و مازالت الحملة مستمرة!!

**فادى** · 15-01-2008 01:36 AM

" اللي بتنزل من المصنع بعيوب صناعة وتمنها حاجة و ستين الف مع انها ماتسواش 40 الف بمقاييس السوق المصري"

أنا شاريها ب66000 ألف جنيه مصرى و أنا عارف كل مليم بدفعه فين.
و العربية بقالها معايا سنتين الا كام شهر و عاملة حوالى 40000 كم و من غير أى مشكلة و مظهرتش أى مشاكل فى التصنيع سوى الكلاكس الى كان صوته ضعيف شوية و رحت غيرته تبع الضمان.
و متنساش انو الشاهين دفع خلفى و هى التقنية الكلاسيكية بامتياز و أفضل نظام دفع عرفته السيارات محرك فى الأمام و دفع خلفى, على صعيد المتانة و الاعتمادية و الثبات هذا هو أفضل نظام دفع موجود, بينما الكورولا دفع أمامى. و أنا قدتها لمسافة 40000 كم و عارف بتكلم على ايه كويس, عارف يعنى ايه محركها الرائع المتجاوب جدا و على سرعات قليلة و عارف انى بطلع الكبارى على التالت و أنا على 20-40 و محمل من غير ما الموتور يسقف, و بطلع على الخامس و أنا على 60 و العربية بتتسارع, و ساعات بكسل أجيب الأولانى فى الزحمة و أخلى الفتيس على التانى و مش بحس بفرق كبير. هاتلى بقى عربية يابانى بتطلع الكوبرى على التالت على السرعات ديه, و لا تقدر تطلع بيها من الثبات على التانى؟؟
أنا معاك انو التويوتا موديل أجدد من الشاهين المصممة فى السبعينات, لكن تذكر أن صناعة السيارات فى أحيان كثيرة بتتقدم للخلف مش للأمام, يعنى الدفع الأمامى استبدل الدفع الخلفى, و جسم الحجمين استبدل بالجسم الأحادى الأقل متانة, أمثلة كثيرة. و لا تنسى أن بيجو مثلا لم تستطع صنع سيارة مثل ال504 مرة أخرى, و مرسيدس ليست هى مرسيدس بعد الخنزيرة, و فيات لم تستطع صنع سيارة فى اعتمادية و جودة ال131 بعد ذلك, لذا نقول أن صناعة السيارات فى بعض الأحيان تتقدم للخلف و ليس للأمام.
اما عن موضوع الحادثة فلو حضرتك بصيت شوية للصور هتلاقى انو الشاهين حالتها أفضل قليلا من الكورولا, و متنساش انو الأعمار بيد الله , و متنساش برضو انو الشاهين داخله فى حيطه يعنى مفيش أى امتصاص للصدمة من قبل الطرف الثانى فى الحادثة.
و لو بتتكلم على التويوتا , أنا هحكيلك برضو على حادثة و عايز تصدق صدق أنا معيش صور المهم انها حصلت فى اف بى اى من فترة كبيرة عند المنطقة الى الشباب بيلعبوا فيها و كان عربية اتارى من فئة التويوتا عيون بيجرى ورا واحد تقريبا أو العسكرى بيروشن بيها المهم انها خبطت و تحطمت تماما من الأمام و جرينا نشوف الحادثة و كان الكل يتسائل : "هى خبطت فى ايه؟؟" لأن مكانش فيه عربية تانية متكسرة و بعديها اكتشفنا أنها دخلت فى عربية بولونيز كانت راكنة و بصينا على البولونيز فلم نجد سوى اعوجاج بسيط فى الاكصدام الخلفى!!!

**Mohamed_Hegazy** · 15-01-2008 01:55 AM

ياجماعه رجاء ماحدش يعك ناحية الشاهين لانها محبوبتى والحوار السفسطائى ده متدخلوش فيه اى تقليل منها حتى لو كانت عربيه بنت ستين وسبعين ـ لانها سيارة خدمت المصريين واللى يعيب عليها بيكون بيعيب فى نفسه غير مباشر ـ وبلاش تنجرو لحوارات ملهاش اى فايدة ودمتم

**Dr Ahmed** · 15-01-2008 02:19 AM

هاتلى بقى عربية يابانى بتطلع الكوبرى على التالت على السرعات ديه, و لا تقدر تطلع بيها من الثبات على التانى؟؟

!!!!!!!!!!!!!!!!!!!!!!!!!!!!!!!!!!!!
عربيتى القديمة الكانشل (ماليزى - يابانى)850 سى سى كانت بتعمل كده...
ودلوقت اللانسر (يابانى) 1300 برضه بتعمل كده بدون أى عبء ولا مشاكل !!!!!
إيه المشكلة فى اللى بتحكى عنه ده؟؟؟؟

**Chicco** · 15-01-2008 02:23 AM

عموما الشركات الأمريكية تفتخر بقدرتها على صناعة المواتير الكبيرة تلك, و فى معرض ديترويت الماضى قدمت كاديلاك طرازها الاختبارى كاديلاك سكستين المزود بأكبر محرك سيارات فى العالم 16 سيلندر 13.6 لتر و 1000 حصان!!! و قد أصبحت العادة فى المعارض الأمريكية أن تتبارى الشركات فى ابراز محركاتها مفتولة العضلات الشرهة للوقود

مش عارف ليه افتكرت الديناصورات اللي في طريقها إلى الانقراض و إنت بتتكلم على الشركات الامريكية... و اهو فعلا بص على حالها... كرايسلر تايهة و فورد بتحتضر و GM بتأوح و بتترنح تحت ضربات تويوتا بالذات ;)
يا سيدي الفاضل حتى جوا أمريكا نفسها الضغط على الشركات ديه بيزيد يوم ورا يوم عشان يبطلوا السفه إلي هما بيعملوه ده و يدوروا على حد يعلمهم ازاي يعملوا محركات إقتصادية

