رابطة مالكى الويرا (2) فيد وأستفيد .

**msafa** · 26-08-2011 07:18 PM

المشاركة الأصلية كتبت بواسطة moh81

أنا رحت إشتريت لمبات زينون للشبورة .. علشان بالليل الرؤيا بالنسبالى بتبقى صعبه شويه .. و مش بشوف المطبات كويس :)

المهم جيت أركبهم لاقيت فوانيس الشبورة أصغر من اللمبات ... فعايز أسألكم دلوقتى و يا ريت الرد بسرعه
هل ممكن أجيب فوانيس شبورة كبيرة أى نوع ولا فى نوع معين ميخلنيش أعدل فى الإكصدام الأمامى علشان أركب الفوانيس و جواها الزينون

كان احمد حلمي جاب شبورة من عند مكة ب 150 جنيه بالرينجات وانا جبتهم و هم كويسين جدا و المفروض ينفع يركبلهم زينون

بس في مشكلتين: الزينون في الفوجات كذا عضو في المنتدى هنا قال ان هو فاشل كمان من غير عواكس كل الناس هتضايق من النور سواء اللي جاي قدامك عكس او اللي قدامك و تقريبا هتضر تطفيه

انا جبت لمتين اوسرام نايت بريكر بلس من عند المدينة ب 140 باللمتين السهاري للفانوس الاساسي صدقني جماااااااااال جدا

**moh81** · 28-08-2011 05:34 AM

المشاركة الأصلية كتبت بواسطة msafa

كان احمد حلمي جاب شبورة من عند مكة ب 150 جنيه بالرينجات وانا جبتهم و هم كويسين جدا و المفروض ينفع يركبلهم زينون

بس في مشكلتين: الزينون في الفوجات كذا عضو في المنتدى هنا قال ان هو فاشل كمان من غير عواكس كل الناس هتضايق من النور سواء اللي جاي قدامك عكس او اللي قدامك و تقريبا هتضر تطفيه

انا جبت لمتين اوسرام نايت بريكر بلس من عند المدينة ب 140 باللمتين السهاري للفانوس الاساسي صدقني جماااااااااال جدا

معلش فهمنى يعنى إيه أوسرام نايت ده :)
و ده عالى و واطى ؟
و ال140 جنيه ده لمبتين ولا واحده ؟

**ahmoosragab** · 28-08-2011 04:07 PM

سؤال هام جدا : حد عنده خريطه الفيوزات للبروتون ويرا اللي اسفل الدريكسيون او لو حد عربيته جديده يصور اللي موجود علي العلبه

**msafa** · 29-08-2011 01:21 AM

المشاركة الأصلية كتبت بواسطة moh81

معلش فهمنى يعنى إيه أوسرام نايت ده :)
و ده عالى و واطى ؟
و ال140 جنيه ده لمبتين ولا واحده ؟

دي لمبات h4 يعني عالي وواطي في نفس اللمبة و ده نوع اللمبات في الويرا و هي الماني
هي 120 جنيه للمبتين و في 20 جنيه للمبات السهاري و هي ممتازة جدا برضه

**msafa** · 29-08-2011 01:24 AM

المشاركة الأصلية كتبت بواسطة ahmoosragab

سؤال هام جدا : حد عنده خريطه الفيوزات للبروتون ويرا اللي اسفل الدريكسيون او لو حد عربيته جديده يصور اللي موجود علي العلبه

صدق انا عرفت كتير و قليل في العربية بس مكنتش اعرف ان في فيوزات تحت الدركسيون

هدورلك في الكتالوج و هقولك

**anchoor** · 29-08-2011 03:01 AM

المشاركة الأصلية كتبت بواسطة msafa

صدق انا عرفت كتير و قليل في العربية بس مكنتش اعرف ان في فيوزات تحت الدركسيون

هدورلك في الكتالوج و هقولك

يا إبن الايه هو انت عندك الكتالوج ؟

يا ريت يا باشا ترفعهولنا هتبقا عملت فينا معروف لأن انا بدور عليه من زمان ......

