الموضوع: و مازالت الحملة مستمرة!!

يا جماعه
الشاهين لما تحبو تقارنوها قارنوها بتويوتا كورولا مثلا سنه 1973 اللي هو تاريخ تصميم و انتاج ال 131 مش تقارنوها بالكورولا الحديثه اطلاقا
البيجو 504 تتقارن ب ال 132 من الند للند
لما تحبو تقارنو ال 131 بحاجه فرنساوي قارنوها بال 304 ثم ال 305 و متهيالي ال 131 حتكتسح كل دول.
انما مش تقولو قارنها بكورولا عيون .
الشاهين نفس تصميم و شاسيه ال 131 من سنه 1973 ما تغيرش غير شكل الجسم الخارجي فقط

المشاركة الأصلية كتبت بواسطة tutankhamoun

لي توضيح بسيط بدون ما حد يزعل
السيارة التويوتا كورولا سيارة قديمة و ليست سيارة حديثة
التويوتا كورولا أكثر سيارة مبيعات في تاريخ السيارات العالمي و ليس الياباني فقط
و لا تقولي 504 و 131 مع أحترامي للماركتين
يبقى لما نقارن سيارة شاهين اللي هي أصلا 131 صناعة سنة 2007 بسيارة كورولا موديل 2007
يبقى أحنا بنقارن كورولا ب 131
و مش مشكلة اليابانيين إن فيات أوقفت أنتاجها منذ زمن و أوقفت تطوريها أيضا و باعوا خط الإنتاج لتركيا
و بعدين يا أستاذ فادي مفيش حاجة أسمها نظريا

انا حرد علي النقطه دي بس يا استاذ توت
احنا لما نيجي نقارن المفروض نقارن عربيتين اتصمموا و انتجو في نفس الوقت
طيب الشاهين اتصممت سنه 1973 شوف ايه الموديل من الكورولا اللي اتصمم في الوقت دا.
ما تجيش تقولي كله اسمه كورولا .لاء لان تويوتا بتغير العربيه ككل مع كل جيل و لو بنقيس بقياسات حضرتك كنا قولنا علي الريجاتا 131 برضه و التمبرا 131 هيا كمان و الماريا و كل دول يعتبرو امتداد لل 131 لكن فيات بتغير التسميه مع كل موديل جديد بعكس تويوتا مثلا.
مثال تاني ال 304 و ال 305 و ال 306 و ال 307 و ال308 دي كلها اجيال متعدده من سياره في الفئه المدمجه لكن بيجو بتغير لاسامي مع تحديث الجيل

لا يا باشا مش دا قصدي.
يعني مثلا ما ينفعش نقارن لانسر 2008 الشكل القديم بالشكل الجديد.
و بعدين لو حنقارن الكورولا الجديده بالشاهين ما ينفعش مقارنه اساسا لاختلاف الموديل حتي لو الاتنين مصنوعين 2007

"الشاهين لما تحبو تقارنوها قارنوها بتويوتا كورولا مثلا سنه 1973 اللي هو تاريخ تصميم و انتاج ال 131 مش تقارنوها بالكورولا الحديثه اطلاقا
البيجو 504 تتقارن ب ال 132 من الند للند
لما تحبو تقارنو ال 131 بحاجه فرنساوي قارنوها بال 304 ثم ال 305 و متهيالي ال 131 حتكتسح كل دول.
انما مش تقولو قارنها بكورولا عيون "

ده رأى منطقى جدا و فعلا لازم نقارن السيارة بسيارة فى وقتها.
و لكن بالنسبة لى أنا , أرى أن صناعة السيارات تتقدم للخلف, و أرى السيارات القديمة أفضل و أبقى من الحديثة.

"يا راجل ده التكييف لوحده وقاعدة العربيه وشكل التابلوه والزراير والتقفيل وكل حاجه تفرق "

الكلام ده مبيفرقش معايا.

"يا راجل ده انا واحد صاحبي معاه مازدا 323 موديل 82 بيجيب على التاني 90 وبيوصل لمائة كيلو والعربيه معملتشي عمره وانت تقولي شاهين و131 اي"

ملهاش دعوة أى عربية علبة تروسها مصممة انها توصل ل90 على التانى هتوصل حتى لو كان عمرها 50 سنة.

"بحالتها ولكن كان التاني بيجيب 60 بالقوة وصوت العربيه مجعر اد كده"

مش مقياس برضو لأن ال131 علبة تروسها ذات نسب قصيرة بهدف تحسين العزم و المرونة على السرعات المنخفضة. أما صوت المحرك فحضرتك ممكن تصلح الشكمان.
و لاحظ ان سيارات فيات و ألفاروميو عموما سيارات مرتفعة الصوت بهدف اعطائها طابع رياضى.