اقتباس المشاركة الأصلية كتبت بواسطة AhmedGen2 مشاهدة المشاركة
أفتكر ان كلامك له علاقة أكتر بال Injections وال Steroids ، أى واحد يعرض نفسه لحاجة زى كدة يبقى بيخاطر ويجازف بصحته على احساس وقتى مع الوقت هيروح ، وانا معاك طبعا نسبة كبيرة فى مصر مش متخصصين ومش فاهم هو بيعمل ايه.
ده فى اغلب الحالات التطور الطبيعى للحاجة الساقعة

اقتباس المشاركة الأصلية كتبت بواسطة AhmedGen2 مشاهدة المشاركة
انما الSupplements زى ال Myoplex وSuperior Amino 2222 مثلاً دى منتجات لا تحتوى على هرمونات ولا تمس هرمونات الجسم بأى حال ، دى مكملات غذائية تحتوى على نسب محددة من البروتين الصافى وبتدى طاقة أكبر وبالتالى بتبنى العضل بشكل سليم ، ودة لا يغنى عن الأكل دة مكمل ، من غير الأكل هيرجع بأضرار على صحة الجسم لأنه بيحتوى على عناصر وفيتامينز مش موجودة فى المكملات الغذائية.
ياريت تأكد حضرتك المعلومة - هل فيه اى نوع من الامينو زى ال 2222 أو fuel أو اى نوع ما عدا ال whey مفهوش انابوليك ولو حتى بنسبة صغيرة - حتى لو كانت مش مؤذيه

اقتباس المشاركة الأصلية كتبت بواسطة AhmedGen2 مشاهدة المشاركة
باختصار أكل كويس (60% طبيعى + 20/40 % مكملات) + نوم كويس + تمرين كويس = نتيجة ممتازة بدون أى أضرار.
معادلة اكثر من ممتازة ونزود عليها مكملات غذائية لا تزيد عن 20% وتكون قبل التدريب
وبالمناسبة احتياجات الجسم من المكملات بتتحسب بناء على الطول والعرض والسن والحالة الصحية
على سبيل المثال من 2 الى 6 حبات امينو قبل التمرين فى اعتقادى الشخصى لن يكون لها تأثير جانبى قوى على اللاعب شرط الحالة الصحية الجيدة وعدم الاستمرار لفترات طويله عليه وطبعا وده الاهم عدم وجود اى امراض مزمنه (خاصة امراض الكبد والضغط والقلب والكلى)

اصحابى كانوا بيتريقوا عليه على تحويجة كنت بعملها وانا صغير - بس انا فى البداية كان هدفى ضخامه لكن الحمد لله انى ماكملتش واتجهت للياقة البدنية فقط
المشكلة ان الوصفة ديه بقت خطر دلوقتى بسبب انفلونزا الطيور ومش بنصح بيها أى شخص
نجيب ورقة وقلم ونكتب المقادير
المكونات الاساسية
10 بيضات + كيلو لبن بلدى مغلى بشكل محترم + ورقتين فانيليا
المكونات الاضافية (مش هزار) حسب الرغبة
سكر - عسل اسود - عسل ابيض - موز - تفاح - برتقال - مانجو - جوزهند - خوخ - قشطة - مربى اى نوع - جوافة - من الاخر اى حاجة تطولها ايدك تكون مفيدة (فى بعض الاحيان كنت بحط اغلب المكونات ديه على بعض -وكان طعمعهم بيبقى مقرف بسبب كميات السكريات البشعة )

طريقة الاستخدام
الميكس ده تقريبا بيديلك 6 كوبيات كبيرة
كوبية أول لما تصحى - كوب قبل التمرين بساعتين - كوب قبل التمرين مباشرة - كوبين بعد التمرين مباشرة - كوب قبل النووووووووووووم
واعتقد ان الميكس ده مع تدريب صح متناسب مع جسم اللاعب بيدى باور نسبيا كويس - بالاضافة انه ممكن يزود اللاعب من كيلو الى 2 كيلو خلال شهرين والله اعلم