الموضوع: لكل محبى اليابانى تجربه من ارض الواقع

المشاركة الأصلية كتبت بواسطة فادى

لذا من المنطقى أن تنتشر السوبر كار اليابانية لأن قليل من البشر يمكنهم اقتناء الفيرارى و اللمبرجينى,
و لكن كثير من البشر يحلمون بسيارة رياضية

لكن قليل من اصحاب الفيراري يستطيعون مجاراه السيارات اليابانيه في السرعه


انت نسيت صاحب الفيراري الاندونيسي اللي اشتري جي تي ار ووريتهولك و الراجل بيتكلم ازاي

المشاركة الأصلية كتبت بواسطة eso_pop

انا معاك يا استاذ كريم فى كلامك انه مينفعش الشاهين اللى تصميمها قديم تبقى احسن من عربيه الشركه بتاعتها كل سنه بتحاول تحدث وتغير فيها سواء من ناحيه الميكانيكه او الشكل والكماليات الداخليه والخارجيه(تويوتا بقى ميتسوبيشى لكزس اى حاجه)
انما هو يمكن استاذ كريم عنده وجهه نظر من ناحيه ان الشاهين احسن(يا ريت لو تقدر تقنعنا بيها يكون افضل)
لانه واضح من الطريقه ان موضوع اليابانى ده عامل قلق كبير فى المنتدى
انا عندى تعليق اخير والله والله والله انا بتكلم بمنتهى الحياديه لانى لا معايا يابانى ولا شاهين(انا معايا رينو)انا اعتقد ان التويوتا افضل من الشاهين بكتير جدا
وده عن تجربه الاتنين سواء قياده او انى راكبها مع حد (الكلام ده فى موديلات مختلفه مش موديل واحد)
وفى الاخر ارجو ان الموضوع مياخدش مود الزعل والتعصب
وشكرا

رد أخير بس عشان خلط الأمور,
موضوع الشاهين و الكورولا كان مقارنة شدنى اليها زميل عزيز هنا, و كنا نقارن بين كورولا التسعينات (الى قبل العيون) و الشاهين,
دى نقطة,
طبعا سيبك انو التويوتا اللى بعدها كانت تقليد للمرسيدس العيون و الكرايزلر نيون مع بعض.
أنا معاك تماما انو الشاهين أقل قليلا من السيارات الأوروبية الحديثة زى الجيتا و الجولف و البرافو و اللينيا و ال307 و غير ذلك,
لكن لما أقارنها بسيارة أسيوية الوضع مختلف, على الأقل الشاهين مش "مغشوشة" و لا مسروقة و لا ملعوب فى مواصافتها زى ما بيحصل مع الشركات اليابانية.
بالنسبة لى الشاهين أحسن لى لأننى مش هشترى عربية من شوية نصابين.
و على فكرة الكورولا لا تتطور و لا حاجة, معظم مكوناتها الميكانيكية زى ما هى,
و طبعا حضرتك سمعت عن الفتيس "الفضيحة" لما تويوتا حاولت تعمل علبة تروس ذكية "سيكونشل" و رأينا أسوأ علبة تروس ذكية فى الكورولا الجديدة,
و دى على فكرة اول علبة تروس يابانية من هذا النوع, بعد أن فشل اليابانيون لسنوات عديدة فى ابتكار مثل هذه العلب(كان التطبيق الاول لها فى الفاروميو 156 سنة 1999 ).
سيارات فقيرة تكنولوجيا, الصانع عادة يتعمد اعطاء معلومات خاطئة عن مواصافتها, معظمها مأخوذ من تصميمات أمريكية و أوروبية, الكثير من التقنيات مأخوذة من شركات أخرى أو "مسروقة",
أسف أنا لن أضع ثقتى فى مجموعة من النصابين.

