واحد من جوه التوكيل

**osos_lion** · 30-03-2010 05:09 AM

طيب يا باشمهندس انا كزا مره اشتكي من صفاره في الفرامل الخلفيه وكل مره التيل يتصنفر في ابو رواش مع انو لسه مليان بس ناشف جدا وكل مره علي الحال ده لحد اما الطنابير خططت داير ميدور بقت مليانه خطوط عامله زي المبرد كده وانا متاكد ان ده اثر عليها مش المفروض كده الطنابير تتغير علي حساب الضمان انا اما سالت فلتوكيل قالولي اه بس مغيروهاش ده غير انهم قالولي اني انا اتحمل التيل مع ان التيل انا عارف انو قطعه استهلاكيه والمستهلك يتحملها بس اعتقد ان الكلام ده لما يكون خلصان مش اما يكون مليان لاخره ملحوظه المشكله ظاهره عندي من ال6000 كم وقلتلهم عليها في الصيانه 10000كم وال 15 ومتعملش حاجه واعتقد ان نشفان التيل ده عيب صناعه ولا ايه وبعدين حرام اما يتصنفر كل مره من ال6000 وانا دلوقت داخل علي ال20000 والطنابير اتبهدلت
وشكرا لسعت صدر حضرتك والاجابه الوافيه علي اساله الاعضاء واسف للاطاله

**YoussefMostafa** · 30-03-2010 06:24 AM

استاذ هاني ايه راي حضرتك ف ال i10 وهل يوجد بها مشاكل او عيوب ؟؟؟؟؟؟؟؟؟؟

**mado85** · 30-03-2010 10:16 AM

انا كنت عملت حادثة بالعربية نيو النترا و زيت الفتيس التوماتيك وقع من العربية بس واحد شافوا قالي الفتيس سليم ربينا يستر المهم انا عاوز اعرف اية نوع الزيت المستخدم في التوكيل و ممكن ازودة منين و اعرف ازاي انة اتظبت كويس.

أرجو الافادة من فضلك عشان مش عارف احرك العربية...

**m_m_k_z** · 30-03-2010 10:27 AM

i want to to know if there is anew shape of elantra or not and if there is anew shape when will be available in egypt ...thanks

**AbuAdam** · 30-03-2010 03:48 PM

أنا بعد اذنك عندي 3 استفسارات

1) سعر طقم المساعدين الأمامي و الخلفي
2) ازاي ألغي صوت الbuzzer اللي بيشتغل عند سرعة 120
3) لما بدوس فرامل بحس برجرجة في العربية و في الدركسيون شوية .. ايه سببها و ازاي اتخلص منها ؟

شكراً

**enghany** · 31-03-2010 11:56 PM

المشاركة الأصلية كتبت بواسطة hima012

المهندس هانى
انا متشكر جدا على رد و اهتمامك بس بنسبه للفاتوره وملاحظة الى فيها دى وحاجة تانية اعرف ازاى ان مركز معتمد مش اونطه

بص كلم 16101 واسالهم علي التوكيلات المعتمده

**enghany** · 01-04-2010 12:00 AM

المشاركة الأصلية كتبت بواسطة lancelot

متشكر جدا يا بشمهندس على اهتمام حضرتك
بس كان ليا اضافة .. هوا المتوقع ايه لو في حاجة لا قدر الله
يعني ممكن يكونوا مساعدين او ايه
وهل لو في حاجة فيها مشاكل هتتغير في الضمان ولا ايه ؟
و شكرا مقدما

بص ماقدرش احكم الا لما اشوف واسمع لكن زي ماوضحت لحضرتك طالما الصيانه منتظمه العربيه كلها في الضمان

**enghany** · 01-04-2010 12:03 AM

المشاركة الأصلية كتبت بواسطة w_abedelhakim

لو سمحت يا بشمهندس هاني
ممكن تقولي علي مركز صيانة معتمد انت تثق فيه لان زوجي معاه النترا 2010 بس خليجي وعايز يروح مكان كويس علشان ميحصلش مشاكل في العربية لان في اماكن كتير بيبقي بيكتبوا مركز صيانة معتمد ومش بنعرف فين الكويس فيهم ولو فيه في اماكن كتير يبقي ياريت مدينة نصر او مصر الجديدة
واسفة للاطالة

