلومه زى ماانت عامل كده) وكإنى أول مره هاسوق عربيه وأنفذ اللى بتقوله ومن أهم المشاكل اللى انت حليتها بسلاسه جدا حكاية الدبرياج :majd(4):وأتعود عليه إزاى وأخفف قد إيه .
بجد مش عارفه أقولك إيه ربنا يحقق لك كل اللى تتمناه :B4_388:
ثالثا أحلى حاجه فى اللى بتكتبه برضه بتعلم فى النص الحركات الروشه الجريئه زى حكاية تنطيط العربيه مثلا :B4_388:
رابعا أنا لى عندك رجاء نفسى على ايديك الواحد يوصل لدرجة الإحتراف - السواقه المجنونه (طبعا بالمقرده على التحكم ) الغرز فى الطرق بس ده طبعا مش دلوقت فياريت ماتسيبش الموضوع ده خالص :ask:
خامسا وده أهم حاجه أنا جيبت الprenter (الطابعه) وطبعت الموضوع علشان أخلى الورق فى العربيه وأنا باتدرب ولما أحتاج لحاجه أبص على الورق :driving::hurray::prove:
ومستنيين جديدك ومتشكره جدا ليك وطبعا ميرسى جدا لصاحب الموضوع الأصلى اللى أتاح لنا الفرصه للتعرف بيك وللإستفاده من معلوماتك الدقيقه والقيمه :satelite:
وانا اذا كنت كسلت شويه عن الدوره لان كان عندي شغل فانا حابب اقول لحضرتك ان عندي اصرار شديد ان اكملها حتى لو ده اخد من وقتي لان كلمات شكرك الرقيقه والجميله اخجلتني جدا وجعلتني احمد الله على ان الموضوع هايفيد حضرتك
طبعا ماننساش نرجع الفضل للاستاذ حسين صاحب الموضوع اللي مشجعنا دايما
وانتظروا البقيه قريبا جدا
فيه حاجه قراتها في المشاركات بصراحه ومن غير زعل معجبتنيش وده رايي يا ريت مايزعلش صاحبها وهيا دي
1: المرايات و خصوصا المرايا اليمين ، لازم تبص فى المراية اليمين قبل ما تروح يمين و الشمال قبل ما تروح شمال ، و لو حبيت تهدي عشان مطب لازم تبص فى مراية الصالون قبل الفرملة عشان محدش يخبطك من ورا و لو لقيت مطب كبير و انت على سرعة استعمل فرملة اليد مع الفرملة العادية لو المسافة مش كفاية و نزلها بعد ما العربية تهدا سرعتها قبل ما تنزل من المطب يعني لا يفضل انك تاخد المطب و انت مفرمل عشان الصدمة و العفشة.
لو على سرعة عالية فوق ال 120 و لا قدر لقيت مطب أو فى حاجة مش هينفع تفاديها أو مفيش وقت و هتفرمل استخدم الفرامل العادية على الآخر لغاية ما العربية سرعتها تقل شويةو بعدها مباشرة شد فرامل اليد و نفس الكلام لو هتخبط عربية لا قدر الله ما تنساش الهاند بريك مهم جدا جدا .
فيه نوعين من الفرامل في السياره
فرامل تعمل بنظام هيدروليكي وهيا فرامل القدم وفكرتها انك لما تضغط على فرامل القدم يعمل ماستر الفرامل على توزيع ضغط زيت الفرامل من خلال مواسير دقيقه الى الاربع عجلات لتهدئه سرعتها وتوقيفها0
النظام التاني فرامل يدويه وهيا فرامل اليد وكل عملها انه تعمل عل تامين السياره عند التوقف التام وذلك بعمل فرمله على العجل الخلفي فقط من خلال سلك يشد يدويا من خلال ماسكه الفرامل الموجوده بي الكرسيين الاماميين0
من خلال اللي ذكرناه سابقا نعرف ان احنا لما نهدي السرعه لازم بس نستخدم فرامل القدم وهيا الاقدر على ايقاف السياره بشكل تام من خلال ايقاف الاربع عجلات 0
لو احنا بقى وخاصه كمبتدئين حبينا نوقف العربيه عن طريق فرامل اليد مع فرامل القدم ممكن ده يخلي العربيه تلف حول نفسها او بمعنى اخر هاتعمل خمسه وممكن تتقلب 0
يعني احنا لو ماشيين بسرعه وفوجئت بان فيه مطب قدامي ورحت نسيت ورفعت فرامل اليد بايدي اليمين وايدي الشمال لسه على الدركسيون كده انا بثبت العجل الخلفي وممكن ايدي الشمال تتحرك بالدركسيون فالسياره هاتلف حول نفسها لاني ثبت العجل الخلفي والعجل الامامي كان حر وبالتالي العربيه لفت حوالين نفسها وده خطر على المبتدئين
طيب فايدتها ايه بقى فرامل اليد في التهدئه؟؟؟؟؟؟
ولا حاجه لان اساسا انا لما بضغط فرامل القدم التيل بتاع العجلات الاربعه بيضغط على الطنابير وبيوقف العجل
طيب فرامل اليد بتعمل ايه ؟؟؟ انا لما برفع فرامل اليد بشد على التيل الخلفي اللي انا اساسا ضاغط عليه يعني ولا ليها اي تاثير بل على العكس ممكن انسى وانا ماشي وارفعها الاول وبالتالي تسبب مشاكل.
عايزين تعرفوا ازاي ده ممكن يحصل ؟؟
في بعض الاحيان ممكن يكون مساتر زيت الفرامل بتاع العجلات الاماميه مش شغال او فيه عطل وانت ماشي ورحت ضاغط فرامل القدم فجاه تعرفوا ايه اللي هايحصل؟؟؟؟؟؟؟
هتلاقوا شنطه العربيه لفت بيكوا من ورا والعربيه وقفت بشكل اعوج مش مستقيم هيا نفس فكره رفع فرامل اليد وانت بتهدي والتي ليست لها اي فائده غير انها بتأمن توقف العربيه في الباركن او لو واقف على مطلع او في منزل كوبري0
ارجو ان المعلومه تكون وصلت بشكل مبسط
اشتريت كمان علبة اسبراى wd 40
رشيت بيها الكاولين بتاعت العربية ... والزجاج ... اصبح بينزل ويطلع فى منتهى السهولة
والمفاتيح بتفتح وتقفل بشكل ممتاز
وكمان رشيته على كام استيكر وحليات كانت ملزوقة على العربية وانا ماكنتش عايزها شكلها "فلح" هههههههههههههههههههههه وكان ممتاز بصراحة فكها على طول
العلبة دى فى منها بـ 12 تقريبا الحجم الصغير
وفيه حجم بـ 14
وفيه حجم بـ 20
والحجم الكبير بـ 25
العلبة دى ضرورية جدا وبتنفع فى حاجات كثيير ... تزيل الصدأ وتزيت المكان كمان
ممكن ترشه على الكوالين والمفصلات وإزالة الاتساخات وخلافه
إزيك ياأستاذ حسين عامل إيه فى السواقه أنا حالفه إنى مش هتمكن من السواقه إلا لما تعلمنا إنت على المنتدى من خبرتك هههههههه فشد حيلك علشان تبقى من المحترفين وتنورنا بتعليقاتك ولوانك برضه جزاك الله خير كل ماتعرف حاجه من صحابك بتقولها لنا على طول ربنا يكرمك بجد ,
بص ياسيدى أنا كنت عايزه أسألك على السبراى اللى انت اشتريته هو ده إشتريته منين بالضبط وكمان سؤال مهم جدا هو ينفع أزيت بيه متاح الكونتاكت ؟ علشان النهارده لاقيت المفتاح معووج شويه هو الحقيقه علق من يومين وأنا بشيله من الكونتاكت فعملت مفتاح تانى وعدلت إعوجاج المفتاح الأصلى بس الراجل بتاع المفاتيح قال لإبنى (هو اللى راح يعمله) بلاش تستعملوه تانى علشان هيتعوج تانى وممكن يتكسر جوه (صح كده ولا لأ) فأنا كنت عايزه أزيت المفتاح الجديد علشان مايعلقش إيه رأيك ؟؟ أو رأى الإخوه الأعضاء اللى بيفيدونا دايما بكل خير وشكرا ليك على معلوماتك المفيده جدا
وانا اذا كنت كسلت شويه عن الدوره لان كان عندي شغل فانا حابب اقول لحضرتك ان عندي اصرار شديد ان اكملها حتى لو ده اخد من وقتي لان كلمات شكرك الرقيقه والجميله اخجلتني جدا وجعلتني احمد الله على ان الموضوع هايفيد حضرتك
طبعا ماننساش نرجع الفضل للاستاذ حسين صاحب الموضوع اللي مشجعنا دايما
وانتظروا البقيه قريبا جدا
ياريت ياأستاذ aboharf (بما إنك الأستاذ بتاعنا ) ف إحنا مش هنحرمك من الثواب وهنغلس عليك ونسألك أسئلتنا اللى محتاجنها هههههه ربنا يكرمك
ممكن حضرتك تقول فى الدرس اللى جاى أو اللى بعده مش مشكله بس ماتنساش تدخل فى الموضوع ده لأنى محتاجاه جدا وهو الطلوع على الكبارى إزاى بالبنزين وإزاى بالغيار المناسب من غير ماتقف العربيه منى ولو الطريق وقف فى الطلعه على الكوبرى أعمل فرامل يد ولا الفرامل العاديه بس الفرامل العاديه لو سبتها علشان أكمل الطريق لما يفتح وأدوس بنزين هترجع لورا واكمل مشى إزاى أدوس زياده بنزين وأغير على المطلع للغيار اللى بعده ولا إيه (أنا عارفه إنى أسألتى تفصيليه وطويله بس اللى مطمنى إنك أجوبتك تفصيليه أكر ووافيه ثانيه بثانيه)
وفيه موضوع تانى الله يخليك هو الرجوع للخلف يعنى أنا لما أرجع لورا عايزه أرجع يمين تلاقينى راجعه شمال والعكس راجعه شمال أرجع يمين مهما قالولى عليها لأنها بتكون لحظه يقولوها وبنساها بس انت طبعا حاجه مختلفه فتعليقاتك بالنسبه لى مرجع مهم جدا زى الكتب كده
وآخر حاجه بقى (معلش تقلت عليك) نفسى تعمل درس كامل عن سواقة الستات وإيه العيوب اللى بتخلى أى واحد راكب ورا عربية ست يعرف إن اللى سايق ست من غير مايشوف وإزاى نتلاشاها كستات ونبقى محترفين زى الرحاله
طبعا هتضحك على بس لو عملت كده هتستريحوا مننا أوى يارجاله من سواقتنا اللى مضايقاكم ولا إيه؟؟ ومتشكره جدا ليك على اللى فات واللى جاى إن شاء الله
على ما استاذنا الكبير يرد
اسمحوا لى ادخل
لطلوع على الكبارى إزاى بالبنزين وإزاى بالغيار المناسب من غير ماتقف العربيه منى ولو الطريق وقف فى الطلعه على الكوبرى أعمل فرامل يد ولا الفرامل العاديه بس الفرامل العاديه لو سبتها علشان أكمل الطريق لما يفتح وأدوس بنزين هترجع لورا واكمل مشى إزاى أدوس زياده بنزين وأغير على المطلع للغيار اللى بعده ولا إيه
اولا لو سرعتك بطئت على المطلع لازم تجيبى الغيار اللى بعده لان الموتور هيكون عزمه ضايع
الكلام ده لو لسه ماشية
ثانيا كل ما يكون المطلع عالى او سرعتك بطيئة خدى المطلع على غيار قليل وكذلك لو العربية محملة علشان يكون فيها عزم
انتى بتطلعى المطلع بالبنزين عادى
لازم تلتزمى حارتك وبلاش تخطى
لو فيه ملف فى المطلع
