انا متابعاكو من زمان بس بصراحة مش بالحق اقرا الموضوع كله لأنه ماشاء الله طويل اهلا وسهلا بحضرتك
معلهش حاولى تقرأى على مهلك كل حاجة ... وإن شاء الله سوف تجدى الكثير من الإجابات على كل التساؤلات التى تدور فى رأسك وجميع المشاكل التى تواجهك
انا جايبة العربية بقالي 9 شهور
الف مبروك ... ربنا يعطيكى خيرها ويكفيكى شرها
بس للأسف جوزي مكانش راضي يخليني اسوق عشان احوال البلد والبلطجة والتثبيت والكلام دة خاصة اني مش متمكنة ومعنديش سرعة رد فعل ومكنتش باتحرك بيها الا حوالين البيت
ده كلام سليم خصوصا اليومين دول
حاليا بدأت دروس جادة مع متخصص الحمدلله اتحسنت كتير تمام ... كده تمام قوى
بس اول مرة سقت عالدائري شفت حادثتين بشعين خفت واتخنقت وحسيت اني اتسرعت اني جبت عربية وسقت وقعدت اهدي في نفسي عشان ما اتوترش معلهش ... هو فعلا الواحد لما بيشوف مشاهد سيئة ... اعصابه بتتأثر ... لكن مع الوقت والحرص اثناء القيادة بشكل علمى .. كل يوم هاتشعرى بتحسن إن شاء الله
تقريبا الراجل مشاني في حتت كتير اوي بس لسة فاضل لي الركنة تواجهك موضوع الركن مكتوب فى المشاركات السابقة اكثر من مرة ... وعلى العموم هالخص موضوع الركن مرة تانية:
1- قفى بسيارتك موازية للسيارة الاولى ... على مسافة حوالى نصف متر
2- اكسرى الدركسيون بالكامل ناحية الرصيف
3- ارجعى بالسيارة للخلف
4- الخطوة دى مهمة قوى ... وهى ان اول ما السيارة تلف وظهرها ناحية الرصيف ... على طول تعدلى الدركسيون عكس الرصيف .... لكن فى نفس الوقت انظرى على كبوت سيارتك ... انظرى على مقدمة السيارة واحترسى انها ما تخبطش السيارة الاولى ... واول ما اكصدام سيارتك الامامى يتخطى السيارة الاولى ... على طول اكسرى الدركسيون بالكامل عكس الرصيف
5- هاتلاقى العربية ركنت عشرة على عشرة ... ممكن تحتاجى التحرك الى الامام ناحية الرصيف شوية
انا قلبي جمد حبة حبة بس لسة مش باعرف اقدر المسافة بيني وبين العربية اللي جنبي او اللي بتقرب مني وباحس انها هتخبطني رغم ان بيبقى في مسافة كفاية
الشعور ده طبيعى جدا ... ولحد وقت قريب جدا كلنا نشعر ان المسافة ضيقة بينا وبين السيارات الأخرى ... مع الوقت هاتشعرى بأبعاد العربية كويس جدا ... وهاتشعرى امتى ندخل بالسيارة او نتوقف ... لكن الطبيعى انى اتوقف افضل من انى ادخل فى مكان انا حاسس انه ضيق واعمل فيه مشاكل ... اهم حاجة الالتزام بالحارة التى اسير فيها .... لازم اسير فى منتصفها بالضبط وليس على الخط الفاصل بين الحارات
المشكلة في الناس اللي حواليا مفيش عندهم صبر ولا حد بيستني عشان ماشية على مهلي وممكن يوتروني والعربية بتطفي مني هيا ليه الناس معندهاش صبر الناس ماعندهاش صبر ... ولازم يفتكروا انهم كانوا فى يوم من الايام بيتعلموا وكانوا حالتهم اسوء من كده بكثير ... والمفروض لو الواحد شعر ان اللى امامه جديد فى موضوع السواقة ... الصح انه يتركه فى حالة عشان ما يتربكش ويخبط اكثر فى اللى حواليه ... على العموم ... مع الوقت موش هاتهتمى الا بنفسك ... وركزى فى الطريق خصوصا امامك ... اوعى تنظرى فى المراية وتنسى تنظرى امامك ... او تركزى مع كلاكس زيادة عن اللزوم ... او تفتكرى ان كل كلاكس بينضرب عشانك ... ممكن الكلاكسات تكون لسيارات اخرى ... وموش لازم تكون بسبب انك اخطأت فى القيادة ... ممكن اللى بيضرب الكلاكس هو اصلا انسان مزعج وقليل الادب ... لا تهتمى ... مع الوقت سوف تتفوقى عليهم كلهم ... وهاتلاقى ناس كثير حالتها محتاجة مساعدة ... بس انتى حاولى تعامليهم بشكل لطيف هههههههههههههه وافتكرى الايام دى
ادعولي ربا يثبتني و يقوي قلبي شويتين
احب اطمنك ان كل شىء هايكون تمام التمام ... انت محتاجة الوقت والصبر فقط لا غير ... اقرأى كثير ... وامشى كثير .. وكل شىء هايكون تمام ... كلنا كنا كده فى الأول ... وربنا ييسر لك الاحوال ويسترها معاكى
ولو فيه اى تساؤل احنا تحت امرك فى اى وقت
ارجوا ان اكون وفقت
مع اطيب التمنيات
اخوكم حسين غزالة