نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

**aboharf** · 28-03-2010 12:28 AM

بسم الله الرحمن الرحيم

السلام عليكم ورحمه الله وبركاته
الى كل اعضاء المنتدى الكرام وبخاصه استاذ حسين ابوغزاله المحترم لكم كل تحياتي
واحتراماتي وارجوا منكم السماح لغيابي الطويل جدا عنكم ،والله غصب عني بقالي فتره طويله مش قادر حتى افتح فيه الايميل بتاعي.
مش هاطول عليكم بس حبيت اقولكم اني هارجع لكم قريبا بس ادعولي اخلص الدورات اللي انا فيها وقريبا جدا هكون معاكم .
يومين وهاكون معاكم واي سؤال خلال اليومين دول اسالوه وانا تحت امركم جميعا
اخيرا سامحوني وربنا يوفقكم جميعا ولكم ارق تحياتي

**husseinoo** · 28-03-2010 12:36 PM

المشاركة الأصلية كتبت بواسطة aboharf

بسم الله الرحمن الرحيم

السلام عليكم ورحمه الله وبركاته
الى كل اعضاء المنتدى الكرام وبخاصه استاذ حسين ابوغزاله المحترم لكم كل تحياتي
واحتراماتي وارجوا منكم السماح لغيابي الطويل جدا عنكم ،والله غصب عني بقالي فتره طويله مش قادر حتى افتح فيه الايميل بتاعي.
مش هاطول عليكم بس حبيت اقولكم اني هارجع لكم قريبا بس ادعولي اخلص الدورات اللي انا فيها وقريبا جدا هكون معاكم .
يومين وهاكون معاكم واي سؤال خلال اليومين دول اسالوه وانا تحت امركم جميعا
اخيرا سامحوني وربنا يوفقكم جميعا ولكم ارق تحياتي:y_hi_3[1]:

استاذ محمد ... الف مليون سلامة على حضرتك
والحمد لله اننا سمعنا اخبار كويسة عنك
وربنا يوفق حضرتك إن شاء الله فى عملك وتنجز الدورات بنجاح إن شاء الله
وهو ده المهم

فى انتظار التواصل مع حضرتك

مع اطيب التمنيات
اخوكم حسين غزالة

**husseinoo** · 31-03-2010 01:56 PM

اللهم صل على محمد وعلى آله وصحبه أجمعين

بالأمس حصل حاجة غريبة ... موش غريبة قوى
المهم افتح الباب ... الاقى اكرة الباب ما بتفتحش

المهم

فكيت الاكرة وطلعت مكسورة

تروح لمحل المفاتيح والابواب ... موش عايز يتعب نفسه
يقول لك : روح هات اكرة جديدة

اروح لواحد تانى
يقول لك : اركب لك لها حتة الومنيوم وتعالى بعد ساعتين

اروح لواحد ثالث
يقول لى: روح صب عليها اكرة الومنيوم "فكرة كويسة "

وفى منهم يقول لى: روح عزبة شلبى او الحرفيين

قلت ماشى
اروح عزبة شلبى واشوف الحكاية ايه هناك
طبعا كل اللى وجدته حاجات تشبه الاكرة بتاعتى تمام لكن مكان المسامير اطول حاجة بسيطة
وكان صاحبها طلب 70 جنيه كمان وموش عايز ينزل قرش

واحد تانى نفس الحكاية عايز 50 جنيه
والاكرتين موش زى بعض
وراح يسأل سمكرى بجواره
السمكرى كان عنده ضمير قال له: لآ الاكرتين موش زى بعض فى واحدة اكبر شوية

طبعا صاحبنا كان هايجنن
عايز يمسك فلوس وخلاص
ويقول لك: لو الاكرة ماركبتش هاتها لى

طبعا ده كلام وعمرك ما هتاخد منه قرش

بعد اللف والدوران كثيير
قابلنا شاب شغال فى السيارات الفولفو
قال لنا: ريحوا نفسيكوا كل اللى شغال فى عزبة شلبى عالم تعبانة
احسن لكم تروحوا الوكالة هاتلاقوا اللى انتم عايزينه

روحنا الوكالة
طبعا المواصلات كانت زحمة جدا طوال اليوم سواء واحنا راحين عزبة شلى او الحرفيين او الوكالة

المهم الدنيا اظلمت علينا
وسبحان الله بعد خمس دقائق بالضبط وجدت محل شغال فى اليابانى
وطلع الاكرة هى هى بالضبط لكن كانت تركب على الباب اليمين
وانا عايز اكرة لباب السواق
قال لى: هاروح المخزن افكها من الباب واجيلك حالا
عايز كام يا عم
قال لى : عايز 100 جنيه
من هنا لهنا
قال لى: خلاص 80 جنيه ده آخر كلام

ههههههههههههههه
راح غطس شوية
وجه بالاكرة
هههههههههههههههههه
لكن طلعت بتاعت الباب اليمين

قال لى: معلهش الدنيا ظلمة جوه المخزن
بكره الصبح اجيبها لكم إن شاء الله

قلت له: ماشى ... هو النصيب كده

المهم بعد اللف بالليل وتقريبا معظم المحلات قافلة
واحد سألنا انتم عايزين ايه
وراح ينادى على واحد صاحبه
وصاحبه نزل فتح المحل بتاعه
وفى ثوانى طلع اكره اختها تماما
كام يا عم عايز كام
من هنا لهنا
وافق ياخد 50 جنيه فى الاكرة
سبحان الله

