تجربتى مع الاوبترا

**aymanmaly** · 07-03-2010 02:00 PM

المشاركة الأصلية كتبت بواسطة afrtow

سؤال انت تفريبا بتستهلك تيل امامي و خلفي كل 20000 كم وكل مره 260 جنيه طيب الامامي ده معدله لاكن الخلفي بيتغير بسرعه كده ليه حاجه تنيه حالاه الطنابير عند حضرتك اخبارها ايه بعد 70000 كم وهل محتجتش تغيرها ولا توديها للخراط

بص ياسيدى اولا انا عربية a/t تيل امامى كل 10000ودة معدل طبيعى
بس لسة ماحسبتش الخلفى (ماهتمتش احسبة ) بس هاحسبة
الطنابير كانت المفروض تتغير فى 60000 او تروح خراط هى حالتها معقولة بس اجلت قرار تغيرها لحين تجربة تيل نوع ريمسا و التاكد من انة كويس علشان لو وحش يبقى الطنابير كدة كدة هاتتغير وان شاء اللة ناوى اغيرها فى 70000
اصل العربية لسة 66000

**abou-yahia** · 07-03-2010 02:21 PM

طيب مهو لو الطنابير سيئه كده حتروح مبوظه التيل الجديد وموش حتعرف تقيم كويس

**aymanmaly** · 07-03-2010 02:38 PM

المشاركة الأصلية كتبت بواسطة afrtow

طيب مهو لو الطنابير سيئه كده حتروح مبوظه التيل الجديد وموش حتعرف تقيم كويس

كلام مضبوط بس زى ما قلت لك الطنابير مش سيئة اوى دة اولا ثانيا علشان تعرف التيل كويس و لا لا لازم يشتغل على العربية يعنى ماينفعش تشوف التيل و هو جديد وتقول علية حلو ولا وحش والتيل الكويس تكون نسبة برية (التاكل) مضبوط يعنى مع استعمالة التيل الى بيتاكل مش بياكل من الطنابير
ودى الطريقة الوحيدة الى اعرفها لتقيم التيل

**aymanmaly** · 07-03-2010 02:44 PM

المشاركة الأصلية كتبت بواسطة windsofchange

ريمسا كويس انا تقريبا مشيت عليه 5000ك وهولسه كويس

انا مركبة بقالى 6000 و لسة كاشف علية امبارح و الحمد للة نسبة التأكل جيدة و ادائة حتى الان جيد لاكن علشان اقيمة صح لازم اشوفة بعد ما يعمل 10000 وهو دة متوسط اهلاك التيل الامامى فى عربيتى لاكن الواضح حتى الان مابيكلش فى الطنابير و لاكن اللتقيم النهائى هيكون بع10000 من تركيبة

**dark_smoky** · 07-03-2010 02:56 PM

المشاركة الأصلية كتبت بواسطة aymanmaly

طبعا انا عملت صيانة فى الهرم و مارتحتش هناك لانك مابتشوفش العربية و الى بيقولوا اتغير غصب عنك بتصدق و دة ماريحنيش
بعد كدة رحت فرع الطيران كان مديرة مهندس محترم جدا اسمة شافعى ولما اتنقل حسيت ان الفرع اتغير للاسوء دة غير الزحمة

وبقالى حوالى خمس صيانات فى فرع التجمع مديرة شاب محترم جدا اسمة محمود و الحمد للة مرتاح هناك و الدنيا مش زحمة قوى زى الهرم او الطيران
الى ان يجد جديد

انا عامل بالاوبترا 1000 ك ، و محتار جدا اعمل الصيانة فين بتاعة ال5000 فهل تنصحني بفرع التجمع .. يعني هناك في امكانيات لو حبيت اكشف علي اي حاجه و لا امكانياته ضعيفة ولا ايه مع العلم ان التجمع الخامس مش بعيد عنني

