واحد من جوه التوكيل

**enghany** · 04-04-2010 02:36 AM

المشاركة الأصلية كتبت بواسطة amirelgohary

عاوز اعرف ازاى اقيس زيت الفتيس الاتوماتيك فى الاكسنت 2010 لاتى جربت اقيسه والعربية ممورة كان اعلى من الحد الاعلى.
و لما جربت اقيس و الفتيس على ال "r" كان على الحد الادنى.
وكنت عاوز اطمئن لان الصيانة القادمة لسه عليها حوالى شهر

بص تدور العربيه و تغير الغيارات كلها مرتين تلاته مثلا و العربيه واقفه و بعدين تبطل و تطلع المقاس تمسحه و بعدين تحطه تقيس

**Khaled Seif** · 04-04-2010 02:09 PM

السلام عليكم ورحمة الله وبركاته

م / هاني جزاك الله خيرا وجعله في ميزان حسناتك ويسر لك الخير حيثما كنت

أحد الزملاء الأفاضل قام بعمل هذا الموضوع ( الماتريكس اللي معايا بتأكل بنزين وزيت افيدوني افادكم الله ) وهذا هو الرابط

http://www.nilemotors.net/Nile/138951-a.html

أحببت أن أنقله إليك لكي نستفيد و يستفيد الأخ الفاضل وجزاك الله خيرا مقدما

السلام عليكم ورحمة الله وبركاته
انا معايا ماتريكس لافيتا موديل 2002 موتور 1500 سي سي
بالنسبة للبنزين
العربية بتعمل جوه البلد حوالي من 160 لـ 170 كيلو متر في الصفيحة وممكن تعمل 150 بس بدون التكييف نوع البنزين 92
اما الزيت
بعد 2000 كيلومتر مشي بالزيت بيبدا في النقصانوحتى 3000 كيلومتر الزيت بينقص قرب الكيلو 1 لتر مع ان الميكانيكي بصلي علي الموتور من بره وقاللي مفيش اي نشع زيت حوالين الموتور ومفيش اي دخنة من الشكمان في اي وقت والعادم اللي خارج من الشكمان نظيف جدا حتى انا جربت مسحت الشكمان من جوه بمنديل لقيت هباب اسود فقط بدون زيت نهائي حتى الرائحة عادية جدا يكاد يكون مفيش
اما نوع الزيت
كنت بحط شل اصفر كان بينقص واخر مرة حطيت موبيل اكس اتش بي ونقص بردة و اتطريت اكمل اللي في الجركن عشان اكمل للـ 3000 كيلو واغيره
وكده انا خايف احط الموبيل 1 وينقص عند 2000 و عند ال 5000 الاقيه خلص خالص .
ياريت تفيدوني في موضوع البنزين والزيت

**AbuAdam** · 05-04-2010 11:48 PM

المشاركة الأصلية كتبت بواسطة enghany

بص انا هقولك بس بلاش تشيلها انت لحسن تشيل واحده غلط هي تحت الدركسييون يعني انت لو ماديت ايدك عند البدلات بس فوق

ألف شكر يا باشمهندس شيلتها فعلاً و تمام الصوت راح .. كان مطلع عيني بصراحة .. و انا مكسل أروح لكهربائي و بنسى أقولهم في الصيانة ... الكلام ده لمدة 3 سنين ... تخيل !!!!

**moussaa** · 06-04-2010 01:08 PM

المشاركة الأصلية كتبت بواسطة enghany

الاخ العضو المحترم
نيو اكسنت بالذات سياره محتلرمه جدا جدا و قليله المشاكل و ان كان كل سياره و كل الانواع ممكن يحصل بيها عيوب حتي و لو مرسيدس
الاوتوماتيك: دوس بنزين بس من غير مشاكل طقم الدبرياج (يتم تغييره بعد ذلك قطعه مستهلكه مثل تيل الفرامل )و تجميع السياره اقل من المنيوال
مانيوال سحب اسرع و تجميع اسرع بس من رايي هات اوتوماتيك و مبروك مقدما

الف شكر علي اهتمامك وردك يابشمهندس
بس ياريت تقولي بأستفاضة تقصد باية اني ادوس بنزين بس من غير مشاكل طقم الدبرياج
ولسيادتك جزيل الشكر علي حسن تعاونك و سرعة استجابتك

**memi1111** · 06-04-2010 08:48 PM

مخالف للقاعده 6 ب
ممنوع كتابة اللغة العربية بالأحرف الانجليزية
يرجى مراجعة قوانين المنتدى
10/4/2010
5:17 pm
مشرف 12 ب

**solventer** · 06-04-2010 10:32 PM

السلام عليكم ازيك يا باشمهندس انا عندى مشكلة ان الموتور القديم كان 1600 سى سى وجاب وش سلندر وغيرت الموتور بالفتيس سوناتا 2001 لكن بلاقى دبة جامدة فى الفتيس بين النقلات ساعات و ساعات يكون زى الفل و ساعات الأر بى ام يعلا لحد 3000 و بعدين يلقط النقلة و دخت لحد مالقيت واحد قالى احسنلك هات واحد استيراد و ركبت الفتيس التانى و مع ذلك عمل نفس الموضوع ( عايز اعرف السبب و بعدين اولع فيها مش مهم المهم هى عايزة اية علشان صدعتنى بجد وياريت استفسار عن استهلاك البنزبن الطبيعى بتاعها )

**medotheking** · 07-04-2010 03:27 PM

هل يوجد فى النيو أكسنت 2009 صوت انذار لما السرعة تعدى 120 و الا لاء - انا مش عندى و مفيش حد فى التوكيل ( اسكندرية) فادنى فى الموضوع ده

و سؤال تانى - انا عندى الغطاء اللى على طرف البطارية ضاع - فهل الغطاء ده موجود فى التوكيل

و شكرا مقدما

**sam07** · 07-04-2010 04:09 PM

معيا النترا 2010 بنسه لصيانه 15000 ايه الي بيتم فيها
وهل الصيانه دي مهمه؟

شكرا.

**elmihy** · 07-04-2010 11:51 PM

السلم عليكم انا معجب بالالنترا وعايز اجيب عربية زيرو لكن بسمع عيوب في العربية من نوعية انها بتحك لما الحمولة تكون كاملة وان الباور بيبقى خفيف في السرعات العالية وكان واحد قال لي ان الكلام ده في موديل 2007 فقط وتم علاجه في الموديلات اللاحقه وسمعت ايضا ان دواسة البنزين ليست مريحة في المسافات الطويلة فهل هذا الكلام صحيح وما أخبار ثباتها ودرجات الأمان الخاصة بها وهل هي عربية جيدة أم لا وهل من المنتظر أن يؤثر نزول الشكل الجديد للالنترا على سعر اعادة البيع
علما بانني اريد شراءها من الوكيل اتوماتيك gl مع 2 ايرباج و ايه بي اس وجزاكم الله خيرا