عايزه نصيحتكم المخلصه - عشرين الف يجيبوا إإإإإإإإإإإإإإإإيه

**AMA** · 07-03-2010 05:02 AM

عندك اللادا تعملها من أول 17 ألف لحد 20 ألف دلوقتى
عندك الماروتى سيداتى جدا و هتبقى موديل حديث شوية
و مش عارف أقول أية بصراحه الأعضاء قالوا كل إلى عايز أقولة بس عمتا أبعدى عن الموديلات القديمه و العربيات إلى قطع غيارها مش منتشرة

بالنسبه للـ128 كل سنه و أنتى طيبه بقيت بـ9 ألاف لحـد 13 ألف لما تكون بتصوصو فى الشارع و بتتكلم أيطالى

**bayoumisoft** · 07-03-2010 07:53 AM

ماروتى ها تبقا كويسة

**sky11** · 07-03-2010 10:51 AM

بأشكركم على مساعدتكم ليه - أن شاء الله هأخد بالنصيحه .

وفعلا أنا شوفت عربيه 128 موديل 90 - ب 15 الف ومركونه وحالتها كانت هتخلى الدمعه تنزل من عينى - مع انى كنت هاخدها حسيت انها مش غاليه كده .
-يعنى الماروتى - الميرا كويسين - دول ينفع أسافر بيهم ؟؟
-والشاريد قطع غيارها صعب الآقيها بس هى قطع غيارها غاليه أوى يعنى بالمقارنه بقطع غيار 128 النسبه قد ايه ؟؟؟ .
- الللادا : اتعلمت عليها فى اول كورس سواقه حسيت انها ناشفه اوى عايزه رجاله تسوقها بس كانت
لادا مش ( لادا سماره ) .

-ياريت يكون فيه اونو ب عشرين الف .

بالنسبه لل 131 والمازدا - حاسه انهم عربيات كبيره قوى - ودى اول مره أسوق واخاف أخيش فى حاجه وانا ماشيه - اصل انا تخصص تخييش .

الف شكر لكل اللى رد عليه ربنا يبارك لكم ويجازيكم بكل خير

- وان شاء الله - أستمر فى مسيره البحث ويارب الآقى حاجه كويسه فى سوق العاشر ده وربنا يستر .

**MEDO84EG** · 07-03-2010 03:08 PM

السلام عليكم و رحمه الله و بركاته
ما دام اللي حضرتك عاوزة حاجه صغيره الحجم سعرها معقول قطع غيار متوفره و صيانه متوفره و ممكن يتسافر بيها
ارشح البيجو 205 موديل 90 بحوالي 18 الف لو حالتها رهيبه

**mangere90** · 07-03-2010 03:20 PM

السلام عليكم ورحمة الله وبركاته

[justify] [/justify][justify][/justify][justify][/justify]
[justify]

ممكن حضرتك تشوفي golf 2 والعربيه دي ممتازه جدا سفر وداخل البلد ثبات وقوه وكمان

الماني والألماني لا يعلي عليه وكمان قطع الغيار معمره ومش غاليه .............
ولو حضرتك مالقتيش في حدود 20000 الف جنيه ممكن تستني شويه لغاية لما تحاولي تخليهم
25000 علشان تجيبيها وانتي مرتاحه دا رأي اركبي حاجه صح من الأول أحسن ...........
ويارب اكون افدت حضرتك , وإن شاء الله ربنا يوفقق في عربيه جميله .....................

[/justify]

**sky11** · 07-03-2010 03:35 PM

وعليكم السلام ورحمة الله

بيجو 205
دى غايبه عنى - وما فكرتش فيها قبل كده خالص - لكن لما قريت الردود لقيت اقتراح ب 205 بيجو - شوفت على النت موديلاتها لقيت كلها ثمانينات 84 غالبا - لو ممكن الآقى ب 18 الف موديل تسعينات ياريت . اكيد هتبقى احسن من 128
اللى اتعقدت منها من مجرد قرأة تحذيرات بعض الأعضاء منها - وناس كتير بتشكر فى 128
ففكرت فى الماروتى - قعدت أقرأ تعليقات الأعضاء عليها حسيت انها كويسه - وبعدين فى تعليقات تانيه أحس انى لو جبت سكوتر يبقى أحسن منها .

