رابطة مالكى الويرا (2) فيد وأستفيد .

**anchoor** · 03-09-2011 01:15 PM

هو انا ينفع اركب موتور 1500 على الفتيس بتاع الموتور ال 1300 ارجو الرد من الاستاذ احمد حلمى

**mahmoodallam** · 04-09-2011 04:07 AM

المشاركة الأصلية كتبت بواسطة anchoor

هو انا ينفع اركب موتور 1500 على الفتيس بتاع الموتور ال 1300 ارجو الرد من الاستاذ احمد حلمى

سؤال وجيه
+111111111

**mhmdshafik** · 04-09-2011 08:06 AM

السلام عليكم انا معايا بروتون ويرا غيرت واير الدبرياج بتاعها ومالقيتش غير التايوان لكنه بيعض لما بدوس عليه وناشف جدا وممكن يتقطع في اي وقت اعمل ايه في المشكلة دي لانها مضايقاني جدا

**mhmdshafik** · 04-09-2011 08:08 AM

يا ريت حد يفيدني في موضوع واير الدبرياج ده وايه احسن واير متناسب معاها

**mhmdshafik** · 04-09-2011 08:18 AM

مشكلة العربية دي ان تغيير طلمبة البنزين بيتطلب انك تحل التانك

**mhmdshafik** · 04-09-2011 08:21 AM

عايز اعرف اجيب واير دبرياج للويرا يكون غير التايوان لان التايوان وحش جدا ايه الحل

**ahmed_h_g** · 04-09-2011 04:12 PM

واير الدبرياج الأصلى تمنه 150 جنيه فى التوكيل
وبالنسبه للفتيس طالما هتغير الموتور بالموتور ال1500 كامه منفرده يبقى يركب
لكن لو ركبت الموتور ال 2 كامه مش هيركب

**anchoor** · 05-09-2011 01:57 AM

المشاركة الأصلية كتبت بواسطة mhmdshafik

عايز اعرف اجيب واير دبرياج للويرا يكون غير التايوان لان التايوان وحش جدا ايه الحل

على فكرة انا لسة مغير سلك الدبرياج النهاردة بعد ما إتقطع منى من غير مقدمات وجبته تايوانى ب 35 جنيه بس بتاع اللانسر البطة عشان انا جبت الأول بتاع الإكسيل طلع قصير,
وبرضو فى صوت طقة كدة بتروح وتيجى.

**anchoor** · 05-09-2011 02:15 AM

المشاركة الأصلية كتبت بواسطة taki1k1

السلام عليكم و رحمه الله و بركاته

اولا احب اتوجه بالشكر و التقدير لكل من ساهم في التوبيك داه و خاصه ابو حميد (ahmed_h_g)

ثاني حاجه و الله العربيه دي اصيله و بنت ناس و الحمد لله عمرها ما عملت معايا دقت نقص مع اني مطلع عين اهلها
انا معايا ويرا 2006 -1500cc - مانيوال بس حصل عندي شويه مشاكل هي ممكن تكون مش مشاكل بس تغير في اداء العربيه و داه اللي مزعلني
و الصراحه انا كنت بفكر اغير و اجيب بيرسونا ( بيرسونا هه مش جين2) الاني اصبحت عاشق للسيدان ,,, بس ظروف البلد خلت الواحد يغير رأيه
وقررت اني اظبط العربيه و الحمد لله علي ميزه ان قطع الغيار رخيصه

اولا : المشاكل و ياريت تفيدوني فيها الله يكرمكم

حكايه عدم انتظام لفات الماتور الصبح يعني rpm بيعلي و يوطه بمزاجه بس داه فتره صغيره يعني مجرد اني احرق علي الغيار اول/ ثاني/ ثالث تمشي زي الفل و داه انا عرفت سببه من اول مشاركات في التوبيك و هو حساس ال tps و البوابه و الحركات دي و عموما انا هنظف البوابه و ان كنت بفكر اغيرها ( ايه رأيكوا :u_thin1[1]: ؟؟؟)
في رجه بسيطه لما السرعه بتوصل 90 او 100 و انا عارف ان داه ترصيص بس انا قولت الملحوظه دي عشان ممكن تكون بتأثر علي المشكله اللي جايه
لما بكون علي سرعه و اجي افرمل بحس ان العربيه بتترج جامد و بحس بالرجه في دواسه الفرامل و خاصه و انا محمل
و قبل ما تقوللي الطنابير انا لسه مغيرهم من شهر تقريبا بس الصراحه جايب نوع اي كلام ب 180 ج مضروبين بتوع البطه و داه مش استرخاص بس انا رحت جبت الطنابير من عند مكه ب 250ج و اديتهم للراجل عشان يركبهم قاللي دي مصمته و لازم يكون فيها مجري في النص عشان يبرد الطنابير المهم رجعتهم و جبت المنيلين دول
القضيه انا عايز طنابير يكون نوعها كويس :_alshmokh11:
ياه انا طولت عليكم
عندي مشكله في الزوايا و هي العجله اليمين قدام مرحله ورا شويه و بتخلي العربيه تحدف شويه يمين بس دي انا متكيف معاها و كل شهرين كده بروح لواحد ناحيه احمد سعيد كده اسمه check point داه جامد و عنده اجهزه نضيفه و اصلا داه توكيل كاوتش جود يير
الفتيس ساعات بحس ان فيه عضه و انا بنقل الغيارات خاصه المارشدير بس بيتهيالي السبب فيها الدبرياج لاني لو رفعت رجلي سنه من الدبرياج بتاخد الغيار
اخيرا انا بحت بنزين 92 و 26.5لتر 50ج يعني بيعملوا معايا بتاع 280 كم جوه البلد مع العلم اني بحرق علي الغيارات يعني مش بنقل اللا بعد 4.5 و انا شايف ان كده لوز اللوز و الحمد لله

ثانيا: التظبيط
1- عايز اجيب طقم جنوط "15 اهو يعمل منظر و يعلي العربيه شويه ( ايه رأيكوا :u_thin1[1]: ؟؟؟)
2- ان شاء الله اجيب فوجات و اغير فرش العربيه و شاشه و كاميرا وسماعات و حركات

معلش اذا كنت طولت عليكم

بص يا باشا انا هرد عليك فى اللى ربنا يقدرنى عليه وطبعا النصيحة المظبوطة من البرنس أحمد حلمى,

بالنسبة للسؤال التانى والتالت دول ترصيص وطنابير مع مراعاة تغيير التيل مع تغيير الطنابير.

بالنسبة لرقم 5 دى المقص معووج وهو اللى عامل كدة معاك عشان انا المشكلة دى كانت عندى , او فى سبب تانى بس ده نادر انه يحصل لأنه بعد الشر عليكوا كلكوا بيبقا فى حالة الحوادث.

وبالنسبة لرقم 6 لو عندك الديسك والإسطوانة تمام ممكن تعلى على الدبرياج شوية والمشكلة دى هتروح خالص والحكاية دى انت ممكن تعملها فى دقيقة واحدة.

وبالنسبة لرقم 7 انا زيك برضو بجنن الموتور .

والله أعلم.