الموضوع: ارجو المساعده في 405 مش بتعدي ال140كم

المشاركة الأصلية كتبت بواسطة م.احمد زكريا

راجع ضبطة الكاربراتير كويس
لأنه اساس خنقة العربية

انا لسه منظف الكربرتير علشان كانت بطلع دخنه سودا وبتاكل بنزين دلوقتي الحمد لله اتضبطت مفيش دخنه والاستهلاك اتظبط شويه اعمل ايه تاني

التانى اعرف ان طول عمره 90 ماعدا لانسر 1300بيكون 100

المشاركة الأصلية كتبت بواسطة the-hero

انتو مش مصدقين ان التانى بيجيب 120 . لابيجيب وممكن اكتر بس بيكون فى الريد زون فى الأربي ام يعنى خطر وبيعمل لود جامد على الماتور بس

مين قال كده يا باشا مصدقينك طبعا طبعا وانا اكدت كلام حضرتك كنت بجيب 140 كمان بس بس طبعا خطر لكن المهم انها بتجيب
معلش هى الناس ال ماركبتش 405 مصدومة شوية ومش مصدقة ان فى عربية كده فعلا ال مركبش بيجو

المشاركة الأصلية كتبت بواسطة nab!l

التانى اعرف ان طول عمره 90 ماعدا لانسر 1300بيكون 100

طول عمره فى ايه بالظبط يا باشا احنا بنتكلم عن احدى تحف بيجو وهى 405 والموضوع ده بيختلف من عربية للتانية واذا كان كل العربيات 90 اشمعنا استثنيت اللانسر يبقى اكيد فى غيرها بيعدى ال 90 واكتر زى ال 405 ال بتجيب 140
طبعا مع احترمى للانسر وهى فعلا عربية محترمة بس معلش احنا بنتكلم عن بيجو

المشاركة الأصلية كتبت بواسطة atamim

ما الهيونداى مفيهاش مشاحم بردة

انا بقول على النظافة تحت ان الطين و التراب وا لرملة ليهم عامل بردة فى نعومية ولا خشونه العربية

اول ما اشترتها كانت بتعمل 15 كيلو كل لتر لما تقلت بتعمل 10 كيلو لكل لتر شفت الفرق

بجد رحت غسلتها و شوية نظافة و رشت تحت رجعت ناعمة تانى و بتتزحلق ممكن لو ماشى على 60 تعملها كيلو مشى من غير اى دوسة بنزين

و كمان كلها 20 جنية غسيل فى البنزينه و حيحس بالفرق

كمان صاحب الموضوع بيقول لك انه سواء طالع مطلع ولا نازل هية هية اقصى سرعة
دا معناة فية حاجة مكلبشة العربية

يبقى اكيد محتاجة غسيل و تشحيم من تحت و عند العجل

برضوا الغسيل والتشحيم ملوش علاقة انت بتتكلم عن ماتور بيجو عزم أقوى بكتييييييييير من الهيونداى اللى ممكن تتأثر ببخشانة بلى وعجل والكلام ده
وعلى فكرة الهيونداى فى موديلات كتير منها بتتشحم
لكن البيجو ال 405 مفيش اى حاجة فيها بتتشحم وكل حاجة محتاجة شحم بيبقى فيها الشحم الاصلى ومقفول عليها كويس جدا ولو فيه اى خشانة بتتغير كلها

المشاركة الأصلية كتبت بواسطة the-hero

برضوا الغسيل والتشحيم ملوش علاقة انت بتتكلم عن ماتور بيجو عزم أقوى بكتييييييييير من الهيونداى اللى ممكن تتأثر ببخشانة بلى وعجل والكلام ده
وعلى فكرة الهيونداى فى موديلات كتير منها بتتشحم
لكن البيجو ال 405 مفيش اى حاجة فيها بتتشحم وكل حاجة محتاجة شحم بيبقى فيها الشحم الاصلى ومقفول عليها كويس جدا ولو فيه اى خشانة بتتغير كلها

احم احم

كح كح كح معلش مكانش عندى غير 504 زمان فافتكرت انه نفس الموضوع
عموما ربنا يكرمنا جميعا و يحفظ لنا عربياتنا من كل ضرر

بس بردة مش قادر افهم ازاى صاحب الموضوع بيقول سواء طالع مطلع او نازل دى اقصى سرعة؟؟؟؟؟

المشاركة الأصلية كتبت بواسطة atamim

احم احم

كح كح كح معلش مكانش عندى غير 504 زمان فافتكرت انه نفس الموضوع
عموما ربنا يكرمنا جميعا و يحفظ لنا عربياتنا من كل ضرر

بس بردة مش قادر افهم ازاى صاحب الموضوع بيقول سواء طالع مطلع او نازل دى اقصى سرعة؟؟؟؟؟

يعني دايس بنزين علي الاخر والسرعه مش بتزيد عن كده