الموضوع: تجربتى مع الاوبترا

استعنا باللة
موضوع الضمان
انتوا طبعا عارفين ان ضمان الاوبترا هو 60000 او ثلاثة سنوات
مضبوط ؟؟؟؟؟؟؟؟؟
لاكن بمراجعة الضمان الخاص يسيارتى وجدت الاتى
الضمان 100000 او ثلاث سنوات
طبعا الشركة قالت ان دة خطاء وغير ملزم وان حدث استبدال بطريق غير مقصود و اعطائى كتيب ضمان افيو ولاكن الوبترا 60000 فقط
بمراجعة جهاز حماية المستهلك تم الحكم لى باحقيتى بالضمان 100000 حيث انى املك الضمان مختوم و علية بيانات العربية
فتم الاتفاق على التزامى بصسانات كل خمسة الاف و الا الضمان يسقط
و الموضوع دة مش فارق لانى فعلا بعمل الصيانة الدورية فى المركز
وقال لى الجهاز ان عربيتى العربية الوحيدة اوبترا الى ضانها 100000 فى مصر
واخر جزء فى المرحلة الاولى للموضوع هو تقيمى الشخصى للسيارة بعد كل ما حكيتة
تابعونى
يتبع........

اخر حاجة فى المرحلة الاولى للموضوع
تقيمى
انا اشتريت السيارة شهر اكتوبر 2007
يعنى العربية معايا سنتان و نصف (حوالى)
انا تقيمى للعربية انها هايلة وامكانيتها معقولة بالنسبة لسعرها
وحابب العربية جدا
ومش هافكر ابيعها فى الوقت الحالى
طبعا الكل مستغرب ازاى دة راءى بعد كل الى حكيتة بمنتهى الامانة
وطبعا هافهمكم
اول حاجة اية الحاجات الي اتغيرت فى العربية(المشاكل
علبة دركسيون
خبط بسبب التانك
الكهرباء
ولو الوكيل غير هذة الاجزاء بدون مماطلة زى اى وكيل محترم ماكنتش الامور وصات لكدة
يعنى من وجهة نظرى ان العيب فى التعامل من جهة الوكيل و ليس السيارة
الامور بسيطة بس ماعرفش لية الوكيل بيماطل فى التصليح
يمكن المستهلك هو السبب زى ما واحد من رجال الاعمال الكبار قال لى مرة انالمستهلك المصرى بيزهق بسرعة و مابيتبعش حقة يعنى يعمل مشكلة و يزعق و يقوم الدنيا و بعد كدة يزهق و لا يتابع
و بالتالى يقوم يصلح المشكلة علشان يخلص
فالشركات بتحاول تماطل ربما العميل يزهق و الموضوع يخلص سياسة حط المشكلة فى الدرج هاتحل نفسها لوحدها
فاحنا نقعد نهدد و نزعق و نعمل الى مايتعملش و بعد كدة ما نعملش حاجة ( و طبعا لكل قاعدة شوازها)
و للعلم
انا املك عربية خاصة من سنة 1990
سيات ثم 127ثم 128 ثم سافرت السعودية وكان معايا سزوكي ليانا ثم فورد فوكس ثم كامرى ثم لومينا امريكى
يعنى ركبت انواع كثيرة من السيارات من اضعف عربية الى عربيات كبيرة ما كنتش احلم اركبها
و دة خلانى احس بالعربية قوى و بصراحة انا حمبلى مع العربية و مبستناش على اى حاجة فيها الا البودى الخارجىانسوا
ويجى موضوع البلاك دة الى نقدر نقول علية حظ
كدة خلصت المرحلة الاولى زى ما وعدت و فى انتظار تعليق الاخوة و الاخوات
يتبقى المرحلة الثانية وهى الصيانات الى مررت بيها و اسعارها و اسعار قطع الغيار التى اشتريته و اية الاعمال التى تمت فى كل صيانة و من دة هانعرف العمر الافتراضى لاغلب القطع
وطبعا اشكر كل المتابعين و ارجو انى اكون ضيف خفيف عليكم
تنصحونى اكمل فى نفس الموضوع دة و الا اعمل موضوع جديد مثلا نسمية صيانة اوبترا من 1 ال 65000
فى انتظار الردود

