السلام عليكم
انا بتمرن بقالي شهر وشوية اهو والكابتن انهاردة قالي انت محتاج تاخد امينو
بس انا مقلق بصراحة ف عايز راي دكتور لو سمحتم في موضوع الامينو دة مضر ولا مش مضر
ولو في طريقة معينة اخدوا بيها عشان ميعملش ضرر
كدة يعني :b4_592:
وشكرا ليكم مقدما :)
السلام عليكم
انا بتمرن بقالي شهر وشوية اهو والكابتن انهاردة قالي انت محتاج تاخد امينو
بس انا مقلق بصراحة ف عايز راي دكتور لو سمحتم في موضوع الامينو دة مضر ولا مش مضر
ولو في طريقة معينة اخدوا بيها عشان ميعملش ضرر
كدة يعني :b4_592:
وشكرا ليكم مقدما :)
انا بقلق من الحاجات دي
بس هما عامةً بيقولو كده عشان يبيعو مش اكتر
الطبيعى مفيش احسن منه
ونصحية اخوية ، بلاش تخلى الكميا هى اللى تبنيك
انا عندى سنة طحن، ولا يوم بأمينو
ولو قالك دة علشان البروتين والغذا، وبيتحرق والكلام دة، متسمعش كلامة، كل فى البيت احسن، لان الحاجات وحتى لو اتحرقت، فا هى بتسيب اثر
بلاش كميا
الاحماض الامينيه هي الناتج النهائي من عمليه هضم البروتين في الجسم
ولما الواحد بياخد امينو صافي زي اللي بيتباع
بيكون ليه معدل حرق معين وتمرينات معرفهاش
ولو متحرقش بالكامل بياثر علي الكليه والكبد والعياذ بالله علي المدي الطويل او القصير
دا كل اللي اعرفه
يعني بلاش منه احسن ها
طبعا بلاش
وبعدين انت بقالك شهر واحد يعني لسه بتسخن
بس سؤال هل هو تطوع وقالك كده من نفسه ولا انت سألته
وهل قالك انا عندي نوع حلو ولا لأ
لا والله دة في نص التمرينة كدة لقيته بيقولي انت محتاج امينو واتنين صحابي كانو معايا قالهم انتو محتاجين بروتين .. :U_thin1[1]:
انا مش فاكر بالظبط بس انا سالته تقريبا هو مالوش ضرر قاللي لما يتاخد صح لا وبعدين اهو عندي جوة وبتاع
وفي راجل هناك جسمه ماشاء الله
فبساله قالي مالوش اضرار احتياج اللي بيلعب اكبر من احتياج الانسان العادي ودة اسمه مكمل غذائي
ازاي كمان هيتباع في الصيدلية لو ليه اضرار؟؟
الامينو اختصار كلمة amino acids
لو فرضنا ان البروتين هو سبحة كبيرة يبقى الامينو هو حبات السبحة دي
عدد الحبات في انواع السبح المختلفة من 2 الى كذا مية حبة في السبحة الواحدة
لو حضرتك اكلت لحمة مثلا ودخلت على الدم وهي بروتين معقد حتبقى ليلة زرقا
لان ساعتها الجسم حيتعامل معاها كأنك زارع عضو غريب وحيحصل حساسية وتدمير للجسم
يبقى الحل ان اللحمة تتكسر لآخر حاجه ممكنة في الامعاء قبل الهضم وتتحول الى حمض اميني
خللي بالك ان الاحماض الامينية بتاعة اللحمة مفيش فرق بينها وبين بتاعة الفول او العدس او الفراخ او السمك او الكبدة او اللبن طالما بنتكلم على الاحماض الامينية
الاحماض الامينية 20
10 الجسم بيعملهم : احماض امينية ملهمش لزمة لانك تقدر تعملهم لو كلت عيش حاف
10 الجسم لازم ياخدهم من بره
طيب اشمعنى اللحمة اغلى من القلقاس والاثنين فيهم بروتين؟؟؟
اللحوم والاسماك فيهم انواع اكتر من ال10 المهمين
البسلة والجزر والقلقاس (مثلا) فيهم انواع اكتر من ال10 اللي مش مهمين
الاكل النباتي الوحيد اللي مساوي للحمة هو اثنين: الفول والعدس (عرفت ليه الشعب المصري يفوت في الحديد؟)
ليه بقى اروح اشتري امينو بكذا ميت جنيه عشان آخد حبة احماض امينية لو اكلت حتة لحمة حعرف اخدهم
مبعرفش أهضم ؟؟ لأ
مبعرفش استفيد منهم ؟ برضه لأ
أساسا ياريت أصلا تكون الحبوب المستوردة معمولة من احماض امينية بس
لاني قريت قبل كده ان ساعات شركات عايزه الحرق بره بتعمل الجيلاتينة بتاعة الكبسولة من دهون وجيلاتين فيها هرمونات وساعتها بقى .................................................. ..............................................:sti nk[1]::stink[1]::stink[1]::stink[1]::stink[1]::stink[1]::stink[1]:
فأنضحك بلاش بلاش بلاش
باشا الحاجات دي مش بتتاخد الا بعد 6 شهور تدريب على الاقل مش قبل كده
لسه بدري جدااااااااااااااااااااااا ااااا وهو باين كده انه عاوز يعمل عليك شغل ويبعلك من عنده
وياريت لو بلاش منها خالص .... انت مش ناوي تدخل بطولة يعني !
