الميكانكى بيقلى غير بلى العجل قدام .. وانا مش مقتنع بالموضوع دة
الحكاية ان العربية لما اقرص على الغيار لغاية 3 rbm الاقى صوت العربية عالى قوى وصوت خشن طالع من العربية وزى ما يكون حد بيشدها لورا .. انا رأى ان دة من الدبرياج بس الميكانيكى بيقوالى ازاى من الدبرياج والتانى بيجيب بيجيب لغاية 70 : 80 والتالت بيجيب لغاية 80 : 90 ك معاه ؟؟
مش المفروض لو بلى العجل قدام محتاج يتغير احس بصوت خشن على طول على اى غيار واى سرعه ؟
لان الصوت مش بيبقى موجود نهائى فى حالتين
1- اقرص لغاية 3 rbm وبعدين امور الفتيس . مفيش صوت نهائى
2- ادوس دبرياج وانا ماشى ... مفيش صوت

مش عارف اعمل اية وخايف ادبس وغير حاجة وميطلعش العيب منها
لغايه دلوقتى انا مغير شكمان كامل ومغير قعدة فتيس بسبب صوت العربية الى هو (الخروشة والصوت الخشن دة )
انا فعلا تعبت ومش عارف اعمل اية
العربية اكسنت 1500 عاملة 98000 ومغيرتش دبرياج قبل كدة خالص
وحدش يقلى التوكيل لانه حرااااااااااااااامى
وشكرا اخوكم فى الله محمد