سعادتك علي حسب معلوماتي 1- مودرن سرفيس طريق السندباد عند كوبري المطار
2-تكنو وان اول مدينه السلام عند الدائري
3-جيسكو ميدان الزيتون

**enghany** · 01-04-2010 12:10 AM

المشاركة الأصلية كتبت بواسطة top_10group

موضوع ممتاز وتعاون من الباشمهندس هانى اكتر من ممتاز ويا رب دايما للامام

انا معايا النترا 2009 وكنت ركبتلها قبل كدة باركنج سنسور عند عشن نوار اللى دمشق زى ما قالولى فى التوكيل.
المهم انا ركب بعد كدة شماسة dvd ومخادع شاشات بس من برة.
السؤال هلى فيه مشكلة من ناحية الضمان ولا لا ؟
ثانيا: كنت عايز اركب سبويلر خلفى وكنت هجيب واحد من الحرفيين واركبه هل فيه مشكلة بردو من ناحية الضمان ولا لا ؟
واسف للاطالة . وشكرا

بص يا سيدي زي ما قلنا قبل كده طول ما الدنيا ماشيه بسلام في العربيه و اللي انت مركبه او عامله مش ماثر خلاص يعني هاديك مثال
واحد مركب زينون و عمله قفله في الكمبيوتر بتاع العربيه اذا الاصلاح علي حساب العميل للان تعديله علي العربيه هو اللي بوظها لكن مثلا مركب مثلا جنوط و عنده مشكله في المتور مالهاش دعوه او مش سبب في مشكله الموتور اذا الموتور في الضمان لكنننننننننننننن نصيحتي ابتعد عن اللعب في ضفيره السياره تماما يعني الاسبويلر ده علشان يتلاكب هيقشر في الضفيره بلاش احسن

**enghany** · 01-04-2010 12:20 AM

المشاركة الأصلية كتبت بواسطة osos_lion

طيب يا باشمهندس انا كزا مره اشتكي من صفاره في الفرامل الخلفيه وكل مره التيل يتصنفر في ابو رواش مع انو لسه مليان بس ناشف جدا وكل مره علي الحال ده لحد اما الطنابير خططت داير ميدور بقت مليانه خطوط عامله زي المبرد كده وانا متاكد ان ده اثر عليها مش المفروض كده الطنابير تتغير علي حساب الضمان انا اما سالت فلتوكيل قالولي اه بس مغيروهاش ده غير انهم قالولي اني انا اتحمل التيل مع ان التيل انا عارف انو قطعه استهلاكيه والمستهلك يتحملها بس اعتقد ان الكلام ده لما يكون خلصان مش اما يكون مليان لاخره ملحوظه المشكله ظاهره عندي من ال6000 كم وقلتلهم عليها في الصيانه 10000كم وال 15 ومتعملش حاجه واعتقد ان نشفان التيل ده عيب صناعه ولا ايه وبعدين حرام اما يتصنفر كل مره من ال6000 وانا دلوقت داخل علي ال20000 والطنابير اتبهدلت
وشكرا لسعت صدر حضرتك والاجابه الوافيه علي اساله الاعضاء واسف للاطاله

بص اطنبوره فرامل لعربيه حتي بعد 300كم من ماشيها سواء طنابير امامي او خلفي هتلاقي فيها المشط اللي حضرتك بتقول عليه لكن لو الطنابير فيها شوكه جامده هتعمل رعشه في بدال و طاره الدركسيون عند الضغط علي بدال الفرامل و علي فكره التيل مش لازم يكون خلصان عاشان تغيره ممكن يكون مكبلط مثلا يعني ناعم جدا فمابيعملش احتكاك كويس فالعربيه تسحف +ان رجلاش الفرامل و تشحيم القباقيب الخلفيه بيتعمل مع اي صيانه و باعدين يا سيدي الفاضل زي ما قلت التيل انا عارف انو قطعه استهلاكيه والمستهلك يتحملها