اهم حاجة جسمك وعضلاتك تبقى مشدودة ويبقى عندك مرونة .... بس كده ولا ايه ؟
ممكن اعرف بلاش دى يعنى اية
لان سمعت ان فية حاجت من دى بتجيب عقم
الكلام دة صح ولا غلط
ياريت يا دكتور احمد ترد عليا في السؤال ده
هل الامينو ممكن يسبب تضخم في عضلة القلب فعلا ؟؟
ياريت ترد عليا لاني سمعت الموضوع ده قبل كده وطبعا لو صحيح يبقى كارثة !
حضرتك مستعجل ليه للضخامة استني حتي شويه كام شهر و بعد كده شوف ممكن تاخد ايه امينو او بروتين يعني بلاش استعجال
الراجل ده غير امين وعلشان عاوز يبيع ميهموش صحه الناس وبعدين اذا كانت الاحماض الامينيه مطلوبه لبعض الحالات الشديده النحافه فهي بتأخذ بكميات وجرعات بسيطه وتحت اشراف طبي وهذا الشخص ليس طبيب لكي يقوم بوصف مثل تلك الاشياء وغالبا ده مش انسان
واضح من كلامك كده انه عايز يعمل شغل
بس بينوع يعني علشان ماتبقاش باينه بيقولك انت امينو والتانين بروتين
عموما في ادويه كتير جدا بتتباع في الصيدليه ومميته
مش معني ان حاجه بتتباع في الصيدليه انها امنه
لازم تستخدم في مكانها الصح وللفرد الصح والا هتضرك
هو فعلا احتياج اللي بيلعب اكتر بس الاحتياج ده تعوضه بالاكل مش بالامينو
الا لو انت بتاع كمال اجسام بقي او عندك سوء تغذيه مثلا تبقي محتاج امينو ومكملات
كل اللي تعمله انك تزود البروتينات في اكلك
اسهل بروتين ممكن تاكله التونه
بس بلاش امينو او حقن ديكا او كرياتنين بلاش الحاجات ده
اى جيم فى الدنيا كده , لازم الكابتن يقولك انت محتاج امينو و مكملات و حوارات فاشلة ..
بس ممكن تقولى ليه الكابتن قالك خد امينو ؟؟؟ ايه السبب ؟؟
لأ الحاجات ده مش هي اللي بتجيب عقم
الحاجات اللي بتجيب العقم اللي هي الهرمونات
لأن في ناس بعد مرحلة الامينو يروحوا داخلين علي هرمون التيستوستيرون
اللي هو هرمون الذكوره
والمشكله انه بيتاخد بطريقه عشوائيه بتلخبط الافراز الطبيعي بتاعه في الجسم
وده ممكن يسبب العقم
ولكن الامينو ده هيبقي حمل تقيل علي الجسم مالوش لازمه
وخصوصا الكبد وخصوصا لو الواحد كبده تعبان ومايعرفش
للأسف كتير اوي من الشباب بيسمعوا كلام "الكباتن" بتوع الجيم و خلاص..
