الموضوع: و مازالت الحملة مستمرة!!

المشاركة الأصلية كتبت بواسطة badblood

الى الاخ فادي هنفضل بردوا عالم تالت ونستورد عربيات من اليابان وامريكا
و (********)

مالهاش لازمه الكلام بالاسلوب دا خالص كلنا ناس متعلمه و علي درجه من الثقافه مش لازم الحوار يوصل لكده

"و إنت بتجهز موضوع Toyota دور كده على حاجة اسمها Toyota City و ابقى قلنا لقيت إي"

أنا بجهز لموضوع تويوتا عربية عربية و بدأت فعلا فى اللاندكروزر لأنها أخطر واحدة فى الموضوع. و لأن معلوماتى عنها كثيرة و عارف أصلها و فصلها و هكتبها فى الأول. لكن بجهز المعلومات اللازمة و برتبها. بعد كده هتناول بقية سيارات التويوتا المهمة. مش هكتب عن كل سيارات تويوتا طبعا لأن فيه سيارات لا تهمنى, ما يهمنى هنا هو توصيل الرسالة للزملاء و مفادها. السيارات اليابانية تقليد رخيص للأمريكانى. سوف أكتب عن كل سيارة فى موضوع منفصل أو أجمع بضعة سيارات فى موضوع واحد ربما.
بعد كده ربما أبدأ فى بقية الشركات ربما نيسان أو هوندا. سوف نعرف أصل هذه السيارات و من أين جاءت و سوف نكتشف معا الأب الأمريكى غير الشرعى لكل سيارة يابانية.

بالنسبة لموضوع الويكيبديا فصحيح أن الذى يحررها أناس عاديون, الا اننا يجب ألا ننسى أن المراقبون يضعون علامة "بحاجة الى مصدر" بجانب كل معلومة غير موثقة, و لهذا السبب فاننا يمكننا أن نميز المعلومات الصحيحة و المعلومات غير المؤكدة عن طريق المصادر, كما توضع المصادر فى أخر الصفحة.

المشاركة الأصلية كتبت بواسطة فادى

أما الاخوة الشتامون المتغاظون فأنا مش عارف هما متغاظين ليه؟؟
الى عنده كلمة ليها لازمة يقولها الى معندوش يسكت أنا مش ناقص هوسة و ووجع دماغ.

بصراحة يا فادى أنت اللى واجع دماغك بموضوع العربيات اليابانى دى .
يا ريت تشوف أى موضوع تانى نتناقش فيه أحسن وبدون تحيز وتعصب.

"بس انا مش عارف ليه انت مش راضي تتكلم علي نيسان
ولا حتي عن سوبارو "

متستعجلش نيسان دورها هييجى و كذلك سوبارو بس تويوتا أهم منهم هما الاتنين.

"دلوقتي حسب ما فهمته من مشاركات حضرتك انك بتكره اليابانيين لأنهم ابناء الامريكان صح ؟

طيب مين بقي بتحب الصناعه الامريكيه ؟؟؟"

مبحبش الصناعة الأمريكية, أنا امتى قولتلك انى قلت أنا بحب الصناعة الأمريكية, أنا يمكن معجب ببعض السيارات الأمريكية المبتكرة و الرائعة و الشهيرة, و لكن بشكل شخصى لا أتعاطف مع الشركات الأمريكية. محركاتها الضخمة تجعل من الصعب منافستها, لو تعرف ان صناعة محرك ضخم هى مهمة أصعب و أعقد ألف مرة من صناعة محرك صغير. هذه هى المحركات الحقيقية.

"طيب اذا كانت فازت السيارات اليابانيه في حب العملاء و اثبات الكفائه
و حققت مبيعات اكثر من السيارات الامريكيه ؟؟"

لم تحقق مبيعات أعلى من السيارات الأمريكية من قال لك هذا؟؟
على فكرة جنرال موتورز احتلت قمة المبيعات فى العام المنصرم.

" ولا حتي ازاي كنت بتدافع عن كورفت
للعلم السيارات الامريكيه هي ارخص سيارات ممكن تركبها في حياتك "

انا كنت بدافع عن الكورفيت لأنها احدى السيارات التاريخية و انت بتقارنها بسيارة كوبيه مضحكة هى الجى تى ار.
السيارات الأمريكية رخيصة لأنها تنتج بكميات كبيرة, تعرف طبعا مع حجم الانتاج الكبير تستطيع تخفيض سعر الوحدة الى حدودها الدنيا مع الاحتفاظ بالمكاسب.

"لو تعرف تويوتا كامري بسعر شيفورليه كابرس

و تويوتا اوريون بسعر شيفورليه كابرس رويال "

سعر السيارات فى السوق الأمريكى متقارب جدا و لكن ما تزال السيارات اليابانية أرخص سيارات موجودة بعد الكورى. بعض الماركات الأمريكية رخيصة مثل شفروليه و فورد و البعض الأخر مرتفع السعر قليلا مثل كاديلاك و لنكولن.
و لا تنسى أن سر انتشار اليابانى أساسا هو ارتفاع أسعار النفط, و هو الذى شجع المستهلك الأمريكى على شراء السيارات اليابانية قليلة الاستهلاك و ضعيفة الأداء عن السيارات الأمريكية القوية الشرهة للوقود.