الخلاصة
الوكالة يا جماعة هى الاصل فى كل حاجة
وتلاقى هناك محلات كثيير قوى
وكلهم ناس فاهمة
وعارفين ايه اللى انت عايزه
ما اعرفش الحرفيين شكلها ايه وشغاله فى ايه

لكن اللى عرفته ان الوكاله هما الاصل وهما موش دخلاء على المهنة

على فكرة سألت الراجل بتاع اليابانى على اسبراتير الكترونى
قال لى: موجود وثمنه 400 جنيه وتحتاج تشترى كمان موبينه الكترونى
طبعا السعر غالى قوى

سألته كمان: على كونتاكت
قال لى: موجود من غير المفتاح ثمنه 100 جنيه ... والكونتاكت مع المفتاح ثمنه 170 جنيه ده طبعا كلامه الاولانى من غير فيصال ومن غير ما اسأل فى اى محل ثانى

ملحوظة:
اعتقد لو صاحب العربية كان شكله "بيه" شوية هههههههههههههههه
الاحسن ما يروحش بنفسه عشان الطماعين كثيير

دى كانت جوله سريعة كده مع مطبات العربيات ومشاكلها الهايفة ورغم ذلك متعبة

فى انتظار التواصل
مع اطيب التمنيات
اخوكم حسين غزالة

**husseinoo** · 01-04-2010 03:26 AM

المشاركة الأصلية كتبت بواسطة aboharf

بسم الله الرحمن الرحيم

السلام عليكك ورحمه الله وبركاته
اصدقائي الاعزاء شكرا لكل مشاركتكم الجميله واخص بالشكر الاستاذ حسين واشكره جدا على سؤاله واحب اقوله ان انا خلصت
الدورات وجاهز اتابع مع حضرتك كل المواضيع المتعلقه بقياده السيارات ...
بس اعذروني انا لاحظت النهارده وانا بقرأ موضوعاتكم الكريمه ان فيه بعض الاخطاء اللي وقع فيها بعض اصدقاء المنتدى وبعضها للاسف اخطاء ممكن تؤدي الى حوادث ،،، طبعا انا مش بقلل من مشاركاتكم لاقدر الله وطبعا انا عارف ان حضراتكم كلكم نيتكم خير ونيتكم الخدمه لوجه الله ،،،
وباذن الله هاتكلم في الحاجات دي بالتفصيل ان شاء الله بكره
- بالنسبه للاستاذ حسين احب اقولك ماتزعلش على الاكره هههه بالعكس انت كده حضرتك هاتاخد خبره جامده في العربيات ،، هو صحيح الموضوع في مرمطه شويه بس احسن ماينضحك علينا ...والف مبروك الاكره الجديده :::وان شاء الله موعدنا غدا
والف الف شكر

الف مبروك ...
والف مليون سلامة

وفى انتظار مشاركاتك القيمة بكل شغف

مع اطيب التمنيات
اخوكم حسين غزالة

**husseinoo** · 01-04-2010 03:30 AM

المشاركة الأصلية كتبت بواسطة taotao

موضوع متميز واستفدت منه كتير وقريت ال 73 مشاركة كلهم، جزا الله كل من شارك في هذا الموضوع كل خير وكل شكر للأستاذ حسين صاحب الموضوع الذي أرشحه بقوة للتثبيت.

الله يكرمك ويسعدك دنيا وآخرة

الحكاية كلها
ان فيه ناس كثيير زى حالاتى ... شارين سيارات زيرو او مستعمله
ومافيش عندهم خبرة
ولما الواحد يكتب اللى بيحصل لعربيته
ممكن يتقابل مع ناس مستواها عالى وعندها خبرة جامدة
ونستفيد كلنا مع بعض لوجه الله تعالى

وربنا ييسر الاحوال للجميع

وشاكر افضالك

مع اطيب التمنيات
اخوكم حسين غزالة

**TaoTao** · 01-04-2010 08:24 PM

المشاركة الأصلية كتبت بواسطة husseinoo

الله يكرمك ويسعدك دنيا وآخرة

الحكاية كلها
ان فيه ناس كثيير زى حالاتى ... شارين سيارات زيرو او مستعمله
ومافيش عندهم خبرة
ولما الواحد يكتب اللى بيحصل لعربيته
ممكن يتقابل مع ناس مستواها عالى وعندها خبرة جامدة
ونستفيد كلنا مع بعض لوجه الله تعالى

وربنا ييسر الاحوال للجميع

وشاكر افضالك

مع اطيب التمنيات
اخوكم حسين غزالة

يا ريس أنا واحد من الناس الكتير دول

ده كأنك كنت بتتكلم على لساني في كل حاجة واستفدت كتير من معلوماتك لأني كنت باحاول اصلح غلطاتي بنفسي من غير حد يرشدني (لأني اتعلمت السواقة زمان قبل ماجيب العربية) ع العموم عندي كلام كتير عن السواقة والطريق هاقوله بعد ما نخلص الدروس.

-

-

الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

LinkBack

أدوات الموضوع

عرض

-

-

-

-

-

المواضيع المتشابهه

الى احلى اعضاء تعالو نقعد مع بعض شوية ....(موضوع جديد)..

يوميات سائق جديد ؟!

ارجو النصيحة لوجه الله انا لسه متعلم السواقة جديد اشترى مستعمل ولا جديد؟

استفسار من سائق جديد فى الغيارات

جديد في السواقة؟ اجيب جديد ولا مستعمل

الكلمات الدلالية لهذا الموضوع

المفضلات

المفضلات

ضوابط المشاركة