الله يطمنك يا ابو عبد الله .....
عموما انا نزلت المانيوال بتاع البوتنزا ايلي بيجي مع الياريس...من علي موقع بريدجستون....
ودي المعلومات ايلي عرفتها:
1-المفروض الكاوتش يتعمل علية مراقبة دورية بعد مرور 5 سنين من انتاجة...وتاريخ الانتاج موجود في كود علي جنب الكاوتش ..
2-أي كاوتش عدي علية 10 سنين يفضل استبدالة مهما كانت حالتة...
3-من الطبيعي ان الكاوتش يفقد 1 psi كل شهر...
4-لا تكتفي بمجرد النظر لتحديد ضغط الكاوتش....يفضل استخدام مقياس مضبوط...ويضبط لكل سيارة علي حسب ارشادات المٌصنع
5-لحام الكاوتش يكون باتش + خابور او فيلر مكان الثقب...ماينفعش واحد منهم بس...لازم الاتنين...
6-بعض الثقوب لا يصلح معها عمل تصليح ويلزم التغيير...ويجب استشارة خبير في الكاوتشات..
7-ضغط الكاوتش المنخفض يعمل علي تأكلة ورفع درجة حرارتة ..والتسريع بافسادة...والمرتفع يزيد من احتمالات حدوث ثقوب او قطع مفاجئ لذي يرجي ضبط الكاوتش في حدود الضغط الاقصي المسموح بية (موجود علي جانب الكاوتش) وتوصيات مٌصنع السيارة..
8-وأخيرا لا يوجد حد اعلي او ادني للكيلومتر ايلي الكاوتش مشاة...وانما هي حالة الكاوتش نفسة...
وكل تغيير كاوتش وانتم جميعا بخير وسلام.....
المفضلات