عايزه نصيحتكم المخلصه - عشرين الف يجيبوا إإإإإإإإإإإإإإإإيه

**MEDO84EG** · 11-03-2010 04:18 PM

اسف الكلام جه علي مرتين
هكمل ان شاء الله
اعمل موضوع هناك ( علي الرغم من ان ال 205 كلهم بيشكروا فيها ) و اسال ناس معاهم العربيه و اسالهم اخبارها ايه
ثانيا بالنسبه لسوق السيارات مهما كان صعب شراء شيء منه لسيطره التجار
ممكن بالصبر و البحث ان شاء الله تلاقي
بالتوفيق ان شاء الله

**sky11** · 13-03-2010 10:41 AM

أنا صدمت فى العربيات اللى فى حدود 20 الف .
ميرا : 20000 الصدأ واضح فيها من غير كشف على العربيه

ماتيز : 30000حالتها ممتازه - كنت مستبعداها لارتفاع سعرها ولما اتعقدت رجعت تانى اشوفها - لقيت صاحبها مشى .

127 : 16.5 موديل 84 -

وشتان مابين السعر اللى بيقوله البائع وحالة العربيه

ومن كتر ما اكتئبت - شوفت عربيه ريجاتا نوفا 89 - تكييف - سنتر . حالة العربيه جميله جدا

يعنى مش متبهدله خالص زى الفل - رفعناها فى البنزينه - التقرير كان كده

- حالة المحرك 75 %
- ملاحظات مهندس المحطه : كتب طقم سرفيس
- حالة الشاسيه : جيده ( ترييحه أماميه - ورش خارجى )
- حالة العفشه : متوسطه
الحالة العامة للسياره : جيده
سعرها بقى هو الغريب اللى صاحبها مصمم عليه ( 31000 ) وكان عايز 33 الف .بس فى البنزينه قالوا لى كتير عليها جدا المبلغ المطلوب مع انى كنت هاضغط على نفسى وأجيبها علشان حالتها - بس أراء الناس بيقولوا لى كتير جدا وحرام اشترى موديل قديم ب 30 الف .

لقيت جولف 2 متبهدله .

مفيش فى اللى كان معروض امبارح وشوفته بيجو 205 - مش عارفه ليه .

النهارده كرهت ابص على العربيات من اللى شوفته فى السوق .

شكلها كده الحمد لله على التاكسيات - ولا ان شاء الله حتى الجرى ورا الأوتوبيس مش المينى باص .

**MEDO84EG** · 13-03-2010 01:22 PM

يا نهار ابيض
ايه يا عم اسكاي دنا قرات كلامك و كنت بتغدي
بس خلاص يا عم الحاج مليش نفس
ايه التشائم ده
طب انت ليك عندي حل هايل
اشرب سم
او امسك سلك كهربا عريات خالص و تكون رجلين في ميه كتير
او نام علي شريط السكه الحديد
ايه يا عم منموت نفسنا بقي
اهدي كده و صلي علي النبي
استني اخدلي قطمه من السندوتش اللي ياعيني طار من سده نفسي
يا عيني
بص يا متشائم بيه
حكايه البحث دي عاوزة صبر طالما عاوز حاجه نظيفه
متفقين؟
غير كده انت شايف اليومين دول الناس مبقاش عندهم .....عندهم .... اه مبقاش عندهم زمه
معلش كنت ناسي اسمها
المهم لازم تصبر شويه
و نصيحه مني
كل المراحل اللي قمت بيها اكيد ادتك خبره اكتر
صدقني انت كل ده خبراتك بتزيد
و هتسفيد اوي في المستقبل
بس علشان نكون واقعيين لازم تعرف شيء
كان في حكيم روسي دايما يقول ايه :
لو كان فيه الخير ما كان رماه الطير يا حدوءه
فاكيد اللي هيبيع مستعمل اكيد حالتها وحشه و فيها عيب و مش عاوز يصرف عليها و ده في حددود 70%
و في هذا النوع بنبدأ نقرر هل العيب كبير و العربيه اتبهدلت
و لا مجرد نظافه خارجيهخ و ترويش و حاجات في الصالون و الذي منه
متفقين ؟
و في حوالي 30 % اللي باقيين بتكون حالات خاصه
واحد اتزنق في فلوس و مكنش ناوي يبيع بس ظروف
واحد هيسافر
حاله وفاة
يعني
بس في كل الاحتملات لازم تصبر
و اديها شويه تفاؤل
و لا تنسي الاستخاره قبل متدور
صدقني مفعولها رهييييييييييييييب
و ربنا يوفقك ان شاء الله

**sherif_eletr** · 13-03-2010 02:38 PM

ال128 موديل حديث حلوة و قطع غيارها متوفرة جدا و رخيصة

**sky11** · 14-03-2010 10:57 AM

MEDO84EG لالالا - من غير سلك كهربا - ولا شريط سكه حديد كفايه بس انى

أروح سوق العاشر ده اسبوع كمان هى الزياره دى أحسن من أى مبيد

- وبعدين انت فاكر انى واحد لا والله ما بالك بقى انى واحده ( التاء المربوطه ) باينه اهيه .