ياما تفرملى او تشيلى رجلك من البنزين قبلها - حسب سرعتك - بس بلاش الفرملة فى الملف نفسه
لو الطريق واقف على المطلع
فيه طريقتين
الاولى
دبرياج وفرامل وبنزين
دى بتمشى على الاول غالبا مادام المطلع واقف ، اما تقفى هتدوسى فرامل ودبرياج
وتفضللى ماسكة الاتنين طول مانتى واقفة
اما الطريق يتحرك
تخفى رجلك من الدبرياج ولازم الدبرياج الاول لحد اما تحسى ان صوت العربية اتغير او الار بى ام اتغير لو عندك او ان العربية عايزة تتحرك ، تقومى ناقلة رجلك من الفرامل للبنزين وترفعى الدبرياج سنة وتدوسى بنزين وتطلعى عادى
النظرية هنا ان النقطة اللى شلتى فيها رجلك من الفرامل بتكون نقطة ابتدا الموتور يتوصل فيها بالعجل عن طريق التروس والقوة اللى رايحة للعجل كافى انه ما يحركش العربية لا قدام ولا لورا
مقدار السنة اللى بتشيلها من الدبرياج دى بتتعرف من خبرتك فى عربيتك وممكن تكون متغيرة عن نفس النقطة اللى فى الارض المستوية
عيب الطريقة دى انها حمل على الدبرياج بتهلك مكوناته على المدى البعيد
الموضوع مش سهل وعايز تمرين علشان ما ترجعش منك
الطريقة التانية
نفس الطريقة بس بدل الفرامل فرامل اليد ودى افضل للمبتدئين
بتمشى ةتقفى بالفرامل والدبرياج وتقومى شادة فرامل اليد وبعدين تشيلى رجلك من الفرامل العادية وممكن تمورى العربية وتشيلى رجلك من الدبرياج
اما تعوزى تتحركى
تدوسى دبرياج
تاخدى غيار
ترفعى سنة دبرياج زى ما قلنا فوق
تحطى رجلك على البنزين تدوسى البنزين و
طبعا نزلى الفرامل اليد بعد ما تدوسى سنة البنزين
فاهمه طبعا خلينا فى الطريقه التانيه أحسن
أصل المشكله وأنا الحقيقه شايفه إنها جرأه بس عبيطه شويه إنى بتعلم لوحدى أخدت خمس حصص فى مدرسه ولما لاقيت انها مالهاش لازمه قلت والله لازم أسوق لوحدى (أصل أنا كنت بسوق أتوماتيك فى الأول) بس المشكله نقل الغيار والدبرياج اللى بيخلوا العربيه تنط منى على الفاضى والمليان ودلوقت الحمدلله بقت النطه أخف من الأول لما اتمرنت على تمرين الدبرياج بس برضه بتنط بعد ماأدوس البنزين بعد الدبرياج مع انى مش شايله رجلى أوى من على الدبرياج :_Alshmokh08[1]:
متشكره جدا ليك على ردك وياريت ماتحرمناش من مشاركاتك :verygood:
استاذة لبنى بالنسبة لصورة الـ WD 40
http://www.nilemotors.net/Nile/attac...1&d=1270486814
وده موقع بأهم منتجاته واستخداماته
Learn More About the WD-40 Product Family Including Smart Straw and No-Mess Pen
مع اطيب التمنيات
اخوكم حسين غزالة
اللهم صل على محمد وعلى آله وصحبه أجمعيناستاذ سعد
ربنا يكرمك يارب ويسعدك زى ما حضرتك بتسعدنا بمشاركاتك القيمة
على فكرة فى وسط الكلام عجبنى قوى
كلامك عن رفع الرجل عن الدبرياج الأول
ثم الضغط على البنزين عند الاحساس بصوت العربية او الار بى ام او برجة العربية
انا كنت بعمل الموضوع ده بالتجربة والخطأ
هههههههههههههههه
يعنى ارفع رجلى عن الفرامل "واكبس بنزين"
وارفع رجلى عن الدبرياج كله فى نفس الوقت
هههههههههههههه
وطبعا احيانا صوت العربية بيكون عالى قوى بشكل يضحك الناس حواليه
شوف يا اخى
فعلا بتأكد للواحد ان اللى بيسوق عربية لازم يكون فاهم موش حافظ
هههههههههههههه
ربنا يسهل وافتكر الكلام ده وما يحصلش ربكة
هو الواحد اسهل له موضوع فرامل اليد
لكن بيصعب عليه كل شوية يرفع فرامل اليد وينزلها وشغلانه
لكن بعض ما عرفت وفهمت الموضوع ده من حضرتك
اشكرك جدا جدا
وفى انتظار المزيد من حضرتك
مع اطيب التمنيات
اخوكم حسين غزالة
استاذ محمد فوزى
والله يا استاذ انا ادعو لك وللاستاذ سعد
على مجهودكم معانا
بالنسبة لموضوع المرايات
النظر فى المرايه كل ثلاثة ثوانى
كلام ممتاز
وفعلا من ساعة ما اتعودت انى انظر فى المرايه
انقذنى من مواقف كثيير
اسط حاجة واحد عايز يعدى وجاى من ورايا بسرعة
على طول افضل ملتزم بالحارة اللى انا فيها
والراجل يعدى فى منتهى الهدوء وبدون اى ازعاج وكمان من غير كلاكسات
ويشعر ان اللى ماشى امامه فاهم وشايف وموش نايم
ده غير عند التخطى من سيارة متوقفة
او عند الانتقال من حارة الى حارة
اللى متعب شوية هو العربيات اللى فى المنطقة العمياء
بحاول انظر فوق كتفى قبل تغيير اتجاه السيارة
نظر سريعة
واحيان اسرح فى النظر
واقول لنفسى ايه اللى انا بعمله ده
موش معقولة اسرح فى النظر فوق كتفى للدرجة دى
وافضل كل الوقت ده من غير ما انظر امامى
عملية خطيرة جدا
وربنا اللى بيستر خصوصا فى الزحام وفى كل وقت والله
وعجبنى كمان
عبارة اضغط فرامل بسيطة
عشان نور الفرامل الاحمر هايشوفه اللى جاى ورايا
يعنى موش لازم اضغط الفرامل قبل ما اقف بمسافة قصيرة
يعنى ممكن اضغط على الفرامل خفيف قوى بحيث نور الفرامل ينور ويحذر اللى جاى ورايا
معلومة جميلة قوى قوى قوى ... الله يكرمك يا شيخ ويبارك فى صحتك
وموضوع مسافة الأمان
ده موضوع مهم جدا جدا جدا
من اهم اساسيات القيادة للناس اللى فاهمة وموش حافظة
الف باء القيادة لازم تترك مسافة بينك وبين اللى امامك
لكن فيه مشكلة
فى المشى البطىء
اللى ورايا موش عايزك تترك اى مسافة بينك وبين اللى امامك
واخويا الكبير يحذرنى: لو تركت مسافة كبيرة بينك وبين اللى امامك خصوصا فى الزحام
هايشجع اللى وراك انه يدخل دائما امامك ويسبب لك ربكة ويلخبطك
ايه راى حضرتك فى الكلام ده ؟
بالنسبة لمعلومة الرايدتير وغسيل دورة المياه
هههههههههههههههه
موش دورة مياه الحمام
ههههههههههه
قصدى دورة مياه السيارة
موضوع وافى وجميل جدا جدا
بس فيه ناس بتحذر انه لو الراديتير قديم شوية مافيش داعى تعمله تسليك بماء النار احسن يظهر فيه خروم جديدة
لكن الصح هو كلامك اولا واخيرا
على الاقل الموضوع ده يتعمل مرة كل 6 شهور ولا ايه راى حضرتك
وكمان معلومة ان القربة يتم ملئها عند علامة max
ده كلام ممتاز
لان مرة اخويا ملئها للآخر
والنتيجة ان كل المياه الخضراء الزياد خرجت على الارض فى الشارع من خرطوم الفايز
على فكرة النهاردة اخويا سأل بتاع الكاوتش عن "الخروم اللى فى كاوتش التيوبلس"
واكد له ان الكاوتش التيوبلس اذا تم نفخه اكثر من اللازم بتظهر فيه اخرام
وحذر من الناس اللى بتلحم الكاوتش فى البنزينة
وانهم بينفخوا الكاوتش زيادة
وبعدين يحط مياه بصابون على الكاوتش وتظهر "فقاقيع" هواء
ويقول لك: شايف يا بيه فيه كام خرم فى فردة الكاوتش
واكد كمان : ان بمجرد ما العجلة يرجع ضغط الهواء فيها الى معدله الطبيعى تختفى كل "فقاقيع الهواء" وكل الاخرام الوهمية دى تختفى هى كمان
وان حركة نفخ العجلة بزيادة الغرض منها انه يحاسب الزبون على اكثر من خرم
وموش مهم انه يبوظ فرده كاوتش ثمنها يبدأ من 250 جنيه
المهم أنه يكسب 20 ولا حتى 30 جنيه زيادة
ده بافتراض انه وجد فى العجلة 4 اخرام على الاقل
شغل نصب
لازم الواحد يتعامل مع محل كاوتش امين
وكمان لو فعلا العجلة كان فيها اكثر من خرم
يبقى الافضل انك تركب جوانى احسن من عمل خوابير والعجلة تبوظ بعد كده من كثر الخوابير
والله اعلم
هاقول ايه ولا ايه كل كلامكم جميل جدا جدا
وياريت لو فيه اى اصدقاء فى المنتدى عندهم اى اضافة للموضوع
نتشرف اننا نعرفها
مع اطيب التمنيات
اخوكم حسين غزالة
انا مش عارفه اشكركم ازاي والله على الموضوع المفيد ده بكل مشاركاته جزاكم الله كل خير
انا لسه مخلصاه دلوقتي ومنه عرفت حاجات كتيره للأسف مفيش حد من السواقين اللي علموني قال عليها
انا كمان لسه مبتدئه في السواقه وعرفت من الموضوع ده ازاي اضبط المرايات بطريقه افقيه بحيث يظهر نصف سماء ونصف اسفلت بس لسه مش عارفه المفروض اضبط المرايات الجانبيه رأسيا ازاي يعني لو خليتها قريبه للعربيه بحس انها مش مبينه غير جزء بسيط من الشارع مش عارفه ايه الصح؟
المرايه اللي في النصف السواق كان قاللي اخليها بزاوية ميل ناحية السائق علشان تسهل الرؤيه بس كده طبعا بتجيب اللي وراء في الشمال اكتر مش عارفه ده صح ولا لأ
الحاجه التانيه اللي عرفتها موضوع انه ممنوع التخطي على الكوبري وانا كنت حتسبب في حادثه فظيعه على الكوبري بسبب الموضوع ده والسواق كان جنبي وماذكرش حاجه عن الموضوع ده
في حاجه تاني خوفتني قريتها في الموضوع وهي خطورة استخدام فرامل اليد وانا لسه ماشيه لأن السواق اللي بيعلمني ايده على طول على فرامل اليد علشان لو ملحقتش اتصرف بسرعه مع الفرامل والنهارده حكت جدا مع الأسفلت بصوت عالي بسبب الوقوف المفاجيء
في سؤال كمان بخصوص الفتيس الأوتوماتيك انا بدوس فرامل في كل النقلات ده صح ولا لأ
يعني انا تقريبا باستخدم الفرامل اكتر من البنزين وكتير لما ببتدي ادوس بنزين بحس العربيه كأنها اتشدت فجأه
نسيت اسألكم هو ينفع اكتب ورقه عليه (السائق في التعليم )احطها في العربيه من وراء علشان الناس ما تضايقنيش وتتبعد عني وانا سايقه ولا ده ممكن يسبب مشكله مع بتوع المرور
وشكرا جزيلا لكم وآسفه على الإطاله
بسم الله الرحمن الرحيمالسلام عليكم ورحمه الله وبركاته.
