الموضوع: مشاكل الكروز

العربيه فيها عيب واحد وبيتصلح في اول صيانه ليك في التوكيل
وهي البطاريه واول ما بتروح بيكشفو عليها ولو فيها تسريب حامض بيغيروها على طول
ولو ماسره على اي حاجه في العربيه بتتغير على حساب الضمان

بسم الله الرحمن الرحيم

السلام عليكم ورحمة الله و بركاته

بفضل الله سبحانه و تعالي وفقني لشراء شيفورلية كروز A/T High line , هي فعلا ً معايا من فترة حوالي ثلاثة أسابيع و عملت بيها حوالي 1500 كيلومتر , لكن فعلا ً و لله الحمد ممتازة و مافيهاش أي ملاحظات , بل بالعكس فيها مميزات كتيرة , كل عام و أنتم بخير بمناسبة عيد الفطر المبارك .

المشاركة الأصلية كتبت بواسطة kamalsalem

شكلنا استلمنا في نفس اليوم ولا ايه... انا عامل نفس عدد الكيلومتر والعربية بجد تحفة

انا كل ما بافتح المنتدى واشوف الناس وهي بتهاجم العربية بقول ايه اللي انا عملته في نفسي ده (أصل انا موسوس شويتين تلاتة اربعة) وبعدين انزل اركب عربيتي واول ما اتحط في الكرسي... اقول هاااااااااا الحمد لله على النعمة

اي عربية معرضه انه يطلع فيها عيوب.. ممكن وانت طالع من التوكيل تاحد زلطة تفصلك التكييف... وتفتكر انه العربية فيها عيب متكرر في التكييف

الكروز عربية اول مرة تنزل في مصر... وأنا كنت عارف المخاطرة دي وانا بشتري... بس والله العظيم العربية جميلة... وكل مشكلتها انها قد كده جميلة لدرجة انك بتنسى انك راكب كوري وبتبدأ تقارنها بالامريكاني اللي عليه نفس العلامة.. وبرضه الكروز تكسب في بعض حاجات زي التصميم والقعدة وكده

صاحبي اللي معاه اللومينا جه امبارح (بس طيران المرة دي.. كان نفسي اصورلكوا اللومينا بس مفيش نصيب) وركب معايا وبيقوللي العربية تحفة مقارنة باللومينا اللي جمركها بس 560ألف جنيه

السلام عليكم أولا,

ربنا يطمنكم يا جماعة,هذه مشاركتي الأولى في هذا المنتدى الرائع. أنا استخرت و ان شاء االه بعد العيد سأمضي قدما و أشتري هذه السيارة الجميلة و المثيرة للجدل :)
أوتوماتيك فيراني هايلاين ان شاء االه علشان ال abs
شكرا لجميع الاخوة المتفاعلين الذين افادوا الجميع بنقل تجاربهم بالتفصيل و ان شاء االه أحاول الافادة بقدر المستطاع بعد الشراء والتجربة العملية مع أني لست من هواة المنتديات :) و لكن هذا القسم مميز بالفعل بروح المشاركين الطيبة.