الموضوع: عوامل الأمان فى اللوجان

المشاركة الأصلية كتبت بواسطة fellacd

مع احترامى لرأيك ورأى الأخ الفاضل اللى قال نفس الكلام .. رأيكم خطأ

جلّ من لا يخطئ

لأن العربية اللوجان المفروض إنها من غير جمارك .. يعنى لو ضفنا 40% على تمنها قيمة الجمارك ده هايخلى سعرها يوصل لـ 90ألف جنيه ... يعنى أغلى من الأفيو والأوبترا والكلام ده كله ... لأن الجمارت تضاف الأول عى تمن العربية وبعدين تحسب 15% ضريبة مبيعات على سعر العربية + الجمارك ... يعنى معلش الحسبة بتاعتكم خطأ

محضرتك مقولتش برضه ايه هي الماركه المعروفه ونعدل السؤال في حدود الـــ 90000 ويكون فيها كل ده غير الماليزي

وكمان الصينى أرخص من كل ده وفيه عوامل الأمان دى ... مش كده ولا إييه؟؟؟
سؤال رفيع

مشترتش صيني ليه؟؟؟؟؟!!!!!

يعنى يا جماعه هى العربيات الصينى بتبقى فيها وسائل الامان الى مكتوبه فعلا وبتدى الامان المطلوب
أمال ليه معظمهم مش بيخشوا اختبار التصادم المعترف بيها والى بيخش بيحصل على درجات متدنيه
البرلينس الى هى تعتبر فخر الصناعه الصينه اخدت درجه امان 1 من 5 فى اختبار التصادم الاوربى



منقول

حصلت سيارة "بريليانس بي إس فايف" وهي أول سيارة صينية من السيارات الصالون تستهدف الأسواق الأوروبية على تقديرات منخفضة للغاية في اختبارات التصادم في الاتحاد الأوروبي.
ففي اختبار التصادم من الأمام، أدى الاصطدام إلى انبعاج مقدمة السيارة إلى الداخل من جهة كرسي السائق لمسافة 20 سم. وقالت رابطة السيارات في ألمانيا في بيان صحفي إن باب السيارة مصمم بحيث لا يمكن فتحه سوى بأداة ثقيلة في حالة وقوع مثل هذا التصادم.

كما أن التصادم أدى إلى إزاحة عجلة القيادة إلى أحد الجانبين وهو ما جعل الوسادة الهوائية غير ذات جدوى بما يؤدي إلى اصطدام السائق بقوة بلوحة أجهزة القياس المثبتة أمامه، وذلك وفقا لنتائج اختبار التصادم.

ولا يعد ركاب السيارة أفضل حالا نظرا لإمكانية إصابتهم بجروح بالغة في الصدر والساقين.

أما في اختبار التصادم الجانبي فلا يحظى السائق بفرصة كبيرة للنجاة في ضوء التأثير الكبير الذي سيخلفه مثل هذا التصادم على منطقتي الصدر والبطن.

ولهذه الأسباب لم تحصل السيارة الصينية سوى على نجمة واحدة من أجمالي خمس نجوم في ما يتعلق بحفاظها على سلامة الركاب وذلك من قبل خمس من روابط السيارات.

وفي تلك الأثناء نقلت صحيفة فرانكفورتر ألجماينه تساتيونج عن مسئول في شركة إتش إس أو الألمانية التي تتولى استيراد السيارة بريليانس بي إس فايف قوله إن تحسينات ستدخل على السيارة وإن طرازا جديدا منها سيكون جاهزا لدخول اختبارات التصادم في تموز/يوليو.

وسيكون بوسع الأشخاص الذين اشتروا السيارات الـ350 التي طرحت من هذا الطراز في ألمانيا استبدالها بالطراز المعدل

على فكره المقاله بتتكلم عن العربيات الى بتنزل اوربا والبرلينس كمان فما بالكم بالعربيات الى بتنزل مصر الى توكيلاتها بتشفى العربيات
يبقى حال العربيات الى بتنزل مصر من الصين هيكون أيه
اعتقد والله اعلم وسائل الامان الى فى الصينى بتبقى حبر على ورق وديكور ملوش لازمه بس عشان يبقى الاسم وسائل امان والسلام

المشاركة الأصلية كتبت بواسطة seadaelbeda

فيه عربية ممتازة واعتقد انها هتكون منافس قوى البروتون ساجا فى حدود 63 الف وفيها الحاجات دى اساسيا

حاجات أيه ؟

المشاركة الأصلية كتبت بواسطة fellacd

هو ليه مفيش فى اللوجان عناصر الأمان .. زى ebd أو abs فى الفرامل .... أو الإيرباج للراكب الأمامى جنب السائق ..... إلخ
رغم إن الحاجات دى بقت أساسية فى معظم العربيات حتى الصينى ... يا ترى هل من إجابة؟؟؟؟

معلش انا بحاول ادور على إجابة بس انا مش فاهم الأول حضرتك عايز توصل لإيه من السؤال يعنى عشان نجاوب ؟!!!