يعنى كده ميرا مفيهاش عيوب - وبيجو 205 كويسه والأتنين ممكن أسافر بيهم ؟؟؟؟؟؟ وموديل تسعينات .

**sky11** · 07-03-2010 03:50 PM

وعليكم السلام ورحمة الله
شكرا على ردك ويارب الآقى عربيه جميله - جولف عربيه المانى وتحفه بس غاليه قوى عليه حتى 25 الف ما يجيبوش جولف - ولا الأسعار اللى بأشوفها على النت بتختلف عن السوق ؟

**Tito_Gabry** · 07-03-2010 04:15 PM

المشاركة الأصلية كتبت بواسطة sky11

وعليكم السلام ورحمة الله

بيجو 205
دى غايبه عنى - وما فكرتش فيها قبل كده خالص - لكن لما قريت الردود لقيت اقتراح ب 205 بيجو - شوفت على النت موديلاتها لقيت كلها ثمانينات 84 غالبا - لو ممكن الآقى ب 18 الف موديل تسعينات ياريت . اكيد هتبقى احسن من 128
اللى اتعقدت منها من مجرد قرأة تحذيرات بعض الأعضاء منها - وناس كتير بتشكر فى 128
ففكرت فى الماروتى - قعدت أقرأ تعليقات الأعضاء عليها حسيت انها كويسه - وبعدين فى تعليقات تانيه أحس انى لو جبت سكوتر يبقى أحسن منها .

يعنى كده ميرا مفيهاش عيوب - وبيجو 205 كويسه والأتنين ممكن أسافر بيهم ؟؟؟؟؟؟ وموديل تسعينات .

**mangere90** · 07-03-2010 08:42 PM

المشاركة الأصلية كتبت بواسطة sky11

وعليكم السلام ورحمة الله
شكرا على ردك ويارب الآقى عربيه جميله - جولف عربيه المانى وتحفه بس غاليه قوى عليه حتى 25 الف ما يجيبوش جولف - ولا الأسعار اللى بأشوفها على النت بتختلف عن السوق ؟

السلام عليكم ورحمة الله وبركاته

لأ طبعا 25000 او 20000 يجيبو عربيه جولف 2 , ده كان زمان العربيه مابتقلش عن 35000
لاكن دلوقتي خلاص ده الجولف 3 التي تلقب ب (الدبه) , اخرها 40000 ...
حضرتك العربيات الجديده كتر انواعها وكمان الضغط الصيني اللي استولا علي السوق المصري
خلا كل شخص بدل مايفكر يجيب عربيه زي الجولف يقولك لأ اشتري جديد احسن حتي لو صيني
انا واحد من الناس كنت هاموت واشتريها وكانت في وقتها بيتكلمو في 35000:30000 اما دلوقتي
كذا واحد يعرض عليا وممكن يقولك 30000 بس طبعا مابيلاقيش السعر ده وبتنزل 25000:20000
علي حسب الحاله , انا حبيت اوضح لحضرتك فقط مش قاصدي طبعا افراض الرأي علي حضرتك
وأنا اسف علي الأطاله ......................................

**noon_eg** · 08-03-2010 02:48 AM

لو انتى جديده فى السواقه يبقى خليكى فى عربيه يكون فيها الاتى:

1- موديل حديث نوعا ما وده حيقلل الاعطال والذهاب للميكانيكيه (ماروتى - التو - بيجو 205 - لادا )
2- قطع غيار متوفره واسعارها مقبوله (ماروتى - لادا )
3- ميكانيكيه كتير يفهموا فيها ومش معقده (ماروتى - التو - لادا )
4- سهله فى البيع لو حبيتى تبيعيها (ماروتى - التو )
5- عربيه حريمى صغيره وقيادتها سهله ومش ناشفه (ماروتى - التو - بيجو 205 )
6- السعر فى حدود 20000 جنيه (ماروتى - بيجو 205 - لادا )

كل ده متوفر فى الماروتى اكتر شىء يلها الالتو ثم 205 ولا انصحك بالادا مطلقا

ملحوظه:
لى جار ماشى بالماروتى 230 الف كم بدون عمره وهى موديل 2000 ولسه حالتها كويسه
انا شخصيا جايب لمراتى التو تكييف مو 2009

وبالتوفيق