بعد السلامات والتحيات الطيبات لكل اعضاء المنتدى الكرام،
معلش بسرعه كده هارد على اسئلتكم الشيقه وربنا يوفقني في الردود السليمه.....
الطلوع على الكبارى إزاى بالبنزين وإزاى بالغيار المناسب من غير ماتقف العربيه منى ولو الطريق وقف فى الطلعه على الكوبرى أعمل فرامل يد ولا الفرامل العاديه بس الفرامل العاديه لو سبتها علشان أكمل الطريق لما يفتح وأدوس بنزين هترجع لورا واكمل مشى إزاى أدوس زياده بنزين وأغير على المطلع للغيار اللى بعده ولا إيه
من خلال الردود اعتقد ان الاستاذ سعد تكلم بشكل كافي بس لو سمحلي ان اشرح الكلام ده بشئ من التفصيل شويه.
طبعا ذكرنا من قبل ان غيارات ناقل الحركه او الفتيس فيها من الابطء الى الاسرع ومن الاقوى الى الاضعف وقولنا ان:
:: الغيار رقم واحد هو اقوى نقله او غيار في السياره نظرا لانه يقوم بتحريك السياره من حاله الثبات الى حاله الحركه بالاضافه الى انه لو كانت هناك حموله كبيره في السياره مش هاتتحرك الا على الغيار الاول ونظرا لذلك هنلاقي ان ترس اول نقله في الفتيس او ترس الغيار الاول هو اكبر ترس موجود في علبه تروس الفتيس ،
وكل ماكان الترس كبيرا كان عزمه اكبر واشد....
بس الغيار رقم واحد هو ابطأ غيار في السياره لان دورانه حول نفسه ياخذ فتره طويله ولذلك لا نستطيع ان نمشي عليه لاكثر من سرعه 20 كم مثلا ولو زدنا السرعه لوجدنا ارتفاعا كبيرا في صوت المحرك.
::الغيار الثاني او النقله التانيه وهو الغيار الاضعف قليلا من النقله الاولى وترس الغيار الثاني اصغر قليلا من ترس النقله الاولى وعزمه اقل شده من الغيار الاول وفي بعض الاحيان يمكن الانطلاق بالسياره باستخدام الغيار الثاني من حاله الثبات الى حاله الحركه وطبعا ده محتاج شويه حرفنه في استخدام الدبرياش.
بس الغيار الثاني اسرع قليلا من الغيار الاول لانه دورانه حول نفسه اسرع شويه نظرا لصغر حجمه وبالتالي ممكن نمشي عليه لغايه سرعه 40 او لو قرصنا شويه لغايه 60 (ده في حالات معينه لما نكون بنشد مثلا).
::الغيار الثالث او النقله الثالثه اضعف من الغيارالاول و الثاني على الترتيب وترسها اصغر من ترس الغيار الثاني او النقله التانيه وعزمه ضعيف نظرا لصغر حجمه وبالتالي لا نستطيع الانطلاق به من حاله الثبات
بس الغيار الثالث اسرع من الغيار الاول والثاني على الترتيب نظرا لصغر حجمه ودورانه السريع نسبيا حول نفسه وممكن نمشي عليه لسرعه 60 كم وممكن اكتر شويه.
::الغيار الرابع اضعف ترس موجود في علبه تروس الفتيس نظرا لصغر حجمه عن ترس الغيار الاول والثاني والثالث بالترتيب ولذلك عزمه ضعيف جدا ولا يمكن الانطلاق به من حاله الثبات
بس الغيار الرابع اسرع غيار موجود في عليه التروس ايضا وذلك لصغر حجمه ودورانه السريع جدا حول نفسه وممكن نمشي عليه من سرعه 60 او 80 فما فوق....
طبعا لو فيه غيار خامس هايبقى اضعف غيار واسرع نقله ونطبق عليه ماسبق وقلناه...
-احنا لما نبتدي نتحرك بنبدأ بالغيار الاول نظرا لحاجتنا للعزم الشديد لتحريك السياره من حاله الثبات الى حاله الحركه ثم ننقل للغيار الثاني عند السرعه 20 لحاجتنا الى السرعه ثم للنقله الثالثه عند سرعه 40 لحاجتنا لسرعه اكبر ثم للنقله الرابعه عند سرعه 60 لسرعه اكبر واكبر ....
-طيب انا بقول الكلام ده ليه؟؟؟؟؟
هاقول مثال بسيط
هانفترض مثلا ان احنا ماشيين بسرعه عاليه على الغيار الرابع وسرعتنا 80 كم وكانت قدامنا من بعيد اشاره مرور حمرا طبعا هانهدي السرعه بس ازاي؟؟
:::هانضغط فرامل تدريجيه الاول لغايه ماسرعتنا توصل ل 60 كم ،ثم نضغط دبرياش وننقل على الغيار الثالث ثم نرفع رجلينا من على الدبرياش بشكل تدريجي هنلاقي العربيه هدت سرعتها اكتر بس باستخدام المحرك والفتيس.
:::نواصل الضغط على الفرامل بشكل تدريجي لغايه ما سرعتنا توصل ل40 كم ثم نضغط دبرياش وننقل على الغيار الثاني ثم نرفع دبرياش بشكل تدريجي وبرضه هنلاقي العربيه خفضت سرعتها اكتر وبرضه باستخدام الفتيس والمحرك استعدادا للتوقف عشان الاشاره حمرا بالطبع ،،،،
فجأه والعربيه ماشيه على سرعه 20 كم وعلى الغيار التاني الاشاره الحمرا فتحت وبقت خضرا، هعمل ايه؟؟؟
كل اللي عليا اعمله اني اضغط بنزين وازود سرعتي من غي ما العربيه تترجرج ولا تطفي وارجع للسرعه المناسبه للزحمه او للشارع اللي قدامي ..........
طيب انا ذكرت المثل ده لاوضح حاجتين !!!!!!!
الحاجه الاولى:ان تنزيل الغيارات اللي انا عملناها او الغيارات العكسيه اللي عملناها ساعدت على تهدئه سرعه العربيه . ازاي؟؟؟؟؟
لما ضغطنا دبرياش ونقلنا من الغيار الرابع (ذو الترس الصغير والسريع والضعيف)الى الغيار الثالث (ذو الترس الاكبر حجما والابطء من الغيار الرابع والاقوى قليلا)فان عزم دوران الترس الاكبر قليلا قام بتهدئه سرعه السياره لان الغيار الثالث ابطأ من الغيار الرابع،،، ولما نقلنا من الغيار التالت الى الغيار الثاني(ذو الترس الاكبر حجما والابطء من الغيار الثالث والاقوى) فان عزم دوران ترس الغيار الثاني قام بتهدئه سرعه السياره اكثر واكثر لان سرعه الغيار الثاني ابطأ من الغيار الثالث ،،،، وبالتالي قمنا بتهدئه سرعه السياره باستخدام الفرامل والفتيس وذلك باستخدام غيارات عكسيه او بيسموها في مصر تسقيط غيارات
الحاجه التانيه:لما قمنا بتهدئه العربيه باستخدام الفرامل والغيارات العكسيه وفجاه فتحت الاشاره والعربيه ماشيه على سرعه 20 كم وكناعلى الغيار الثاني(المناسب لسرعه 20 كم) فطبعا هنحتاج ننطلق من جديد فكل اللي علينا ان احنا نضغط بنزين ،فهتنطلق السياره بكل سلاسه بدون ماتطفي وبدون ماترجرج...
يعني تخيلوا لو هدينا السرعه باستخدام الفرامل فقط واحنا على الغيار الرابع ووصلنا لغايه سرعه 30 كم او سرعه 20 كم ومازلنا على الغيار الرابع وفجاه فتحت الاشاره وحبينا نرجع لسرعتنا تاني فزودنا بنزين تعرفوا ايه اللي هايحصل ؟؟؟ العربيه هاتفقد العزم وهاتترجرج واحتمال تطفي واذا زودنا بنزين وحبينا نرجع تاني لسرعتنا هتاخد فتره طويله جدا على ما تاخد عزم الغيار الرابع الضعيف وهاتكون انطلاقتنا بطيئه جدا.
اللي عايز اقوله ان لازم ندي العربيه الغيار المناسب عندما تفقد العزم حتى نستطيع الانطلاق بسرعه ..
طيب ايه علاقه اللي انا قلته كل ده بالطلوع على الكوبري؟؟؟؟
كل الكلام السابق اللي قلته عشان نوصل للنقطه دي
لما نكون ماشيين على سرعه 60 كم وعلى الغيار الرابع مثلا،،، ولقينا قدامنا كوبري نعمل ايه؟؟
عندنا حللين
1-يانزود الضغط على دواسه البنزين عشان السياره تاخد سرعه عاليه تقاوم بيها الجاذبيه و تقدر تطلع بيها الكوبري وبسرعه من غير ماتطفي ،،، وطبعا دا في حاله اذا كان الكوبري فاضي ومافيش عليه حد والكلام ده صعب شويه في ظل زحمه مصر.
2- الحل التاني لو في حد على الكوبري من فوق وهاضطر اهدي السرعه فبالتالي لازم انزل من الغيار الرابع للتالت وارفع رجلي من على الدبرياش وادوس بنزين شويه ،،، ليه؟؟؟؟ لان احنا لما بطئنا السرعه ومع دخولنا لمطلع الكوبري حصل ان الجاذبيه الارضيه اثرت على قوه اندفاع السياره الى اعلى الكوبري وبالتالي فانا محتاج لعزم اكبر لمقاومه الجاذبيه، وبالطبع لازم انقل من الغيار السريع والضعيف واللي هوا هنا الغيار الرابع الى الغيار الابطء والاقوى قليلا لحاجتنا الى العزم للمساعده على صعود السياره الى اعلى الكوبري وهو هنا الغيار الثالث،واذا حسينا ان العربيه محتاجه عزم اكبر ننقل الى الغيار الثاني وخاصه اذا كان مطلع الكوبري مرتفع جدا.
ولو الطريق وقف فى الطلعه على الكوبرى أعمل فرامل يد ولا الفرامل العاديه بس الفرامل العاديه لو سبتها علشان أكمل الطريق لما يفتح وأدوس بنزين هترجع لورا
طبعا هانطول برضه شويه في الشرح وسامحوني...
لازم نتعلم ازاي نضغط على الدبرياش وسبق اني قلته بس اشرحه بصوره سريعه..
اولا :لما ادوس على الدبرياش لازم ادوس عليه بالمنطقه اللي تحت مشط القدم تقريبا واكون شادد قدمي ورافع كعب قدمي من على ارضيه دواسه العربيه لان معظمنا بيدوس دبرياش وهو حاطط كعب قدمه على الارض وده غلط لاني لما هارفع قدمي من على الدبرياش هايكون كعب قدمي مازال على الارض فبالتالي رجلي هاتفلت من على الدبرياش والعربيه هاتتنطط ، وكمان هايجيلي شد للعضله الاماميه للرجل.....
فلازم ارفع كعب قدمي واكون شادد قدمي واحرك رجلي بشكل كامل من على الدبرياش بدايه من مشط القدم مرورا بكعب القدم ومرورا بقصبه الرجل وصولا الى الركبه
يعني رجلي الشمال كلها بدايه من الركبه الى مشط الرجل لازم تتحرك وانا بدوس دبرياش او انا برفع رجلي من عليه وطبعا ده لازم يكون بطء شويه .