بلاش امينو...مش هيكبر العضلات وبعدين مش حلو للجسم (كتره)
انا راى تاخد واى دة عباره عن بروتين فقط وغير مضر نهائى وصحى 100 فى 100 اكنك بتاكل كتير فقط
عايز اقول حقيقة فيه ناس كتير ميعرفوهاش
الحقيقة الاولى
عدد عضلات اي كابتن جيم يساوي عدد عضلات نانسي عجرم !!!!:E_braces[1]::E_braces[1]:
الفكرة كلها فكرة الحجم
وده اللي يعرفه اللي عارف الفرق بين ال Hyperplasia & Hypertrophy
Hyperplasia
زيادة حجم عضو نتيجة زيادة عدد خلاياه (اكرر عدد خلاياه)
بتحصل في حالات النزيف مثلا عدد خلايا نخاع العظم بتزيد عشان تعوض النزيف
خللي بالك عدد الخلايا هي اللي زادت
مثال ثاني: عند البلوغ تتم زيادة عدد خلايا الاعضاء التناسلية للذكر والانثى وزيادة عدد خلايا الثدي للأنثى
Hypertrophy
زيادة حجم عضو نتيجة زيادة حجم خلاياه (الحجم مش العدد)
بتحصل في الانسجة اللي مش بتنقسم اصلا (خللي بالك من حته مش بتنقسم دي)
مثلا واحدة حامل الرحم ساعتها بيطلع من الحوض ويكبر ويدخل البطن ويوصل لحاد الرئة يعني طلع 3 ادوار :36_1_1[1]:
بعد الولادة ايه اللي بيحصل
فسسسسسسسسسسسسسسسسسسسسسسسس سسسسسسسسسسسسسسسس
ويرجع لمكانه الطبيعي :36_1_50[1]:
لو عديت عدد خلايا الرحم قبل الحمل واثناء الحمل وبعد الحمل حتلاقيهم واحد
عشان بس الكابتن اللي كان بيدربني كان بيقعد يقول انت بتزود عضلاتك وانا اقوله لأ انا بنفخهم بس
وعشان كده لو بطلت جيم حيحصل ايه ؟
العضلة حتحس ان مفيش فايدة من الحجم الزيادة والاكل الزيادة فحيحصل لها ضمور :8954[1]:
زي اي حاجه في الجسم لما بتقل حركتها حيحصل لها ضمور
يعني كتبت على نفسك انك حتفضل تروح الجيم يوم بعد يوم طول حياتك عشان تعبك ميروحش على الفاضي
الحقيقة الثانية
البروتين مش بيتحوش في الجسم
لو كلت كيس شيبسي حتحوشه لانه دهون ونشويات
لو اكلت كرتونة شيبسي برضه حتحوشهم كلهم
لو اكلت خروف يساوي من البروتين لو اكلت حته لحمة صغيرة
لان البروتين مبيتحوش في الجسم ابدا :I_angr1[1]:
وساعتها الكلية هي اللي بيكون عليها مسئولية التخلص من البروتين الزيادة
خللي بالك من الامراض بتاعة الناس الهاي اللي بتاكل لحمة كتير (او امينو) تيبس الكلية nephrosclerosis
وبالتالي فعلا حضرتك بتحمل على الكلية
انا آسف على التاخير لاني كنت بكتب الرد
للامانة المفروض ان الامينو لوحده لأ ميعملش الا نوع من تليف الكلية او تيبس الكلية عند الاستخدام المفرط للامينو
ولكن !!!!!
