كولت ولا سيريون 1500 ولا جيتز و كلهم اوتوماتيك أرجو النصيحة

**TAG_Turbo0** · 06-01-2008 12:50 PM

انا افضل السيريون

**unounobebo** · 06-01-2008 01:15 PM

الكولت أوتوماتيك ب95000 كتير عليها أوي بس أنا عايزة عربية معمرة و السيريون 1500 ب 92000 و 1300 ب 86500 سبورت (جنوط و سبويلر ) و طبعا الفلوس فارقة معايا بس عايزة حاجة لا أندم عليها . هل هتفرق ال1500 عن ال1300 لو أنا عايزاها أوتوماتيك ؟ معلش تعبتكو معايا بس الحيرة وحشة . في حاجة انا بأسافر مرتين أو ثلاثة في السنة السيريون هتنفع في السفر ؟ و شكرا

**tutankhamoun** · 06-01-2008 01:23 PM

المشاركة الأصلية كتبت بواسطة unounobebo

الكولت أوتوماتيك ب95000 كتير عليها أوي بس أنا عايزة عربية معمرة و السيريون 1500 ب 92000 و 1300 ب 86500 سبورت (جنوط و سبويلر ) و طبعا الفلوس فارقة معايا بس عايزة حاجة لا أندم عليها . هل هتفرق ال1500 عن ال1300 لو أنا عايزاها أوتوماتيك ؟ معلش تعبتكو معايا بس الحيرة وحشة . في حاجة انا بأسافر مرتين أو ثلاثة في السنة السيريون هتنفع في السفر ؟ و شكرا

سفر مرتين تلاتة مش مشكلة خالص لعربية 1300 و لكني لا أعرف عن أداء الأوتوماتيك الخاص بها
و الأخ أبو عبد الله هو أكثر واحد ممكن يفيد حضرتك في الموضوع لأنه معاه سيريون 1300

**محمد عز** · 06-01-2008 01:35 PM

على فكرة الياريس الاوتوماتيك ال 1300 سي سي سحبها ممتاز جدا والتكييف مش بياثر على ادائها
لو عاوزة حاجة معمرة ومريجه ومتغلبكيش فى اى حاجة يبقى الياريس
لكن الهوندا سيتى عربيه عائليه مش عربيه شبابيه
عاوز اقلك ان الياريس منتشرة جدا هنا فى الخليج بدرجة كبيرة جدا والحقيقة عربية يعتمد عليها

**fahd_628** · 10-01-2008 02:06 AM

انا واحد صاحب والدى جاب سيريون 1500 اوتوماتيك و بيقوله ان العربية دية طلقة ( كان معاة قبلها اوكتافيا و باسات )

**Karim_Monir** · 10-01-2008 11:05 AM

انا اخالفكم الراي واقول كولت
الموتور المايفك الجديد 1500 تحفة
العربية اتحاد اوربي ومتجمعة في ايرلندا تقريبا ومخصصة للتسويق في اوربا
يعبها الشكل مش عاطفي بس لكن هيا هيا الانسر نفس عفشتها والات الجر وكما هيا سبور قوي
وللي ماجربهاش هيا فعلا بتجري جري غبي وثبات حلو وتقدروا تشوفوا ريفيوهاتها على يوتيوب
هايعبها بس اعادة البيع مش هاتبقي عالية زي الانسر بس مش هاتنزل قوي
وحضرتك بتقوللي انك عايزاها تقعديها 10 سنين يبقي خلاص
واوسع من السريون بكتير وليها شنطة معقولة
جيتز دي خارج الحسبة تماما طالما تقدري تركبي عربيات زي كولت وسريون ما تفكريش في غبور وقرفة
ومهندس طارق زويل يقدر يدينا سبورت في الكولت كويس

**MoToRiZeR** · 11-01-2008 02:11 AM

بالنسبة لانتقادات الشكل في السيريون .. بالعكس يا جماعة انا شايف ان شكلها حلو جدا !
و خاصة في الالوان الفاتحة

**unounobebo** · 11-01-2008 10:14 AM

شكرا يا جماعة علي آرائكم الجميلة اللي هتفيدني إنشاء الله بس لسة ماحدش قالي اللانسر الشكل القديم فتيس cvt و الكولت فتيس أوتوماتيك و مانوال في نفس الوقت يعني شكلة مانوال بس هو أوتوماتيك و ما فيش دبرياج .هل الفتيس دة أحسن ولا هيبقي مشكلة ؟ لان معلوماتي إن أحسن حاجة في الاوتوماتيك cvt زي اللي في السيتي و اللانسر القديمة و لا السيريون الاتوماتيك بتاعها أحسن ؟ و حكاية إن الكولت تقفيل مش ياباني يبقي السيريون أفضل ولا إية ؟ خاصة السمعة الممتازة لعبد اللطيف جميل . شكرا لمساعدتكم القيمة و أنا فعلا بأستفيد منكم جدا و من آرائكم القيمة .

**أبو عبدالله** · 11-01-2008 04:44 PM

الفتيس الاوتوماتيك أكتر من ممتاز في السيريون وبشهادة غالب اللي جربوها قالو كده وعلقوا عليه انه بينقل بسرعه واستجابته ممتازة جدا
ولا يوجد تأثير على سحب الماتور الــ 1300 سي سي عند الحمولة اكبر من حمولة العربيه وبتشغيل التكييف ايضا
وده عن تجربه وسبق وقولت اني مشي حوالي 30 كم وانا محمل حوالي 6 افراد وشنط وتكييف ومفيش اي مشكلة خالص في السحب