واعتقد ان دي هيا مشكله حضرتك لانك كنتي متعوده على قياده الاتوماتيك ، وكنتي بتستخدمي رجلك اليمين للبنزين والفرامل وبالتالي كنتي حاطه كعب قدمك على الارض ومشط اصابع القدم هو اللي بتنقل من البنزين الى الفرامل وبالعكس...
الدبرياش بقى مختلف لان دواسه الدبرياش مقوسه لفوق بتتجه للاعلى ناحيه تابلوه السياره مش للاسفل كدواستي البنزين والفرامل وكمان دواستي البنزين والفرامل اخف شويه من دواسه الدبرياش لانها تقيله فمحتاجه انك ترفعي كعب قدمك وتدوسي على دواسه الدبرياش بمشط القدم بالمساحه اللي هيا تحت اصابع القدم.
طيب ايه علاقه ده بالوقوف على الكوبري والانطلاق؟؟؟؟
لو رجعنا للدروس اللي انا ذكرتها سابقا كنت ذكرت تمرين للانطلاق بالدبرياش والبنزين
فاحنا واحنا واقفين على الكوبري هانرفع فرامل اليد ونديها الغيار الاول ولما نيجي ننطلق هاندوس بنزين الاول وارفع رجلي من على الدبرياش ببطء لغايه ما اوصل لنقطه الاحتكاك ،،، او لغايه ما الاقي ان مقدمه السياره ارتفعت للاعلى قليلا ،معنى كده ان السياره جاهزه للانطلاق ،اثبت رجلي على الدبرياش وما ارفعهاش بشكل كامل ثم ازود بنزين تاني وانزل فرامل اليد في نفس اللحظه هلاقي العربيه انطلقت للامام مع ملاحظه صغيره(ماترفعيش رجلك من على الدبرياش بشكل كامل )....يعني نص رفعه دبرياش
هنقول من الاول
لما اقف على مطلع
ارفع فرامل اليد ،واضع على الغيار الاول ، ادوس بنزين خفيف وارفع رجلي من على الدبرياش ببطء لغايه نص رفعه واثبت رجلي على الدبرياش بالوضع ده ، او لغايه ما احس ان مقدمه العربيه اترفعت للاعلى ، اقوم دايسه بنزين زياده وانزل فرامل اليد هلاقي العربيه طلعت من غير ما ترجع للخلف بس على شرط اني ما ارفعش دبرياش بشكل كامل ،وارفع دبرياش ببطء من غير استعجال.
لازم نتدرب على الكلام ده على المطالع لغايه ما نتقنه وبصوره تدريجيه هتلاقي الموضوع سهل جدا وهاتعمليه بسرعه وبسهوله.
- من خلال التمرين السابق هاتتعلمي حضرتك ازاي توازني بين البنزين والدبرياش ، يعني وانتي بتدربي على مطلع فاضي اعملي التمرين السابق ونزلي فرامل اليد وحاولي بس توازني بين الدبرياش والبنزين،
-يعني لما تتحركي شويه من على المطلع وببطء دوسي دبرياش بسيط وخففي بنزين شويه هتلاقي العربيه هدت سرعتها ،،، وبسرعه قبل ما تطفي او ترجع لورا دوسي بنزين تاني وارفعي دبرياش في نفس الوقت ،،،،، كرري العمليه دي هتلاقيها سهله مع التكرار
اعذريني طبعا التدريب عمليا اسهل من التدريب النظري وفي بعض الاحيان بيكون صعب على الواحد انه يوصل معلومه بالكلام وخاصه لما يكون هناك تعليم لحركات لان الواحد بنظرته للحركه وهيا بتتعمل بيقدر يكمل النواقص في التدريب،،
بس على قد مانقدر بنحاول نوصل المعلومه،،،
على فكره
مشكلتك مع الدبرياش دي ليها حل واحد واللي انا عرفته ان العربيه لسه بتتنطط معاكي
اولا : زي ماقلت لحضرتك في الاول كعب الرجل لازم يكون فوق شويه..
ثانيا: ارفعي قدمك من على الدبرياش على مرحلتين
يعني لما تغيري النقله زودي بنزين وارفعي رجلك بسهوله وببطء من على الدبرياش لغايه النص وبعد كده ارفعي قدمك بشكل كامل،،،، يعني ماترفعيش قدمك بشكل كامل ومره واحد لأ... ارفعي قدمك مرحله مرحله ، لغايه ما تحسي ان العربيه مشيت بشكل طبيعي ،، وبعد كده هاتتعودي على الدبرياش....
واعذروني بكره هاكمل باقي الردود وخاصه موضوع الرجوع يمين وشمال وايضا سواقه الستات وبرضه هارد على اسئله الاستاذ حسين واعذروني على التطويل
هى مش بتعمل أمريكانى (مش يعنى بتفحت فى الأرض ؟) لأ ولا كلها بتنط حكاية النطه دى وأنا بغير للغيار الأعلى وأشيل رجلى من على الدبرياج وأكون بدوس بنزين (يعنى مش لسه هدوس)عارف كأنها بتفصل لثانيه واحده وبعدين بتكمل مشى مش بتنط بمعنى الرجرجه (مش ممكن يكون ده طبيعى؟يعنى ده مش بيحصل معاك وانت بتنقل للأعلى ؟) :shyy:وصوت الماتور عادى ده بأه معناه إيه؟؟؟
ملحوظه :أنا صحيح ساعتها بشيل رجلى بسرعه من على الدبرياج أكتر من الغيار الأول ده صح ولا لأ؟ أنا عارفه إنى تعباكوا معايا بس ياسيدى أتمكن من الباقى وعلى ماأظن دى هتخف بالتدريج بس ده مايمنعش إن حضرتك تفهمنى صح كده ولا غلط (النطه دى)
اعذريني طبعا التدريب عمليا اسهل من التدريب النظري وفي بعض الاحيان بيكون صعب على الواحد انه يوصل معلومه بالكلام وخاصه لما يكون هناك تعليم لحركات لان الواحد بنظرته للحركه وهيا بتتعمل بيقدر يكمل النواقص في التدريب،، [/color][/size]
بس على قد مانقدر بنحاول نوصل المعلومه،،،
بالعكس إنت كفيت ووفيت زى مابيقولوا إخواننا الخليجيين أنا بصراحه لما بشوف كلامك ده ببقى حاسه إنى بسوق بقالى 500 سنه باحس باطمئنان غريب يمكن علشان بتقوله حته حته ماشاء الله عليك كأنك قاعد جنبى فى العربيه وبتقولى أعمل إيه ثانيه بثانيه بجد جزاك الله كل خير
واعذروني بكره هاكمل باقي الردود وخاصه موضوع الرجوع يمين وشمال وايضا سواقه الستات وبرضه هارد على اسئله الاستاذ حسين واعذروني على التطويل
أنا عن نفسى بقولك طوووووووول براحتك خالص وياريت يكون ده رأى باقى الأعضاء ومنتظرين باقى مواضيعك القيمه باهتمام :36_1_34[1]::verygood:
إييييييه ياجماعه انتو فين بقالكم كام يوم :120146b أنا قولت شم النسيم والكل بيسافر بس السفر طول جدا لعل المانع خير :ask:
فين أستاذ حسين وأستاذ محمد aboharf وأستاذ سعد A.saad إيه ياأساتذه الموضوع مضلم من غيركم خالص مستنياكم بفارغ الصبر:3_3_102[1]:
انا موجود يا لبنى
مش هاقولك ان انا جيت من الشغل من غير مااتغدى دخلت على المنتدى واشوف اسئلتكم
انا جايز مش بعر ف اجيب مواضيع زى الاستاذ محمد فوزى والاستاذ حسين
فانتم اسالوا وانا ان شاء الله اجاوب
واعذرونى غدا لانى مش هاعرف ادخا على المنتدى
ودعواتكم معايا ان ربنا يقف جنبى
اللهم صل على محمد وعلى آله وصحبه أجمعين
آسف على التأخير
يمكن السبب انى حبيت اترك فرصة لباقى الاخوة انهم يتبادلوا اطراف الحديث وكمان وجدت عدد لا بأس به من المشاهدات
قلت لنفسى انتظر شوية يمكن يكون فيه اى حد عنده استفسار جديد
طبعا انا احب اشكر الاستاذة لبنى وكمان الاستاذة سارة على تفاعلها
والاخ الكريم سعد
واخونا الكبير محمد فوزى
وكل الاخوة المشاركين معانا فى الموضوع ده
مع انى كنت اتمنى ان كل اللى عنده اى استفسار يكتبه
وان كل اللى عنده خبرة كبيرة فى موضوع القيادة يساهم معانا حتى ولو بفكرة واحد من افكاره الممتازة ... عشان اخوانكم المبتدأين فى القيادة يستفيدوا منكم
هههههههههه
موش عارف كلمة "المبتدأين" انا كاتبها صح ولا لأ
اوعى حد يقول لوزير التعليم "احمد ذكى بدر" بعدين ينقلنى أسوان
المهم ندخل فى الموضوع
عشان لا اكثر فى الأسئلة
انا رسمت صورة واحد ولكن معقدة بعض الشىء
وهاعرض مشكلة واحدة المرة دى
http://www.nilemotors.net/Nile/attac...1&d=1270753735
ده مشهد واقعى فى مصر الجديدة
وممكن يكون موجود فى اكثر من مكان
تلاحظ سيارات راكنة بجوار الرصيف بشكل دائم
وسيارات لونه احمر تمثل خطر
والمنطقة اغلب الاوقات مزدحمة
انا متعمد ان اضع سيارة الاسعاف بين الحارتين "يعنى ماشى زى بتوع الميكروباس" هههههههههههه موش عايز يختار له حارة عشان هو مبتدأ
السؤال ببساطة جدا
بالنسبة لسيارة الاسعاف
لو كانت رغبة السائق فى السير الى الامام ... لازم يعمل ايه ويراعى ايه ؟
لو كانت رغبة السائق فى الدخول الى اليو تيرن ... وكمان "حتى ينتهى من الدخول الى الشارع المقابل"
يا ريت الإجابة تراعى مكانه فى اى حارة
يعنى لو كان فى الحارة الاولى يعمل ايه
ولو كان فى الحارة الثانية او الثالثة
ملحوظة: "الحارة اللى داخلة على اليوتيرن رقمها 3"
العربيات خلف سيارة الاسعاف بتجرى بسرعة عشان ماشية فى شارع واسع والخطورة بتظهر من سيارات الميكروباس بتدخل مع بعض سباق حتى وهى داخلة على المنطقة المزدحمة او حتى ماشية فى الشارع الواسع "الاربع حارات" الموجود خلف سيارة الإسعاف
وعربيات الميكروباس باللون الاحمر التى تأتى من اسفل وفى الغالب متجهه ايضال الى اليوتيرن
طبعا عملية معلهش رخمة شوية
لكن اعوذ بالله من المكان ده "كله مشاكل" وربنا يستر
واكيد بعد ما اتعمل فى كل شارع "يوتيرن" عمال على بطال
اصبح السير فى الشوارع موش سهل زى الاول
يعنى الاول كان ممكن الواحد يمشى بالعربية بجوار الرصيف ومالاوش دعوة باللى وراه "يضرب دماغه فى الحيط" ههههههههههههههههه
انا آسف
ده لو كان السائق مبتدأ زى حالاتنا
لكن الآن كل شوية "يوتيرن"
والمشى بجوار الرصيف فى الحارة اليسار موش سهل هو كمان
نعرف الإجابة من أصدقائنا
ونكمل مع بعض الباقى
فى إنتظار التواصل
مع اطيب التمنيات
اخوكم حسين غزالة
انا اسفه ان كنت بكرر المشاركه اللي فوق بنفس الأسئله تاني
النهارده السواق العظيم اللي بيعلمني حب يجرأني شويه في السواقه وقرر ان انا اخد طريق المهندسين في شارع محي الدين ابو العز
الحقيقه الشارع فاضي خالص :stink[1]: ومش راكن غير صفين عربيات على كل جنب بس وفاضل حارتين للسير وكتير بيتقلصوا لحاره واحده بسبب عربيات اخرى راكنه ويوجد يوترن كتير على الشمال وفتحات كمان لشوارع متقاطعه مع محي الدين على اليمين