مين اللي قال ان الامينو اللي في السوق المستورد يحتوي على امينو فقط هو اللي بيزود العضلات ؟؟؟
ساعتها كان المفروض ان بنتي اللي بترضع يطلع لها عضلات لما بديها لبن (ماهو بروتين يعني امينو ههههه)
انما اللي بيحصل مش كده
فعلا اللي بياخدوا امينو مستورد بيتنفخوا نفخة غريبة على عكس نفس الناس الللي بتلعب معاهم في نفس الجيم ومابتاخدش
وهو ده الفرق :::: الهرمونات (وده التفسير الوحيد)
الهرمونات اللي بتضيفها بتبقى من نوع Anabolic steroids
يعني نفس نوع الهرمون اللي بيطلع عند الرجالة ساعة البلوغ وبيدي الرجالة شكلهم العضلي الي هو شكل كرتون طرزان (آل يعني بنتخانق كل يوم ونعور 20 واحد )
لما بياخدوا الهرمون ده بجرعة عالية بتتكون عندهم العضلات بسرعة اعلى
بس مشكلة الهرمونات دي باختصار:
* أولا ضمور الخصية لأنك بتلعب في الهرمونات المتحكمة فيها :L_bhuhhh[1]:
* وبالتالي العقم :B4_592:
* ارتشاح ميا تحت الجلد (زي اللي حصل ل H دبور في مسلسل تامر وشوقية
* سرطان الكبد لانه المسئول ساعتها عن تخليص الجسم من الهرمونات دي :U_thin1[1]:
ساعتها بوظان الكبد هو اللي حيهد الجسم ويأذي القلب بعد الشر
وعشان كده قلت بلاش بلاش بلاش
:B4_556::B4_556::B4_556:
انا اسف و لكن الرجل ده متخلف متخلف متخلف ..
نصيحة تسيب الجيم احسن , لانك لازم تلعب مع كابتن فاهم ..
انت اصلا لو مليان هتلعب اجهزة تخسيس لحد ما جسمك ينزل و يبقي فى وزن اقل من الطبيعى بشيء بسيط و بعدها تلعب اوزان عادى زى اى حد و تقسم جسمك و تمرينك على نظام معين .
لكن خد امينو علشان ينشف العضلة , بجد قمة التخلف و الجهل ..
اوعى تاخد اى حاجة و انت بتلعب اصلا , خليك طبيعى و ركز على الاكل الصحى اللى فيه الفوائد و متحاولش تاكل " اكلات سريعة " لانها ملهاش اى لازمة و تنام و تصحى فى مواعيد مظبوطة ..
هيبقي جسمك تمام , لكن الناس اللى عاوزة تعمل شغل دى , :khd:
اشتري دماغك
ماء علي الكبد و ماء علي الكليه
بلاش احسن الضرر بتاعه علي المدي البعيد بس لو دخلت في الطرق ده هتكمل ديكا و كرياتين و هرمونات و احسن بلاش انتي بتبني نفسك ولا بتهدها
انت بتتمرن فين ؟؟
الأخ MemoMedo
شوف المصادر دى اقرا فيها:
Bodybuilding.com - Amino Acids Information and Product Listing! Amino Acids FAQ!
Protein Amino Acids Information
Amino Acid Side Effects
باختصار الأمينو أسيد مفيد جداً للجسم والصحة العامة عموماً ومالوش أى تأثير أو ضرر نهائى.
انا شايف بعد كلام الدكتور احمد و الدكتور عمرو مفيش كلام تاني
يا جماعة الواحد بياخد دواء موصوف من طبيب و بيبقى قلقان من اعراضه الجانبية
مش بلاوي زرقة مش عارفين فيها ايه كاتبها كابتن !!!
حضرتك اما الماسورة بتضرب في البيت بتجيب سباك و لا نجار؟
اما رادياتير العربية يتخرم بتروح لبتاع رادياتيرات و لا لكهربائي؟
او حتى اما عينيك توجعك بتروح لدكتور عيون و لا باطنة؟
خليك مع الدكاترة و فكك من الكباتن و هبلها ..... غير ان واضح انه نواياه غير سليمة و غير حيادية لأنه من الاخر عايز يبيع و خلاص و يعمل عليك المصلحة التمام
و لو عاوز تتاكد قول له اسم الماركة ايه و انا واحد صاحبي صيدلي (او اي فيلم مشابه) هيجيبهولي بتخفيض و شوف رد فعله ايه
أنا مش هزود عن كلام الأطباء بتوعنا بارك الله فيهم و نفعنا بيهم ...
عشان كده بقولك ...
فكك من الكلام ده بس ... نام كويس .. إتمرن كويس (بس مش زيادة يعنى أخرك 16 مجموعة ) ...
و شوف إنت عايز إيه بالضبط و إتمرن على أساسه ....
