أتحاد محبى الشارك(كفاية على البومة الشارك مظلومة)

**Ahmed Nouh** · 15-04-2010 04:50 PM

المشاركة الأصلية كتبت بواسطة medoakef

يا مان و انت مدايق ليه بس ما انت معاك بومه عبال ما تبقا ب200 الف و نبيع بتعنا ب150

ماشى مقولناش حاجه هكسب فيها , وادينى اهه العربيه معايا داخله فى سنه ومع ذلك دلوقتى ممكن ابيعها تانى بفرق سعر لا يتعدى الألفين جنيه عن ما كنت اشتريتها وده كسعر اعاده بيع تحفه طبعا

لكن انا بتكلم عن البومه بشكل عام انها زيرو سعرها معدى سلم الاسعار اساسا مش بس مبالغ فيه

المشاركة الأصلية كتبت بواسطة Atrees

البومة دي لو دفعولي عليها فلوس مركبهاش - مش عشان وحشة - بس عشان شكلها فعلا فاشل فاشل - شكلها وحش قوي من ورا وقدام - تيجي فين جنب الجميلة الشارك

استخبى كام يوم فى كيا , انت دلوقتى اتهدر دمك هنا فى القسم

لا بجد والله , البومه يعنى قد تكون مقارنه بعربيات النهارده مش صارخه الجمال بس فى يوم من الايام كانت من اجمل العربيات فى السوق , هو مشكله الانتشار بيزهقك من الحاجه لكن لو بصيت لها بعين تقييم وهى لسه زيرو كدا وخارجه من المعرض وواخده الفوطه الزفره وكأنك بتشوفها لأول مره هتلاقى فيها خطوط تصميم كتيره شيك جدا

هو انا مش عارف هتلحق تشوف ردى ده قبل ما يوصلولك بتوع المخابرات ولا لا بس اهو لما تهرب منهم تبقى تشوفه براحتك

**dr.amr** · 15-04-2010 06:09 PM

ههههههههههههههههههههههههه ههههههههههههههههههههههه

الموضوع كده شكله هيبوظ

احنا عايزين نعمل رابطه نضرب اي حد يجيي يتكلم علي البومه زي

ما اخواتنا عاملين في قسم كيا

ولازم نستعير منهم الجمله الشهيره

هما دول اعداء النجاح

هههههههههههههههههههههه

**bmw3m007** · 15-04-2010 06:18 PM

الموضوع ده مجاش في صالح الشارك خالص على فكره انتو شردتو العربيه .. تحيا مازدا 3 فعلا انا اصلا معجب بشكل الشارك بس اتعقدت خلاص

**أبو إياد** · 15-04-2010 06:34 PM

كده الاسبرانزا والكيا والمازدا افضل من الانسر
ها ايه تانى ؟
فاضل 8 انواع كده
ياريت نعمل دعوه لجميع ملاكى السيارات علشان يقولوا لنا الفرق بين عربياتهم والمدعوئه اللانسر

**monytork** · 15-04-2010 07:02 PM

المشاركة الأصلية كتبت بواسطة Atrees

البومة دي لو دفعولي عليها فلوس مركبهاش - مش عشان وحشة - بس عشان شكلها فعلا فاشل فاشل - شكلها وحش قوي من ورا وقدام - تيجي فين جنب الجميلة الشارك

ههههههههههه والله تخيل اول مرة اعرف شكلها فاشل فاشل كمان
سؤال معلش يا كابتن ان شوفت البومة قبل كدة ولا دة عن تخيل هههههههههه
وعلى رائى المثل يعنى اية كوكا زيرو يعنى الشارك تعيش الوهم والبومة برضة تكسب

**molly** · 15-04-2010 09:20 PM

يا جماعه احنا كده هفقد رسالتنا
احنا مش بنقارن البومه بالشارك
احنا بدى للشارك حقها
لكن اى واحد يملك الشارك يحترم البومه
ولو اعلان واحد لاحمد السقا فى الصحراء بالعربيه مره فى الشهر هيعمل شغل
لكن للاسف الوكيل ليس لديه رؤيه طويله الامد
وضيع منه شريحة بيعيه استولت عليها الكيا و الهيونداى

**king1974** · 16-04-2010 01:24 AM

السلام والتحية على كل لانسراوى شاركاوى انا على فكرة ياجماعة اشتريت سيارتى الشارك gls 2010 hiline1500cc فى اول يناير اللى فات وانا اشترتهافى الإمارات لإنى مقيم هناك والسيارة عاملة 4800 كيلو وماشاء الله لما بشد بيهاحتى وانا مشغل المكيف السيارة عفية بس المهم اللى هيشترى الشارك ميقرنهاش مع البومة او الكرولا او السيفيك لان يا جماعة بإختصار دى حاجة ودى حاجةوماكينة الشارك المايفيك مختلفة عن الماكينات العادية لإنها ماكينة رياضية وكفاية ان شركة مرسيدس بجلالة قدرها معتمدة على الماكينة المايفك فى احدث انتاجها
مشكلة الشارك حاليا حلها فى المقام الأول بيد شركة ميتسوبيشى نفسها لان مينفعش انتج جيلين من موديل واحد ( ده اسمه طمع ) اكيد فى جيل هياكل التانى واحنا الحمد لله فى مصر بنشترى على السمعة يعنى لو فلان اشترى بومة وعلان اشترى بومة وترتان اشترى بومة يبقى مفيش غير البومة مفيش تفكير احنا عندنا فى دول الخليج المصريين معندهمش غير الكرولا كل اللى يفكر يشترى سيارة يقوللك انا هشترى كرولا زى مايكون سوق السيارات مفهوش غير الكرولا طب ليه اشتريت البومة او الكرولا يرد ( اصل فلان اشتراها ) بصراحة وبدون تحيز وبموضوعية تامة السيارة الشارك وعن تجربة تعتبر من افضل السيارات حالياواعتقد ان شركة ميتسوبيشى كانت سباقة عندما انتجت هذا الموديل

**M.Akef** · 16-04-2010 01:25 AM

ولله يا جماعه انا نفسي اجيب شارك اصلا بس سعرها هو الي معجز الواحد لو تنزل شويه كمان هتلاقي انتشار رهيب

**molly** · 16-04-2010 07:02 PM

المشاركة الأصلية كتبت بواسطة medoakef

ولله يا جماعه انا نفسي اجيب شارك اصلا بس سعرها هو الي معجز الواحد لو تنزل شويه كمان هتلاقي انتشار رهيب

ممكن تلاقى موديل 2008 مانول 104000

-

الموضوع: أتحاد محبى الشارك(كفاية على البومة الشارك مظلومة)

LinkBack

أدوات الموضوع

عرض

-

-

-

المواضيع المتشابهه

قطع غيار الشارك

تسارع البومة مع الشارك والسيراتو والمازدا 3 ... مفاجأه

اية اسباب فشل الشارك

اخبار ثبات الشارك ايه - برجاء الرد من ملاك الشارك

الشارك الرياضية 2010 أم البومة الرياضية 2010

الكلمات الدلالية لهذا الموضوع

المفضلات

المفضلات

ضوابط المشاركة