تانى مرة عشان البيهسؤال بسيط يا أخ/ فادى
أنت عاوز تثبت ايه؟ و لمين؟
من الأخر كده لو عاوز تثبت أن اليابان و حشة و ملهاش لزمة فى أى حاجة فأنا باقترح عليك تنقل حملتك لمجال أوسع من منتدانا الغلبان، احنا كلنا محصلناش 5000 عضو، يعنى لو حصلت معجزة (معجزة معجزة يعنى) و أقنعت 1 مننا بكلامك يبقى ما استفدتش حاجة، لكن لو نقلت حملتك لمنتديات السيارات على مستوى العالم و كتير منها أعضائه أكتر من 5000 عضو بكتير و منتشرين فى دول كتير جدا و مبيعات السيارات اليابانية عندهم بالملايين و حصلت معجزة (معجزة بنت معجزة يعنى) و أقنعت 10 - 15 منهم بكلامك يبقى الأستفادة أكبر.
أما بقى لو عاوز تنشن و تصيب الهدف (على رأى ضبش) يبقى تبتدى تتحدى الشركات اليابانية انهم يبادلوك الحجة بالحجة و تنقل التحدى على الجزيرة أو السى أن أن و تبقى (انترناسيونال يا سامح) و توصل لمئات الملايين من المخدوعين فى السيارات اليابانية و ساعتها لو حصلت معجزة (معجزة بنت معجزة من ضهر معجزة) و أقنعت 20 - 30 واحد يبقى الحمد لله الفايدة أكتر بكتير و أنت استريحت و احنا (بالتأكيد) استريحنا.
أتوكل على الله ياراجل و أسمع كلامى و ربنا يوفقك فى حملتك المظفرة و صدقنى بجد هنفتقدك، بس أنت جرب و شوف هنفتقدك أد ايه.
لو مفهمش الحق عليه
المفضلات