و بلاش حاجات إضافية
هو ده الكلام المفيد .... وساعتها هيبطل يزن عليك في موضوع الامينو دهاقتباس:
و لو عاوز تتاكد قول له اسم الماركة ايه و انا واحد صاحبي صيدلي (او اي فيلم مشابه) هيجيبهولي بتخفيض و شوف رد فعله ايه
خلاص تمام يا جماعة وكل الناس اللي ردوا
مش واخد اي حاجة من دي
:) شكرا ليكم مرة تانية
بعد اذن الدكتور احمد ارد انا برغم انى مش دكتور بس عندى فكرة
اللى بيسبب تضخم فى عضبه القلب ده هرمون اسمة هرمون النمو
يعنى اى انسان طبيعى النمو بتاعه بيقف عند سن 21 سنة فى ناس فى الجيم بتاخد هرمون النمو ده علشان يكمل وفى بعض منه بيبقى معدل وراثيا جسمك مش بيطول لا بيعرررض بتبقى اعرض فى العظام
اضراره
تضخم فى عضله القلب والكبد والكلى و العملقه و تعريض الفك كبر حجم كف اليد
اهم حاجة الوفاه المبكرة يعنى 45 سنة وبالسلامة كده
الامينو فى منه انواع 4000 ,2222 ,5000
وعلى فكره الامينو فى الاحماض الامينيه بالاضافه الى هرمون الذكورة التستيرون زى ماقال الدكتور احمد
الميزة الوحيده فى الامينو 2222 انه بيبنى عضله صافيه خاليه من الدهون والمياه طبعا مع برنامج خاص فى التمرين
نصيحتى ليك انت لو عندك دهون زياده الامينو مش هيخسسك العب الكارديو لغايه ماتخسس شوية وبعدين شيل حديد زى مانت عاوز حسب البرنامج بتاعك علشان توصل للى انتى عايزة
ملحوظة صغيره : الناس االلى بره ابطال كمال الاجسام طبعا بياخدو منشطات علشان يوصلو للمستوى ده بس تحت اشراف طبى كامل مش زى عندنا تحت اشراف كابتن عبده حديد
تحياتى
الف شكر يا حازم باشا على الافادة وعلى المعلومات القيمة ...
الف شكر
السلام عليكم
انا عندي سؤال
انا بقالي فترة حوالي 4 شهور بلعب جيم و بشيل اوزان ثقيلة بس بقالي فترة الاوزان ثابتة و مش قادر ازود تاني خلاص مش بقدر ارفعها
انا الحمد لله حجم العضلات زاد عندي بس انا عايز اكسر الحالة دة عشان ازود في الاوزان اعمل اية ؟
مع العلم اني ماشي طبيعي و باكل كويس و انا كويس
طاقة ..
محتاج أكل فيه نسبة سعرات حرارية كتير ولو عاوز supplement يبقى NoExplode وانت مغمض هيخليك تشيل أوزان عمرك ماشلتها لأنه بيوسع الأوعية فبالتالى ضخ نسبة دم أعلى للعضلات أثناء التمرين ، انت بتاخده قبل التمرين بنص ساعة تقريبا ولازم طبعاً تشرب مياة كتير علشان مترهقش الكبد والكلى ، وبتاخده على فترات يعنى كام اسبوع وتبطل فترة وهكذا ..
لازم تقرا عنه وتفهم بيشتغل ازاى قبل ما تقرر:
YouTube - Performance Supplement Reviews: BSN NO-Xplode (Nitric Oxide)
BSN NO Xplode Reviews - Consumers complaints & comments on No Explode | NO Xplode Reviews
Bodybuilding.com - BSN NO-Xplode - New AVPT Technology! On sale now!
Bodybuilding.com - Guanidinopropionic Acid Information and Product Listing! Guanidinopropionic Acid FAQ!
