بجد يا جماعه اشكر كل شخص اضاف رد او رأى فى الموضوع ده و طبعا طبعا جزيل الشكر للاستاذ صاحب الموضوع

و انا استفدت اوى من معلومه ان ندوس فرامل الاول و بعدين ديبرياج و استفدت جدا من معلومه انى ادوس دبرياج فى الملفات و التقاطعات

لان الموضوع ده جه فى وقته .. انا باتعلم السواقه اليومين دول و محتاجه كل النصايح دى
بس انا عايزه اقول حاجه ... انا اخدت تلات حصص (تلات ساعات) لكن لسه جوايه رهبه صحيح قلت عن الاول .. بس مش باعرف اتصرف بسرعه فى المواقف .. الشخص اللى بيعلمنى بيقوللى ان فيه ناس بتوصل معاه للحصه الرابعه بتبقى متعلمه كويس اوى و مش محتاجين يكملوا الحصص
هو انا كده ابقى فاشله و الا ايه .. انا حسيت بالاحباط بجد النهارده .. لانى حاسه ان المعلومات فى بالى بس مش باعرف اطبق بسرعه .. و حاسه ان الراجل بدأ يزهق منى .. تفتكروا فيه امل منى
و عايزه حد يحكيلى عن اول مره طلع فيها على الشارع و هو بيتعلم حصل معاه ايه ؟؟ و كمان عايزه اعرف حضراتكم اخدتوا وقت اد ايه على بال ما بقيتوا فعلا بتعرفوا تسوقوا من غير كوارث و لا مواقف محرجه

معلش انا عارفه انه كده هاخرج عن الموضوع بس محتاجه تشجيع و الله لاحسن انا اكتأبت جدا النهارده