هو انت عربيتك موديل كام

**ahmoosragab** · 29-08-2011 12:16 PM

بالنسبه للبروتون الويرا يوجد ثلاث اماكن للفيوزات
1- الجانب الايمن بجوار البطاريه علبه فيوزات وتضمن فيوزات صغيره بشوكتين وهي مختصه بنور الطبلوه والنور السياره الامامي اما الفيوزات الكبيره مختصه بطرنبه البنزين والدفيره ولاشياء الاساسيه.
2- الجانب الايسر علبه صغيره بها فيوزات كبيره وصغيره ومعرفش بتاعت ايه.
3- اسفل الدريكسيون من الجانب الايسر وهي اساس العربيه وكان فيها خريطه لما اشتريت العربيه كان موضحه كل فيوز خاص بايه كان منها نور السقف ومؤشرات الطبلوه والكاست والتكيف والزجاج .
المهم : انا فقدت الخريطه واريد من يملكها يصورها ويرفعها وجزاه الله خيرا
انا عربيتي ويرا 2000 وكنت شريها جديده

**anchoor** · 31-08-2011 10:45 AM

كل سنة وكل الويراوية بخير وصحة وعافية

**aboalm** · 31-08-2011 10:53 PM

سؤال لآبو حميد ملك الويرا ايه احسن نوع تيل فرامل موجود دلوقتى فى السوق الواحد يجيبه علشان نازل اجيب طقم أمامى و خلفى بعد العيد ان شاء الله

**taki1k1** · 01-09-2011 05:15 PM

السلام عليكم و رحمه الله و بركاته

اولا احب اتوجه بالشكر و التقدير لكل من ساهم في التوبيك داه و خاصه ابو حميد (ahmed_h_g)

ثاني حاجه و الله العربيه دي اصيله و بنت ناس و الحمد لله عمرها ما عملت معايا دقت نقص مع اني مطلع عين اهلها
انا معايا ويرا 2006 -1500cc - مانيوال بس حصل عندي شويه مشاكل هي ممكن تكون مش مشاكل بس تغير في اداء العربيه و داه اللي مزعلني
و الصراحه انا كنت بفكر اغير و اجيب بيرسونا ( بيرسونا هه مش جين2) الاني اصبحت عاشق للسيدان ,,, بس ظروف البلد خلت الواحد يغير رأيه
وقررت اني اظبط العربيه و الحمد لله علي ميزه ان قطع الغيار رخيصه

اولا : المشاكل و ياريت تفيدوني فيها الله يكرمكم

حكايه عدم انتظام لفات الماتور الصبح يعني RPM بيعلي و يوطه بمزاجه بس داه فتره صغيره يعني مجرد اني احرق علي الغيار اول/ ثاني/ ثالث تمشي زي الفل و داه انا عرفت سببه من اول مشاركات في التوبيك و هو حساس ال TPS و البوابه و الحركات دي و عموما انا هنظف البوابه و ان كنت بفكر اغيرها ( ايه رأيكوا ؟؟؟)
في رجه بسيطه لما السرعه بتوصل 90 او 100 و انا عارف ان داه ترصيص بس انا قولت الملحوظه دي عشان ممكن تكون بتأثر علي المشكله اللي جايه
لما بكون علي سرعه و اجي افرمل بحس ان العربيه بتترج جامد و بحس بالرجه في دواسه الفرامل و خاصه و انا محمل
و قبل ما تقوللي الطنابير انا لسه مغيرهم من شهر تقريبا بس الصراحه جايب نوع اي كلام ب 180 ج مضروبين بتوع البطه و داه مش استرخاص بس انا رحت جبت الطنابير من عند مكه ب 250ج و اديتهم للراجل عشان يركبهم قاللي دي مصمته و لازم يكون فيها مجري في النص عشان يبرد الطنابير المهم رجعتهم و جبت المنيلين دول
القضيه انا عايز طنابير يكون نوعها كويس
ياه انا طولت عليكم
عندي مشكله في الزوايا و هي العجله اليمين قدام مرحله ورا شويه و بتخلي العربيه تحدف شويه يمين بس دي انا متكيف معاها و كل شهرين كده بروح لواحد ناحيه احمد سعيد كده اسمه check point داه جامد و عنده اجهزه نضيفه و اصلا داه توكيل كاوتش جود يير
الفتيس ساعات بحس ان فيه عضه و انا بنقل الغيارات خاصه المارشدير بس بيتهيالي السبب فيها الدبرياج لاني لو رفعت رجلي سنه من الدبرياج بتاخد الغيار
اخيرا انا بحت بنزين 92 و 26.5لتر 50ج يعني بيعملوا معايا بتاع 280 كم جوه البلد مع العلم اني بحرق علي الغيارات يعني مش بنقل اللا بعد 4.5 و انا شايف ان كده لوز اللوز و الحمد لله

ثانيا: التظبيط
1- عايز اجيب طقم جنوط "15 اهو يعمل منظر و يعلي العربيه شويه ( ايه رأيكوا ؟؟؟)
2- ان شاء الله اجيب فوجات و اغير فرش العربيه و شاشه و كاميرا وسماعات و حركات

معلش اذا كنت طولت عليكم