شوف حضرتك
قبل اى حاجة لازم تقول مواصات جسمك
طولك - وزنك - سنك - هل توجد لديك اى مشاكل صحية
بعد كدة هاندخل على المرحلة اللى بعدها الا وهى وصف طريقة التمرين بتاعك
نيجى للخطوة النهائية - انت عايز ايه - ولأى مدى هاتتحمل مخاطر على صحتك وعلى شكلك الخارجى
بخصوص الامينو اسيد - مفيش فى السوق امينو اسيد فقط لكن كلها بتكون فيها نسب انابوليك زى ما الاخوة الافاضل قالوا لحضرتك - وده لمجرد اظهار قوة المنتج ليس أكثر ولا أقل
اللعب بالمنشطات زى بالظبط ما تكون ماسك ديناميت فى ايدك وفى الايد التانية نار وبتقول انك مش هايحصل لك حاجة
طيب الناس اللى جامده جدا ديه بقت كدة ازاى - انا مش هاقول اسماء المنتجات علشان مايبقاش الذنب ذنبى - لكن هنا فى مصر 99.99 % من لاعبين كمال الاجسام لا يفقهوا شئ فى أى شئ - نضرب الكورس وجسمنا يملئ ميه وكده هانبقى تمام ومش مهم اى حاجة تانية - وعلى سبيل المثال فى حقنة اسمها سنابوليكام (مدورش عليها لأنها انقرضت من حوالى 6 أو 7 سنين) ديه كان مكتوب عليها بالبنط العريض غير مخصصة للأستهلاك الادمى - ومع ذلك انا اعرف واحد اخد منها فوق ال 30 امبول فى فتره لا تزيد عن 3 شهور وعااااااااااااااااااادى - مش فارقه معاه
طيب احنا ايه اللى جاب سيرة المنشطات - احنا يدوبك بنتكلم على الامينو وده حاجة خفيفة خالص ومش مضرة (ديه نفس المصطلحات اللى بيستخدمه اللاعيبة كلهم) صدقنى أول الغيث يبدأ بقطره
لو جسمك نحيف مع احترامى ليك ولا حتى 1000 حبة امينو هاتفرق معاك لكن شكل جسمك ممكن يتغير وتبدأ تدخل فى دوامة انك عايز جسمك يكون ظاهر فى الهدوم ومش مهم ان جسمك يكون رياضى المهم الضخامة
يقابلك واحد يقولك بص بقه فى بودر جديد اسمه ................. تاخده هايدلك على الاقل 8 كيلو زيادة فى الوزن بس جسمك هايزيد فيه الدهون شوية - وبعد كده تاخد امينو علشان ينشف جسمك (وطبعا ده مش هايحصل) - تبدأ تاخد البودر يملئ جسمك دهون وميه (خليك فاكر معلومة ان مفيش منتج من غير منشطات) فى البداية جسمك يزيد وبعد كده يقف - لأن جسمك بيجيب اخره
يجيلك واحد ابن حلال يقولك بص علشان الكورس يظبط معاك خد حقنة ............ و3 مرات بس مش اكتر - تاخدها وجسمك يبقى اسطورى وبعد شهر واحد - كل ده يروح لكن الاثار الجانبية تفضل - تبدأ تدخل فى كورسات تخسيس (وهيه ديه اللى فعلا مصيبة بكل المقاييس) وتبقى عايش حياتك علشان التخلف اللى اسمه كمال اجسام
واحد ابن حلال هايقول لى طيب ما فيه حاجة اسمها Anti أو كورسات لتجنب اثار الجانيبة لكورسات التضخيم والتخسيس - أولا مفيش كورس بدون اثار جانبية مهما حصل - ثانيا علشان تبقى زى الناس اللى بره يبقى لازم يكون وراك جيش دكاتره وبرضو النهاية بتكون حتمة واكبر دليل على كده ناصر السنباطى - دورين - ارنولد (فار تجارب الشركات)
كل الكلام ده مش مقنع والدليل على كده ان نص مصر دلوقتى بتاخد منشطات ومكملات غذائية وصحتها زى الفل - ديه حاجة ترجع لك - لكن نصيحة لوجه الله بلاش منشطات - ولو عايز تاخد الامينو أو اى حاجة تانية تكون خفيف زى ما الاساتذة بتقول - يبقى تاخد كميات خفيفة زى ما مكتوب على العبوات وتكون قبل التمرين بحوالى ساعة ونصف أو ساعتين بالاضافة ان تمرينك مدة لا تقل عن 50 دقيقة - فترات الراحة بين كل مجموعه والتانية من 30 ثانية الى 120 ثانية