و أحب أقلك إن الموضوع مبقاش إقتصادي و بس... دة دخل في لعبة السياسة حتى إن كل المرشحين الديمقراطيين ناويين على وضع تشريعات للحد من إستهلاك الوقود..... حتى الجمهوريين ركبوا موجة الحفاظ على البيئة و ولاية كاليفورنيا اللي بيحكمها شوارزنيجر الجمهوري في طريقها إلى تنفيذ التشريعات ديه

ماعدا الشركات اليابانية التى تنزوى جانبا بحسناواتها اليابانيات و مهندسى مبيعاتها قصار القامة الذين يتحدثون عن تقنية مش عارف ايه الى بتوفر فى البنزين و الصمام الى بيقفل ايه عشان يديك أعلى كفاءة الى أخر هذا الهراء!! دول فى وادى و دول فى وادى

هو ده المستقبل يا فادي باشا و اليابانيين اللي حضرتك بتتريق على قصر قامتهم هما ملوك المحركات الاقتصادية و التقنيات الحديثة ... يا ريتنا نصهم ولا حتى ربعهم

بالمناسبة تفتكر ليه اليابان الدولة الوحيدة في العالم اللي إستخدم ضدها الاسلحة النووية و كمان مرتين

**PRO-DRIVE** · 15-01-2008 03:26 AM

بالنسبة للجين2 الشاسيه متاخد من ميتسوبيشى كالعادة. أما موتور الكامبرو فده من بركات شركة لوتس الى اشترتها بروتون مؤخرا للاستيلاء على الكنولوجيا بتاعتها

مش حنسي ابدا يوم ما جنرال موتورز اشترت دايو و قالوا

دايو و هولدن يصنعوا سيارات سيدان افضل من جنرال موتورز :)

جنرال موتورز اللي اشترت 8% من سوبارو عشان بس تستفيد من انظمه الكهرباء :)

و طبعا فيات لما اشترت فيراري مكنش في نيتها انها تستولي علي التكنولوجيا :)

في مبدأ اسمه ( ابدأ حيث انتهي الاخروون :) )

مش لسه اقعد اصنع 100 سنه عربيات ملهاش لازمه !!

كرايسلر تايهة

مش عارف شعور استاذ فادي لما يشوف سيارات نيسان و تكنولوجيا نيسان تحمل شعار كرايسلر :)

فورد بتحتضر

فورد باعت اسوتن مارتن :) و باعت لاند روفر و باعت جاجور :)

لكن محدش سأل نفسه ليه فورد سابت فولفو ؟؟

لأن فولفو هي الشركه الوحيده اللي بتطور كل سيارات فورد :)

و ليه سايبه مازدا ؟؟

لأن فورد اخده كل قواعد السيارات الصغيره من مازدا

**CryptonX** · 15-01-2008 05:39 AM

اي سيارة فيات ممكن تطع كباري علي التالت ... و انا واقف وسط الزحمة .. عمربي مبجيب الاول اصلا ... التاني دايما .. و عمر ما العربية سقفت .. و انا محرك سيارتي 1242 سي سي بس .
و دفع امامي .. ( فيات باليو ) .

**Mohamed_Hegazy** · 15-01-2008 08:00 AM

يا استاذ توت انا عارف واللة بس انا من الموقع بتاعهم انهم بيصنعو تقريبا %60
ودا رقم مش بسيط ذائد انها مرتبطة بالمصريين اكثر من غيرها كونها شركة وطنية يعنى ولامل فيها اكثر من غيرها لو عندنا حكم مخلص

**tutankhamoun** · 15-01-2008 08:19 AM

المشاركة الأصلية كتبت بواسطة fuad

يا استاذ توت انا عارف واللة بس انا من الموقع بتاعهم انهم بيصنعو تقريبا %60
ودا رقم مش بسيط ذائد انها مرتبطة بالمصريين اكثر من غيرها كونها شركة وطنية يعنى ولامل فيها اكثر من غيرها لو عندنا حكم مخلص

يا باشا أنا زيك بالظبط من مشجعي الصناعة الوطنية جدا
و لكن لي مبدأ أشتري المصنوع في مصر بجودة جيدة أو مقبولة
و أنا أغلب ما أملك مما هو مصنوع في مصر
و لكن بنظرة فاحصة على موضوع صناعة السيارات في شركة النصر
أقدر أقول حسبي الله و نعم الوكيل
شركة النصر تأسست سنة 1960 أما هيوندي 1967 و بروتون 1983 و إن كانت بروتون دولة إسلامية و هذا يفرح الواحد
و لكن ما هذا الفشل اللي أحنا عايشين فيه
تاتا الهندية ........... شيري الصينية اللي أنشئت عام 1997
تتخيل عام 1997 و تقوم بتصدير سيارات لمصر

حسبي الله و نعم الوكيل
أحنا أخرنا كشعب مصري نقعد في كراسي المتفرجين و شكرا على كدا
دي بقت حاجة تزهق بصراحة

**BASHAR** · 15-01-2008 08:42 AM

ربنا يديك الصحه يا باشا

-

الموضوع: و مازالت الحملة مستمرة!!

LinkBack

أدوات الموضوع

عرض

-

-

-

-

-

-

المواضيع المتشابهه

مغامراتي على الصحراوي مستمرة... وادي الضحايا

كركرة خفيفة مستمرة

هل a4 مازالت تنتج

صفارة مع الفرامل مستمرة

الكلمات الدلالية لهذا الموضوع

المفضلات

المفضلات

ضوابط المشاركة