الموضوع: و مازالت الحملة مستمرة!!

الموضوع بصراحة فعال جدا جدا جدا فى علاج الأرق لدرجة انى جايز آخد لينك الصفحة وأوصفه للمرضى اللى محتاجين يناموا كويس.... أنا قايم أنام

نقول ميتسوبيشي و هيتاشي بيصنعوا معدات و حفارات بترول يقولي أمريكا و مصر و ليبيا
مصر و ليبيا تابعتين اقتصاديا لأمريكا في صناعة البترول ;) ;) ;)

و مش ذنب اليابان إن جناب سعادتك ما يعرفش حاجة عنهم !!!!!!! ;)
اليابان تملك أسرع قطار على وجه الكرة الأرضية مع فرنسا


عارف أيه يا أستاذ فادي اللي مطاط .......... مش البحث العلمي
ده ردود حضرتك اللي كلها مطاطة و عائمة
بص يا سيدي .......... اليابان من الآخر دولة زبالة ........ و ما بيعرفوش الألف من كوز الذرة
أنا عايزك ترتاح نفسيا :D
و أنا عن نفسي خلاص سلمت بالعشرة إن الجدال معاك مستحيل لأنك لا ترى غير وجهة نظرك الضيقة فقط و لا تدرس الردود و لا ترد عليها بموضوعية ;)
و السلام ختام علشان أنا مش هارد في الموضوع ده تاني لأنه بصراحة أنا حاسس إن أنا بأخبط دماغي في الحيط :D

المشاركة الأصلية كتبت بواسطة Chicco

توت باشا ...هون عليك ...مرحلة الشلل الرعاش ديه كلنا وصلنا لها قبل كده و بعدين هدينا و كملنا :D
و ما تنساش إن احنا بنسخن قبل ما الماتش يبتدي;)
ده لسه الاخ إلعزيز فادي حيكمل تحدي كل البديهيات و يتحفنا بالموضوع اللي جاي عن تويوتا

شكرا يا باشا على مواساتي
بالفعل الأستاذ فادي حالة نادرة من الناس و غريبة
هو فتح موضوع عن السيارات الياباني
أثبتنا بالأرقام إن السيارات الياباني من أعلى معدلات البيع في العالم مع أنها ليست رخيصة يعني مش زي الصين بتبيع منتجات كتير بس علشان رخيصة مثلا يعني
يرد ردود عائمة و مفيهاش حاجة مثبتة و يقولك السياسة
نقولوا ملناش دعوة بالسياسة و خلينا في الصناعة يقولك أصل البحث العلمي ده مطاط ..... على فكرة المطاط بيزرع في امريكا الجنوبية و أفريقيا فقط يا أستاذ فادي:)
و يرجع يقولك أصل اليابان مايعرفوش يعملوا حاجات كبيرة زي حفارات البترول نقول ميتسوبيشي و هيتاشي بيعملوا حفارات بترول و معدات و و أجهزة نووية يوقلك أصل شغال في البترول و ما شوفتش غير الامريكاني في مصر و ليبيا
قال يعني مصر و ليبيا بقوا هما الأستندارد بتاع العالم
و يقولك اذا كان مصر بتصنع معدات حفر للبترول
يبقى مصر بتصنع حفارات بترول و يا عيني اليابان مش عارفة توصل للتكنولوجيا اللي مصر وصلت لها :D :D :D :D :D

أنا زعلان جدا علشان خاطر اليابانيين اللي مش فالحين في حاجة و مش عارفين يصنعوا حاجة خالص ;) ;) ;)
بجد حاجة تقطع القلب يا أستاذ شيكو ........ مش كدا ؟
و يرجع يقولك أصل صناعة الانسان الآلي مش عارف مالها و بنشوفها بس في الخيال العلمي .........
يعني العالم كله بيشوفها في الخيال العلمي ما عدا اليابان اللي صنعوها فعلا
مش حاجة تقطع القلب يا أستاذ شيكو
لأ و زاد و غطى على كل ده أنه بيقول إن العربية الشاهين أحسن من الكورولا
و أنا كنت بحاول معاه بالأدلة و مفيش فايدة يرد ردود مفيهاش و لا دليل و ردود عايمة و يسيب أصل الموضوع و يدخلي في حارة و يخرجني من حارة و يتوهك و متعرفش أنت أصلا كنت بتتكلم على أيه

بجد الحوار معاه تضييع وقت ......... لأنه مقتنع بحاجة و لا يمكن و مستحيل أنه يستمع لصوت أي حد حتى لو كانت معلوماته كلها غلط في الموضوع ده

و تحياتي الحارة لك يا أستاذ شيكو :)

معلش بس أنا عارف الناس زهقت من النقاش بس فيه نقطة لازم أوضحها لأنها تمس بلدى, لا يا سيدى مصر ليست تابعة لأى أحد فى مجال البترول و على فكرة شركات البترول الأمريكية كلها بتقفل أعمالها فى مصر لسبب بسيط و هو أن الأبار المصرية بدأت تجف, و قطاع البترول المصرى تتنافس فيه مجموعة كبيرة من الشركات مصرية و ألمانية و بريطانية و فرنسية, و وجود الشركات الأمريكية فى مصر محدود للغاية. و حتى "أيام العز" لم يكن هناك وجود قوى للشركات الأمريكية.
الحكومات تضطر فقط الى الاستعانة بالأمريكان لكفائتهم المعروفة فى الاستكشاف و الحفر, و لكن اطمئن هيئة البترول بتاخد حقها تالت و متلت من الشركات كلها أمريكية كانت أو مصرية.

أما ليبيا فمن الواضح أنك لا تعرف عنها شيئا, لا يا عزيزى ليبيا هى احدى الدول القلائل التى تسيطر بشكل تام على مواردها من البترول و ليست حكرا على الشركات الأمريكية مثل السعودية و غيرها, و القذافى نجح فى تحرير ليبيا من قبضة الدول الأجنبية التى كانت تعيث فسادا فى صحراء ليبيا فى عصر السنوسى ملك ليبيا السابق, و لهذا يقول القذافى أن الفاتح ثورة بترولية!
و متنساش انو مصر يا حبيبى رفضت تطلع الجيش فى حرب أفغانستان رغم الضغوط الأمريكية, و حتى لما دخلت مصر العراق فى حرب الخليج الأولى أخدت حقها تالت و متلت عبر الغاء الكثير من الديون المتراكمة عليها. لو حضرتك مش عارف الكلام ده أصلا و هتقولى دليل و كلام عايم هجيبلك يبقى أنا أسف مينفعش أتناقش معاك فى السياسة.

برضه بدون الدخول في سياسه بس الحمد لله علي الوضع الاقتصادي للشعب الخليجي كله :)

و برضه يخلي شعب مصر و الشعب الليبي اللي مسيطرين علي مواردهم صح :)


لأن ببساطه الشعوب ملهاش دعوه :)

لكن ببساطه برضه قارن بين الوضع في مصر و الوضع في السعوديه و في ليبيا :)

أه المفروض كده انى افهم انو تويوتا و نيسان و هوندا عربياتها أغلى من مرسيدس و بى ام و بيجو؟؟!!! ما علينا.

اغلي من بيجو و بكتير كمان :) بيجو مين دي اصلا اللي بتتكلم عليها :)
دا اللي بيشتري بيجو جديده يبقي عاوز ينتحر

بس مشكلتك انك بتقارن بين شركات غير :)

يعني عاوز تقارن بالاسعار تويوتا عندها لكزس و نيسان عندها انفنتي و هوندا عنها اكيورا

هما دول اللي يتنافسوا مع مرسيدس