مش عارف ليه الناس مش عايزة ترضى بخلقة ربنا او عالاقل تحاول بالرياضة و تظبيط الاكل و بس و مصممة تضر نفسها
مش عارف ليه الناس مش عايزة ترضى بخلقة ربنا او عالاقل تحاول بالرياضة و تظبيط الاكل و بس و مصممة تضر نفسها
ناصر ودورين كان عندهم مشاكل مفزعه فى الكبد - واعتقد ان ناصر كان وصل لمرحلة زرع كبد
اما ارنولد فكان نجم المنشطات الاول على الاطلاق وكان فيه اتفاقيات كتيرة بخصوص الدعاية بينه وبين شركات المكملات وكا دائما من اوائل الاعبين اللى بيجرب جرعات اكثر من المسموح بيه
ممكن حضرتك تدور على النت على الحاجات ديه - لأنى زمان كان فيه مجلات (عربى) هيه اللى بتنقل لنا الاخبار ديه
اضيف لكلام دكتور عمرو - والله الكلام ده حقيقى مش علشان اخوف حد
تغير غريب فى الجلد وظهور بثور فى كل انحاء الجسم خاصة الوجة
تغير فى الصوت
تغير فى شكل الفك والفم ومن غير تريقة الشفايف بتبفى مدلدلة بشكل مقرف
عصبية مفزعة بدون ادنى داعى
شره غريب للجنس يليه شبه توقف عن الرغبة الجنسية
يبقى ليه الهرمونات يا اساتذه
msobhy أفتكر ان كلامك له علاقة أكتر بال Injections وال Steroids ، أى واحد يعرض نفسه لحاجة زى كدة يبقى بيخاطر ويجازف بصحته على احساس وقتى مع الوقت هيروح ، وانا معاك طبعا نسبة كبيرة فى مصر مش متخصصين ومش فاهم هو بيعمل ايه.
انما الSupplements زى ال Myoplex وSuperior Amino 2222 مثلاً دى منتجات لا تحتوى على هرمونات ولا تمس هرمونات الجسم بأى حال ، دى مكملات غذائية تحتوى على نسب محددة من البروتين الصافى وبتدى طاقة أكبر وبالتالى بتبنى العضل بشكل سليم ، ودة لا يغنى عن الأكل دة مكمل ، من غير الأكل هيرجع بأضرار على صحة الجسم لأنه بيحتوى على عناصر وفيتامينز مش موجودة فى المكملات الغذائية.
نسبة المكملات الغذائية اللى الطبيعى انك تاخدها أفتكر متعديش 40% من نصيب ما يدخل فمك فى اليوم ، لو لاقيت نفسك بتاخد مكملات غذائية أكتر من الأكل يبقى خد بالك انت بتعمل حاجة غلط.
الهدف من المكملات ليس الاستغناء عن الأكل انما تكون مصدر غذائى سريع Ready to Drink ومفعوله قوى.
وخد بالك أهم حاجة فى المنتجات دى الماركة ، لازم تجيب حاجة ليها اسم وسمعة وتقرا الReviews كويس أوى قبل ماتشترى المنتج ، لو سألت ودورت ملقتش بيتباع فى مصر يبقى يا تجيبه من برة يا تنساه إنما متستعيضش عنه بمنتج آخر محلى مالوش سمعة.
باختصار أكل كويس (60% طبيعى + 20/40 % مكملات) + نوم كويس + تمرين كويس = نتيجة ممتازة بدون أى أضرار.
ملحوظة بس بخصوص التمرين ، لازم تمشى على نظام مظبوط مش بس تلعب كتير لأ يكون فيه نسب معقولة فى الراحة ، لأن العضلة بتتبنى وقت الراحة مش التمرين ، وأهم حاجة انك تعمل التمرينة مظبوط.
وبالتوفيق للجميع
ده فى اغلب الحالات التطور الطبيعى للحاجة الساقعة
ياريت تأكد حضرتك المعلومة - هل فيه اى نوع من الامينو زى ال 2222 أو fuel أو اى نوع ما عدا ال whey مفهوش انابوليك ولو حتى بنسبة صغيرة - حتى لو كانت مش مؤذيه
معادلة اكثر من ممتازة ونزود عليها مكملات غذائية لا تزيد عن 20% وتكون قبل التدريب
وبالمناسبة احتياجات الجسم من المكملات بتتحسب بناء على الطول والعرض والسن والحالة الصحية
على سبيل المثال من 2 الى 6 حبات امينو قبل التمرين فى اعتقادى الشخصى لن يكون لها تأثير جانبى قوى على اللاعب شرط الحالة الصحية الجيدة وعدم الاستمرار لفترات طويله عليه وطبعا وده الاهم عدم وجود اى امراض مزمنه (خاصة امراض الكبد والضغط والقلب والكلى)
اصحابى كانوا بيتريقوا عليه على تحويجة كنت بعملها وانا صغير - بس انا فى البداية كان هدفى ضخامه لكن الحمد لله انى ماكملتش واتجهت للياقة البدنية فقط
المشكلة ان الوصفة ديه بقت خطر دلوقتى بسبب انفلونزا الطيور ومش بنصح بيها أى شخص
نجيب ورقة وقلم ونكتب المقادير
المكونات الاساسية
10 بيضات + كيلو لبن بلدى مغلى بشكل محترم + ورقتين فانيليا
المكونات الاضافية (مش هزار) حسب الرغبة
سكر - عسل اسود - عسل ابيض - موز - تفاح - برتقال - مانجو - جوزهند - خوخ - قشطة - مربى اى نوع - جوافة - من الاخر اى حاجة تطولها ايدك تكون مفيدة (فى بعض الاحيان كنت بحط اغلب المكونات ديه على بعض -وكان طعمعهم بيبقى مقرف بسبب كميات السكريات البشعة )
طريقة الاستخدام
الميكس ده تقريبا بيديلك 6 كوبيات كبيرة
كوبية أول لما تصحى - كوب قبل التمرين بساعتين - كوب قبل التمرين مباشرة - كوبين بعد التمرين مباشرة - كوب قبل النووووووووووووم
واعتقد ان الميكس ده مع تدريب صح متناسب مع جسم اللاعب بيدى باور نسبيا كويس - بالاضافة انه ممكن يزود اللاعب من كيلو الى 2 كيلو خلال شهرين والله اعلم
Bodybuilding.com - Optimum Superior Amino 2222 - Full Amino Acid Spectrum On sale now!
حضرتك انزل كدة تحت على الشمال هتلاقى ال Ingredients بالتفصيل.
فيه منهم حاجة عليها كلام ال Tyrosine:
reported to cause restlessness, anxiety, and rapid heart beat at higher doses in rare cases.
طبعاً بنسب معقولة جداً يعنى الضرر مالوش وجود لو ماشى بالكميات المعقولة.
أنا بصراحة مش خبير فى المجال ، أى منتج بدور عليه كويس وأشوف رأى الناس اللى جربته ايه وبسأل ناس فاهمة وعلى أساسه بقرر.
حضرتك لو مهتم اكتر أنصحك بالمنتدى دة فيه ناس على أعلى مستوى من الخبرة:
Bodybuilding.com Forums - Bodybuilding And Fitness Board
أى حاجة عندك شك فيها اسأل خبير هيديك المفيد بالمصادر وسيبك من الاشاعات.