الموضوع: تجربتى مع الاوبترا

انا ؟ هاها

نكمل الموضوع

ما تم تغيرة من خلال الضمان

اشياء تم تغيرها علشان خاطر جهاز حماية المستهلك
علبة فيوزات امامية كاملة (بيقولوا عليها الكمبيوتر )
علبة دركسيون كاملة
دورة البنزين بالكامل من التانك الى اخر الدورة
كارت البنزين

اشياء غيرها الوكيل بدون مشاكل
خزان المياة الموصل للرديرتار (بس المياة على حسابى)
خرطوم التكيف
خرطوم التكيف لية حكاية لما حسيت ان التكيف بيدى هواء سخن كنت فى المهندسين و حبيت اطمن
فذهبت الى ورشة تكيف و بعد الكشف قال الخرطوم عايز يتغير و دة غالى لاكت ممكن اصلح العيب وبداء فى شرح التصليح هانقص من هنا و هانلحم من هنا و هانغير الجزء دة و نشحن فريون يبقى الحساب 450 جنية
و طبعا النتيجة انى حبيت اهرب منة فقلت لة معلش مش عامل حسابى هارجعلك بكرة
و رحت تانى يوم الى فرع التجمع الخامس و طبعا مستعد للحرب لانة اكيد هايقول دة برة الضمان كالعادة و نتخانق و نروح جهاز حماية المستهلك و طبعا كان الوقت فى صالحى لاننا كنا فى الشتاء و مش محتاج التكيف
لاكن حدث الى كان مش متوقع و لا كنت احلم بية هاها
اول ماكشفوا على العربية قالوا هايتغير على حساب الضمان
و الاغرب الى خلانى و اقف فى حالة زهول ان القطعة موجودة فى مخزن قطع الغيار و الاغرب شحنوا فريون على حساب الضمان و دة طبعا حلم بس اتحقق
انا مش بجامل فعلا صلاحولى القطعة عل حساب الضمان:10D5C8~1107:
العربية الان الحمد للة مفيهاش حاجة مضيقانى و حصلت على تعويض اة بسيط لاكن حصلت علية متهيئلى لازم اكون مبسوط و استريح و استمتع بالعربية بعد الى وصلتلة
لان العربية فعلا حلوة جدا و انا شايفها انها احسن عربية بهذا السعر و على فكرة بنصح بيها اى حد بيسئلنى على عربية فى متوسط هذا السعر

لاكن المشكلة فى الوكيل و طريقة تعاملة مع البشر ماعرفش الوضوع موضوع جهل و عدم فهم ولا استعباط لتقليل التكاليف و ربنا يوفق الجميع
ما ارجوة من الجميع هو
ماتسبش حقق و حارب علشانة علشان لو سبتة مش هيكون الضرر عليك وحدك لاكن على غيرك كمان لان الوكيل هايستهتر بغيرك علشان يزهق و يصلح برة
ارجو انى اكون خلال الفترة السابقة عملت حاجة صح وكنت ضيف خفيف
انا خلصت بس هافضل متابع الموضوع للمشاركات و الاسئلة
و لكم وافر التحية و الاحترام




تمت

شكرا يا حسام للمتابعة

المشاركة الأصلية كتبت بواسطة aif

الله يكون في عونك
ده انا تعبت من مجرد قراءة هذا الماراثون
حضرتك ما حاولتش تبعت للشركة الام ..... جنرال موتورز العالمية ... اعتقد ممكن يكون لهم دور ... خاصة ان السيارة منتجة في كوريا مش في مصر ....
الشركة العالمية ممكن تكون اكثر احتراما من الوكيل المحلي

متهيالي مثل ما قال الحاج/ احمد مخاطبه الشركه الام مهم ...مع الاعتبار انهم ممكن يردوك مره اخري الي منصور مصر علي اساس هم الوكيل ....ولكن هي محاوله
وما ضاع حق..........وراه مطالب

المشاركة الأصلية كتبت بواسطة hesham70

متهيالي مثل ما قال الحاج/ احمد مخاطبه الشركه الام مهم ...مع الاعتبار انهم ممكن يردوك مره اخري الي منصور مصر علي اساس هم الوكيل ....ولكن هي محاوله
وما ضاع حق..........وراه مطالب

شكرا لاهتمام
لاكن حصل فعلا و قابلنى مدير جينرال موتورز مصر فى فرع الهرم ووعدنى بحل المشكلة و اعطانى رقم تليفونة و فعلا اتصلت بية علشان ابلغة ان مافيش حاجة حصلت و وعدنى لثانى مرة بحل المشكلة
ولاكن بعد كدة تهرب من حل المشكلة و لم يرد على ثانى :b4_592:

شئ غريب فعلاً أن العربية دى فيها كل العيوب دى متجمعة بالشكل ده هقولك لأنى عندى 8 زملاء و أنا فى شركة واحدة معانا 9 عربيات أوبترا أقل واحدة فيهم مشيت حوالى 20000 كم و أعلى واحدة 80000 و مع هذا لم يحدث للتسع عربيات أى عيوب ضمان سوى واحدة فقط تلفت علبة الدركسيون بتاعتها بعد شهرين من شرائها و تم تغييرها بكل سلاسة فى فرع منصور أمام رابعة العدوية خلاف ذلك لا شئ