طبعا انا كنت بحاول امشي على اليمين وكل شويه حد يكسر على فاحدف شمال لغاية مره واحده واحد كسر على من الشمال علشان داخل يمين والسواق رفع الهاند بريك وانا دايسه بنزين وكنت حهدي فالعربيه لفت نصف دايره تقريبا بس وصوت فرمله امريكاني ربنا ستر والعربيات اللي ورايا وقفوا بس انا حسه ان انا مش متزنه والحقيقه عندي اكتئاااب جدا من السواقه
هو اخد الموضوع ببساطه وقعد يضحك عادي بس انا مش قادره اتمالك اعصابي خالص
انا اسفه اذا كنت دوشتكم بس ارجوكم تردوا علي بخصوص موضوع المرايات والورقه اللي عايزه اكتبها اللي شكلها حتتحول قريبا لعربيه للبيع
[QUOTE=sara2001;3872538043]انا اسفه ان كنت بكرر المشاركه اللي فوق بنفس الأسئله تاني
النهارده السواق العظيم اللي بيعلمني حب يجرأني شويه في السواقه وقرر ان انا اخد طريق المهندسين في شارع محي الدين ابو العز
الحقيقه الشارع فاضي خالص :stink[1]: ومش راكن غير صفين عربيات على كل جنب بس وفاضل حارتين للسير وكتير بيتقلصوا لحاره واحده بسبب عربيات اخرى راكنه ويوجد يوترن كتير على الشمال وفتحات كمان لشوارع متقاطعه مع محي الدين على اليمين
طبعا انا كنت بحاول امشي على اليمين وكل شويه حد يكسر على فاحدف شمال لغاية مره واحده واحد كسر على من الشمال علشان داخل يمين والسواق رفع الهاند بريك وانا دايسه بنزين وكنت حهدي فالعربيه لفت نصف دايره تقريبا بس وصوت فرمله امريكاني ربنا ستر والعربيات اللي ورايا وقفوا بس انا حسه ان انا مش متزنه والحقيقه عندي اكتئاااب جدا من السواقه
هو اخد الموضوع ببساطه وقعد يضحك عادي بس انا مش قادره اتمالك اعصابي خالص
انا اسفه اذا كنت دوشتكم بس ارجوكم تردوا علي بخصوص موضوع المرايات والورقه اللي عايزه اكتبها اللي شكلها حتتحول قريبا لعربيه للبيع[/QUOTE]
لا حول ولا قوة إلا بالله
عارفه انا حاسس بشعورك تماما
لأن أنا مريت بنفس المشاعر ... موش عايز اقول لك أنى فى نفس اليوم اللى خرجت فيه مع صديق لى العربية اتخدشت فى الاكصدام وطبعا انا كنت السبب
وبعد ما خرجت معاه مرتين ثلاث
قال لى: انت مية مية بس لازم تخرج لوحدك
طبعا الكلام جميل عشان يشجعنى
ولكن الحقيقة اللى انا عرفتها لوحدى
ان مافيش حاجة اسمها تمشى من نفسك عشان تتشجع وماتخافش
الحقيقة ان الواحد لازم يكون فاهم كويس قوى
وللمرة العاشرة
لازم الواحد يكون فاهم وبيتعلم من واحد فاهم
وبيعلمه بالتدريج موش "بالفهلوة"
يعنى ممكن اللى بيعملك يكون ممتاز ولكنه ليس عنده قدره على التوصيل
موش بيوصل المعلومة من السهل الى الصعب
من البسيط الى المركب
زى اللى بيدخل امتحان وهو موش مذاكر اصلا الاساسيات
هو فاكر عشان الواحد قدر ينقل الفتيس "اول ثم تانى ثم ثالت " خلاص كده الواحد اصبح سائق
طبعا لأ
واعتقد ان 80% من المبتدأين فكروا مية مرة انهم يبيعوا سياراتهم فى نفس الاسبوع اللى اشتروا فيها وانا واحد منهم ... وكل اللى حوالية استغربوا
لحد ما خرجت مع احد الاصدقاء اللى فاهمين "هو شغال فى السياحة" يعنى فلوس واجانب وشغل ... يعنى السواقة بدون فهم واى كلام معناه "قطع عيش" والعياذ بالله
المهم انك تهدى تماما
وتصلى على النبى
وتزيدى النبى صلاة
المفروض انك انت قرأتى كل المشاركات من البداية
صح الكلام
ونكرر تانى
اهم عدم الاستعجال فى التعلم
يعنى ممكن تخرجى مرة كل اسبوع .. احسن ما تخرجى كل يوم وتخبطى فى عربيتك وفى اللى حواليكى
اتعلمى حاجة واحده فقط
فى كل مرة تخرجى فيها لازم تركزى على مهارة واحدة فقط ... مثلا الدوران فى "اليوتيرن" والملفات .. طبعا تختارى مكان فاضى ... وتدربى فيه ساعتين ثلاثة ... موش مشكلة على موضوع الدوران
اوعى تمشى فى الازدحام
اى واحد هايمشى فى الزحمة وهو موش مستعد للموضع ده هايتعقد على طول ... وانا واحد منهم ... سائقين ليس عندهم صبر ... يمروا من اليمين ... ويمروا من الشمال ... ويضربوا كلاكسات عمال على بطال .. وحركات بالنور ... وميكروباصات اعوذ بالله من سواقتهم ... لازم تصبرى شوية لما تتمكنى تماما بعد كده انزلى الشارع فى الزحمة
انا عن نفسى حتى الآن انزل الزحمة لما تشاء الظروف فقط
واتجنب المشى فى الازدحام حتى الآن
وعارف ان الموضوع ده هايجى لوحده
طبعا احيانا اخرج مع اخويا وامشى معاه فى الزحمة ... ورغم نجاحى فى الموضوع ده الى حدا ما ... إلا انى صابر شوية وموش مستعجل ... شوية شوية
ركزى شوية فى كلام الاستاذة
حاولى تقرأى كلام الاساتذة المشاركين بأفكارهم ... الاستاذ سعد والاستاذ محمد فوزى
بتركيز شديد ولو عندك اسئلة اكتبيها
فيه اساسيات للامان
يعنى اللى عمله معاكى اللى بيعلمك "مضبوط وموش مضبوط" ... انت ماشية ممكن بسرعة زياده عن اللزوم او "حدفتى" على حد وهو مسك فرامل اليد
برغم ان استاذ محمد فوزى اعتقد "حذرنا" ان العربية هاتلف لو حد مسك فرامل اليد ... موش كده ولا إيه
انت نسيتى اهم حاجة
اهم حاجة من وجهة نظرى واللى كتبت فيها الموضوع ده مخصوص وهى ... وده كلام صديقى ... مافيش حد مبتدأ فى السواقة يدخل فى الازدحام او فى التقاطعات او فى اليوتيرن ورجله على البنزين ... اكيد انتى ارتبكتى ودوستى بنزين بدل الفرامل والله اعلم
عشان كده المعلم بتاعك شد فرامل اليد
يا ريت تراجعى الحتة دى كويس قوى وننتظر تعليقات اخوانا فى المنتدى الله يكرمهم بخصوص المشى فى الزحمة
اوعى تمشى بسرعة
السرعة القانونية داخل البلد 60 كيلوا اعتقد ... مهما كانت الظروف اوعى العربية تغريكى بالمشى والجرى مهما كان الطريق فاضى ... احنا لسه مبتدئين ...
لازم تتركى مسافة بينك وبين اللى امامك
مسافة كافية عشان تلحقى تتصرفى يا اما اقف بالعربية او اعدى من اللى واقف امامى
لازم التزم بالحارة اللى انا ماشى فيها
موش كل واحد يعدى امامى ... او يمينى او شمالى او يضرب لى كلاكس ... اغير الحارة اللى انا ماشى فيها ... طبعا لا وستين لأ ... انا كنت كده الأول ومازلت بتأثر باللى حواليه ... لكن الآن الى حد ما التزم بالحارة اللى انا فيها ... حتى الخط بين الحارات موش بمشى عليه ... واللى عايز يعدى يعدى ... الاول لو سمعت كلاكس انقل نفسى على الحارة اللى جنبى واعمل مشاكل ... موش كل واحد عايز يعدى اوسع له الطريق واعرض نفسى للخطر عشان خطره
استخدام المرايات
ودى من اهم المواضيع من وجهة نظرة
وعايزه كلام كثيير قوى قوى
يا ريت مرة ثانية لو فيه اى حد من الأصدقاء له كلام فى موضوع المرايات ياريت نعرفه ... مع ان اعتقد ان الاستاذ محمد فوزى ... وضح لنا ان الواحد لازم ينظر فى المرايات كل ثلاث ثوانى على ما اعتقد
طبعا الكلام كثيير قوى
لكن المطلوب الآن ... انك تهدى ... وكمان لازم تعرفى ان الموضوع ده موش انت فقط اللى زعلانة وخايفة منه ... ده تقريبا كل اللى بيتعلموا جديد حتى اللى طلعوا الرخصة زى حالاتى لسه بيخافوا .. وهانفضل نخاف ... لان الخوف ده شىء طبيعى ... ومع التدريب ثم التدريب لازم الخوف ده هايروح
ولو كان المدرب بتاعك انت موش بتفهمى منه كويس او مستهتر شوية او موش بيوصل كويس او مستعجل او انت موش مرتاحه له
غيريه
واتعلمى مع حد تانى مافيش مشاكل خالص
انت موش بتدفعى فلوس
ولا بيعلمك ببلاش
كله بفلوسك
اخيرا لازم تعرفى ان العربيات بتتخبط وهى واقفة ... ده شىء عادى جدا
احنا ناخد بالأسباب
والباقى على ربنا
احنا نتعلم بالأصول
ونفهم كويس كلام الاخوى فى المنتدى
والباقى على ربنا
وإن شاء الله بعد ما الأساتذه يقولوا لنا رأيهم فى الرسم التوضيحى السابق
هانضح بالرسم مرة ثانية الاساسيات للمبتدأين
عشان نتعلم كلنا
واحنا تحت امرك
مع اطيب التمنيات
اخوكم حسين غزالة
لا حول ولا قوة إلا بالله
عارفه انا حاسس بشعورك تماما
لأن أنا مريت بنفس المشاعر ... موش عايز اقول لك أنى فى نفس اليوم اللى خرجت فيه مع صديق لى العربية اتخدشت فى الاكصدام وطبعا انا كنت السبب
وبعد ما خرجت معاه مرتين ثلاث
قال لى: انت مية مية بس لازم تخرج لوحدك
طبعا الكلام جميل عشان يشجعنى
ولكن الحقيقة اللى انا عرفتها لوحدى
ان مافيش حاجة اسمها تمشى من نفسك عشان تتشجع وماتخافش
الحقيقة ان الواحد لازم يكون فاهم كويس قوى
وللمرة العاشرة
لازم الواحد يكون فاهم وبيتعلم من واحد فاهم
وبيعلمه بالتدريج موش "بالفهلوة"
يعنى ممكن اللى بيعملك يكون ممتاز ولكنه ليس عنده قدره على التوصيل
موش بيوصل المعلومة من السهل الى الصعب
من البسيط الى المركب
زى اللى بيدخل امتحان وهو موش مذاكر اصلا الاساسيات
هو فاكر عشان الواحد قدر ينقل الفتيس "اول ثم تانى ثم ثالت " خلاص كده الواحد اصبح سائق
طبعا لأ
واعتقد ان 80% من المبتدأين فكروا مية مرة انهم يبيعوا سياراتهم فى نفس الاسبوع اللى اشتروا فيها وانا واحد منهم ... وكل اللى حوالية استغربوا
لحد ما خرجت مع احد الاصدقاء اللى فاهمين "هو شغال فى السياحة" يعنى فلوس واجانب وشغل ... يعنى السواقة بدون فهم واى كلام معناه "قطع عيش" والعياذ بالله
المهم انك تهدى تماما
وتصلى على النبى
وتزيدى النبى صلاة