السلام عليكم و رحمة الله و بركاته
تحياتي الحارة إلى المهندس فادي ............ بجد وحشتني مناقشاتك الجميلة يا باشمهندس

و تحياتي الحارة للجميع و كل من شارك بالموضوع و أنا عايز أدلو بدلوي في الموضوع ده بعد اذنكم طبعا

أولا الأحكام المطلقة غير مقبولة ............ بمعنى
كلام الأستاذ فادي صح في حاجات كتير و كلام الأخوة الأفاضل صح برضه و كل من وجهة نظره الشخصية البحتة و رؤيته للأمر

اليابان قلدت أوروبا في بداية النهضة الصناعية لها .......... نعم
أوروبا ورثت علوم العرب عندما أستردوا أسبانيا ............ نعم
طيب هل أخذ الأوروبيون علوم العرب و تطويرها هو عيب لدى أوروبا
طبعا لا
طيب هل تقليد اليابانين في بدايتهم للمنتج الأوروبي عيب في حقهم
طبعا لاءة
و إلا بقى يبقى كل اللي عمل عربية و قلد مرسيدس و فورد لأنهم أساس السيارات الحديثة يبقى عيب عليه

طيب المشكلة فين

فيه تضخيم للياباني ............. نعم و تضخيم شديد
و أحيانا تسمع أن السيارة لمجرد أنها ياباني فيجب أن تكون الأفضل و طبعا هذا كلام غير صحيح بالمرة
أنا لا أؤمن ببلد المنشأ قدر إيماني بالمنتج نفسه أولا قبل بلده

فهناك تعميم خاطئ و صارخ بوضع المنتج الخاص ببلد في سلة واحدة
يعني مينفعش نحط كل الألماني في سلة واحدة و نقول ده ألماني
و برضه مينفعش نحط كل الياباني في سلة واحدة و نقول ده ياباني
و برضه المنتج المصري ( سيارات أو غيرها ) مينفعش نساوي بين الكويس و الوحش و نحطهم في سلة واحدة

يبقى خلاصة الكلام
اليابان قلدت أوروبا ....................و أصحبت من أكبر منتجي السيارات في العالم
بيجو و سيتروين و جاجوار و أوبل و اودي و بي إم و فيات و كل شركات السيارات قلدت إختراع مرسيدس و عملت عربيات

هذه هي الحياة
يجب التقليد في البداية و بعد ذلك إن لم تطور نفسك فلن يكون لك شأن و أنا أرى أن اليابانين أصبح لهم شأن كبير في السيارات
بس على فكرة

الياباني في أوروبا غير مشهور و ليس عليه أي هالة إعلامية كما في الشرق الأوسط
و على فكرة الزميل العزيز كوبرا كان بيقول إن المنتج الأوروبي أرخص ...........
و الإجابة لا ........... أحيانا تتساوى و أحيانا أخرى الأوروبي أغلى



ملحوظة
لولا الولايات المتحدة الأمريكية ما أصبح اسم اليابان ................ يابان
أمريكا كانت عايزة تتقي شرهم .......... فقالت نحطهم في عبنا أحسن و نحطهم تحت دراعنا
بس بصراحة .........
اليابان و ألمانيا دولتين معجزتين
الأثنين خرجوا من الحرب العالمية مدمرين تماما و لكنهم أصبحوا قوى صناعية عظمى


و تحياتي للجميع

كلام استاذ توت كله تمام ويدخل دماغ اى حد بصراحة
بس انا ليا كلمة لو المنتج مش كويس مش هايكون عليه الطلب الكبير ده ودى حاجة بالعقل
واحد + واحد = اتنين
ماحدش بيرمى فلوسه فى الارض خصوصا الاجانب لما بيحطوا دولار فى حاجة بيبقوا متأكدين انهم هايخدوا بيه اللى عايزينه

مش محتاجة اقول اكتر من ان اليابان متفوقة فى كل شئ مش بس فى العربيات
وياريت نحاول نبقى زيهم او حتى ربعهم

مقولة معروفة و اتقالت قبل كده هنا:

تستطيع ان تخدع بعض الناس كل الوقت
تستطيع ان تخدع كل الناس بعض الوقت

لكن..(و اه من لكن) لا تستطيع ان تخدع كل الناس كل الوقت

و أظن الجمله دي صحيحة تماما في جميع مجالات الحياة و منهم هذا الموضوع....لو كانوا فعلا نصابين مكانش ده بقي حالهم و لا كانت كل شعوب العالم مصدقينهم (يختلف نسبيا)....

و الموضوع مش امريكا مساندة و مدعمة و الكلام ده...المستهلك اللي هو انا و ملايين زيي في كل دول العالم معندهوش القدرة الخارقة انه يخترع نظريات مؤامرة زي نظرياتك يا استاذ فادي....هو بيقتنع بمنتج كويس اثبت كفاءة ...و هو ده مربط الفرس....الموضوع مش نصابين و شاهين ...