لا حول ولا قوة الا بالله
يا جماعة قبل الأمور ما تتطور و تاخد منعطف تاني خالص انا بنبه كل الناس انها ما تندفعش وراء المقال المكتوب دا لأنه اكيد مكتوب من قبل شخص مخضرم جدا و عارف هو عاوز ايه بالضبط طبعا انا لا اقصد الأستاذ محمد السكري لأنه بالفعل كمصري بيحب بلده و ان كنت انا غير متفق مع حضرتة في كتابة الموضوع بالكامل و عرض الشتايم الفظيعة دي للناس لأنها تسببت في مشكلة كبيرة
انا من وجهة نظري المتواضعة جدا و خبراتي المحدودة بالحياة لصغر سني و عدم سفري للخارج حتي الآن لكني اؤكد ان كاتب المقال المعروض في رد اخونا الأستاذ محمد السكري حاجة من اتنين
اما و احد معتوه و معقد نفسيا و حاقد و طبعا ما اكترهم في زماننا حاليا و طبعا كلنا عارف المثل اللي بيقول العين دايما تكره اللي احسن منها
و دايما تلاقي الشجرة المثمرة ذات الثمار الطيبة كالنخيل علي سبيل المثال دائما ما تجد تحته اكوام من الطوب و الحصي الملقي عليه لجني ثمارة الطيبة
او اما ان يكون مكتوب من قبل ناس يهمها و من مصلحتها ان العرب و المسلمين يتفرقوا و ما يتفقوش ابدا و يا ريت ما حدش يقولي بلاش نظرية المؤامرة لأننا كلنا شايفين اللي بيحصل و علي عينك يا تاجر شوفوا ايه اللي بيحصل في العراق و فلسطين واللي بيحاولوا يعملوه مع ايران يا جماعة والله ليس المقصود البترول و لا قناة السويس ولا حاجة من دي و الله دي حرب عقيدة مش اكتر
يا ريت تكونوا فهمتوا انا قصدي ايه احنا كعرب و مسلمين معرضين لحرب شرسة و بكل انواعها و من ضمنها اللي احنا قرأناه في المقال دا عشان نقوم احنا كمان نشتم في السعوديين و الخليجيين و كل اللي يقرا تاخده الشهامة و يقوم قايله بقين حلويين و شوية شتايم من اللي بيحبهم قلبك و نرتاح كدا كدا احنا قرفانين من الحياة و الواحد يفضفض شوية من نفسة
يا جماعة ارجوكم ان تمسكوا اعصابكم كويس و تفهموا الرسالة صح و تعرفوا ايه الهدف منها
العرب كلهم عارفين مصر كويس و ما حدش يقدر ينكر دور مصر علي مر العصور و احنا مش محتاجين نتكلم عن بلدنا و لاعن جدودنا لأن التاريخ موجود و الكل عارفة كويس
يا جماعة في ناس في الشام و ليبيا لغاية دلوقتي معلقة صور عبدالناصر في بيوتها و بتترحم عليه
انا دايما بسمع من ناس كبيرة اعرفها كانت تقول لما كنا نروح اي بلد عربي كانت الناس تروح عشان تشوف المصري دا شكله ايه بالظبط من حبهم فيه و من اللي سمعوه و عرفوه عنه
اي نعم دلوقتي الوضع اتغير مصر تعاني من ازمة اقتصادية طاحنة و هي السبب الرئيسي في ظهور بعض الناس بأخلاق مش محترمة في الخارج لكن المعدن المصري الأصيل موجود بس الحكاية في شوية صدا و عفار من الظروف المحيطة ممكن يروحوا و تلاقي المعدن الصيل ظهر من تاني
و دا برده ما يمنعش ان الخليج فيها الكويس المحترم الفاهم كويس و فيها الوحش و الحاقد انا والدي بيعمل في السعودية من 25 سنه و دايما بيحكيلي علي الحياه هناك و بيقوللي ان السعوديين فيهم ناس محترمة جدا و خلوقة جدا بيحترموا الناس كلها السعودي و غير السعودي سواء مصري سوداني هندي اي جنسية
و فيه سعوديين سيئين للغاية و مش كويسين لا مع السعوديين اللي زيهم ولا غير السعوديين اللي منهم المصريين يعني هما اصلا وحشين
و طبعا في المصري المحترم اللي بيجبر الناس هناك انها تحترمة و تعاملة كويس و فيه برده الوحش اللي بيجبر الناس انها تعاملة معاملة مش محترمة لأنه في الأصل ما احترمش نفسة
يا جماعة انا بكرر و بقول احنا مستهدفين و فيه ناس من مصلحتها اننا نختلف و نمسك في خناق بعض عشان نتلهي في بعضنا و هما ينفذوا اللي عاوزينه فيا ريت نكون فاهمين دا كويس و ما نديهمش الفرصة دي
اسف جدا علي الإطالة واسف ان كان هناك اي اخطاء في الكتابة عشان انا مش هقدر اعاين لأني راااااااايح اناااااااام و تصبحوا علي خير
طبعا انا بكرر اتني انا ما اقصدش الأستاذ محمد السكري في كلامي خالص وكل التقدير مني لشخصة الكريم
سلااااااااااااااااااااااا اااام عليييييييكم
د
المفضلات