الموضوع: و مازالت الحملة مستمرة!!

بريطانيا تصنع كل شىء, سياراتهم تفتقد للجاذبية و أدائها غير مقنع كما انها مرتفعة السعر, باستثناء روفر. عموما بريطانيا تصنع كل شىء ماعدا السيارات هل تعتقد أن السيارات هى مجال الصناعة الوحيد؟؟

طيب انت ليه نقلت الموضوع !!!

احنا كل كلامنا علي السيارات دلوقتي


بعدين دا الشيئ الوحيد اللي بتتميز بيه السيارات البريطانيه هو الجاذبيه !!!
اوستن مارتن و روفر و لاند روفر و لوتس و سنجر :)


( طبعا لازم استثناء جاجور من عالم التصميم اساسا )

بص أمريكا أم لديها ابنتان, اسرائيل و اليابان.

نعم !!!

كلام غرييييب امريكا عمرها ما دعمت اليابان اليابان اساسا تعتبر سبب خساره الشركات الامريكيه

جنرال موتورز و فورد لو في ايديهم تدمير مصانع تويوتا بالقنابل النوويه مكنوش اترددوا لحظه واحده

من الاخر الى الاستاذ فادي (ريح)

المشاركة الأصلية كتبت بواسطة فادى

منذ أن بدأت حملتى ضد السيارات اليابانية انهالت المواضيع واحدا تلو الأخر تدافع عنها و تبارى الزملاء فى التأكيد على جودة اليابانى و جمال السيارات اليابانية, و هو ما كنت أتوقعه, لأن المقالة و الهجوم على اليابانى بهذه القسوة شكل نوعا من الصدمة للزملاء, هى صدمة نتيجة للبروباجاندا الاعلامية التى عملت منذ عقدين على اعطاء سمعة كاذبة لسيارات لا تستحقها, و سمعة كاذبة لبلد هى مجرد امتداد اقتصادى لاحدى الدول الكبرى. أنا دخلت عش الدبابير!
تعرضت لهجوم جارح و ووصل الأمر الى وصفى بالجنون و اتهامى بالاصابة بالأمراض النفسية.
على العموم لا يهم, فالحقيقة دائما مؤلمة, و هذا هو قدر كل من أراد أن يكشف قناع الحقيقة, فدائما الحقيقة محاطة بالدبابير.
على العموم الحملة مستمرة, و لن يهدأ بال للشركات اليابانية طالما أنا حى أرزق.
و هجوم الزملاء على شخصى و على أرائى هو أكبر دليل على أننى أصبت كبد الحقيقة , و أكبر دليل على أن جبل الرمال قد بدأ ينهار.

الاستاذ فادى المحترم

تحياتى لك

ممكن اعرف انت عندك عربيه نوعها ايه ؟

وبقى لك كام سنه تقود سيارات ؟

وايه هى العربيات اللى ركبتها طيله هذه المده ؟

انا مش مع ان حد يحجر على رايك فى انتقاد اى ماركه للسيارت مهما كانت لان دى فى الاخر اذواق وارتياح نفسى وممكن اللى يعجبك ما يعجبش غيرك

ولكن فيه حاجه لازم تاخد بالك منها ان اكبر مصنع للسيارات فى العالم هو تويوتا " اللى انا شخصيا بافضل النيسان عليها من ناحيه best value for money " وده مالوش اى علاقه بكونك موافق على السيارات اليابانيه ام لا

لان كلامك يعتبر راى شخصى بحت لا يمكن ان يغير من حقيقه واقعه ولازم سعاتدك تقبل هذه الحقيقه بصدر رحب وعقلانيه وانت حر تماما ما تركبش اى عربيه يابانى خالص ولا تحط رجلك فيها من اصله

المشاركة الأصلية كتبت بواسطة CryptonX

على فكرة انا مش حقرا ال 3 صفخات .. بس عايز اقلك .. ان الشركات اليابانية الي انت كارها اوي دي لا حتسمعك و لا بتسمعك و لا عايزة تسمعك و لا احنا عايزنين نسمعك .. و انت كل الي بتعمله مجرد بلبله بدون اي احقية و لا معلموات و لا دلائل و تضييع وقت الاعضاء ...

فيما يبدو لي ان انت تبحث عن الاهتمام بمواضيعك و الجدال للجدال فقط مش اكتر

ارجوا انك تستغل وقتك في شيء افضل ليك .
و ربنا معاك .

بالظبط كده

Conspiracy Theory:)