شكرا لكل من اهتم بالموضوع و شكرا للردود
ان شاء اللة هاكمل الموضوع هنا حسب نصيحة الاخ Hosam_Optrawy
وهبدء فى كتابتة ان شاء اللة يوم السبت (بكرة )
فارجو المتابعة و الرد
شكرا

المشاركة الأصلية كتبت بواسطة GMakram

????????????????

مش فاهم؟

اهلا بالجميع
دعونا نبدء الجزء الثانى
سوف اقول بعض المعلومات قبل ان ابدء بالصيانات
العربة لا تحتاج صيانة فى 1000 ولاكن اول صيانة 5000
صيانة 5000 الاولى صيانة مجانية بمعنى ان المصنعيات مجانية ولاكن سوف تدفع ثمن الزيوت
الصيانة الدورية كل 5000 تشمل الاتى :
تنظيف تيل الفرامل بالهواء و تغيرة اذا كان يحتاج
تربيط عفشة العربية
غسيل الماتور اذا كان معك فوم غسيل الماتور
الكشف على اجزاء السيارة للتاكد ان كل شىء يعمل بصورة صحيحية
غيار الزيت اذا كان هذا موعد الغيار
حل اى شكوى يشتكى منها العميل
و الصيانات نوعان
1- صيانة 5000(5000-10000-20000-25000 الخ)
2-صيانة 15000(15000-30000-45000 الخ)
لا اعرف الفرق لاكن قيمة مصناعية الصيانة تختلف فلم الاحظ حاجة مختلفة يقوم بها الفنى
الاجزاء المستهلكة مثل التيل و الزيت و فلتر الزيت و فلتر الهواء و فلتر الماتور الخ سوف تدفع ثمنة فهى اجزاء مستهلكة خارج الضمان
يوجد عرض من منصور للاسف غير معلن و اكتشفتة بالصدفة وهو اذا عملت اربع صيانات متتابعة كل 5000 كيلو فى نفس الفرع الخاص بمنصور تكون المصناعيات الاساسية مجانية فى الصيانة الخامسة ولكن هذا لصيانات ال25000و 50000 و 75000 و 10000 و الخ
وان يكون قبلها اربع صيانات فى نفس الفرع يعنى لو عملت صيانة 10000 و 15000 و 20000 و 25000 ماينفعش تاخد 30000 مجانا يجب ان تنتظر ال 50000 و تعمل صيانات 35000 و 40000 و 45000

انصح الجميع بعمل الصيانات رغم التكلفة لان هذا يحافظ على الضمان من وجهه و الاهم الحفاظ على السيارة عن طريق اكتشاف العيوب فى اقصر وقت (راى شخصى)
اذا لم تعمل الصيانة الدورية كل 5000 لا يحق لك المطالبة بالضمان و الشركة فى الغالب ترفض الضمان حتى لو كان العيب ليس لة علاقة بالصيانة الدورية مثل خراطيم التكيف
يتبع

قبل ان ابدء لزم التنوية عن كل الاسعار التي سوف اذكرها هى الاسعار فى حينها واكيد قابلة لللارتفاع او الهبوط فى السعر و هى من واقع الفواتيير الاسعار غير شاملة الضريبة يعنى حط 10% على اى سعر

صيانة 5000
فلتر زيت 14.00
مزيل صداء 14.00
خامات مستعملة 4.02
زيت موبل xhp (كل 5000) 85.36
الجمالى بعد الضريبة 120.22


صيانة 10000
رسوم صيانة كل 5000 126.00
فلتر زيت 12.73
تيل فرامل امامى 226.36
زيت موبل 1 (كل 10000) تم شراءة من البنزينة وطبعا مش فاكر سعرة
الاجمالى شامل الضريبة بدون سعر الزيت 423.91
يتبع