المفروض انك انت قرأتى كل المشاركات من البداية
صح الكلام
ونكرر تانى
اهم عدم الاستعجال فى التعلم
يعنى ممكن تخرجى مرة كل اسبوع .. احسن ما تخرجى كل يوم وتخبطى فى عربيتك وفى اللى حواليكى
اتعلمى حاجة واحده فقط
فى كل مرة تخرجى فيها لازم تركزى على مهارة واحدة فقط ... مثلا الدوران فى "اليوتيرن" والملفات .. طبعا تختارى مكان فاضى ... وتدربى فيه ساعتين ثلاثة ... موش مشكلة على موضوع الدوران
اوعى تمشى فى الازدحام
اى واحد هايمشى فى الزحمة وهو موش مستعد للموضع ده هايتعقد على طول ... وانا واحد منهم ... سائقين ليس عندهم صبر ... يمروا من اليمين ... ويمروا من الشمال ... ويضربوا كلاكسات عمال على بطال .. وحركات بالنور ... وميكروباصات اعوذ بالله من سواقتهم ... لازم تصبرى شوية لما تتمكنى تماما بعد كده انزلى الشارع فى الزحمة
انا عن نفسى حتى الآن انزل الزحمة لما تشاء الظروف فقط
واتجنب المشى فى الازدحام حتى الآن
وعارف ان الموضوع ده هايجى لوحده
طبعا احيانا اخرج مع اخويا وامشى معاه فى الزحمة ... ورغم نجاحى فى الموضوع ده الى حدا ما ... إلا انى صابر شوية وموش مستعجل ... شوية شوية
انا كنت عايزه اعمل كده فعلا بس السواق بيستعجلني في السواقه في الشوارع الزحمه رغم ان دي رابع مره بس وبيقولي كفايه كده مش حتتعلمي الا لو نزلتي في الزحمه
ركزى شوية فى كلام الاستاذة
حاولى تقرأى كلام الاساتذة المشاركين بأفكارهم ... الاستاذ سعد والاستاذ محمد فوزى
بتركيز شديد ولو عندك اسئلة اكتبيها
فيه اساسيات للامان
يعنى اللى عمله معاكى اللى بيعلمك "مضبوط وموش مضبوط" ... انت ماشية ممكن بسرعة زياده عن اللزوم او "حدفتى" على حد وهو مسك فرامل اليد
برغم ان استاذ محمد فوزى اعتقد "حذرنا" ان العربية هاتلف لو حد مسك فرامل اليد ... موش كده ولا إيه
انا كنت ماشيه في شارع زحمه وسرعتي بسيطه بسبب الزحمه وواحد كسر علي من الشمال علشان يدخل ملف يمين بسرعه
انت نسيتى اهم حاجة
اهم حاجة من وجهة نظرى واللى كتبت فيها الموضوع ده مخصوص وهى ... وده كلام صديقى ... مافيش حد مبتدأ فى السواقة يدخل فى الازدحام او فى التقاطعات او فى اليوتيرن ورجله على البنزين ... اكيد انتى ارتبكتى ودوستى بنزين بدل الفرامل والله اعلم
عشان كده المعلم بتاعك شد فرامل اليد
انا كنت دايسه بنزين لأن التقاطع كان على يميني وانا ماشيه على طول لكن اللي على شمالي هو اللي لف يمين من امامي فجأه وبسرعه مش عارفه كان المفروض فعلا اعمل ايه وياريت لو حد يوضحلي النقطه دي
انا كنت فاهمه ان الأولويه لمروري انا بما اني على يمين الفتحه وماشيه على طول وهو اخد الملف على الواسع
يا ريت تراجعى الحتة دى كويس قوى وننتظر تعليقات اخوانا فى المنتدى الله يكرمهم بخصوص المشى فى الزحمة
اوعى تمشى بسرعة
السرعة القانونية داخل البلد 60 كيلوا اعتقد ... مهما كانت الظروف اوعى العربية تغريكى بالمشى والجرى مهما كان الطريق فاضى ... احنا لسه مبتدئين ...
اقصى سرعه وصلتلها لغاية دلوقتي 50 وده في مكان فاضي :120146b لأني لسه خايفه والسواق حيتنقط مني
لازم تتركى مسافة بينك وبين اللى امامك
مسافة كافية عشان تلحقى تتصرفى يا اما اقف بالعربية او اعدى من اللى واقف امامى
بصراحه انا مقتنعه بكده تماما بس السواق بيقولي ما تسيبيش مسافه علشان ما يكسرش حد عليكي فيها
لازم التزم بالحارة اللى انا ماشى فيها
موش كل واحد يعدى امامى ... او يمينى او شمالى او يضرب لى كلاكس ... اغير الحارة اللى انا ماشى فيها ... طبعا لا وستين لأ ... انا كنت كده الأول ومازلت بتأثر باللى حواليه ... لكن الآن الى حد ما التزم بالحارة اللى انا فيها ... حتى الخط بين الحارات موش بمشى عليه ... واللى عايز يعدى يعدى ... الاول لو سمعت كلاكس انقل نفسى على الحارة اللى جنبى واعمل مشاكل ... موش كل واحد عايز يعدى اوسع له الطريق واعرض نفسى للخطر عشان خطره
انا مش بغير الحاره ما بتجيليش الجرأه بس بعمل حاجه اسوأ بمشي ببطء في نفس الحاره من الإرتباك
استخدام المرايات
ودى من اهم المواضيع من وجهة نظرة
وعايزه كلام كثيير قوى قوى
يا ريت مرة ثانية لو فيه اى حد من الأصدقاء له كلام فى موضوع المرايات ياريت نعرفه ... مع ان اعتقد ان الاستاذ محمد فوزى ... وضح لنا ان الواحد لازم ينظر فى المرايات كل ثلاث ثوانى على ما اعتقد
طبعا الكلام كثيير قوى
لكن المطلوب الآن ... انك تهدى ... وكمان لازم تعرفى ان الموضوع ده موش انت فقط اللى زعلانة وخايفة منه ... ده تقريبا كل اللى بيتعلموا جديد حتى اللى طلعوا الرخصة زى حالاتى لسه بيخافوا .. وهانفضل نخاف ... لان الخوف ده شىء طبيعى ... ومع التدريب ثم التدريب لازم الخوف ده هايروح
ولو كان المدرب بتاعك انت موش بتفهمى منه كويس او مستهتر شوية او موش بيوصل كويس او مستعجل او انت موش مرتاحه له
غيريه
واتعلمى مع حد تانى مافيش مشاكل خالص
انت موش بتدفعى فلوس
ولا بيعلمك ببلاش
كله بفلوسك
هو مستعجل فعلا ومحسسنني ان انا فاشله
اخيرا لازم تعرفى ان العربيات بتتخبط وهى واقفة ... ده شىء عادى جدا
احنا ناخد بالأسباب
والباقى على ربنا
احنا نتعلم بالأصول
ونفهم كويس كلام الاخوى فى المنتدى
والباقى على ربنا
وإن شاء الله بعد ما الأساتذه يقولوا لنا رأيهم فى الرسم التوضيحى السابق
هانضح بالرسم مرة ثانية الاساسيات للمبتدأين
عشان نتعلم كلنا
واحنا تحت امرك
مع اطيب التمنيات
اخوكم حسين غزالة
[/QUOTE]
متشكره جدا يا أستاذ حسين على اهتمامك وردك وتفصيلك للموضوع
انا بنتظر كل جديد في الموضوع لأنه بيفيدني بجد
ياريت لو في خطه او حاجات اساسيه يعني المفروض كل يوم اتعلم ايه وبالتدريج ازود في ايه
وشكرا جزيلا لك مره اخرى
بسم الله الرحمن الرحيمالسلام عليكم ورحمه الله وبركاته
انا اسف اتاخرت على حضراتكم شويه سامحوني ، بس انا اليوم مش حابب اتكلم في التعليم بقدر ما انا حابب اتكلم في شويه مواضيع كده تهمنا وتهم كل الناس..
اولا: احب ارحب ب Sara2001 واهلا بيكي معانا وشرفتينا
ثانيا :الى الاستاذ حسين احب اقول لحضرتك، كلامك ممتاز جدا ومعقول جدا وموزون جدا ، واحييك على تشجيعك للناس اللي عايزه تتعلم وان حضرتك بتحيي فيهم الامل من جديد وانا بشكرك على الكلام الطيب اللي حضرتك قلته.....
النهارده كما وعدت الاستاذه lobna_yaseen اني هاتكلم في موضوع قياده السيدات ...
الموضوع يا اساتذه وما فيه(وده من وجهه نظري) ان احنا عايشين في مجتمع ذكوري والمجتمع ده معظمه بينكر اي حق من حقوق المرأه واللي اعتقد من ابسطها ان المرأه تكون الى جانب الرجل في بعض المجالات والتي تتناسب مع دور المرأه في المجتمع، ،،
لايجب ان ننسى ان المرأه هي نصف المجتمع ، واذا نظرنا الى دور المرأه سنجد ان لها دورا كبيرا لايقدر بثمن ، بدايه من تكوين الاسره والتي هي نواه المجتمع بجانب الرجل بالاضافه الى توفير كل سبل الحياه الكريمه لافراد اسرتها والتي تتضمن الزوج الاولاد، وبالتالي سنجد على المرأه العبء الاكبر في الحفاظ على كيان الاسره(ايه الكلام الكبير اللي انا بقوله ده ههههههههههه)
المهم اللي انا عايز اوصله ان مافيش سيده بتفكر انها تسوق عربيه او انها يكون عندها رخصه قياده الا لحاجه واحده بس ، الا وهي توفير وسيله مواصلات ادميه ومحترمه تضمن لها سلامتها وسلامه اطفالها ان وجد و تجنيبها المضايقات الفظيعه التي تتعرض لها يوميا في حياتها ،،،، وذلك زي ما احنا شايفين الانحدار الخلاقي الرهيب الذي حدث في الشارع المصري، يعني بالعربي كده مافيش واحده ست هاتطلع رخصه او تسوق عربيه عشان تروح تاخد العربيه وتخمس بيها او تعمل بيها سباقات او تعاكس بيها خلق ربنا ، او انها زهقانه من البيت وعايزه تتمشى على الكورنيش ، تضايق في الناس ....كل اللي تريده المراه وخاصه اذا كانت امراه عامله انها تروح الشغل باحترامها وترجع باحترامها ، انها تودي الاولاد المدرسه بدون ماتكون قلقانه عليهم من تهور سواق باص المدرسه او تهور بقيه السائقين ،انها تروح السوق تشتري مايلزم البيت من اغراض وتحطهم في شنطه العربيه بدون ماتقف ساعات تحت الشمس شايله كل اغراض البيت في انتظار تاكسي ، ده لو جاء التاكسي_والمفروض ان الزوج هوا اللي يقوم بهذه الاعمال الا ان المراه تقوم بما هو فوق طاقتها بدون كلل او ملل_ انها تصون كرامتها من غير ما سواق تاكسي يعملها استجواب وهيا راكبه التاكسي (انتي منين ؟ ورايحه فين؟ واسمك؟ طب رايحه تقابلي مين .....الخ) ، انها تصون نفسها من المعاكسات الفجه من الشباب وهيا واقفه تنظر التاكسي ،وهيا راكبه الميكروباص، ان اخواتنا وبناتنا يروحوا الجامعه في وقتهم بدون تاخير وبدون مضايقات ..الخ
طيب هيا فين المشكله؟؟؟؟
وليه الناس بتبقى عارفه ان اللي سايقه دي واحد ست؟؟؟؟
وليه الستات اساسا بيسوقوا على قدهم؟؟؟
انا سبق وقلت ان السيدات مش بتوع حركات في السواقه ( ولو ان فيه القليل منهم محترف سواقه) بس الموضوع كله ان المراه دائما حريصه ، تتأنى في اتخاذ القرار،وبتفكر اكتر من مره في اللي مفروض انها تعمله،، عشان، وما بتحبش المشاكل .