**aymanmaly** · 07-03-2010 03:34 PM

هو امكانيات فرع التجمع معقولة بالنسب للصيانة الدورية على السيارة مكانيكا و تكيف و عفشة و دة كافى للصيانات العادية ويقدر يغير اجزاء فى الضمان و لو فية حاجة اكبر من امكانيات الفرع هايبعتك للهرم
و ارجو انك ما تحتجش الهرم بس لو احتجت فرع الهرم اسأل عن مهندس استقبال اسمة هانى عزيز الشاب دة محترم و اظن مهندس شافعى مدير فرع الطيران السابق موجود هناك دلوقتى بس انصحك فى الزيارات العادية خليك فى التجمع الخامس هو فى بنزينة شل نفسها و تقف مع عربيتك ودة فرع منصور مش مركز صيانة معتمد بس اتصل قبل احتياجك للصيانة باسبوع او عشر ايام علشان تلاقى ميعاد

**Hossam_Hassan** · 07-03-2010 03:37 PM

انا عملت صيانة ال 5000 فى التجمع و ده الموضوع

http://www.nilemotors.net/Nile/129585-5000.html

**aymanmaly** · 07-03-2010 03:45 PM

المشاركة الأصلية كتبت بواسطة hossam_hassan

انا عملت صيانة ال 5000 فى التجمع و ده الموضوع

http://www.nilemotors.net/nile/129585-5000.html

اللة ينور عليك موضوع كامل عن صيانة 5000 و الف مبرو ك العربية ربنا يوفقك وكل صيانة 5000 و انت طيب

**aymanmaly** · 08-03-2010 03:37 PM

عدنا (زي البرامج و الافلام)
هنبدء بالاشياء التى قمت بصيانتها خارج مركز الصيانة

1- تيل فرامل (حكيت سابقا لية انا غيرتة خارج المركز) الطنابير هاغيرها 70000 و شرحت سابقا
2- تانك المياة الى بتملى منة مياة الى الرديراتير ودة بسبب كان مساء و لقيت غليان مياة و بخار مياة خارج من الماتور و درجة الحرارة بناعة السيارة عادية يعنى مافيش حرارة طبعا خفت على السيارة و رحت مركز خدمة فى بنزينة و طنية بمدينة نصر و المركز دة يملكة مهندس شاب كان بيشتغل فى منصور وبعد الكشف و التاكد ان العيب مش من الغطاء طلب منى شراء تانك مياة جديد ورحت لموزع لقطع غيار منصور فى مدينة نصر واشتريت القطعة و كان ثمنها 120 جنية و اخذ تركيب وكشف بالكمبيوتر للتاكد ان كل شىء تمام وان الترموستات شغالة و الحمد للة كان كل شىء طبيعى 25 جنية
3- تغير فلتر تكيف ودة مش محتاج فنية فى تركيبة بس منصور لو فتح حتى لتنظيفة او تغيرة بياخذ 30 جنية وطبعا علشان الجو حلو فى مصر (هاها)بنظفة كثير لضمان جودة التكيف و ب 10 جنية
4- جنوط سبور ايطالى مش مضروب ب 1550 جنية الطقم
5- تغير 4 فرد كوتش بريجستون يابانى و دول اتغيروا على 55000 الفرد كانت معقولة بس بدائت تتخرم بسرعة فقلت احسن اغيرهم
كماليات
6-سينسور ركنة
7- مكن رفع زجاج
8- حبيت اغير الكاسيت بس لقيت احسن اجيب fm convertor و هيدى نفس النتيجة بدون زحمة cd s الخطة( تغير السماعات)
ودة كل الى عملتة خارج الضمان على تكلفتى سواء صيانة او كماليات
( دة الى فاكرة معلش الزهيمر لو افتكرت حاجة تانى هاكتبها )
كدة بافى الاجزاء التى تم تغيرها فى الضمان اغلبها مكتوب من خلال الموضوع لاكن هاجمعها و اكتب الى مش موجود
شكرا للمتابعة