الموضوع: لو جاتلك فرصه تعيش بره مصر تروح؟؟؟؟؟؟؟؟؟؟؟؟؟

المشاركة الأصلية كتبت بواسطة M_HaFeZ

+10000000
والله يأخ توت كانك بتتكلم من على لسانى
بجد نفسى الناس تعرف يعنى ايه كلمه تحضر
يعنى ايه الواحد يبقى عارف ايه حدوده فى التعامل مع الغير ومن غير مايؤذى شعورهم ولا يضايقهم
والله ولا كاننا بنأذن فى مالطا
ابسط حاجه بسافر دايما بالقطر وباركب درجه اولى علشان المفروض اللى بيركب معايا مستشارين ووكلاء نيابه والمفروض ان الناس تتعامل باحترام
تلاقى اللى طول السكه بيزعق فى الموبايل واللى بيكلم صاحبه طول السكه والله مش اقل من ساعتين كلام واللى ماسك الموبايل بيشغل اغانى بصوت عالى
طيب ام السماعات دى اتعملت ليه ولا هو احداث نعمه وخلاص
ولا واحد مشغل اللابتوب بتاعه بموسيقى ولا اغانى ولازم تسمعه
ولما تكلم واحد منهم والله يبص لك ويكلمك على اساس انك بتساله انت بتقبض كام ولا اى سؤال شخصى اوى وكان مالكش حق انك تقوله لو سمحت الصوت وتضطر تضرب دماغك فى الحيط
بجد اللى ناقص الشعب المصرى قد النظام هو التحضر وطبعا فى ناس هتقول انى باطالب بحاجات مالهاش اى لازمه
بس انا مش هاسمح ان حد يتعدى على حقى او يقرفنى وخلاص

للآسف يا أستاذ م . حافظ
حال البلد الأخلاقي زي الزفت و الناس في مصر كل لما يكون معاه فلوس يفتكر أنه اشترى الكون و اللي فيه
يعني الأمثلة اللي حضرتك ضربتها في الصميم
و أيضا عندك
لا يوجد جار يحترم جار له
الشعب المصري شعب مزعج جدا و يعشق الإزعاق
الشعب المصري لا يحب النظام
الشعب المصري لا يحترم بعضه البعض

الواحد خلاص تعب و زهق من اللامبالاه و عدم الإهتمام و عدم النظام و خلاص الواحد فاض به و مش قادر على التواصل مع أي حد و خصوصا الناس اللي في الشارع ......... ببقا ماشي في الشارع و مش طايق الناس من عمايلهم ده غير العفانة في الناس
تلاقي واحد ماشي في الشارع و بيأكل سندويتش و منظره مقزز أساسا المهم و بعد ما يخلص اكل يروح رامي الورقة الملفوف فيهاالسندويش في الشارع .......... و الله العظيم ساعات كتيرة بيكون الناس دي قريب منها سلات زبالة !!!!!!!!
و مرة كنت سايق على الدائري و هب لقيت العربية اللي قدامي رمى علبة كانز و راحت طايرة و جت على كبوت العربية و طارت بعيد عن الزجاج و الحمد لله أنها مجتش في الزجاج
جريت وراه و حصلته و بقولوه أيه اللي أنت عملته ده
تعرف رده كان أيه ؟؟؟؟؟؟؟
عملت أيه يعني ........ بكل بجاحة و صفاقة و قلة أدب و مش هاتصدق العربية اللي كان راكبها أيه ؟؟؟؟؟؟؟
عربية حديثة و غالية جدا
و هذا إن دل فيدل على أن الأخلاق ليست للأغنياء فقط و لكن للآسف إنزل أمشي في الشارع المصري ......... أنعدمت هذه الأخلاق من عند الطرفين --غني -- و فقير
أنا مرة كنت راكب القطار ........ و قاطع درجة أولى مكيفة علشان تبقى الناس اللي معايا محترمة
و لكن ........ الاقي واحد راح قالع الجزمة ......... و راح ممدد رجله المعفنة على الكرسي اللي قدامة و راح نايم و هاتك يا شخير و ريحة تقرف
و ييجي عامل الكافيتيريا عمال ينادي على سندويشتات و منظر بصراحة يقرف
و أيه ......... درجة أولى مكيفة
و محدش يزعل من كلامي ............ أنا مصري زي أي واحد هنا و يمكن عملي عن أي حد كمان نظرا لشرائي و تشجيعي لمنتجات بلدي مصر
و الكلام ده أولا هو مش كدب ثانيا للتنفيس عن النفس

المشاركة الأصلية كتبت بواسطة M_HaFeZ

هو مينغعش الواحد يعيش فى هدوء فى البلد دى ؟؟؟

الهدوء كلمة ليس لها محل من الإعراب عند أغلب المصريين
و اللي طالع عليهم .......... دي حرية شخصية

و بعدين حال الشارع يعرفك و يدلك على تعريف للشعب المصري و خصوصا
المدينة العاصمة
يرحمنا ربنا ........... و يخرجنا منها بسلام
علشان أنا بجد بجد بجد ........... قرفت و زهقت و طهقت
بس بعيد عن الموضوع ......... سرني التحدث مع حضرتك و مشاركة الهم معك
و شكرا

الحمد لله انا مرتبي في مصر معقول جدا
بس لو جاتلي فرصة تعيشني في نفس المستوى اللى هنا بس برة مصر اطلع فورا بدون تردد كفاية اني اتخلص من التخلف الاداري اللى بقى مالي الشركة .
جتهم البلاء ملوا الشركة

المشاركة الأصلية كتبت بواسطة M_HaFeZ

والله معاك حق ياستاذ جمال
الناس بتروح تصلى فى الجامع على اساس انه عادى وصلاة وتخلص
وتشوف رائحه الاقدام وانعدام النظافه الشخصيه ورائحه العرق وعدم الاهتمام بالمظهر
اى حاجه تتلبس ويستحمى او ميستحماش ورائحته مش مشكله
دى من ارخص الحاجات النظافه
ايه اكتر من مياه وصابون وياريت لو اى حاجه للعرق وفى حاجات ارخص مما يمكن
مبنقلوش تشترى جيليت جيل
ربنا يهدى

فيه مزيل عرق رباني يباع عند العطارين بثلاثة جنيهات مصرية فقط و يدوم على الأقل ستة أشهر --الشبة بالريحان أو الفل --

النظيف نظيف ........... و المعفن معفن و هايفضل طول عمره معفن
النظيف بيدور على نظافته علشان الناس متقرفش منه و المعفن مش بيهمه

و رخص الحاجات دي يدلك إن الناس دي معفنين لأنهم ممكن يشتروه الحاجات الرخيصة دي و يبقوا على الأقل ذو ريحة غير كريهة