يعني المراه وهيا بتسوق دايما بتمشي في المضمون وخاصا لو معاها اطفالها، ولما بتحاول تتجاوز بتدور الفكره في دماغها الاول ويمكن كمان لما تقرر التجاوز تتراجع في اخر لحظه،
الموضوع ياجماعه مش خوف او تردد الموضوع وما فيه انها
اولا: حريصه،و متأنيه
ثانيا : المراه عارفه نفسها انها الطرف الاضعف في الطريق
يعني ايه؟
لو لا قدر الله حصل معاها حادث وكان الطرف الاخر رجل وبالرغم انها ممكن تكون مش غلطانه ... تعرفوا ايه اللي هايحصل؟؟؟
طبعا عشان الاخ الراجل يبين انه مش غلطان هايدخل فيها شمال وباسلوب الصوت المرتفع (خدوهم بالصوت...)هايسب ويلعن كل
واحد كان له دخل في حصول هذه السيده على رخصه القياده وسوف يلعن اليوم اللي الستات اللي قرروا فيه ياخدوا رخصه قياده وطبعا هايعمل عليها راجل ويهلل ويفرد عضلاته ( بالرغم ان ممكن تكون المدام في البيت ممشياه على العجين....).وده غير طبعا ان كل الناس اللي معديه في الشارع هايلوموا السيده صاحبه السياره ومافيش حد هايقف في صفها، وكل واحد بكلمه ،
(ايوه ياعم طبعا مش ست يبقى لازم تعمل حادثه.....ايه اللي منزلك من البيت......مالك ومال السواقه.....مايجيش من وراكوا غير المصايب.... الخ) وطبعا كل واحد بيعوض اللي بيحصله في البيت هههههه...داغير طبعا البهدله في اقسام الشرطه اذا قرر المدعي اللجوء الى المحاضر وغيرها، وشوفوا انتوا بقى لما توصل لاقسام الشرطه!!!!!!!
فطبعا المراه بتحب دايما انها تنأى بنفسها عن كل هذه المهاترات فبتمشي على قدها وبتحسبها كويس..
الكلام ده شوفته بعيني ، واضطريت اتدخل انا واصحابي لصالح السيده لانها كانت مش غلطانه....ماعلينا
المهم واللي انا عايز اوصله ان مهما كانت السيده على درجه احترافيه في القياده فهي حريصه متانيه واعيه .. ولو راجعنا الاحصائيات هنلاقي ان المراه اقل بمراحل كثيره من الرجل في ارتكاب الحوادث واذا كانت هناك حوادث فهيا حوادث تكون خارجه عن الاراده....غير حوادث الرجل ، سرعه ، تهور، مخدرات،سباقات، .......الخ.
دي اهم الاسباب اللي بتخلي الناس تفتكر ان الستات مابيعرفوش يسوقوا،
عرفين لو فيه قوانين بجد بتنظم المرور عندنا وان كل واحد يلتزم باللي ليه واللي عليه وبقوانين المرور ،،، والله والله والله محدش فينا هايعرف ان اللي قدامه ده ست ولا راجل ....
في النهايه كل اللي بطلبه من حضراتكم سواء سيدات اورجال وخاصه الرجال (رفقا بالقوارير...)واذا اي حد شاف واحده بتسوق سيبها براحتها انت متعرفش ظروفها ايه ، واظن ان المحترف واللي واثق من نفسه والمحترم وابن الناس ،دايما متسامح وبيحترم الناس وبيقدر الظروف وده طبعا المفروض اللي يكون عليه كل الناس،
نسيب فرصه لبعض ، ونفسح الطريق لبعض ونساعد بعض ومانجيش على بعض ، واظن ان اي واحد هايعمل موقف مش كويس مع اي سيده لازم يتذكر امه واخته وبنته وزوجته وان ممكن يترد له نفس الموقف سواء بالخير او بالشر في اقرب الناس ليه....
الى الاستاذ الفاضل حسين
للاسف حضرتك الصوره مش ظاهره عندي بتاتا فبالتالي اعذرني حضرتك مش هاقدر اعلق عليها...
كمان حضرتك كنت سالت عن مسافه الامان وان حضرتك متخوف ان ممكن حد يدخل قدامك وياخد دورك ..
هاقولك على شئ ظريف ولكل اعضاء المنتدى ، بلاش مسافه الامان اللي انا قلت عليها في الزحمه وهيا الخمسه متر واللي اعرفها من خلال اني اشوف العجل الخلفي للسياره اللي قدامي..
طيب نعمل ايه؟؟؟؟؟
شوف حضرتك خلي مسافه الامان اللي بينك وبين اللي قدامك مسافه مناسبه بحيث انها تديلك الفرصه انك تتجاوز اللي قدامك لو حصل اي ظرف ،،،،
يعني حافظ على مسافه مناسبه بينك وبين اللي قدامك في حاله مثلا ان السياره اللي قدامك عطلت، تخيل بقى لو انت لازق في السياره اللي اقدامك وفجاه عطلت هتعمل ايه ؟؟؟ هاتقولي ارجع لورا وبعدين اتجاوزها.
طيب افرض ان السياره اللي وراك برضه لازقه في سيارتك .. هاتتصرف ازاي...؟؟؟
افرض ان اللي قدامك تاكسي وحضرتك مستعجل والتاكسي كل شويه يقف ينزل زباين وياخد زباين...هاتتصرف ازاي؟؟؟
فعشان كده بقول لحضرتك مش لازم مسافه امان كبيره ،
خليها مسافه امان صغيره بس في نفس الوقت تديك الفرصه انك تتجاوز السياره اللي قدامك (العطلانه )من غير ماتخبطها ومن غير ما مقدمه سيارتك تلمس مؤخره السياره اللي قدامك ،،، وطبعا الكلام ده لما نكون في الزحمه ....
يعين خليك دايما حر ودايما مخلص نفسك وماتخليش حد يزنقك عشان تعرف تتصرف وتبعد عن المشاكل وبالتالي لازم تدي لسيارتك المسافات المناسبه عشان تعرف تتحرك وتتجاوز براحتك....
كمان حضرتك ذكرت في مره انك مره في مطلع وانت بتتحرك بالعربيه في اتجاه الصعود ان العربيه بتاعه حضرتك ريحت على العربيه اللي وراك ،،، احب اطمن حضرتك ان دي مش غلطتك دي غلطه اللي وراك واللي المفروض انه مايلزقش فيك وخاصه اذا كنتوا على مطلع كوبري مثلا وان القانون بيفرض ان المسافه بين العربيات لازم تكون خمسه متر على الاقل ... وان لازم اللي ورا يفهم ان مافيش عربيه على مطلع كوبري مش هاتريح لورا والكل لازم ياخد باله من النقطه دي....
ولك سيدي ارق تحياتي
الى الاختSara2001
مش عايزك تقلقي واظن ان كلام الاستاذ حسين ربنا يباركله يارب ليكي كان له اكبر الاثر في زرع الهدوء في نفسك وكل اللي عايز اقلهولك ان لسه في البدايه وعشان كده اصبري على نفسك شويه وان المدرب اللي معاكي .. واضح انه ( بعد اذنك) مش فاهم حاجه وزي ما قلك الاستاذ حسين غيريه
الفروض يعرف انك مبتدئه ومش في مستواه يعني المفروض وهو بيعلمك انه يبدا معاكي من الصفر وانه يخلي مستواه لدرجه مستواكي ثم يبتدي يعلوا بالمستوى تدريجيا وانا عايز اقولك ان في بعض الدول لازم راغب الحصول على رخصه قياده انه يقوم بعمل 33 حصه على الاقل للوصول الى درجه التمكن من القياده ثم بعد ذلك يدخل الاختبار واذا فشل بياخد حصص بمقدار مايقرره الفاحص يعني لو عمل خمس غلطات يفرض عليه انه ياخد خمس حصص وهكذا..
المهم انتي مشكلتك بسيطه وان شاء الله بوجود الاستاذ حسين والاستاذ سعد جزاهم الله كل خير كل مشاكلك هاتتحل .
هابتدي معاكي من بكرا وهاعلمك كل حاجه خاصه بالاوتوماتيك
سامحيني لاني خلصت بنزين ومش شايف قدامي لان المساحات بايظه ههههههههه
اشوفكم بكرا على خير
[QUOTE=aboharf;3872538907]بسم الله الرحمن الرحيم[RIGHT]السلام عليكم ورحمه الله وبركاته
انا اسف اتاخرت على حضراتكم شويه سامحوني ، بس انا اليوم مش حابب اتكلم في التعليم بقدر ما انا حابب اتكلم في شويه مواضيع كده تهمنا وتهم كل الناس..
اولا: احب ارحب ب Sara2001 واهلا بيكي معانا وشرفتينا
ثانيا :الى الاستاذ حسين احب اقول لحضرتك، كلامك ممتاز جدا ومعقول جدا وموزون جدا ، واحييك على تشجيعك للناس اللي عايزه تتعلم وان حضرتك بتحيي فيهم الامل من جديد وانا بشكرك على الكلام الطيب اللي حضرتك قلته.....
النهارده كما وعدت الاستاذه lobna_yaseen اني هاتكلم في موضوع قياده السيدات ...
الموضوع يا اساتذه وما فيه(وده من وجهه نظري) ان احنا عايشين في مجتمع ذكوري والمجتمع ده معظمه بينكر اي حق من حقوق المرأه واللي اعتقد من ابسطها ان المرأه تكون الى جانب الرجل في بعض المجالات والتي تتناسب مع دور المرأه في المجتمع، ،،
لايجب ان ننسى ان المرأه هي نصف المجتمع ، واذا نظرنا الى دور المرأه سنجد ان لها دورا كبيرا لايقدر بثمن ، بدايه من تكوين الاسره والتي هي نواه المجتمع بجانب الرجل بالاضافه الى توفير كل سبل الحياه الكريمه لافراد اسرتها والتي تتضمن الزوج الاولاد، وبالتالي سنجد على المرأه العبء الاكبر في الحفاظ على كيان الاسره(ايه الكلام الكبير اللي انا بقوله ده ههههههههههه)
المهم اللي انا عايز اوصله ان مافيش سيده بتفكر انها تسوق عربيه او انها يكون عندها رخصه قياده الا لحاجه واحده بس ، الا وهي توفير وسيله مواصلات ادميه ومحترمه تضمن لها سلامتها وسلامه اطفالها ان وجد و تجنيبها المضايقات الفظيعه التي تتعرض لها يوميا في حياتها ،،،، وذلك زي ما احنا شايفين الانحدار الخلاقي الرهيب الذي حدث في الشارع المصري، يعني بالعربي كده مافيش واحده ست هاتطلع رخصه او تسوق عربيه عشان تروح تاخد العربيه وتخمس بيها او تعمل بيها سباقات او تعاكس بيها خلق ربنا ، او انها زهقانه من البيت وعايزه تتمشى على الكورنيش ، تضايق في الناس ....كل اللي تريده المراه وخاصه اذا كانت امراه عامله انها تروح الشغل باحترامها وترجع باحترامها ، انها تودي الاولاد المدرسه بدون ماتكون قلقانه عليهم من تهور سواق باص المدرسه او تهور بقيه السائقين ،انها تروح السوق تشتري مايلزم البيت من اغراض وتحطهم في شنطه العربيه بدون ماتقف ساعات تحت الشمس شايله كل اغراض البيت في انتظار تاكسي ، ده لو جاء التاكسي_والمفروض ان الزوج هوا اللي يقوم بهذه الاعمال الا ان المراه تقوم بما هو فوق طاقتها بدون كلل او ملل_ انها تصون كرامتها من غير ما سواق تاكسي يعملها استجواب وهيا راكبه التاكسي (انتي منين ؟ ورايحه فين؟ واسمك؟ طب رايحه تقابلي مين .....الخ) ، انها تصون نفسها من المعاكسات الفجه من الشباب وهيا واقفه تنظر التاكسي ،وهيا راكبه الميكروباص، ان اخواتنا وبناتنا يروحوا الجامعه في وقتهم بدون تاخير وبدون مضايقات ..الخ
طيب هيا فين المشكله؟؟؟؟
وليه الناس بتبقى عارفه ان اللي سايقه دي واحد ست؟؟؟؟
وليه الستات اساسا بيسوقوا على قدهم؟؟؟
انا سبق وقلت ان السيدات مش بتوع حركات في السواقه ( ولو ان فيه القليل منهم محترف سواقه) بس الموضوع كله ان المراه دائما حريصه ، تتأنى في اتخاذ القرار،وبتفكر اكتر من مره في اللي مفروض انها تعمله،، عشان، وما بتحبش المشاكل .