عند حق والله - انا من كتر السواد اللى كنت فيه خلاص كنت هاشترى الريجاتا دى ورفعتها فى البنزينه - واتفقنا مع الراجل صاحبها هاخدها يوم الجمعه الجايه - بس سبحان الله بفضل ترديد الاستخاره
ربنا وقف لى ناس تنصحنى بأن السعر ده كتير اوى على الريجاتا - وانا عن نفسى فاهمه انى مش هاعرف اسوقها علشان الأبعاد - ده انا مش عارفه اضبط ابعاد ال 128 بتاعة ( تعليم السواقه ) كويس .
بس من كتر الصدأ اللى شوفته فى العربيات المعروضه حتى ولوكانت عينى مش عين خبير - بس واضح الحاله - كنت هاشترى الريجاتا دى واحمل نفسى اكتر من طاقتها
ياربى حتى لو احطها تحت البيت وخلاص علشان مش مصديه ولا متبهدله .

المهم بقى معلش ياجماعه لو كنت سودت الدنيا - ياعينى اصل انا كانت حالتى ( مش لاقيه تعبير يوصف الحاله ) - بس المهم الف الف حمد الله على سلامتى ورجوعى من سوق العاشر بالف سلامه )
sherif_eletr ايووووووووووووووه صح - هو ده اللإختيار الصح وان شاء الله حتى 127
عندك حق على الأقل عمر سعر اعاده البيع ما بيكون فيه خساره كتير وقطع غيارها متوفره .
صح الكلام ده

ربنا يبارك لك الأعضاء فى منتدانا - ويكرمكم - ويكفيكم شر الدوخة فى سوق العاشر .
دعواتى للجميع بالخير والستر والتوفيق .

**manuel_jose** · 14-03-2010 11:39 AM

يا سكاى انا مش قولتلك قبل كده ماتشتريش غير ماروتى رحتى برده شفتى انواع تانية واتعقدتى انا قايلك ماتبصيش غير لماروتى وقولتلك الاسباب ليه كمان فى عشر نقط عموما اللى يريحك انا قولت نصيحتى وخلاص

**AMA** · 14-03-2010 11:47 AM

يا جماعة دول بيبقوا تجار مش ناس عايزة تبيع عربياتها إلا بمزاجها يا أما لواحد مبتدئ يا أما لواحد ميعرفش الأسعار أو مستعجل أو أى حاجة لكن منهم لله بقى بيضحكوا على الناس دى الـ127 إلى بتتكلمى عليها مهما كانت نضافة حالتها لو كانت عامله زى إلى طالعة من المصنع بتبقى بـ11 و بتبتدى من 9 ألاف دلوقتى
و ريجاتا أية امو 31 ألف دى يا جماعة دا سعرها نص إلى قالهولك أنتوا مش بتشوفوا أعلانات على مواقع فى النت و الوسيط و المنتديات ولا أية

**sky11** · 14-03-2010 12:02 PM

manuel_jose
أنا شاكره جدا لنصائح حضرتك - بس العربيات الماروتى اللى شوفتها حالتهامش حلوه خالص
غلطتى انى اعتقدت انى لما أنزل - لازم أشترى من أول مره علشان أرحم نفسى - بس الواقع مش كده - يظهر الناس بتنزل مره واتنين وخمسه - بس انا خلاص هاخليها على الله بقى - وهو يرزقنى بالعربيه الى فيها خير ليه وأيا كان نوعها .
الف شكر لحضرتك واسفه على تعبك .

**m000dy** · 14-03-2010 12:15 PM

ومعاهم 128
وممكن لادا
سواء سماره او 2105
او سيات ماربيلا

بتقوللك عاوزه عربيه مش عاوزه تربى عضلات
اه طبعا مانت ماضيك لادا ومش قادر تنسى

**sky11** · 14-03-2010 12:24 PM

ama بس العربيه باسم الراجل بتاع الريجاتا ده - يعنى مش حاسه انه تاجر- وكان شكله طيب كده وغلبان ما حستش انه بيخمنا مثلا .وهو اول ايد - يعنى ما اشترهاش من حد .
لكن لما رحت البنزينه بقى اكتشفت الكارثه -و ده كان
بعد ما خلصت كل اجراءات الكشف على العربيه - ولما روحت البيت اتصلت بقناة اوتوموتو علشان أتأكد
ان 31000 ده كتير اوى - فى القناه دى قالوا لى ده كبير العربيه دى( ده لما تكون تحفه ) 24000 ج بصراحه صدمت .
ال 127 فى السوق - اللى حالتها كويسه - كان سعرها 16.5 واللى بيبعها بيرد وهو مدى ظهره
للناس يعنى عاجبكم تشتروا - اشتروا - مش عاجبكم مع السلامه .