مع الاعتذار للجميع وكلكم احسن منى وبتفهموا اكتر منى كلكم واستاذ فادى اخونا وكبرنا وعمنا و على راسنا من فوق ومعرفش الكلام الى هقولة حد كتبلة ولا لا
لا اليابان خالتى و لا امريكا عمتى
فى سؤال يطرح نفسة
تـويوتـــا وحشة و بتقلد طيب وانا ايه الى يفرق معايا هو انا بشترى عربية ولا براءة اختراع
طيب
سؤال تانى معلش انا رخم حبة
[COLOR="rgb(255, 0, 255)"]هى تـويوتـــا جت قالت انا الى مش هيجب عربية من عندى سوف انزل علية لعنتى اليابانية لا[/COLOR]
طيب فهنى فين المشكلة
اولا انا بدفع فلوس على قد جيبى لان معيش اجيب امريكانى غالى عليا فى كل حاجة طيب اموت انتحر لا
اليابان كتر الف خرها عملتلى عربية مش زى الامريكانى تقليد يا عم بس حاجة محترمة وعلى قد تمنها
و اسمك راكب عربية شكلها حلو موفرة فى البنزين و قطع الغيار وفيها وسائل امان مش فتاكة بس محترمة
والعيال فرحت والمدام قالت لخوتها جوزى جاب عربية وخرجنى بيها انا والعيال والدنيا بقت زى الفل
على فكرة انا كنت عايش فى الكويت والكامرى هناك زى ابوهم وامهم مش من فراغ العربية الى تثبت جدارة فى اسواق الخليج لازم نحترمها اوى اوى اوى والناس دى مش مغصوبة على حاجة الناس دى عندها القدرة تشترى اى حاجة
ايه المشكلة بجد مالى انا بيسرق بينيل انا ليا النتيجة ولا لازم اقول انا مش هركب غير عربية تصميم و شغل شركتها
يعنى مثلا انا لو معترض على سياسية امريكا وانا عندى مرض ملوش غير علاج امريكانى مش هاخدة طبعا لا
ومعلش لو بنقول على التقليد طيب الصين قلدت كل حاجة حتى المرسيدس سرقت مودلتها الناس سابت المرسيدس وجابت صينى
لا شوف اعلى عربية صينى برليانس وشوف اختبار التصادم بتاعها حاجة تكسف وانت جواها ملكش فرصة للنجاه ودة مش كلامى انا دة كلام الناس يتوع اختبار التصادم
هقول حاجة واحده وكلمة ابرك من 100
الجيد يبقى
لو تويوتا ليست بجيدة لم تبقى حتى الان ناجحة مزدهرة
وشكرا
المفضلات