اهلا وسهلا بحضرتك
السلام عليكم ورحمة الله وبركاته
اليوم قررت انى اكتب عن موقف حصل معايا
وحبيت انى اشرح لكم الموقف ده لانه الى حد ما خطير بعض الشىء
ندخل فى الموضوع
من المعروف انك بمجرد ما تقترب من المنزل
تشعر بالإطمئنان
ونتيجة هذا الإطمئنان والهدوء ... يقل تركيزك فى القيادة نتيجة الثقة الزيادة عن اللزوم
وعدم اتباع القواعد اللى انت اتعلمتها
الموقف اللى حصل كالتالى
اقتربت من المنزل
الشارع هادىء الى حد كبير
يوجد مطب صناعى
اثناء المرور من على المطب الصناعى
والدخول فى الشارع الجانبى
يظهر مرة واحدة فيسبا من الناحية اليمين
طبعا انا اتجه بالسيارة ناحية اليمين
وسائق الفيسبا داخل على المطب الصناعى هو كمان بهدوء ومن الناحية اليمين
لدرجة انى لم اسمعه اطلاقا
لولا قدر الله
كان ممكن اخبطه اثناء دخول السيارة ناحية اليمين
طبعا انا غلطتى تتلخص فى التالى:
اولا: لم انظر فى المرايا ... لانى بجوار المنزل والشارع هادىء وشمالى فاضى تماما واثناء دخولى ناحية اليمين لم تكن هذه الفيسبا موجودة اصلا
ثانيا: انى لم استخدم الإشارة اليمين
طبعا سائق الفيسبا غلطان هو كمان
لانه لم يتوقع انى ادخل ناحية اليمين
وكمان لازم يمر من على شمال موش من على يمينى
وكان لازم يضرب لى كلاكس قبل الدخول سواء من اليمين او من الشمال عشان انتبه له واعمل له حساب
طبعا هو هدىء من سرعته عشان يعدى المطب هههههههههههههه ونتيجة كده انى ماسمعتش صوت الفيسبا من اصله
المهم ربنا يسترها مع الجميع
لازم كلنا نراعى اصول القيادة دائما وفى كل وقت
لازم نكون مركزين دائما
لازم تتوقع اخطاء الآخرين
لازم لا تثق فى نفسك زيادة عن اللزوم
وشغل عينيك ... المرايات ... حاسة السمع
وربنا يسترها مع الجميع
مع اطيب التمنيات
اخوكم حسين غزالة