يعني المراه وهيا بتسوق دايما بتمشي في المضمون وخاصا لو معاها اطفالها، ولما بتحاول تتجاوز بتدور الفكره في دماغها الاول ويمكن كمان لما تقرر التجاوز تتراجع في اخر لحظه،
الموضوع ياجماعه مش خوف او تردد الموضوع وما فيه انها
اولا: حريصه،و متأنيه
ثانيا : المراه عارفه نفسها انها الطرف الاضعف في الطريق
يعني ايه؟
لو لا قدر الله حصل معاها حادث وكان الطرف الاخر رجل وبالرغم انها ممكن تكون مش غلطانه ... تعرفوا ايه اللي هايحصل؟؟؟
طبعا عشان الاخ الراجل يبين انه مش غلطان هايدخل فيها شمال وباسلوب الصوت المرتفع (خدوهم بالصوت...)هايسب ويلعن كل
واحد كان له دخل في حصول هذه السيده على رخصه القياده وسوف يلعن اليوم اللي الستات اللي قرروا فيه ياخدوا رخصه قياده وطبعا هايعمل عليها راجل ويهلل ويفرد عضلاته ( بالرغم ان ممكن تكون المدام في البيت ممشياه على العجين....).وده غير طبعا ان كل الناس اللي معديه في الشارع هايلوموا السيده صاحبه السياره ومافيش حد هايقف في صفها، وكل واحد بكلمه ،
(ايوه ياعم طبعا مش ست يبقى لازم تعمل حادثه.....ايه اللي منزلك من البيت......مالك ومال السواقه.....مايجيش من وراكوا غير المصايب.... الخ) وطبعا كل واحد بيعوض اللي بيحصله في البيت هههههه...داغير طبعا البهدله في اقسام الشرطه اذا قرر المدعي اللجوء الى المحاضر وغيرها، وشوفوا انتوا بقى لما توصل لاقسام الشرطه!!!!!!!
فطبعا المراه بتحب دايما انها تنأى بنفسها عن كل هذه المهاترات فبتمشي على قدها وبتحسبها كويس..
الكلام ده شوفته بعيني ، واضطريت اتدخل انا واصحابي لصالح السيده لانها كانت مش غلطانه....ماعلينا
المهم واللي انا عايز اوصله ان مهما كانت السيده على درجه احترافيه في القياده فهي حريصه متانيه واعيه .. ولو راجعنا الاحصائيات هنلاقي ان المراه اقل بمراحل كثيره من الرجل في ارتكاب الحوادث واذا كانت هناك حوادث فهيا حوادث تكون خارجه عن الاراده....غير حوادث الرجل ، سرعه ، تهور، مخدرات،سباقات، .......الخ.
دي اهم الاسباب اللي بتخلي الناس تفتكر ان الستات مابيعرفوش يسوقوا،
عرفين لو فيه قوانين بجد بتنظم المرور عندنا وان كل واحد يلتزم باللي ليه واللي عليه وبقوانين المرور ،،، والله والله والله محدش فينا هايعرف ان اللي قدامه ده ست ولا راجل ....
في النهايه كل اللي بطلبه من حضراتكم سواء سيدات اورجال وخاصه الرجال (رفقا بالقوارير...)واذا اي حد شاف واحده بتسوق سيبها براحتها انت متعرفش ظروفها ايه ، واظن ان المحترف واللي واثق من نفسه والمحترم وابن الناس ،دايما متسامح وبيحترم الناس وبيقدر الظروف وده طبعا المفروض اللي يكون عليه كل الناس،
نسيب فرصه لبعض ، ونفسح الطريق لبعض ونساعد بعض ومانجيش على بعض ، واظن ان اي واحد هايعمل موقف مش كويس مع اي سيده لازم يتذكر امه واخته وبنته وزوجته وان ممكن يترد له نفس الموقف سواء بالخير او بالشر في اقرب الناس ليه....
[SIZE=5][COLOR=darkred]
بجد انت قلت اللى أى ست فى الدنيا نفسها تقوله لأى راجل بينتقد سواقتها أو سواقة أى ست تانية الواحد مش عارف يقولك إيه ربنا يحبب فيك خلقه كمان وكمان:vctry:
موضوع مفيد جدا
انت ليه مش حاطط رسمة زى المرة اللى فاتت
الاسعاف ليه اولوية
يعنى انا اشوف المكان اللى واقف واروح عليه علشان اعديه
او اروح ناحية الرصيف اوى
والاحسن ان انا وانا متجه للناحية اللى رايحها
ادى اشارة
لاى عربية اخرى هتكون مفيدة
للاسعاف هتبين اتجاهك ولو الاتجاه بتاعك مش متناسب معاه ممكن يقولك فى المايك لو معاه خد اى اتجاه
بما إن الحمدلله اللنور رجع للموضوع بحضوركم إنتم الثلاثه (أستاذ حسين وأستاذ محمد وأستاذ سعد ) يبقى نبتدى نسأل أسئلتنا
عندى سؤال ماحدش يهزأنى عليه هو يمكن يكون تافه بس حاولت ألاقيله إجابه مع نفسى ومش لاقيه وهو
يعنى إيه أتوقع خطأ الآخرين ؟؟؟!!!!!:whtauwant:
طبعا أنا فاهمه يعنى إيه بس بالنسبه لمبتدأه زي حالاتى إزاى أتوقع خطأغيرى وأنا أساسا لسه ما أعرفش كل الأخطاء ولاحتى متمكنه من توقع أخطائى واللى هيحصل لى كمان ثانيه ؟؟
:mahf(5):أنا عارفه إنى لازم أكون متخيله إن واحد غيرى مابيعرفش يسوق أو بيسوق بس هيزود السرعه أو هيكسر على بس إذا كنت أنا لسه مش متحكمه فى العربيه زى السواقين المحترفين يعنى المفروض الكلمه دى تتقال للى متعلم سواقه ياخد باله من اللى قدامه ومن أخطاؤه الغير متوقعه لأنه غشيم صح كده ولاأنا مش فاهمه العباره؟:36_1_1[1]:
الاول
طلب منكم جميعا
نفسى حد يقولى يا احمد مش سعد
تانى حاجة
مش هشارك معاكم تانى
لانى قلت ان انا مسافر البلد النهاردة
وجيت تعبان جدا
وكان معايا والدتى
وطبعا اتغديت غدا اى كلام
وملاقيش حد فيكم بعت لى كام اكلة حلوة مع ان الموضوع اتملى بنات وسيدات
ولا ايه النظام فى الاكل عندكم
المهم
فيه كلمة قالها زميلنا محمد ممدوح مرة
اتخيل شكل الطريق بعد 3 ثوانى من دلوقت
يعنى ايه
يعنى اشوف رد فعل كل سواق وكل عربية هيعمل ايه
مثلا الموقف كالاتى
سواق عايز يطلع من ميكروباص قدامه
تحليلى
يبقى ده
هيكسر عليا
وانا داخل يمين
يبقى استنى
واعدى من وراه
وما دمت هستنى يبقى افرمل بدرى
توقع خطء الاخرين شبيه بكدة
يعنى عارفه ان مثلا
اول كوبرى
وفيه ناس واقفة هتركب
توقعى
تلاقى سواق ميكرباص طالع من اى حتة
داخلى على يوتيرن مشهور
وانت فى اقصى الشمال
يبقى ممكن حد من يمينك تلاقيه نط قدامك
هققوم مدى اشارة يمين حتى لو مش هكسر يمين علشان يعرفوا ان مش هلف
ابص فى مرايتى واخد بالى من اشارات اللى قدامى
ياسلام ياسيدى دا إنت تؤمر نبعت لك الغدا لحد عندك بس الوالده ماتعيبش عليه لأن أكلها أكيد أحلى بس لى طلبين
1- ماتحرمناش من مشاركاتك القيمه
2- ماتطلبش منى أعملكم محشى كرنب لأنى مابعرفش أعمله
انا مش بحب محشى الكرنب اصلا
لو ورق عنب وفلفل ماشى
عموما أنا بعمل كده والحمدلله كذا مره ألاقى عربيه جاءت فجأه ياإما من ملف أو طريق 2ways ألاقيه جاى فى وشى من الناحيه اليمين بالحق نفسى على طول ياإما بفرامل ودبرياج وتسقيط غيار فى الحاله الأول أما فى الحاله التانيه بلم العربيه الناحيه التانيه ولما يعدى برجع تانى بس الحمدلله ماكانش فيه عربيات فى الشارع ورايا بس أنا عايزه أهدى شويه السرعه مش فيه حركه إسمها سواقة العجوز اللى هى بالراحه خالص بس بالبنزين عادى ولا هى دى تحريك العربيه بالدبرياج ؟ يعنى أنا بمشى حلو أوى دلوقت بالدبرياج لوحده (السلانسيه)وببطء واستقرار للعربيه
اولا
لو حد كسر عليكى
ماتلهاش غير 3 حلول
كلاكس غبى رخم : ده بينفع مع واحد بتاع ميكروباص طالع من اليمين مثلا او بيفاداى حد على اليمين يعنى بينفع لو اللى بيكسر سرعته بطيئة وهيلم نفسه تانى
التانى
انتى كمان تكسرى
مش حلو انك اما حد يمسر عليكى تكسرى انتى كمان
الاحسن تهدى
لان لو هتكسرى تكونى متأكدة من ان مفيش حد جنبك او جاى بسرعة
وده ساعات الواحد مش بيعمله فى ظروف الكسر عليه لو مع سرعة
وومكن هوة اللى يتخبط
الثالث
تفرملى
وده الاحسن ويستحسن طبعا معاه فرامل
سواقة العجوز اعتقد معناها المشى على الاول
انتى عايزة تعملى ايه
تمشى فى الشارع بالراحة ولا تتمرنى
لو بتتمرنى
اعملى كدة الاول فى اماكن فاضية
وممكن نشوف مكان كويس للموضوع ده
لو هتشمى فى الشارع وسط العربيات يبقى على الاقل تمشى على التانى
وده يتعمل بعد مام اتمرننا كويس
بس انا اعرف انك بتمشى عادى فى الشارع وكان معاكى اوتو قبل كدة